شنو تفضلين بالولاده الكمام والا إبرة الظهر وليش موضوع للنقاش

[Espaniya]

انا جربت لكمام بجري وحسيت بكل شي وعوار موطبيعي الكمام يخدر راسج بس والعوار كله تحسين فيه وانشالله هالمره باخذ ابرة الظهر لانه مابي احس باللي حسيته

 

[لمسة انثي]

اهلين كرووووشه ام سااااره ???


صراحه سمعت مدح للبنات عن ابره الظهر وانها تريح وتكونين واعيه معااهم وماتحسين بطلق سبحان اللـْْـْْْـَِِْْـَِ♡̨̐ـََِِـه
بس!!!!!

يقول دكتور لها اثار صداع ثاني يومي وماتقدرين تمشين لا ثاني يوم !!! هذا كلام البنات واليوتيوب !!


اما ٱنـ ɱe̸ ـٱٱ اخاااااااف اجربها لان ما احب اشوووف الدم ولا اشوووف ادوات الولاده لان اخااااااااف يصير فيني شي ?


خليني علي الكماااام اللي اشفت وحذفه وغمض وسوي فلم حلووو هههههههههه

صراحه افضل الكمام علي انه ريحة ماحبها افضل الكمام

وتحياتي لج يالغاليه

 

[بنوته كربونش]

انا بولادتي الاولى كنت قيصريه و بنج كامل فماحسيت بشي

والحين احتمال طبيعي و الدكتوره قالتلي اخذيلج ابرة الظهر عشان ما تحسين بعوار الولاده

بس ماعتقد اني راح اخذهاا مادري خايفه منها مو مطمنه حق الابره

بس حزتهاا شنو بيصير الله اعلم

الله يسهل عليناا يارب

​

 

[غزلان الشماليه]

اعرف وحده انشلت طول الاربعين ماتتحرك الظاهر زايدين الكميه ع العصب بالظهر الكمام عندي احسن بكثير لان حتى العمليات الكبرى تتم عالكمام فاعتقد احسن شي

 

[دلووعة أهلهاا]

الكمام طبعاً
والسهالات من الله

 

[&هند&]

طبعا الكمام اكون بالسيفت سايد من سوالف اخطاء الدكاتره لما يعطون الابره وشكثر سمعة لها اضرار

 

[ام ساره 4]

تسلمون عالردود بنات

 

[روح الأحزان]

اهلين حبيبتي ام ساره
انه جربت الكمام وافضله على الابره على الاقل مافيه مضار نفس الابره

 

[جوزائيه مغروره]

انا جربت الكمام وما ضبط معاي لاني قعدت ارجع وطلبت ابره الظهر

وللامانه حاشني عوار ظهر بعد الولاده ٣ ايام تقريبا وراح وكان عوار عادي اقدر استحمله

واللي قالوا لهم بعد الابره ما يقدرون يمشون نو غلط

بعد الولاده خففوا البنج ولما حسيت بريولي ودوني غرفتي ودشيت الحمام بدلت ملابسي

 

[ام ساره 4]

يعطيكم العافيه

 

[فرح79]

ابره الظهر انا جربت الكمام واخر ولاده ابره الظهر روووعه ما تحسين بالم وفي نفس الوقت واعيه لكل ما يحدث وتشوفي البيبي لما يطلع روووووووووعه

 

[أستثنـآئيهـ]

أبي أبرة الظهر ودي أجربهآ ..
بس أمي مو رآضيه وخوآتي مآ ينصحوني فيهآ ..

ببعض المستشفيات كمامهم يخليج بسبات ..
حلآته تحسين ومآ تحسين .. انتو فسروهآ عآد

 

[كويتيه شماليه]

انا جربت الكمام وارتحت عليه اما ابرة الظهر كنت بجربها بس ترددت سمعت عن عواقبها بس تتحركين موزين*

 

[[[ عيون جابر ]]]

انا بجر وناويه اخذ الابره على مدح البنات ودكتورتي لها

 

[ام ساره 4]

الله يهون عليكم ومشكووووورين عالردود

 

[Aloe Vera]

انا لا كمام و لا ابرة ظهر

احلى شي بالولادة انج تحسين فيها و تستشعرين الاجر اللي تاخذينه و تحسين بشلون امج يابتج شعور حلووووو


طبعاً انا وحدة متقفة عدل من ناحية الولادة و قارية و فاهمة كلشي و امي ربتني على استشعار حب و السعادة اثناء الولادة

طبعاً هذا كله من الكتب و المواقع الاجنبية اللي تشرحلج الولادة على اساس انها شي رائع و جميل


و انا انسانة جدااااااً مؤمنة بان الله يسهل الامور الصعبة على الانسان اللي يتوكل عليه و يكثف الدعاء بطلب السهالة من الله الرحيم على عباده

و بفضل من الله سبحانه ولاداتي كانت سهااااااالة و حلوة اللهم لك الحمد من غير لا كمام و لا ابرة ظهر

 

[أميره بلا قصور]

اهلييين ام سوسووو

ابره ظهر وانت مغمضه كلام دكاتره ماراح يضرج شي


وكلام مالا داعي شلل وخرابيط مالج شغل

تكونين واعيه وماتحسين باالالم كللللش حتا غزت الابره ماتحسين فيها كلش اللهم بروده خفيفه جنها دشت ظهرج بسسس

انا بجر وخذيتهااا بالي الي احس فيه صداااع لليوم يروح ويرد واليوم انا لي اسبوع والده

وفعلا الدكتور الي غزني قال مالها اثار صداع جم يوم بس

الكمام خذيته لان الابره ماخدرت كل جسمي بقا صوب يسار صغييير ما اتخدر كل ماحسيت بالم الطلق الي بهالصوب احطه

بس جد جد جد مااايغني عن الابره الله يجزا الي اخترعهاااا خير *

 

[t.o.o.ot]

هلا بك يا قلبي ام سارة ........

انا مع الكمام <<<<<< خاااااااااااارج نطاق التغطية ؟؟؟؟؟؟

 

[aljoood23]

عن نفسي جربت اول شي الكمام صج كان حلو بس لان فيني ربو ماتحملته وصرت اختنق غير عوار الطلق ماكو هوا ههه فقررت اخذ ابرة الظهر والحمدلله ماحسيت بشي وارتحت عليها وولدت بالسلامه

 

[ام عجمية]

الكمام احسن الابره يخلص مفعولها