Miss Golden
*مساعدة مشرفات قسم الازياء والاكسسوارات*
هااااااااااااااي بنااااااااات شلونكم حبايبي؟!!!!!
ولهانه عليكم كلكم واسلكم عليكم نفر نفر
و ويلكم باك هاسب حبيبتي منوره الموضوع
قطاوي..
ستايل النوميكب واااايد نايس و ستايلي أكثر شي جذيه.. بس انا ما احب عيوني تكون ببيضا و بدون كحل.
أهم شي احط كحل والباجي عادي خل يكون خفيف جدا
وعلى طاري الشغل انا مثلج اكرررررررره الهدوء القاتل والاماكن المغلقة
وييييييع ضيقة خلق.. أحب الشغل وايد واحب اكون بمكان مثل العلاقات العامه اشوف ناس واشكال تتغير يوميا.. اكره الروتين
بنوته..
بعد عمري اليوم بالقرقيعان لبست الدراعه القصيره اللي قلت لكم عنها.. اهي دراعه و مو دراعه
من جدام قصيره لي حد الركبه و من ورا طوييله..
هذا صورتها من جدام
وهذي من ورا
طبعا بالطبيعه أحلى و ألوانها أقوى و قياسها أصغر
المهم لبست معاها بنطلون سكني أبيض و شيلة بيضا ساده وجنطة Guess كبيرة بيضا و الشحاطه عزكم الله وردية وفيها قراقيش سلفر
طبعا هالكلام الصبح بحفلة قرقيعان المدرسة..
حطيت كريم الصبح و السن بلوك عقب ستوديو فكس من ماك
شدو لونه بيجي نفس لون البشره و فانيلا تحت الحاجب
كحلت عيني بكحل من تحت و فوق شوي بالفلويد لاين من ماك
ماسكرا لوريال الذهبية
وبلاش Danity الوردي من ماك
وحطيت مرطب نايتروجينا للشفايف
طبعا الكل مدح بالمدرسة وفي ناس قالوا لي شكلج حلو وفي يطالعوني من فوق لي تحت الحمدالله والشكر عاجبهم ومحترين ومايبون يقولون :eh_s(4):
بس في مدرسة كبيره بالعمر شوي و تهبببببببل حدها حبوبه قالت لي حسافة على هالكشخه للمدرسة مايستاهلون
حلاته حق بره..
من هنيه فكرت اني ألبس نفس اللبس حق الليل خصوصا انها اول لبسه لي
.
.
.
اليوم بالليل كانت عندنا غبقة يونا حريم
لبست نفس الشي بس بدون بدي تحت يعني خليت ظهري طالع من ورا :ggdw:
لبست سكني ابيض قصير ليما حد الركبه
اممممممم لبست اساور ملونه وايد حلوين ومناسبين لللبس ستايل هندي
وساعة Guess سيرها وردي
تراجي سلفر مدورين وكبااار والقظ الثاني تراجي عنونين لونهم وردي
استشورت شعري وخليته ستريت ورفعته نص رفعه ----> لما ارفعه امي تساتنس تقول حلو عليج ويبين ويهج :eh_s(6):
حطيت بيس اول شي وبعدين بودرة كانيبو
كونسيلر فور ايفر تحت عيني لاني عقب الفطور نمت وراسي حده مصدع ومالي خلق فحسيت تحت عيني تعبان شوي..
حطيت شدو وردي من ماك ( لاتسألوني شسمه لاني شارية الباليته من ماك وهاللون واحد منهم )
عقب حطيت عالطرف و على قوس الجفن شدو بررنزي على بيجي مادري شلون صاير هم بعد من ماك وبنفس الباليته
المهم صار لونهم حده طبيعي و ناعم..
نايلون تحت الحاجب ( أبيض صدفي )
كحلت عيني من تحت بالاسود و حددت عيوني من تحت و ومن فوق بشدو ماك الاسود كاربون فطلع شكله ناااااعم حده وحلو
ماسكرا لوريال الذهبية
بلاش Danity من ماك الوردي
و الحمره من ماك الوردية Pink Nouveau والمحدد وردي من ريميل اسمه Indian Pink
المهم وبدون مبالغه واااايد شكلي طلع نايس حتى امي قالت لي اقري على روحج والكل مدح الحمدالله :ggdw:
