شنو تعرفون عن تربية الدياي فيددوني

[حواء الكون]

السلام عليكم ورحمة الله وبركاته

مراحب لاصحاب القلوب الرحيمه والرقيقه في عالم الحيوانات الجميل:eh_s(17):

عندي سؤال عن تربية الدواجن في المنزل بس في حديقه خارجيه ومكان لهم خاص

ابي اعرف كل شي بالتفصيل عن تربيهم وهل اهي بسيطه او معقده؟؟

يعني طريقة الاهتمام الدوري فيهم ضد الامراض والخ وتفريخ البيض والعناية بالكتاكيت

:eh_s(7):

 

[M!SS.LOBY]

الدواجن أكيد لهم مكان مخصص برا البيت

حيوانات حلوة أليفة ونظيفة

لازم توفير لهم اكلهم تشترين لهم كيس كبير مثل الشعير وتحطين لهم ماء بحوض خاص لهم ويبون تسوين لهم شبك محوط بسور عشان تطلعينهم من القفص يتمشون

بخصوص البيض براحتج تبيعنه او للاكل او تجمعينهم تتبرعين فيهم

 

[وجع قلبي]

زمان كان عندنا دواجن دجاج و ديك و بط
و سوينا لهم قفص كبيير
و لازم بالقفص يكون مثل الخشب المرتفعه عن الارض
كانو يقوفون عليها و ينامون !!!
و تحطين لهم من اكل البيت عااادي ياكلون اي شي
خبز و خضار و بيض و شعير
كانو ينامون من المغرب بس يجي المغرب ندخلهم القفص و نقفل عليهم لا تجيهم القطاوه لوول
و الصباح نفتح لهم الباب و يسرحون و يمرحون بالحوش هههههههههه
بس اقرف شي يسوونه انهم يوصخون الحوووش يسون فضلاتهم بكل مكان
و احمد الله ان كان عندنا عامل ينظف الحوش كل يوم ولا كان قلب حضيره
و ايه صح
خصصي لهم مكان اذا جو يبيضون عشان يمديكم تاخذون البيض
ممدري عن سالفه التفريخ
بس لو حابه يجي كتاكيت كمان خصصي لهم مكان مناسب و يكون معروف
اللي عندنا كانو يستغفلونا ههه و يروحون فوق السطح ترقد على البيض و مسكينه يروح تعبها على الفاضي
لانه السطح حر و خياس
ف لازم مكان مخصص

 

[ساره العامر]

شوفي حبيبتي انا يدتي تمووووت بتربيتهم عندها انوااع فرنسي ودياجه هنديه ومادري شنو ماشوفها تشتريلهم اكل من برا باجي الغدا تطلعه لهم وسمااان مربربات ماشاء الله ههه تخاف عليهم من القطاوة وبلنسبة للكتكيت اول مايفقصون تحطهم بسلة تخلي تحتهم فوطه عشان يتدفون وتحط فوقهم هذي العصا الي فيها ريش ههه عشان يعني مثل امهم وتدششهم داخل البيت وكل يوم تطلعهم يشمون هوا وتالي تدششهم بلبيت اي سؤال انا موجوده

 

[tnkora]

الدياي عادي جيبي ذكرين وخمس نثايا وقطيهم بالحديقه واكلهم يا اكل الخاص فيهم ممل البودر بس الاحسن عيش الي زايد من الغدا قطي لهم بس اقولج يجمع الدود والنمل قبل كان عندنا وخيسنا

 

[tnkora]

وبالنسبه للتفريخ اذا باضة على طول اخذي البيضه وحطيها بحاضنة البيض يا تشترينها يا تسوينها

شوفي طريقتها بقوقل وجنه تخلين البيض داخل ٢١ يوم وبالنص الكرتونه كاسه ماي وكل يوم تقلبين البيض وليت فوق كاسة الماي على طول

 

[قرمووشه]

ياحلو الدجاااااااااااج

عشقي الاول والاخير تربيه الدجاج

واحلى اااب