شنو حطيتي ميكب اليوووم؟؟

[مريوما الحلوه]

بنوووت سوي ريفرش حق الصفحه

البلاش اسمه قاله بالعربي شايني باودر اسمه نوتي حاطه صورته ب موضوع عن محمد حيفوي

بوبي براون اسمها apricot

 

[BaiTotia]

بوبي براون موجوده بفافافوم؟؟؟؟؟؟؟؟؟؟؟؟؟؟؟؟؟؟؟؟

 

[بنوتة نعومة]

اها يعني اقعد و اسوي ريفريش ليمن تطلعلي مشاركة يديدة ؟؟؟

شي جميل

لوووووووووووووووووووووول


بوبي براون الله يسلمج موجود بس بدبنهامز ​

 

[مريوما الحلوه]

بنات دامكم سهرانين عندي رحله الاحد حق ماك ابي احلا شي تشترون منه شنو ولا مره شريت منهم شي

ابي برونز مثل الي يحطونه ممثلات هوليود

 

[BaiTotia]

ماك مو وايد مجربة منهم شغلات

شدواتهم وبلشراتهم عذااااااااااب

والله لما أدش أحتار مادري أي واحد آخذ

ياليت الخبرة يكتبون أحلى الألوان

لول بنوتة يعني شبتسوين؟ لازم ريفريش أو حوسي ورجعي على الموضوع أنا جذي أسوي ههههه

 

[بنوتة نعومة]

راح اكتبلج شغلات بس روحي شوفيهم عالطبيعة اخاف مايعجبونج

COLOR CREAM BASE IN BRONZE

و قوليلهم يورونج البودرات اللماعه ملوت كولكشن فافي لاازم تاخذينلج واحد انا عندي منهم لونين وردي و بيج

و من كولكشن MQUEEN بودر ذهبي اسمه NEW VEGAS

البلش عندهم الوان اتينن

حمرة فوشيا اسمها GIRL ABOUT TOWN

و FULL FUSCHIA

الآيلاينر البلاك تراك يكون فلويد تحطينه بفرشة و لازم تاخذين فرشتهم

غلوساتهم شي عجيب بس لاا تاخذين ال LIP GELEE انا كلش ما عجبني

فرشهم حلوين

اييي و في بودر فيه لونين يعني نصين هاذة عشان اذا بتصغرين خشمج او تحددين ملامح ويهج اسمه SCULPT AND SHAPE اخذي الدرجة الي تناسبج انا عندي افتح شي

و لوشن STROBE

و سبراي FIX +

و سالي اذا عندهم سبراي ال CHARGED WATER البرتقالي احلى انا خذيتلي اثنينة خفت يخلص لان ليميتد اديشن

و من ال N COLLECTION اخذي حمر N3 , N4

و الغلوسات N1 , N2

ايننون

و من كولكشن الهيذيرت انا ماخذته كلة بس شوفي الي يعجبج منه لانه علبهم تونس عالاقل اخذيلج شي واحد لان هالعلب ماراح تتكرر <-- اذا كنتي مينونه مثلي لوووول اشتري الشي عشان علبته حلوة ههههههه

و بكولكشن هيذيرت فيه بودر برونز

و بس ​

 

[Na77olah]

وااااااي بموت بنفجر بفهم ليش الريايل غير عنه احنا الحريم



تناجرت معاه وحط راسه ونام ولاجنه في شي صاير لا ويشخر بعد وااااي يقهرني بهالحركه وانا اقعد واحترق :lkmnkl:

 

[مريوما الحلوه]

مشكوووره ما قصرتي بنوت تعبتج شكلي بروح ابسط هناك انا بنات خالتي يستخدمون كحلهم وايد حلو اسود شرايج فيه

انا احط سمايلنغ رخيص وحلو

 

[بنوتة نعومة]

لانهم رياييل قطييعه لازم جذي انتي تحترقين و اهما ولا همهم شي واذا اهما احتروا و انتي صرتي عااادي تصيرين انتي موزينه و ماتحسين و ماتقدرين و لازم تساحلين و تدلعين ياااااااااااااااااااااااااا الله يرضون لا و تشترينلهم هدية بعد

اييييييييييييييه دنيا :0bee2e8d89:

انا اقول سوي نفسج مو مهتمه و تعالي سولفي معانا و الصباح رباح​

 

[Na77olah]

يه يه شعليه بنوته سهرانه من قدها ماعندها دوام ماخذه مرضيه






وااااي حسافه بس باقي يومين على اجازتي

 

[بنوتة نعومة]

العفو ولو اذا ما ساعدكم عيل وين اودي خبرتي مالت ماك كل يووم مجابلتهم حق شنوووووووووو ؟؟؟


بس انتي ادعلي و انا اضبطج


لوووووووووووووووووووووووول

طراره طراره مو دعوه لووووووووووووول

و كحلهم صح نسيت اكتبه اسمه SMOLDER جنه جذي اسمه ولا انا مألفة الاسم ؟؟؟ بس اهو فيه هالاحرف الي كتبتها

صج اينن و روووعه اخذية بس انا قمت استخدم الفلويد حتى حق داخل عيني هم اسووووووود

و مال سمايلنغ انا جربته حلوو سوادة بس بسرعه يسيح​

 

[بنوتة نعومة]

شفتي شلون نحوووله هاذي فايدة الطبية

صج ونااسة الحياة بدون دوام بس معاش اييج آخر الشهر

وااااااااااااي رااحة ابدية ​

 

[BaiTotia]

الله يعطيج العافية بنوتة

نحولة الله يعينج .. إنتي بعد إرتاحي

 

[مريوما الحلوه]

[/b]مشكوره بنوته واي شي اشوفه حلو راح اقولكم انشالله انا اخر مشترياتي فاونديشن استي لودر وبلاش بوبي براون [/b]

 

[BaiTotia]

مريوما شلون مال إستي لودر؟؟

أنا جربته على إيدي حسيته ثقيل

ماينفع حق كل يوم

 

[مريوما الحلوه]

شوفي هالموقع مال بوبي براون http://www.bobbibrowncosmetics.com/home.tmpl?ngextredir=1

 

[مريوما الحلوه]

حلو مال استي لودر يغطي بس انا اخففه مع المرطب

 

[بنوتة نعومة]

انزين يا هوانم انا دخت

مو متعودة عالسهر لوووووووووووول

اشوفكم باجر


و كثروا كثروا من الادعية تكفووووووووون تراني محتاجتها :0bee2e8d89:


تصبحون على الف خير حبايبي ​

 

[BaiTotia]

مريوما مشكورة .. عليج بالعافية

بنوتة موفقه إن شاالله

 

[مريوما الحلوه]

يعافيج يارب