شنو تعنيج هذي اللي بالسياره

[نتاشا الجميله]

انا انشالله بسوق شهر 8 ^_^


بس بقولكم...
اختي حاطه لعبه على شكل ام خمااااااااااااااااااااااس ^_^
اهي ودبتها تضحك

 

[zyoonaaq8]

انا معلقه قلب كريستال امي مسويته حقي وكاتبه فيه

الله لايحرمني منج يابنتي الغالية

 

[ورده بنفسجيه]

ام علاوي مالت فريج

 

[SaD FaCe]

دعاء الركوب من الوكاله .. من شريتها واهيه فيها ما شلتها

 

[حنطاااويه]

والله انا مو امعلقه شي
وتسلميين عالموضوع

 

[blue-shadow]

معلقتهـ شكلـ جنه قرانـ مفتوح وعليه ـ سورة الفاتحه ..

تسلمينـ فديتجـ ...

 

[!! غزل !!]

معلقة مسباح على علم الكويت < ابووو الشباب صايرة لوول

ومعاه باج علم الكويت ؛>> وطنيه حييييل

إممممم وبس

بس بخلطري احط سلسال او شغله فيها كرستال

 

[iTaLiyA]

انا حاطه اسمي بالانجلش رفيجتي يايبتلي ياها صوغه بس حدها ناعمه
و تعنيلي وايد لأنها من رفيجتي توأم روحي

 

[sara al3soola]

كنت حاطه مثل لعبه صغيرونه تطلع صوووت مياااااااو معطيني اياها زوجي هديه بس نتفتها بنت اختي الصغيره والحين مافي شي معلقته

 

[TuTTi^FruTTi]

انا توني سايقه وقام اسووق سيارة ابوي الشهر الياي لمن اشتري سياره انشالله راح اعلق فيها شوارفكسكي من شوارفسكي
النجمه

وبحط قرآن بسيارتي انشالله

 

[cherry kisses]

حاطه عطر حق السياره واغيره من وقت لي وقت

وقلب شوارفسكي وردي هديه من اخوي

و سلسله عليها سيف الامام علي عليه السلام

وايام الانتخابات احط باجات المستقلة طبعاااااااااااا

 

[قهوة برية]

انا ولا شئ ..!!

ماحب احد شئ معلق بسيارتي ..!

خواتي يوم سقت اهدوني شغلات بس رديتها لهم لأني

احس جني من سواييق باكستان لازينو سيايرهم مع احترامي للبعض ..!!

ماتصدقين وين حاطة دعاء الركوب واذكار الصباح والمساء ؟.!

شفتي فتحات المكيف الي جدام معلقتهم فيه

 

[سحيله_الحلوه]

مو معلقه شي

 

[Little_Queen]

معلقه نجمة شوارفسكي الصغيرة .. مو الكبيرة الي تخرع !


و يتلي هدية من صديقتي العزيزة فطوووووووووووم اول ما شريت السيارة


و ورا ( حدي داشه عرض بس بغيت اقولكم )

حاطه لعبة ام خماس و ام سلوم مالوت فريج و بالنص مقعده لعبه على كويين على بو لقبي ليتل كوين


و ملزقه عالجام الي ورا شعار جريدة الوطن >>>>>>>> دوامي !



زحمة مو ؟؟؟؟؟؟؟؟؟؟؟؟؟؟؟؟ !؟!؟!؟!؟

 

[أنار77]

مسائكم ورد

انا معلقة بسيارتي بيضة فوقها حمامتين وطرفين حاطة اسم الله وطرف الثاني اسم نبينا محمد علية الصلاة والسلام واله وسلم بحجر شذري عن @@

 

[بحرينيه وافتخر]

انا معلقه قران وصورة السيد حسن نصر الله والامام الخميني ومعلقه نرد فوق المنظره عاطي منظر حلوو
وحاطه ملح عن الحسد تعرفون الناس وعيونهم ورا السياره حاطه اللهم صلي محمد وال محمد

 

[ScarletteO'Hara]

انا حاطة دعاء الركوب ضغير و وراه صورة المرحوم الشيخ سعد العبدلله, كان هدية من جريدة الوطن و ما اتخيل اني اشيله لاهمية دعاء الركوب و لحبي القوي لبابا سعد

 

[ملكة الحب]

اذا سقت بحط بسيارتى دعاء الركوب وصورة عيالى بسلسله حلوه او شوارفسكى

 

[a7la tooota]

حاطه باج كليتي ,, مكتوب عليه الهندسيه والصوب الثاني فيه دعاء الركوب

وساعات أشيلها لأني ما أحب أحط شي بالسياره ,,

 

[*بسبوسه*]

الله موضوعج حلو

انا معلقه سلسله جايبتها لي اختي من مصر هديه فضه اصلي