شنو حطيتي ميكب اليوووم؟؟

[Na77olah]

لبستيك انتي متى تنامين ومتى تقعدين ؟؟؟؟

 

[marioom]

الله يعينج اشوه اني خلصت اول رمضان
انا انام تقريبا سبع وساعات اقعد 12 وساعات 1 بس امس بدعت وقعدت 3 p وانتي؟
​

 

[Na77olah]

انا الله يسلمج انام 6 او 7 واقعد 8 علشان اشرب بنتي حليبتها واقعد ولدي حق المدرسه واقعد ابوه علشان يوديه ولمن يطلعون ارد انام واقعد الساعه 11 علشان اوكل بنتي واسبحها وانومها وارد انام لي 4

 

[marioom]

وااااي بعد عمري والله صج الله يعينج :eh_s(2):
​

 

[marioom]

نحووله تصبحين على خير قفلت مبجر اليوم لوول :**
​

 

[Na77olah]

عادي لبستيك الي تتزوج حياتها تتغير كلها مسؤوليه بس مسؤوليه حلوه

انا اول ماتزوجت وايد تعبت على ماتاقلمت يعني مثلا انا بيت اهلي احب النوم وكنت على كيفي بس لمن تزوجت مجبوره اقعد حتى لو موشبعانه نوم لأنه يكون وراي وايد اشياء ولازم اجابله لأنه الريال مايعجبه انج تنامين واهوه قاعد

بس بعدين لأ عادي انام واهوه قاعد واطنش لووووووول لأنه خلاص ادري انه عادي عنده كلشي ومومن النوع الي معقد لأ بالعكس

 

[Na77olah]

وانتي من اهل الخير حبوبه وانا بعد بروح انام

 

[marioom]

والله زين اذا مسؤوليه حلوة عكس اللي اعرفهم كله تعبانين وبس ونوم العواافي يارب اشوفج باجر ان شاءالله :**
​

 

[أم الخلطات]

لا انـا اليوم بس رحت الافنيوز كنت باخذ بلوزتي من مانغو ,.

بس حاطه كحل ديور و قلوز و ماسكرا ,, لأنه كنت توني مسويه قناع فويهي مرطب ,,

وانا عمري 17 مو لايق علي مكيااااج وااااااااايد ,

 

[ريماااني]

وااااااااااي ريماني حساافة ما رديت عليج كنت ابي اعرف شصاار

سوري حبيبتي كنت نايمة توني اقعد

المهم قوليلي شصار معاج باااجر


​

لا بنوته حبيبتي عادي
نوم العافيه فديتج
بنوته اول شي قعدنا ساكتين و مجابلين بعض:krkrkr:
بعدين هو ابتدا و اعتذر:ggdw:
و قال كان عنده مشاكل بالشغل
و كان مشغول
و انصدم حيل قالي شنو هذا
طبعا اخترعت اول شي قلت اشفيه
قالي ليش جذي ضعفانه
ضعفت 8 كيلو تقريبا برمضان
قالي ترا مب حلو:0bee2e8d89:

 

[ريماااني]

ريماني

حبيبتي عليج بالعافيه الأغراض

بتنقشين حنه ؟؟ اي صوووب يعني على ايدج وبالكف شلون طرقتكم ؟؟؟ وااااي مره نقشت حنه بالسفاري وحده اجنبيه انقشتلي كان عجيييب بس انا اسوي ايد وحده وشي حده ناعم

وشنو المحلات المعروووفه عندكم حق النقش يعني المشهوره اكثر شي علشان اذا ييت عندكم بنقش

وترى نصيحه تراضوا لأنه اذا طولتوا راح يصير في جفى بينكم

نحوله الله يعافيج حبيبتي
اي بنقش حنه بس شي خفيف و بسيط على ظهر اليد لان بعد كم شهر في عندنا عرس و اخاف اذا رسمت ثقيل
يحترق جلدي >> جلدي حساس و صارت معاي من قبل
برسم اشياء خفيفه تطلع من اصبع السبابه و تلتف على اليد مثل الاسواره
طبعا ما تكون طويله حيل
انا ما اتعامل مع الصالونات
من فتره في وحده سودانيه نتفق معاها وتيي البيت
تعاملت مع كذا وحده بس هذي احسن وحده محترمه و تعاملها حلو و تسولف شوي و ما تقعد تقرق على راسج وايد
نحوله تراضينا امس
هو كان عندنا وراضاني
بس للحين مقهوره منه:eh_s(2):

 

[ألماس q8]

يا مساء الانوار عليكم
شخباركم ؟؟؟؟

 

[بنوتة نعومة]

هااااااااااااااااااي


شلونكم


أوشال انا استخدم حق الفلويد لاينر فرشة ماك رقمها 208

نحووووولة شلونج يالقاطعه و عطر سانلوران اينن خاشته حق العيد :eh_s(6):


ريماااااااااااني زين تسوين انج راضيتيه



اليوم طلعت انا و رفيجتي من الدوام عالساعة 11 و رحنا الافنيوز لان امس لمن رحنا فافافووم عجبنا عطر باربريز اليديد <-- ليميتد أديشن

وااااااااي رييحته عجيييييبة بخلطة مع السالوران حق العيد :ggdw:

وو حق بعض الناس

قتلكم عجبوني الكنزو و الجفنشي اليوم لمن شميتهم طلعت الكنزو احلى من الجفنشي و الغيرلان هذولي صايرين على ليمون مادري شلون

بس الكنزو عجييب

مسكتها و رحت صوب عطر الباربريز ولا منزلين عطر نسائي <-- الي خذيته و عطر رجالي هم ليميتد امبييه ريحته حلوووووة و غريبة و اهو ما عنده جذي قلت مدام انه ليميتد خل آخذها الحين وو الكنزو موجودة على طول الشهر الياي عيد ميلاده آخذله العطر

و بس يعني انا معاه عطورات العيد باربريز :ggdw:


و هو الخااايس ما شرالي شي حق العيد :denya:


المهم


مريت ماك عشان البودر


جربتها فوق الفاونديشن السائل جربت درجة c3 و c30 و c2

ولا وحدة فيهم ضبطت معاي يايين على بيج وو ويهي صار باهت على رمادي مع انه نفس لوني بس لونهم ما يعطي رونق

لمن استخدمت درجة c20 على الفاونديشن السائل الي ماخذته c25 طلع حلووو و مو أصفر هم الي تبيع هناك قالت الي ماخذته وايد حلو عليج تقولي انتي ابيض مني بس انا استخدم اغمج تحط nc 35 بس مو مبين غاامج عليها كلللش المهم هاذة البودر و خلصنا منه أشوووووووة هم و انزااح عااد أنا كل شي إلا فاونديشني غير عن اللون الي ابيه حدي أأيس



و بس ماراح أصرف بعد مابقى من معاشي شي

وو وراي عيادي خواني بعد :gr4uu:


​

 

[بنوتة نعومة]

نحووووولة

السبراي الي من ماركة كيك من فافافووم الافنيوز

بـــ ديـنــــار :ggdw:

و مبله انا اليوم وريت رفيجتي البلوزة الي خذيتها تكون مجابلة الباب الي طل على الاصنسير مو يطل على ستاربكس


​

 

[ألماس q8]

عليج بالعافيه بنوته
انا انشالله اليوم ناويه اروح السوق واخلص هالتناتيف اللي بقت

 

[@انا قلب بدر@]

هااااااااااااااااااااااااااااااااااااي مساء الخير شخباركم بنوتات
<<صاكه فيها الدنياااااااااااا
انا توي يييييييت من السوق وربي كنت ميته علي الطلعه بس رفيجتي تعبت وتكدرت حيل رفيجتي صج صج مقروووووووووده اكثر انسانه مقرووده على وجهه الكره الارضيه كان ودي اشتري من مكياجي اليب ستيك الي ون كوليكشن بس بناتها يعافيهم ربي مايخلون شي بسوق ياااااااااااااااااي الستاند كله طاير وشريتلي من نكست قميص للدوام وربي حيل احاتيها تخيلووو راح تسوي عمليه اضطراريه يوم السبت وبحاول اكون معاها بس مودري شلون وبشنواتعذر موبي تكون بروحها حبيبتي ام الخلطات سؤال يقرقع بقلبي االصوره الشخصيه مولتج حقج انتي صج جنها موصجيه ؟؟
<<تكلمي عربيه لووووووووووووووووووووول
بنوته وين تشتغلين حبيبتي؟؟
<<حشوووره
اوووووووووووف انتي تذكريني بدوامي لازم يصيرون في بنات علل يغثون ومني وطريج عدواه اوووووووووووف

 

[بنوتة نعومة]

هلا بألماس الله يعافيج

قلب بدر الله يشافيها انشالله

و كولكشن اللبستيك من اي ماركة ؟؟؟؟؟


انا اشتغل بوزارة المواصلات <-- بالوزارة نفسها الي بشويخ قطييييييعه :eh_s(4):​

 

[Miss Golden]

شلونكم بنات..


شدعوه ولا وحده فيكم سألت عني امس :eh_s(2):





المهم







أمس رحت الفنار و دخلت محل "مكياجي" مسوين Sale up to 75% بس مو على كل شي..

اي كحل اسود او شدو اسود او اي لاينر اسود --> المهم اسود ماعليه sale .. يدرون الناس اكثر شي يستعملونه الاسود..


المهم شريت

من اليسار.. قلم بني للحواجب ---> ما عليه خصم

كحل أسود.. ---> هم ما عليه خصم


بودرة لوز باودر تستعمل للويه فيها لمعه خفيفه و حلوة وتستخدم كإضاءه للويه.. حق الخدود وتحت العين او على الخشم.. وقالت يصير استخدمها على الجسم خصوصا لو كنت حاطه لوشن وعقب الباودر راح تثبت اكثر.. ----> عليها خصم وااااايد حلو.. من 5 دنانير وشي لي دينار وشي..


بعدين..


كذا كحل اسمهم Shimmer Eyeliner


كحل أسود فيه لمعه وايد حلوة اسمه Night Sky ---> عليه خصم

كحل بني فيه لمعه بعد اسمه Brown Truffle ---> هم عليه خصم

كحل لونه ازرق كحلي فيه لمعه اسمه Royal Wink ---> عليه خصم


كان في منهم الوان حلوة.. أزرق فاتح و اخضر و سلفر وذهبي..

بعدين

بودرتين Loose وحده حقي و وحده حق أختي


وايد حلوين للنهار خصوصا وتستعمل عادي بروحها اذا ابي تغطية خفيفة او فوق الفاونديشن لو ابي التغطية اكبر..

والحلو ان سعرهم كان 5 دنانير وشي وصاروا دينار وشي بسسسس.. يعني انخصم منهم 4 دنانير :ggdw:



و سلامتكم :aha:

​

 

[ألماس q8]

هلا والله مس قولدن
شخبارج؟
وعليج بالعافيه انشالله

 

[بنوتة نعومة]

هلا مس قولدن حبيبتي اني دايما عالبال

و بالعافية عليج الاغراض


عااد انا هالنظام ماا احبه " دام الناس تحب هالشي خلنسوي خصم عالاشياء الي مايشترونها عشان غصب ياخذونها " أووف


المهم بالعافية على قلبج :eh_s(6):​