شنو حطيتي ميكب اليوووم؟؟

[بنوتة نعومة]

يلا لبستك انا الحين حاطة دهن باراشوت وو بعد شوي حط رووب بويهي

امبي لمن دهنت شعري طااااااح منه واااااااااايد شعر اخترعت شكله يخرع بس شسوي لازم احط دهن شعري وااايد نااشف صاير


شااايكم كل يوم وو ترك نحط روب وو هردة بويهنا ليلعيد وو نحط زيت احسن عناية حق العيد:eh_s(6):​

 

[mannooora]

:0bee2e8d89: ليش ما رديتوا علي ؟

 

[ريماااني]

بنوت انا من قبل شميتهم كلهم البيوتي رش و عجبني يلي على تفاح
الوردي الفاتح فراوله اليوم شميته بس ما عجبني
في لاين نازل من فكتوريا ثلاث انواع سويت شوجر و كوكونت شوجر و فروت شوجر
بس للحين ما نزل عندنا
اذا نزل بخذ السويت شوجر
و بعض الناس قلت لأخوي يشوف احلى 3 عطور رجاليه يديده نازله و ياخذهم
اخوي يقولي اخذي له ساعه
انا اصلا قايله له من قبل مابي منك شي
وهو منقهر مني قال اذا ما رضيت تقبلين مني شي هالعيد ما راح اقبل هديتج
بعد شوي بيشرف و انا حيل تعبانه مالي خلق اقوم
ما بنزل اشوفه

 

[marioom]

يلا انا اول وحده معاج وزيت براشوت حق الشعر ترا عجييييييب مره جربته تقريبا اسبوعين حسيت بنعومة شعري مع ان ناعم بس صار انعم اب عشر مرات وانا بحط خلطة ناقلتها من زمان ومادري وينها بس فيها بصل وثوم على نار ولما الماي ياخذ الفايدة منهم ويصير لونه اصفر اخلطه مع زيت الخروع واعتقد زيت زيتون بنسويها بعد شوي انا وخدامتنا لوول واحطها اذا تبونها قولولي اطلعها الحين واعطيكم اياها بالتفصيل عاد شكله ريحتها قوية بتوصلكم اهني بخرو المنتدى من الحين كيفكم انا قلتلكم وانتو حريين :eh_s(6):

​

 

[ريماااني]

بنوته انا شعري دهني
و مع هذا خالتي تسويلي خلطات بس ما احطهم
و بشرتي تتحسس من الروب
الحين استخدم مرطب بنفت و كريم العين من بنفت
اريد بشرتي تتعدل للعيد
و مسويه رجيم من كم يوم و الحمدالله
عظامي طلعت

 

[ريماااني]

لبستك هاذي الخلطه؟؟
ماراح اطول عليكم هذي هي الخلطه

تجيبين بصله متوسطه الحجم مقسمه الى اربع اقسام
2 فص ثوم مقسمين الي نصفين
3 ملاعق كبيره سدر مطحون
زيت خروع
زيت زيتون
كمية من الماااء

الطريقه

جيبي البصل والثوم وحطيهم في الماي وانتي حددي كمية الماي اللي تناسب شعرج وخلي البصل والثوم يغلي في الماي لين يصير لون الماي اصفر

بعدها صفي الماي من الثوم والبصل

وجيبي باقي المقادير (سدر،زيت خروع،زيت زيتون) واخلطيهم في الماي واعجينهم مثل عجينه الحنه لاهي سائله ولا جامده نص ونص وبعدها خليها لين تبرد شوي
وبعدين حطيها في شعرج بالمساااء وبالصبح اغسليه


راح تقولين ثوم وبصله وريحه ..الخ اوعدج وووعد انه ماراح تحصلين ولا ريحه انا نفسج قبل اجرب الخلطه خفت بس يوم جربتها مافيها ريحه ابد

وصدقيني بتلاحظين الفرق من اول استخدام



ويفضل تستخدمينها مرتين بالاسبوووووع لنتيجه اسرع

 

[marioom]

ريماني مشكوووووووووووووووورة هذي اهيه قاعده ادورها بالدفتر مادري وين كاتبتها
شرايكم انسويها كلنا؟
​

 

[marioom]

ريماني احسن منتجات للبشره وطالعه رقم واحد عالميا اهيه لوريال جربيها انا حتى ملمس بشرتي تعدل عليهم الحين انا امبلشه اب ثاني مجموعه وماراح اتخلى عنهم
​

 

[ريماااني]

انا بسويها بس من بعد العيد
بنات اسمحولي بطلع
بعض الناس شرفوا
بنوته ادعي ما اثور عليه
و ياخذ زفه محترمه
بروحه زعلان مني
ههههههههههههههههه
بدخل بعدين

 

[ريماااني]

لبستك العفو حبيبتي
و بجربهم انشاءالله
سامعه كذا وحده تمدحهم

 

[بنوتة نعومة]

منوورة شنو ؟؟؟ شنو سؤالج


لبستك لا لا يحوشك مابي ريحة ثوم و بصل ورانا عييد و لاتنسين احنا صيف حتى لو متحجبة تطلع الريحة


ريمانيي انا بعد مسوية رجييم و اصلا انا عظامي طالعين من قبل الرجيم الحين عيوني طلعوا ليه برى احس شكلي جني من ملوت المجاعة :0bee2e8d89:

بعض الناس راح يخترعون مني :0bee2e8d89::0bee2e8d89:

وااااااااااي بناات منو شاف الداية امس

شفتو ولد باسمة حمادة لمن يغطي ابوه السكران و اهو نايم جان يلمه و يبوسة و يقعد يبجي :lkmnkl: كسر خااطري قاعدة اشوفه و ابجي مسكييييييين ​

 

[بنوتة نعومة]

ايوا ريماااني


لا انشالله ما تزفينه بس خلاااص تراضوا ​

 

[marioom]

ريماني
ان شاءالله تجربينهم ويعجبونج

بنوته
عادي حتى لو عقب ما تتسبحين غسلي شعرج بشور جل كله اسويها لوول وبعدين رشي عطر للشعر ومافي ريحه كلش
زين شرايج بالحنه ؟ اتكثر الشعر ولالا؟
​

 

[mannooora]

هااااااااي بنات :eh_s(6):


سوالفكم وايييييييييد حلوه صارلى 3 ايام اقرى الموضوع وحدىىى استفدت منك .. مشكورين وايييد ماقصرت بنات

حدى داشه عرض بالموضوع بس بما انكم من محبي ماااااااااااك نفسي

حبيت اسالكم عن الفلويد لين .. صراحه انا ما اعرف احط اي لاينر عدل بس ابي شي سهل وعجبنى الفلويد لين مال ماك

بس عندى استفسار هل هوا سهل بالحط و علبته شكلها غريب هل تنشف بسرعه او لا ؟ يعنى اذا ما استخدمه واييد يخترب بعد فتره .. مو انا رحت المحل وسالتها بس تعرفون اشلون الاشكال الى اهناك ما تعلمج عدل :0bee2e8d89:

 

[marioom]

بالعكس منورة وايد حلو حتى حطته سهله انا احطه بفرشة 266 سهله بالاستعمال بس الحين ضايع مني وباخذ منه مره ثانيه عقب ماخلص اللي عندي وما تنشف بسرعه بالعكس حتى لو ماستخدمتيه وايد ماراح يخترب على ضمانتي
​

 

[mannooora]

صج خلاااااااااااااص بروح باجر اخذه :eh_s(6):

 

[marioom]

عليج بالعافيه مقدما
​

 

[بنوتة نعومة]

منورة جاوبت عليج لبستك

بس انا استخدمه مع الفرشة رقم 208 ​

 

[marioom]

بنوته شنو الفرق وشنو الاحسن بين الفرش؟
​

 

[mannooora]

شكرا شكرا بروح باجر الافينيوز اخذه وباخذ بيت بوت انديان ود وحمرة بليزمي =)