شنو حطيتي ميكب اليوووم؟؟

[شهووده]

أهليين بنااات شلوونكم ؟؟

بنووته ونحووله وجمووله وريماني ولبستك وألماس وقلب بدر وأم بدر ونطووعه ومس قولدن وكوكو ومريووما وكل البناات

قعدت أقرى لووكاتكم مشالله مبدعين .. لو ندري جذيه بتحلوون عالعيد جان خليناه يجدم شوي :dddds:





نحووول

أهليين حبيبتي :*

مااقريتي لووكي مال أمس ؟؟

جيكيه واقري لوكي حق اليووم ..




اليوم رحت أتغدى بفرايديز مع رفيجتي فلبست بدلتي الثانيه .. نفنوف موديله واايد غريب لونه أوفوايت وقولته ذهبيه وجفسة

الجموم ذهبيه وحزام تحت الصدر من نفس الخام هم ذهبي ينربط على شكل فيونكه وفيه كسرات كبيره من جدام بس ..

ان شالله موديل النفنوف وصلكم ومعاه لقينيق ذهبي مطفي على بيج .. شيلتي بقتها من إختي لأن الخياط خرب شيلتي

بيجيه على ذهبي وستراسها على الويه ذهبي منثر .. وفلات أوفوايت وجنطتي البولغري أوفوايت بذهبي ..

فكان لوني واايد فاتح وحلوو حق النهار .. حطيت مرطب البودي شوب بالفيتامين E وعقب شووويه من فاونديشني المفضل

دريم مات .. أندر آي كونسيلر من ماكس فاكتور .. وتحت حواجبي حطيت نايلون .. على الجفن حطيت البير ستدي بينت

بوت وحطيت فوقه شدو mulch velvet من ماك لونه بروونز ولمعته اتينن .. سويت رسمتي المعتاده .. بالفلويد لاين

بلاك تراك رسمت عيني من النص من تحت وسحبته شوي لي بره وعلى منبت رموشي اللي فوق حطيت خط كحل ضعيف

وموهته بالبينسل برش ودمجته مع الشدوو .. وكحلت عيوني من داخل بكحل ريفلون لونه بني على برونز وعقب

مسكرت رموشي بفوليوم فلاش واكزاجريت وحطيت بلش من ريميل لونه برونز بس حطيت خفيييف لأني ماحب البلش

البرونز ولازقه بدرجات الوردي لووول

حطيت تحديد سماينلق لونه بيج فاتح وحمرة ماك بلاستك لونها برونز غريب وايد حلوو وبس ..

وعقب ماخلصنا غدا واحنا طالعين غيرت حمرتي وحطيت حمرة حمره من ريميل حلوه رقمها 321 اسمها ديفا رد لونها أفتح

من نوبا مع تحديد ريميل الأحمر وحسيت اللبس طلع أحلى من الحمره الحمرا بس لأني رحت الغدا مبجر فماكان مزاجي أحط

أحمر وأنا عشتوو أحطه لما مزاجي حلووو بس

وعقب رحنا حلينا بستاربكس مجمع شيخه وردينا بيتنا والحين غيرت حمرتي وحطيت حمرتي اللي نفس لون غيرل أباوت

تاون بالضببببط ..



وسلامتكم ..

 

[مريوما الحلوه]

نايس لوك شهوده

 

[Na Na]

انا ماحطيت ميك آب لاني ما طلعت الييييييووووووم
بس اذا طلعت مكياجي ما يتغير احط مرطب من بدي شوووي الووردي (فيتاامين ي)
وبعدين كريم اساس : ( ومو كل مره الاساس ) ( الاسااس ماركة ميبيلين )
احط كحل داخل عيني فوق عيني خط ضعيف( ماركة كلارنس )
الشدوو : اكثر شي احطه بنيييي واذا بغير يعني احط الووان ثانيه ( ماركة ماااك )
البلاشررر: اموووت على لون المشمشي ( كان عندي ماركة لانكوم لونه عجيب بس ماقامووو ييبونه والحين قمت استعمل من مااك )
القلووووس : اكثر شي استعمل وردي فاتح بس اكيد بغير ساعات احمر او فوووشي وبعد لون المشمشي عجيييب

 

[نجمه الحالمه]

هلا شهووووووده ياقلبي



وعيونج الحلوووة


ونايس لوكـــــــــــــــــــ

وبالعافيه فراديديز معني صراحه مااحبه

الحين بالافنيووز حطو مطاعم يديده روووعه مطعم اللبناني ​

 

[بنوتة نعومة]

هااااااااااااااااي


شلونكم كلكم

شهوودة ناايس لووك حبيبتي

هاااي جموووله هااا اليوم بعد بتخرعيني :dddds:

مريوووم افضل اللفه البنية احب الغاامج

انا توني واصلة البيت رحنا سيرنا على بيت خال امي

لبست البلوزة البرونز << تصدقون بدلتي البنفسجية ما خلصت ليلحين يبيلها جم شغله عشان تخلص

المهم الميكاب

مرطب ماك مال الويه و العين

فاونديشن ماك و البودر <<< بوث اوف ذيم ستديو فكس

كونسيلر فورايفير

بينت بوت عالجفن كاااامل لونه بيج ماات اسمه لاين لو

شدو برونزي غامج بلمعه اينن من نارس و خففت من حدة اللون بشدو هني لست من ماك هاذة عالجفن المتحرك و عالجفسه حطيت شدو نارس بني محرووق غااامج بلمعه و دخلته ليه داخل سويت نفس شكل الهلال <<< هلال العيد :dddds:


و بعدين بفرشة ماك مالت الدمج دمجت الالوان مع بعض وو سحبت الشدو لييييه فوق يعني ليه تحت الحاجب

بعدين بجمنت فانيلا حطيت تحت الحاجب بس صار لونه حلو و غريب لانه اصلا تحته الشدو

و طبعا امي ماشالله عليها لاازم تسير علي وو تحننننن

فرسمت عيني بسرعه بسرعه بالفلويد لاينر البلاك تراك سويت رسمة القطوووة بس ماشالله من السرعه طلعت اضبط مرررة :ggdw:

و حطيت طبقتين مسكرة هيبنوز وو لبست عدسات تراي كولور العسلية << الي وحدة منهم ضاعت داخل عيني :dddds:

و بلش nanuce من ماك المشمشي فوقه بلش لونه مادري شلون من نارس لونه وردي على بنفسجي و لمعععععه طشارية اتينن اسمه oasis اليوم اختي الكبيرة شرت مثله :eh_s(6):

و حمرة الغيرل اباوت تاون الفوشية وو فوقها غلوس شانيل فوووشي بلمعه تبرررررررق بنفسجية اموووت عليه هالغلوس

و حطيت عطري اليديد مال سان لوران الفوشي وو خلطت معاه عطر فلور بومب الغامج



و بس :eh_s(6):


و الحين يوووعانه

و انشالله يوم الاحد او الاثنين رجييييييييم

قطيعة الاحد دوام بجابل الهلااقه :eh_s(14):​

 

[شهووده]

بعد عمري بنوتاات عيونكم الحلوه :*



يعافيج جموول أنا أحب فرايديز البحر أستانس على قعدته .. وأكله عاادي بس أكثر شي أحبه وأروح فرايديز عشانه مشروم

جكن آند مشرووم لأن حددددي أحب المشروووووووم ..



بنووت أحب البروونز يهبل عالعين عشان جذيه للحين مامسحت مكياجي مستانسه فيه لووول :dddds:

وعاليووع وااي سكتي أنا حدي يووعانه بس بقااوم .. أنا ماآكل عالغدا بس عالعشاا أيوووع وأخربط :/

فالحين قصيت على روحي بسلطة جرجير وطماط مجفف وبارميزان جييز

 

[بنوتة نعومة]

وااااااااي شهووودة انا بعد ليلحين ما غسلت ويهي مستانسة على ميكبي وو امووووووووت بالمشرووم :dddds:​

 

[شهووده]

بنااات طافتكم أماني البلوشي توه عالراي .. الحفر صاير ببلاااااااش :0bee2e8d89:

حاطين حفلة بلبل اللي بالرايه <<<<<<<< اينن حدي أحبه


أبي آخذ رايكم ..

باجر استقبال رفيجتي بس بالبيت .. بلبس نفنوف أسود قصير موديله حلوو فيه فتحه من جدام تطلع الصدر ومن ورا يطلع

الظهر ومن النص قطعة خام جنها حزام لازقه فيه لونها برونز طويله وتنربط تصير فيونكه ..

قلت بحط ميك أب بروونز وتراجي عسلي على برونز بذهبي وكعب برونز وإنتوا بكرامه ..

أنا مسويه فرنش مانيكير أول العيد لأنها يتني عزكم الله ومافطرت ولايوم _03BA: فأخليه ولا أغير الصبغ وأحط برونز ؟؟





بنوووت شفتي بينا وايد أشيااء مشتركه :ggdw:

 

[مريوما الحلوه]

نايس لوك بنوته

وعلى اماني البلوشي بدعت

وخليج على الفرنش احبه شهود احلى وانعم

 

[نجمه الحالمه]

هههههههههههههااي بنوته
حرام عليج انا المتخررعه ،،،

بس توووووووووبه افتح اليوتيوب خليني علي مكياج ابرك هههههههاي

ولوكج حلوو بنووته


وشهوده بالعاااااااااااااااااافيه


وانا قالولي عن اماني استخفت الحين معنا مخطوووبه الشرهه علي ريلهااا @@​

 

[نجمه الحالمه]

وين مس قولدن من بدا العيد ماتبين الظاهر تزوجت من بعض الناس ههههههههههههههههااي

وعايشه شهر عسل اللــــــــــــــــــه يهنيها ان شــــــــــــالله

ولبستيك والماس بعـــــــــــد،،​

 

[نطوووعه]

هاااي بنااااات

اليوم لوكي اي شي


مرطب

كونسيلر فيجي

كحل فوق الرموش طيرته


ماسكرا هيلينا التايقر


مرطب لا بيلو بالكرززز


ريماااني شنو خلطتج غششيناااا؟

بنوووت الاساس مال ماك مالج يصلح للبره الجافه؟ والا تحسينه ناشف؟؟ ابي شي دسمممم

و تفس السؤال بالنسبه لمال فور ايفر اج دي؟؟


جموووله نايس لوووك حبيبتي بس بسئلج


الكحل الذهبي شنو ماركته

و لون حطيتي شدو اسود بالنص؟؟ تقصديين بجفسه العين؟؟

 

[نجمه الحالمه]

تسلمين نطووعه

الكحل الذهبي باي مكان تلقينه وانا شاريته من مكياجي وتقدرين تدمجين معاه شدو ذهبي يطلع حلووو ،،


اي ا لاسود حطيته بجفسه العين ،،،ا​

 

[بنوتة نعومة]

هاااهاااي جموولة اي احسن خلج عالميكاب :dddds:

نطووعه فاونديشن ماك يصلح اكثر شي للبشرة العادية و الدهنية بس مال فورايفير لااا حق جميع انواع البشرة فيه وحدة تتكلم كويتي ( عاد مايندرى عنها كويتية ولا لأ ) اهي سمرة اسمها غصون تشتغل بميكاب فورايفير المرينا قالتلي هالفاونديشن حق كل البشراات و صج حلو تحسين نعوومة ببشرتج ​

 

[Na77olah]

هلووووووووووووووووو بنات

شلونكم


قبل نص ساعه راده من مطعم بيكوك :cxxxp: ما احب هالأكلات



شهوووووده حبيبتي قريت لوووكج وكنت بالشاليه امس لووووووول بس تذكرت انج كنتي كاتبه انه بدلتج البيضه سوت ضجه <<<<فسؤالي شلون سوه ضجه وشنو التعليقات ؟؟؟

واليوم بعد نايس لوووك وانا بعد عندي نفنوف اووف وايت بذهبي ماني عارفه شركب عليه لفه عاجبتني لفة فندي ذهبيه باووف وايت بس غاليه وماراح استفيد منها وايد اهيا باميه وشوي متحسفه اخذها

انتي شلون صايره لفتج ؟؟ خذيتيها من بنت العنزي ؟؟؟


وضحكتيني كل شوي حمره وصح اتوقع كلنا جذي الميكاب اهوه مزاااااااااج

وعن الصبغ حطي لون احمر



بنووووت عليج بالعافيه الأغراض ويبيلنا نجهز حق الشتا الجووو قاعد يتغير واليوم كنت حدي بردااانه وبلاعيمي شابه علي



اي وين قولدن وباجي البنات

 

[Na77olah]

هلوووو نطووووعه شلونج حبوبه

وانا بعد بعرف شنو خلطت ريماني بالفاونديشن


وبنوووت انا بعد انشالله ببلش رجيم من يوم الاحد ريلي بيسافر يوم الأثنين يعني ماكووو مطاعم وخرابيط اشووووه

 

[نجمه الحالمه]

اهلا نحووله

حياج الله

واف وات حلوو معاه ملفع بني​

 

[Na77olah]

هلا والله جمووووله


امممممم ابي لون ثاني ما افضل البني واااايد

 

[قطاوي]

:001:




اشلونكم ياحلوين

توني راده من الافنيو مكياجي شوفوه

<<<<<< صورتي الشخصيه >>> بختصار لوووول











يـــبـــيـــلـــه
مـــيـــاو:001: مـــيـــاو
يـــامـــيـــاوووتــي

 

[شهووده]

لوووووووول نحووول أقصد إني سوت عليه ضجه هني بالموضووع على سالفة شنو أركب معاه لقينيق وشيله

بس أهو بالصج هم طلع حلوو وناعم الحمدلله لأن لون الشيله وااايد غريب ..



اممم شوفي الشيله مثل ماقلت بقتها من إختي ماخذتها من غدير العنزي ..

لونها بيجي على ذهبي وااايد حلوه وستراسها منثر بطريقه ذربه وحلوه تغيير عن اللاين الواحد ملينا منه ..

شوفي اذا تبين جربي تروحينلها لأن العيد خلص فتشوفين على راحتج .. ألوان وخامات على كيف كيفج

<<<<< سويتلها دعاايه

وتصدقين فكرت بالصبغ الأحمر بس لازم أحط حمره حمرا .. هم فكررره .. نشووووف






مريووما

اي يهبل الفرنش يخلي الايدين ذربه لوول