شنو حطيتي ميكب اليوووم؟؟

[BaiTotia]

شهودة

أحلى شي لما تجربون على ويوهكم ونااااااااااسة وباجر أحلى مع الآي شادو الرسمات

أوشال

فينك يابت؟ وإزيك؟ وحشتينا

 

[أوشال]

هلا بيتوتية

موجوده حبيبتي ...والحمدلله ماشي الحال

بيتوتية شفتي اشصار فيني حدي مغلقه وتعبانه ومحتره وامشي وادعي جني عيوز

ما يسوى علي هالاستقبال اخييييييه محتره مو قادره اعبر

 

[ألماس q8]

شفيج اوشال؟؟؟؟؟؟

ترى مو زين الضيقه والحره تأثر على النفسيه والوجه

 

[أوشال]

هلا الماس

مو بيدي والله احس جني ياهل على هالسالفه ادري موقف وبيمر

http://q8yat.net/showthread.php?t=242345

 

[BaiTotia]

أوشال لايضيق خلقج على شي صار وخلص

نطري أقرا موضوعج

 

[ألماس q8]

حبيبتي

استغفر الله عسى الحره اللي بقلبج تصيبها وما تتعداها يا رب

يارب يكشف امرها عاجلا غير اجلا يارب ويبدل حزنج وزعلج الى فرح

حبوبه وكلي امرج الى الله وانشالله بتلقين اغراضج يمكن يأنبها ضميرها هذا اذا عندها ضمير وتردهم لج

انا نفسج طفارتي احد يبوق مني شي او يستغفلني

 

[أوشال]

اي بيتوتيه خلص بس ما اقدر انسى

كل يوم اتذكر كل ما بطلت درج حتى اذا بطلت جنطة المكياج بقلبي غصه

بيتوتيه انتي مثلي بطاليه حاسه فيني متى يمديني اعوض كل كنت ايمعه ؟؟!! لي الحين اخذ مصرفي من ريلي ...

والله ماتهنيت فيهم وايد شغلات لي الحين ماكرفتهم ولا استخدمتهم حتى

هالشي مكدرني واااايد فوق ما تصورين

بعد عمري ابوي يقول بعطيج 100 دينار بشترين كثر اللي انباق منج وزود بعد

حسباله مثل الديرم الخمطة بربع

والحين من الحره يايبه نووت واكتب شنو فاقده وسعره يمه واجمع واضرب واقسم وادعي عليها من كل قلبي

يالله أنا بصلي ونام تصبحون على خير بناات

 

[BaiTotia]

الله يعوضج ياااااااااااااااااااااارب

صدقيني بتشوفين حوبتج فيها

وعلى قولة ألماس مثل ماهي ناويه تحرج إن شاالله تصير الحره بقلبها

 

[أوشال]

ألماس هذي مووليه ماكو ضمير كللللش ولا تخاف من ربها ومحتررفه هالمهنه ولا جان ما حطت الشموع بالجنطة

اتمنى ما تكون وحدة من الاهل يااااااارب ولا بيصير لها مالا يحمد عقباه

على الويكند بروح بيت عمتي علشان بناتها بيكونون موجودين وسألهم وعسى ما يزعلون او يفهمون غلط بس

 

[BaiTotia]

أنا كتبت جذي قبل لا أبطل الموضوع

لا ماينسي والله لأن هالشي تحبينه وميمعته من سنين وهوااااااايتج

إن شاالله يرجعون لج مال الحلال مايضيع

تقبل الله وأدعي الله ياخذ حقج منها

وإنتي من أهل الخير

 

[أوشال]

الله يسمع منكم يارب

ويبرد جبدي بشوفة اغراضي ويحررررر قلبه يارب

 

[ألماس q8]

وانتي من اهله حبوبه


يارب يشيل الضيقه من قلبج

 

[BaiTotia]

الله يسمع منكم يارب

ويبرد جبدي بشوفة اغراضي ويحررررر قلبه يارب

إن شااااااالله

أنا رايحه الحين .. تصبحون على خير

 

[ألماس q8]

وانتي من اهله بيتوتيه

 

[ghalaty]

واي شوقتوني على الدورة المكياج بلييييييييييييز ابي الرقم علشان اسجل

 

[Na77olah]

اوشال



بعد عمري والله صج قهر ما احب احد يستغفلني الله لا يوفقها انشالله

هذي وحده محتره منج والله يعوضج حبيبتي

 

[غزالة الامارات]

مرحبــــــــــــــا بنوووتات

خبروونا شقايل ميكاابكم اليوووم وبلا هذربااان <<<< يعني رمسه برع الموضوع خخخخخخخخخخخ

 

[أوشال]

نحووله

حبيبتي مشكووره على الدعوه الحلوه

والله حدي متضايقه مالي خلق شي

والحمدلله على كل حال

 

[أوشال]

هلا غزلان

أنا حطيت اولاي بتوت البري ووبودرة ريميل رسمة عيني بقلم كحل حطيت مسكارا ريميل وووبلاش برجو بنكي روز

حسافه مابقى عندي الا بلاش واحد من نارس الله لا يسامحه يارب

اليوم حماتي عازمتني على جوكلت بار وباخذ اليهال عسى ما يخربون الطلعه بس

 

[marioom]

واااااي بعد قلبي صج صج صج الله يعينج انا لو يضيع مني كحل حددي اتضايج عيل شلون لو مكياج من سبع سنين
ان شاءالله يارب تلقينه وتصيدين اللي خذته هذي اكيد وحده اتعرفج ولا شدراها انتي حاطه مكياج واايد؟
وروحي جكلت بار وانسي واستانسي وبالعافيه ان شاءالله صدقيني مع الوقت راح يبين اللي ماخذه
​