شنو تهقون ردة فعل خالتي اذا ماسميت بنتي عليها !!!؟

[شذى الكويت]

هههههههههههههههههه

مبروووووووووك الله فرج لج وعطاج على قد نيتج

المشكله مو مشكلة الاهل المشكله اذا الزوج يبي الاسم

انا ريلي يبي يسمي على اخته الجبيره واسمها مو شين بس معندي موعاجبني بخاطري اسم ثاني

ويقول رضيتي والا زعلتي بسمي على اختي وباجي العيال انتي سميهم كيفج بس هالمره وهذي اول بنت لي فرحتي وعندي ولدي سميته على عمي

ياربي ريلي مقفل الموضوع على اسم اخته وانا مادري شسوي

مشكله سالفة الاسامي

 

[دمثة]

هههههههههههااااي

اجل انا لو ماسميت عليهااا بتحطني وتشقني وتخليه يطلقني تعرفون من الخاله من الشمال يعني تلعن ابو خامسة

الله يستر

 

[شمس دنياه]

لو الاسم حلو ويديد مو عتيج جان عادي بس لو اسم خالتي سبيجه ولا قماشة هذي فيها انه !!
مع احترامي حق هالاسماء يعني لو خالتي تطلعلها قرون ما اسمي بنتي عليها

 

[طفلة العشرين]

لول ... عالبركة

يالله عاد الحين سمي اللي بخاطرج

وهالله هالله بالاسامي الحلوة

وعسى الله يرزقج الهون والسلامه

 

[أوبرا الكويتية]

حبيبتي اولا تولدين بالسلامه

واذا زوجج يحبج وانتو متحاسنين اخذي خاطره ومادام انه سكت معناه يبي اسم امه وهو يبي خاطرج و ماقالج شي

فأحسن سمي عليها..نعم هي بنيتج بس امه يدتها وصيري انتي الزينه وبالنهايه محد ظال لأحد

ويزاج الله خير مدام السالفه في بالج معناته ان قلبج حنون وتبين راي البنات

 

[أوبرا الكويتية]

امرج لله المهم أكسبي زوجج يعني لاتوصلين مرحله يقولج انا بسوي هالشي رضيتي او مارضيتي

زوجج اهم من اخته وعيالج لج

 

[علايه]

واي واي

هذه مشكلتي الحين انا حامل توني بالثاني

من قبل لاحمل خالتي تقول اذا يبتي ولد اتسمينه على اسم عمج

انزين بنتها عندها ولد وسمته على اسم عمي .. يعني كل واحد لازم يسمي ولده على اسم ابوه

عاد حتى زوجي ما يبي اسمي على اسم ابوه .. اهوه ما يحب الاسم المكرر

شسوي اذا يبت ولد انعاند و انسمي اسم ثاني

 

[coca^cola]

علاية
احسن حل انج ماتعلمين احد شنو فيج كلش و قولي من البدايه مفاجأة و مابي اقول و الدكتورة مو متأكده لانج اذا علمتي فتحتي باب حق الكل انهم يعرضون عليج الاسامي اللي تعجبهم خمري و اذا ريلج مو من النوع اللي يدقق لا تعلمينه كلش و لما تولدين بالسلامه دزي مسج الولاده حق الاوادم مكتوب فيه اسم المولود او المولوده اللي انتي و ريلج متفقين عليه و بس
استغفرالله اهما شكو اسمي على عمي و لا على خالتي انا من حقي اسمي الاسم اللي يعجبني
و حبوبه طبعا انا منفعله معاج لانني حاسه بشعورج هاهااهاه

 

[غنوة ستايل]

سمي اللي تبينه ما عليج باحد

 

[ملح مكتت]

حبيبتي سمي اللي بخاطرج انتي اللي تعبانه فيها مو اهي و ماعليج من مشاعر فلانة وعلانة.

 

[أوكسجين]

اذا مو بخاطرج الاسم
اذا ولدتي بالسلامه سنيها وانشالله خالتج بتشوف البنوته وبتستانس
ماراح تزعل

 

[irresistible]

شوفي الاااا الاسامي اذا انت و ريلج متصافين خلاص بتزعل فترة و بترضي الصراحة التسلط مو حلو كلش

 

[القطانيه]

وي عاد انا بنسبه لي الاساامي شيء خااص بزووجه وزووج والاسم مو دلييل المحبه شخبااري لازم اسمي على اميي !!!

 

[الشهدوالدموع]

حبيييبتي كوكاكولا نفس اللي صاااير فيييني بالضيط :krkrkr:..انا عمي متوفي الله ييرحمه ويبون كل واحد ايييب وولد يسمونه على اسمه امر عسكري وليس اقترااااح:eh_s(1): بس انا الحين فيني بنت..وقطو نقزة نسمي على خااالتي بس انا قلت حق ريلي ترى ابوك رااح اسمي لان ابووك وميت بس امك اسمها قديم بعدين ولدها العود مسمي خلاااص والمشكله كاكاولا انه اخت ريلي كبيرة ومو متزوجه ودها نسمي على اسم الابو والعم واليده واسم خالتي يعني العايلة الكريمة ولا لما تشوفينها تتكلم بثقة تقول اذا يبتو جذي بسمي جذي ...جنها بنتهم او ولدهم واحنا مااالنا دور:0bee2e8d89: ...يعني جنه امر....المهم دام انتي وريلج متفااااااهمين :ioljnmlk:عااادي سمي الي تبيينه بس اذا حسيتي ريلج حساس من نااحية امه سمي على امه ...واذا اسم امه حلو نصيحه سميه:yaaaaaarb:ا لانج راح تصيرين عزيزة عند خالتج وحتى بنتج تصير عزيزة عندها لان بنت ولدها وعلى اسمها ..سوالف عيارة:lololoe:والله يسهل عليج:denya:​

 

[الشهدوالدموع]

صح كلامج القطانية ..الاسم مو دليل المحبه ....كل اقول حق ريلي جذي وحماااتي تقول الي مااايسمي على ابوي مااافي خير ..تدرون انا المفروض على سالفه المحبه اسمي على امي واصلا ابوي متوفي واسمه يهبل وعندي اخوان 2 متوفيين مااايحقلي اسمي عليييهم...جنه بس هم يحبوووون واحنا مااانحب

 

[أم فلان]

حبيبتي لا تتضايقين ولا شي اذا احد اسألج شنو بتسمينها قوليلهم ان كل ياهل ايي و اسمة معاه و لا تحرين عمرج ولا شي ...

انا الحين حامل و انا و ريلي محددين الاسامي و خالصين و محد له شغل شنو بسمي بنتي ولا ولدي واللي يبي يزعل بكيفه...

 

[nouna82]

الصراحة عجبتني تعلقاتكم تحسون وايد عادات و سوالف مشتركة بين الحمايل هيهيهيهي

وانا حامل في بنتي خالتي توفت بس حماتي سبقتني بالولادة و سمت على امها الحمدلله فاتفقت مع ريلي ان لا اسمي على امي و لا امه عشان محد يزعل .و صج سمينه اسم يديد بعيد عن العايلة

بس بولدي الكل قالي لازم تسمين على عمتج خاصة كان عمي متوفي قبل حمالي الثاني بفترة بسيطة حتى ابوي و خواني قالولي اذا ماسميتوا على عمج تطلعون مافيكم خير فسميت و انا سعيدة ماكان عندي مشكلة

والحين انا حامل ببنوته الله يطلعها بالسلامة و ربع ريلي الملقوفيييييين قايليله ترى لازم تسمي على امك ؟؟؟؟؟؟؟؟؟؟؟؟؟ شكو اللقااافة ,,,,,,,,,,, بس لا بسميها اسم على كيفي الصراحة شنو نسمي على العايلة كلها

خاصة البنات حلاة اسمائهم دلع اما الاولاد مافي مشكلة اذا على اسم العم

 

[مبدعة]

من وجهة نظري ما فيها شي اذا الوحده سمت على خالتها بالعكس انتي في هالشي راح تكسبين رضى ريلج و حبه حتى لو انه يموت عليج راح يزيد الحب لانج حطيتي امه فوق راسج و الشي الثاني راح تكسبين رضاها وحبها لان التعامل مع الحريم الكبار مثل اليهال هالسوالف بسرعه اتأثر فيهم

انا اعتقد ان عادي خاصه اذا كانت بادرة منج احسن من ان ريلج يجبرج او تصير سالفة و تسمينها غصب

و الله اعلم