شنو حطيتي ميكب اليوووم؟؟

[marioom]

بنوته عليج بالعافيه ان شاءالله

شهوده
سجلت اسمه عندي مشكورة واايد
وانا ماحب المسكرا لان رموشي مو صج
اهمه طوال شوي بس رمش اطول من رمش احس المسكرا اتبينهم
وانا مابي يبينون حيل فاستغنيت عنها باغلب الطلعات
​

 

[شهووده]

ليب ستيك

ولووو حبيبتي :*

والله زيين تسوين .. أنا رمووشي مشالله طوااال وكثااف ولما أحط الماسكرا يصيرون جنهم تركيب ووالله من كثر مايسئلوني

اذا مركبه رمووش أو لا الحين رمووشي يحتون بشكل مووطبيعي وصايرين خفاف وقصار بعد تخيلي !!

أذكر مره وحده بفافوم مرينا اسئلتني مركبه رموش قتلها لأ جان تشهق بويهي شهقه أعووذ بالله :/

بس تعودت عالماسكرا أحس مكياجي موكامل اذا ماحطيتها !!

 

[Miss Golden]

ليبستيك..

حلو البنفسجي مع الرمادي الفاتح....

انا عندي لبس هاللونين مع بعض ذكرتيني يبيلي البسهم على يوم..

ونايس لوك حبيبتي.....









بنوته..

بالعافية عليج اغراضج حبيبتي ...












شهوده..

بعد قلبي انتي انا الحمدالله زينه.. رحت الطبيبه اليوم و بغت تعطيني يومين بس قلت لها يوم واحد بس

عطتني دوا شراب حق اللوعه اخذه قبل الاكل بنص ساعه..

والحمدالله خذيته وان شاءالله اصير احسن



بغيت اسألج عن بيت 32 وين صاير مكانهم بالضبط؟!! تعرفين العنوان......!!

ودي امرهم واتطمش

​

 

[Na77olah]

كاني كاني موجوده بس خل اخلص من البيبي العود لوووووووول

 

[Miss Golden]

شهوده..


انا العام شريت من معرض القادسية بدلة حدها كيوت وستايل كانت .. مثل البلوزه الطويلة ومن تحت ضيجه وتحتها بدي لونها رمادي فاتح بوردي فاقع .. قالت لي الكويتية اللي تبيع انها من تركيا و يابت منها قطعه وحده وتنفع للبنات الضعاف مثلي ومادري شنو

شريتها ب 30 بعد الخصم تخيلي


عقب العيد رحت سوق السالمية الوردي ولا اشوفها على المانيكان ب 10 !!!!!!!!!!!


تكفين تتوقعين شنو كان شعوري حزتها...........!!!!!!!!!!!!!






No Comment

​

 

[قطاوي]

:001:




بنوته

فديتج ياحياتي فديتج عادي
انا اليوم ماقدرت اطلع عمتي زارتنا فتاجلت الروحه
انا بمر ماك على يوم وبسالها شنو الفرق بين درجات الC والN والNC
واللي استعمله يابنوته موn30 انا استعمل الc30 ياحياتي











يـــبـــيـــلـــه
مـــيـــاو:001: مـــيـــاو
يـــامـــيـــاوووتــي

 

[بنوتة نعومة]

مس غولدن ما تشوفين شر شفتي حتى الدكتورة تبي تعطيج يومين

شهودة انا بعد معاج اقوول انه المسكرا اهي الي تحلي مكياج العيين


يلا بناااااات انا بنام تصبحون على خير ​

 

[بنوتة نعومة]

ويييييه الحين لمن بغيت انام شبكتوا

يلا بقعد شوي معاكم ​

 

[Miss Golden]

بنوته..

اييه شفت..

بس رفيجتي تقول لي اليوم وايد صبيان غابوا اليوم عشان عطونا عطله الاسبوع الياي

ان شاءالله باجر يغيبون وارتاح بعد



انا شوي وبنام حدييييي تعبانه

​

 

[شهووده]

مس

ماتشووفين شر حبيبتي ويلا ريحي شووي أحسن لج :*

شوفي أنا بدليج على طريجي من الدائري الرابع .. اذا كنتي يايه عالدائري من صوب الروضه .. تكون الروضه على يمينج

والسره على يسارج .. تصعدين جسر الروضه وعقبه تصير العديليه على يمينج وقرطبه على يسارج ..

أوووول دخله حق العديليه دخليها .. مكتوب شارع سلطان الكليب .. امشي شووي سيده بتشوفين البيت على يمينج ..

لونه بيج ومكتوب بيت 32 .. اذا رحتي بالليل أكيد بتعرفينه لأن يكون جدام زحمه وسيارات بس أحسن شي إنهم حاطين فالي

رووحي تطمشي ترى عندهم أشياء اذا دورتي .. وطبعًا أكو أسعار زوينه ومعقوله وأكو أسعار تضحك لوول لما تشوفين

الموديل وجودة الخام !!


وبالنسبه حق هالحركه لووول والله أنا أمووت حره بصراحه .. يعني احنا فاهمين إنكم تسترزقون الله بس موجذيه عااد !!

تستغفلون الأوادم !! يعني خل يكون ربحج من القطعه 10 15 مو 30 ديناااااااار !!

أهم أسعارهم جذيه لأنهم لويحطون 10 وإلا 100 محصلين اللي ياخذ منهم :0bee2e8d89:







لوول عدلت ردي بنوووت ..

يلا خلج شوي ويانا ..

سوالفج مااتنمل :*








حيا الله نحووووله

وينج فقدنااج ؟؟ :*

 

[بنوتة نعومة]

اي صح انتي c مو n نسييت

انا لمن دخلت ااسيارة وو طلعنا من المرينا تذكرت الدرجة الي تستخدمينه

دقيت قالت انه ال c الوانه فاتحة بس ال nc يكون على اصفر ذهبي و يكون طبيعي


واااي مابي اصير صفرة .و حسافة لاني مو مذكرة الدرجة الي كنت استخدمها ايام الجامعه بس كنت كله برونز مو نفس لوني الحين

مابي اصير صفرة مابي مااابي :lkmnkl:​

 

[marioom]

شهووده
اقري على روحج قبل لا تطلعين من البيت العين مو هينه اصلا في معلومة عرفتها مؤخراً ان المقبره نصها ميتين موته عاديه والنص الثاني من العين بعيد الشر عنج ديري بالج العين صج ماترحم وهذي اللي شهقة بويهج صدمتيني فيها جان قلتيلها ذكري الله :eh_s(14):
والحين انا مسوية برنامج بس خاص برموشي كحل اثمد + زيت خروع لا والاثمد صارلي فتره قاطعته ان شاءالله اليوم برد

مس قولدن
صج البنفسجي الغامج ويا الرمادي وايد حلو احلا شي لي صار شتوي بعد لان في رمادي
وماتشوفين شر ان شاءالله :yaaaaaarb:
​

 

[ام فهووودي]

مرحبا بنوتات الاناقه والجمال

انا بدلتي لونها بنفسجي مع بدي رمادي فاتح وسكني جنز رمادي فاتح

ابي رايكم شنو الملفع اللي يصلح معاها ولون الجوتي والجنطه والحزام لان مالي خلق افكر فهودي اسم الله عليه مومعطيني مجال

 

[قطاوي]

:001:





بنوته

ياقلبي انتي خلج على درجات الc احس احسن وحلو لونهم طبيعي

لان اختي اسمر مني تستعمل درجة الnc

انتي شنو لون بشرتج

انا لوني حنطاويه مايله للبياض اشوي










يـــبـــيـــلـــه
مـــيـــاو:001: مـــيـــاو
يـــامـــيـــاوووتــي

 

[Miss Golden]

ثانكس حبيبتي شهوده وماقصرتي

يبيلي اروح اشوف عيل بس ماني مخليتهم يقصون علي هالمره


.

.

.


بنوته..

تصدقين انا الستوديو فكس مالي لا C ولا Nc

انا N بسسسسسسسسسسس N5

​

 

[Miss Golden]

ليبستيك..


الشر ما اييج يا عمري :tek:

​

 

[قطاوي]

مرحبا بنوتات الاناقه والجمال

انا بدلتي لونها بنفسجي مع بدي رمادي فاتح وسكني جنز رمادي فاتح

ابي رايكم شنو الملفع اللي يصلح معاها ولون الجوتي والجنطه والحزام لان مالي خلق افكر فهودي اسم الله عليه مومعطيني مجال

:001:



آنا افضل ياقلبي لون الشيله مع الجوتي ( عزكم الله ) والجنطه مع بعض لون واحد

ويكون لونهم احسن بنفسجي

وتخيلت لون بدلتج وايد حلو الرمادي الفاتح مع البنفسجي












يـــبـــيـــلـــه
مـــيـــاو:001: مـــيـــاو
يـــامـــيـــاوووتــي

 

[marioom]

او فهودي الله يخليلج فهودي اذا الرمادي اكثر شي ابلبسج عيل خلي الجنطة والجوتي ولحزام بنفسجي
واللفه اخذيها مكس رمادي وبنفسجي ؟؟ شرايكم بنات ؟
​

 

[Miss Golden]

أم فهودي..


الله يخليلج فهودي يارب وتشوفينه خريج و معرس ان شاءالله


لبسي معاها شيلة لونها رمادي او درجات البنفسجي..

تذكرت شيلتي Coach درجات البنفسجي داخل فيها شويه ابيض وايد حلوة..

هم اذا بتطلعين بالنهار الشيلة البيضا حلوة مع البنفسجي وجنطه وجوتي لونهم ابيض بعد



عموما انا اذا توهقت باي شي مالقيت له شيلة مناسبة اروح للاسود على طوووول

خصوصا لو الستراس اللي فيه لايق على لون البدلة

​

 

[قطاوي]

ثانكس حبيبتي شهوده وماقصرتي

يبيلي اروح اشوف عيل بس ماني مخليتهم يقصون علي هالمره


بنوته..

تصدقين انا الستوديو فكس مالي لا c ولا nc

انا n بسسسسسسسسسسس n5

​

:001:


حياتي ممكن اتليقف لوووول واجاوب

انا سالت موظفه ماك عن الc والnw بس وقالت

ياقلبي درجات الـ c :

درجاتها فاتحه بس تميل للبيجيات يعني طبيعيه

ودرجات الـ nw :

درجاتها تميل للورديه بس ترا ماتصلح لنا تصلح اكثر لبشرة الاجانب ونسيت لااقولج ترا على بشرتنا تقلب رمادي

ودرجات الـ nc :

مثل ماقالت بنوته درجات الاصفر وتميل للذهبي اشوي

بس درجات الـ N ماعندي اي خلفيه عنهم راح اسال عنهم











يـــبـــيـــلـــه
مـــيـــاو:001: مـــيـــاو
يـــامـــيـــاوووتــي