شنو تنصحوني اسوي بنات

[qazlaan]

بنات انا حامل وفي شهرالتاسع ويجيني مرات طلق كاذب بس ودي اعرف اذا جاني طلق حقيقي وانا بالبيت كيف اتصرف اقصد قبل ما اروح المستشفى اقعد في ماي دافي واتسبح ولا اتمشى داخل البيت علما انه رأس البيبي تحت ولا اقعد اكل علشان يعطيني اشوية قوه او اكل الحلبة والدارسين وغيرهم . في ولادتي الاولى وف بنتي ظليت نايمه في سريري وانا اتألم ظليت ابكي واستغفر ولما رحت المستشفى قالولي مفتوحه ٨ سم بس شنو تعبت في البش فقلت لنفسي يمكن لو تمشيتي وقتها جان ما تعبت في البش ف ماني عارفه كيف اتصرف وخايفة من الولادة

 

[qazlaan]

ليش محد ناوي يرد علي بنات مشكورين

 

[دنيتى زوجي M]

والله حبيبتي مادري ماعندي خبره بجر

بس وايد سمعت ان الخروع زين وفي شغله اسمها كف مريم مادري شنو هذي

والمشي وايد زين والله يسهل عليج وعلي اللهم امييييييين

 

[c a t w o m a n]

لي ياج الطلق انشالله اخذي شور سريع شربيلج شي من هالسوائل اييلي تفيد الطلق إخذي أغراضج وروحي المستشفى لا تقعدين بالبيت ولا تنطرين توصلين 8 سانتي خلج بالمستشفى يدارونج يدارون حالتج أول بأول والله يتمم ويسهل عليج وعلى كل حامل يا رب

 

[الغضى]

حبيبتي
أنا بعيالي أذا حسيت بالطلق اخذ شور سريع وأقرى سورة غافر واكل تمر والحمدلله من أوصلهم 6 سانتي والولادة تساهيل من ربج لا تأخرين وايد لأنج مو بجر فيفتح الرحم عندج بسرعة ديري بالج,,,,, وانا ما أمشي بس هذا اللي أسويه

 

[عبث طفله]

انتي مو بجر .. يمكن اول ما يجيج الطلق تنفتحين اكثر من سانتي


انا بولادتي الثانيه والله خلال ساعه صرت مفتوحه 7 سانتي

بغيت اول بالسياره

انتي امشي وتوكلي على الله واشربي اشياء حاره دارسين وزعفران وغيره ..

بس لاتقعدين بالبيت لين تولدين بنفسج ..

 

[قطرة مطر83]

رد : شنو تنصحوني اسوي بنات

البنات ما قصروا حبيبتي و ربي يسهل عليج ولادتج و يهون عليج يا رب .