شنو تهقون ردة فعل خالتي اذا ماسميت بنتي عليها !!!؟

[عزااااايز]

حبيبتي والله ادري هالمواقف حساسة بس اقول قعدي مع خالتج وانتي تعرفين الحريم الكبار احيانا يدققون على امور صغيرة بس للاسف اهي اللي تسوي مشاكل فقعدي معاها وتكلمي معاها بالمنطق والعقل وقولي لها انا بخاطري اسمي اسم معين بس اذا انتي مصممة اسمي على اسمج قولي لها مايصير خاطرج الا طيب وترى اهو بالنهاية اسم مارح يودي ولا ييب يعني ممكن تسمي اسم مركب وتصير تنادي باسم ومكتوب يالشهادة اسم ثاني فتقولين ريلج زين وامه زينه معاج فكوني حكيمه واذا ما كسبتي خالتج بتكسبين ريلج لان صدقيني اهو بكون بين نارين وبيحتار فانت احسمي الموقف والله يرزقج بنات وعيال ثانية وتسمينهم اللي بخاطرج ترى الانسان موكل شي يبيه يحصله والحمدلله

 

[Q8_ButterFly]

سمي بالاسم الي تبينه وقولي حق خالتج انا اتضايق عقب اذا سميتها وبزفها وخصوصا جدامج اغلط بأسم جدامج مو حلوه بحقج يمكن تنحرج

 

[autointoxication]

أكرر

أهم شي تتفقين مع زوجج و تقنعينه انكم ما تسمون على أحد عشان ما تزعلون أحد

و بعد الاتفاق

يتم الاعلان عن القرار

أي أحد يسأل قولي و بكل ثقة انكم ما راح تسمون على أي أحد

ممكن تحطين مليون عذر مثل:

أخاف أزف الياهل و اسمه على اسم خالتي و للا امي

يقولون اللي يسمي على الحي يفاول عليه (هذا كلام الحريم الكبار)


يعني ألفي
و الأحسن ما تقدمين اعذار مجرد تعلنين عن القرار

الله يعين المتزوجات و يهدي الخالات

 

[ألوي الكويت]

سمي الي تبينه

 

[داريني]

شوفي حبيبتي الياهل ينزل مع اسمه
وشوفي شنو الله مقرر لج اتسمينها
انا كنت مثلج حامل بنات
وكان ريلي يبي يسمي وحده منهم على اسم امه الله يرحمها
واسمها قديم ومو حلو حتى اهيه كانت تقول لا تسمون على اسمي مو حلو
بس طول ما انا حامل اقول انشالله انشالله
لما ولدت تفاجات انه ريلي غير رايه وقالي سمي على كيفج
والحمدالله صبرت وفرجها رب العالمين
بس انتي لا تحاتين وخليها على الله

 

[Gadeer2Gadeer]

غذا اسم خالتج مو عاجبج وماتبين تسمين عليها
عطيها الأسم يعني تقولين لها فيني بنت وأنا عطيتج الاسم أنت اختارية
منها تكسبين خالتج وأكيد خالتج ماراح تختار اسم بايخ

ولا شرايج ؟؟؟؟؟

 

[عشق]

انا ما احب اسمي على احد لا من اهلنا ولا من اهل ريلي وحتى ريلي جذيه

ويوم دروا ان فيني بنيه كل واحد من اهل ريلي اختار لبنتي اسم

ما سميتها ولا اسم من اللي اختاروه

انا كنت محتاره بين فاطمه واسيل ويوم ولدت قلت خل اسميها اسيل ويالي ريلي وسالني شنو اسميها قلت له اسيل
بعدين يالوا خواتي وريلي قالوا لي اسمها مو حلو وبنتج حلوه احلى عليها فاطمه لايق عليها حيل
قلت لهم اوكي
راح ريلي سماها فاطمه الزهراء

اللي اعرفه كل مولود ينولد ومعاه اسمه

لا تحاتين انتي اذا حنوا على الموضوع سكتي او قولي الله كريم

او قولي لهم ما احب اسمي على اسم احد وفكي عمرج

 

[بنات حواء2]

و الله كلامج كله في محله و مشكله لمن يصيرون الاهل حشرين مدخلين نفسهم بكل شي انا برايي و لو انا مكانج بسمي الاسم إلي انا ابي و لا يهمني إلي بيزعل خليزعل هذوله اعيايل و انا حره اسمي الاسم إلي انا ابي

 

[mms]

رايي الصراحة ..
اذا الاسم مو حلو ..
وما راح يقدم ولا يأخر ..
يعني ماتحسين انج بتشترين خاطرها لو سميتي .. ماله داعي تسمين كلش .. ليش تسمين أصلا ..
الا في حال ريلج بخاطره يسمي على أمه .. هذا شي ثاني
وانا مارة في نفس السالفة من حملت وقبل لا أدري شنو في بطني الكل قاعد يقول عاااااد ليت فلانة .. جنه الحين انا بسمي عليها خلاص أمر مفروغ منه ..
وكنت أنحرج في الزوارات .. خاصة اهيا تكون قاعدة .. وحرام اهيا ما تقول بس الموجودين كلهم يقولونها على ضحك ..
أول شي ساكتة وأضحك وأجامل .. بعدين مصخت ..
كل زوراة كل زوارة .. قمت أرد .. أقول .. اي ان شاء الله لي بنتج سمت على خالتها .. سميت انا .. ولا : لي أنت يبتي بنت وسميتيها على خالتج .. سميت ..
ولا : أشوف توا ياتج بنت ما شوف سميتيها فلانة " اسم خالتها " .. الكلام على ضحك بس اللي عاوز يفهم يفهم ..
طخوا عن الموضوع .. ويوم سويت السونار طلع فيني بنت بس ماقلت حق أحد .. وبسميها على خالتي ان شاء الله لأني صج أحبها .. واهيا تستاهل .. بس مو لأني محرجة من نقزاتهم ..

 

[مهاوي البحرين]

سمي اللي تبين ولا عليج من احد

 

[om meshary]

سمي اللي تبينه وماعليج من احد

 

[Karezmatia]

اول شي الله يتمم عليج يااااارب وتولدين بالسلامة انشالله ..

صاجه الاسم عمره ما كان مقياس للحب ..

وانتي قلتي ان مو عاجبها ان بنتها مسميه على اسمها ..

مادري اذا مو مقتنعه بإسمها .. مو مجبروه تسمينها على اسمها !!!

وبعدين صج ماله داعي الأهل يدخلون بالاسم .. شخباري لازم اسمي على الام والابو !!!

انتي لا تجاملين هاذي بنتج وانتي احق انج تسمينها ..

والله يعينج على خالتج يالغاليه

واسمحيلي

 

[أم نوني]

سمي الاسم الي تبينه و ما راح ينفعج و ينفع عيالج الا نفسج اشتري خاطرج عشان ما تتحسفين و محد بيلومج هذا حقج و من حق اعيالج يتسمون باحلى الاسامي و موفقة

 

[nazek_q8]

حبيبيتي انتي وزوجج كيفكم سموا اللي تبونه محد لا شغل فيكم ولا تجاملين على حساب نفسج
اليوم تزعل باجر تنسى وترضى ترا صارت عندنا وايد

اشوه انا هذا بجري وخالتي ينفسها قالت سمي اللي تبينه الام اهي تسمي بنتها

 

[coca^cola]

ايه و الله كلامكم صح انا هذا كان رايي بس كنت متردده و كنت احاتي انني مابي اجرح احد او اخرب فرحة احد بس هذا اللي لازم يصير الحين ريلي جم مره اطرشلة مسجات اسامي بنات حلوه و اخيره لاصار بالدوام و انا بالدوام يحقر ولا يرد و لما اتناقش معاه يحقر ما يقول لأ لانني من اول زواجنا قلتله انا اسم ( ...........) احبه و ابي اسميه بنتي بس الحين حاقر و الكل يسأل شنو فيج بنت ولا ولد و انا اقولهم اشكره ادري شنو فيني بس لما ينولد راح تعرفون انشالله و بس اسكر الموضوع
يا ربي حتى سؤال شنو فيج احسه لقافه شكو !!! نطروا وقت الولاده يبين يعني يا ولد يا بنت شنو فيني يعني !!!
بس انا ادري لاح تنطقر و تبوز و تسوي نفسها مدقورة !!
و مافي مجال اقعد معاها و اقولها ماراح اسمي عليج لانها ماطلبت !!
و الله يوم بنتها حامل بالتاسع ووصلت حدها قالت بسميها عليج يما ( فلانه ) ويهها انصفق و امتعضت و طالعتني و الله جني اقرى اللي بقلبها انه ليش سميتي صار عندهم عذر انه ما يسمون علي كون الاسم مكرر !!!!!!!!!

 

[dnyay_mll]

حبيبتـي بالعكس سمي على اسم خالتج اذااسمها حلو
صدقيني راح تصير عزيزه عليها
وانتي وريلج راح تصيرون عزيزين عليها صدقيني
صدقيني عدي خالتج مثل امج تكسبين زوجج وتكسبينها وتكسرين عين كل حمواتج وحموانج
وبالعكس مولقافه اذا سألتج شنو فيج ولد ولابنت
ترا اهي يدة البنت من حقها

 

[coca^cola]

والله انا احبها و الله العالم و مو بس احبها و الله اداريها و اهتم فيها و دايما اطيب خاطرها بس يربي اذا ماسميت عيالي من بسمي ابي اتحلى عليهم
مشكورين يالغاليات على نصايحكم و دعواتكم و بخليها لي وقتها و اللي الله كاتبه بيصير

 

[um wahaby]

سمي الاسم اللي يعجبج

 

[coca^cola]

بنااااااااااااااااااااااااااات حماي ياته بنت و سماها على خالتي
و قلت حق خالتي ان احنا هم نبي نسمي بنتنا عليج قالت لأ بس خلاص حرام وحده تنظلم بهالاسم ولا ثنتين و قعدت تضحك يعني السالفه انحلت اهي ماتبي و حنينا عليها انا و ريلي ( طبعا مجامله لها و طيبة خاطر ) قالت لأ سموها الي بخاطركم و اهي تضحك
واي حدي استانست باركولي هاهاهاا

 

[أم عزيـز]

حبيبتي دام انتي وزوجج متفاهمين وتفقين مالج شغل بأحد
سمي اللي يعجبج واللي بمزاجج
لأن هذا ثمره تعبج انتي وزوجج محد له حق يتحكم فيه ولا في اسمه
انتوا اهله وانتوا لكل الحق انكم تسمونه على كيفكم

ومثل ما قلتي الاسم مو مقياس على محبه الأهل
يعني انا ما سميت بنتي على امي هل معناته اني ما احبها ؟
لا والله ماله علاقه ومثل ما اهلنا اختاروا لنا اسماء على مزاجهم
هم احنا لنا الحق ان نختار اللي بمزاجنا وبراينا