شنو حطيتي ميكب اليوووم؟؟

[شهووده]

هاااااااي بنووتااات ؟؟

كيييييييفكن ؟؟




نطووووووووووعه حبيبتي ولكم باااك ..

وينج ؟؟ فقدناااج والله .. مطووول الغيبااات :*




نحوووله

يردلكم بالسلامه يااارب ..

وحساافه كل ماتحطين صور الكتاكيت مالحق عليهم :/

الله يحفظهم لج ان شالله ..






مس قولدن

لوووول خلاص الحين أي شي ذهبي بيذكرج فيني

عليييج بالعاافيه شحلووووهم .. وترى يشابه حزام أمل العوضي .. نفسسسه شايفتها كذا مره تلبسه












ان شالله ماكون نسيت أحد لأن واايد صفحات طايفتني مشالله ..

 

[مريوما الحلوه]

انا بخير الحمدالله بنوت زين تسوين واااي اليوم ينيت على بلاشراك نارس تبرق يشوقون بس خفت من امي تكفخني قلت اروح بروحي اخذهم

 

[ام_بدر]

باك

 

[بنوتة نعومة]

اي مريوووم بلشات اتين الوردي بو لمعه و المشمشي انا رحت سيفورا بس امي لاحقتني وين ما اروح لان بس انا معاها فقاعدتلي قعدة :dddds:​

 

[نطوووعه]

مريوووما حبيبتي كااااني موجووده وانا تمااام ولهاانه عليكم

قوولدن الله يحيييج ويبجيييج حبوووبه ماشاء الله حزااامج يشووق من وين بضبط بالمبااركيه؟؟

بنووووت ماعندي الاوف واايد حساافه و الهني لست فاااتح يبيلي اغمج يمكن احط امبر لايتس و اخلط معاه الهني لست و بدلتي مايلووق عليها البلو برااون حسااافه


شهوووده ميرسي حبيبتي :*


نحوووووووله ازييييكككككككك على حظي لما شبكت فصلتيييييييي و ماشفت كتاكيتج حسااافه

 

[ام_بدر]

اهلين شهوووووووووووووووووده شخبارررج

 

[Miss Golden]

شهوده..

ايييه صح







نطوعه..


الله يعافيج حبيبتي

الحزام الله يسلمج من سرداب الشايع اللي كله مكياج .. اكيد عرفتيه صح؟!!


اذا ما عرفتيه خل اقولج شقلت حق ام بدر عالخاص


اذا تذكرين مصافط السيارات قبل اللي صارت الحين محلات عطوور.. جدام المسيد

تحته على طول سرداب الشايع كله محلات هنود تلقين الحزم معروضين بره المحل.. اهو يبيع شباصات واكسسوارات و مكياج

​

 

[ام_بدر]

انا شريت بدلت العيد بس باقيلي الملفع ابيه اوف وايت ويكون فيه ستراس فضي الي يكون خطوط صايره بالطول على الراس
من الطويل الى الاقصر الاقصر والخط نفسه فيه تدرج بالاحجام يني صغير الى الاكبر مادري شرايكم اشتري شوارفسكي ولا خلاص زودناها​

 

[Miss Golden]

لوكي اليوم نسيت اكتبه :eh_s(6):



طبعا رحت الافنيوز اليوم بس ما افترينا بالمحلات وايد.. تعشينا بزعتر وزيت لان اختي من امس مشتهيته واساسا ما تفطرنا عدل..





لبست جينز سكني غاامج وقميص ابيض طويل عليه الحزام الذهبي اليديد.. شكله واااايد مرتب و حلووو

ما جنه على دينار الحزام _03BA: صج صج شكله راقي عاللبس


شيلة بولغاري الشيفون البيج ومكتوب بولغاري بالبني..

صندل ذهبي و جنطة Guess ذهبية كلهم ذهبي مطفي

وساعة Police الذهبيه وايد أحبها







مكياجي..

حطيت بيس كلارنس.. بودرة كانيبو

شدو نايلون تحت الحاجب و دمجت شدوين بدي شوب اللي صايرن مكس بنفس العلبة "سماوي ببرتقالي" طلع اللون رووووووووعه وطبيعي حده وفيه لمعه.. مافي لون معين بس قريب لون النايلون اللي تحت الحاجب :ggdw:

خطيت عيني بكحل مكياجي الاسود رسمة القطوة بس ما مديتها وايد من جدام.. وموهت الكحل لي بره وعرضته شوي

ماسكرا لوريال الذهبيه

بلاش danity من ماك

والحمره اللي امس شريتها من ماركة مكياج اللي لونها بيجي على مشمشي..











المهم لان عيد ميلادي 10-10 الهدايا وصلتني بكير من بعض الناس لانهم راح يسافرون عقب العيد :klhfl:


جنطة فالنتينو و عطر عربي وايد ريحته حلوة..

​

 

[ام_بدر]

وايد حلو ستايلج تقريبا مثلي وانا حبيت الحزام الذهبي اكثر من الاسود ان شاء الله بروح اشتري منهم بس جان زين القى الواان خاطري بأوف وايت وكل عام وانتي بخيييييييييييييييييييير مس

 

[Miss Golden]

وانتي بخير حبيبتي أم بدر.. :tek:

انا شفت اسودو ذهبي وو بني غاااااااامج

ماشفت الوان بس يمكن تحصلين

​

 

[ام_بدر]

بعد شكو ماكو مس قولدن وين رحتي شلون السوق معاج؟؟​

 

[ام_بدر]

في واحد اسمه كومار ايي البيت اختي عندها رقمه يبيله مكياج والله والحمر الي انتي حاطتهم واايد حلوين ماركت مكياج ثابتين وياربي الواانهم راقيه مثل اللحمي والوردي الفاتح يشوقون ودج تاخذينهم كلهم​

 

[ام_بدر]

بس مادري مو وايد اشياء عجبتني غير الحمر الي عنده​

:eh_s(1):

 

[شهووده]

مس

حبيبتي كل عام وإنتي بخير مقدمًا :*

وعليج بالعااافيه الهديه ..

حبيت لوكج الذهبي _03BA:





أم بدر

هلا وغلاا حبيبتي ..

عليج بالعاافيه البدله .. يلا أشوووه خلصتي ..













بنوتاات قررت قراار خطيييييير :/

لووووول يعني أهو موخطير بس خطير بالنسبه لي !!

ماراح ألبس لقينق أبيض مع نفنوفي الأبيض اللي فيه تطريز اللي خبيتكم فيه لوووووول

لأني استلمته اليوم وجربته مع اللقينق الأبيض صرت جني سستر خصوصًا إن شحاطتي وإنتوا بكرامه أحمر بأبيض

وللحين ماشفتلي شيله بيضه عالمزاج .. فقررت أشوفلي لقينق أحمر :/

مستحيه ألبس هاللون بس أمي زفتني قالتلي عمرج 20 سنه ومستحيه تلبسنه لووول صغرتني سنتين

وقالتلي أهو مومبين منه إلا نتفه لييييييش مستحيه !!

أنا أحب اللون الأحمر وكل لبسي أحمر لووول بس أقصد إنه لقينق وأحمر :///


فشكلي باجر بروح أشوفلي واحد أحمر وأمري لله .. وبمر غدير العنزي يمكن ألاقي عندها شيله بيضه بستراس رينبو

لأن خاماتها حلووه موكريب !!











سؤال صغنن حق حبيبتي مس :*

ماانتبهتي إذا أكو بأنوتا لقينق أحمر أو لأ ؟؟ أنا كلللش ماانتبهت أمس !!

 

[Miss Golden]

وانتي بخير يا قلبي شهوده :*


حلو الليقنق الاحمر ترى جرئ بس مادام مو مبين منه وايد حلوووو خصوصا للعيد

ما اتذكر اني شفت حبيبتي في انوتا الفنار!!

بس يمكن جيكي عليهم وشوفي زارا مره وحده وباجي المحلات..


اوووو.. شرايج تدقين عليهم باجر وتتأكدين؟!!

اخذي رقمهم من الجيس اذا مكتوب عليه اوو من البداله

​

 

[Na77olah]

هلووووووووووووووووووو بنات


شلونكم

نكا نكا



نطووووووووووووووووووووووووووووعه واخيرا شسالفتج وين كنتي وليش ماكنتي تشبكين عسى المانع خير قمت احاتيج

وعلى فكره ترى الصفحات كانت اكثر من جذي بوايد بس قبل يومين المنتدى ما ادري شسالفته اكل الصفحات مو بس اهني بكل مكان

وعن المسكره جربي arrogance فل فوليوم سوادها وتكتلها عجيب وماتخلص بسرعه تطول معاج موجوده بسوق السالميه بمحل الي يبيع برجوا وغيره اهوه يم السلم








ريماني

انشالله يرد بالسلامه ويمكن ماخبرج لأنج كنتي ماتعطينه ويه وبيشووف غلاته عندج والله ترى الدنيا ماتسوى لا تدققين ترى راح تتعبين طوفي وراح ترتاحين


قولدن

حبيبتي عليج بالعافيه الأغراض


بنوووووووووووووووووووته

انا ياتني فتره اتبعت هالطريقه الي الحين قاعده تنفذينها بصراحه كانت متعه وكنت عايشه حياتي واهوه ميت من القهر لوووووووول
وبرج الميزان في شغله ما احبه يعني الناس الي من هالبرج الي اعرفهم فيهم هالخصله كله عند نفسهم انه اهمه التوب ومايحبون احد احسن منهم

وعن فيث ترى كلش مو مريح ماكووو على الدوو الصراحه

وعن الأظافر يارب شكثر اعاني


مريوما

عليج بالعافيه الأغراض وتعالي ليش شاريه الرجالي بس حق منووووووووووووووو هي هي هي هيييييييييييييييييييي


الجمال المستحيل

بعد عمري والله انتي عالبال


ام بدر

في اشياء تخلي كريم الأساس مايكون ناجح اولا اذا كان طالع الشعر لوووول وثاني شي اذا كان مقشر يعني ماتكونين مسويتله سنفره والبشره ماتظل على حالها كل يوم لها شكل


الماس ولبستيك وشهوده

شخباركم



اليوم كنت طالعه مع ريلي عندنا كذا مشوار واخر شي رحنا بيت اهله

كنت لابسه تونز ذهبي نص جم ينربط من جدام وتحته بدي اسود طويل ولفه بنيه عليها اللوقو مال ايس بيرغ وجنطتي جس كبيره لونها برونز وازرق على رمادي ما ادري شلون صاير وصندل برونز

وكنت حاطه شدو وردي فااااتح من بدي شوب ورسمت عيني من تحت بكحل ريفلون اسود وسويت بوز خفيف من جدام ومديته ليه بره وفوق الجفن رسمت خط خفيف بالكحل ودمجته مع الي تحت ومديتهم ليه بره شوي يعني الطرف كان عريض وحطيت مسكرا arrogance <<شاريه وحده يديده حق العيد وحمرة ahoy there وردي فاااااااتح

وكنت لابسه عدسات توتي بني فاااتح



وبس

 

[[لين]]

انا متابعه الموضوع من زماااان صفحه بصفحه

بس مادري ليش ما ااشارك لول

 

[شهووده]

مس


اي شكلي بدق عليهم أحسن لأاني دقيت على مونتانيا اللي ماخذه منهم الأبيض قالولي ماعندناا ..

وأشوه أنا نووعي أحتفظ بالفواتير ..




نحوووله


هلا حبيبتي :*

نايس لووك قاعده أحفظ لووكاتكم عشان أجرب رسمة عين يديده في الفتره المقبله ان شالله

 

[Na77olah]

قولدن عليج بالعافيه الهديه وتستاهلين يا عسل


ونايس لوك حلووو الأبيض مع الذهبي عجبني

من وين خذيتي القميص وشلون طريقته من تحت ومن فوووق ؟؟؟؟

وشرايج بالحمره اليديده ؟؟؟ انا عندي بس لون واحد منه الي امس خذيته



شهوده


ما احس انه بيطلع حلو الليقينق الأحمر اخذي ليقينق ابيض الي بطرفه يكون دانتيل والصندل احمر فبيطلع حلووو



ام بدر

عليج بالعافيه البدله