شنو بايعين عمركم

[يمة يادلبي]

السلام عليكم










طبعا افلونزا الخنازير شاقة العالم شقق
وفي دول الاصابات فيها واصلة حدها ومع هذا وايد ناس بتسافر لهذي الدول
شايفين اغلب الإصابات الي عندنا بالكويت من الي سافروا برا او الي مخالطين لهالناس :0bee2e8d89:
صج الأعمار بيد الله وكل شي بيد الله وبعض الناس يقولون هالمرض عادي ومو خطير
بس في ناس مو قاعد تستحمله واتموت منه

وليش اتيييبون الامراض لي عندنا
مافيها شي لو قعدتوا بالكويت والي يقولون حر ترا المكيفات على افا من يشيل واغلب الاماكن الي بالكويت مسكرة او كلش كلش تبين تغيرين جو سافري دول مافيها اصابات

مو خايفين على نفسكم خافوا عالاوادم الي عايشين معاكم

ومهما كان مالازم نروح حق الأمراض بريولنا

ادري ان انا مالي شغل وكل واحد يسوي براسه بس ماقدرت اسكت قلت لازم اقول الي فقلبي :eh_s(6):
​

 

[_ظل الياسمين _]

مااادرى ..بس انا للحين مو مصدقه..
كل شوى طالعين لنا بسالفه ..اعتقد حتى هالامور صارت تلعب فيها المصالح والاطمااع دور ..

والله اعلم.

 

[يمة يادلبي]

ثانكس عالمرور

 

[Miss.6Mo7]

عدل كلامج .. احنا حتى السفر كنسلنـآهـ

 

[$الـــحـــلاوه$]

كلامج صح وانا بعد اقول جذي
واعرف ناس واجد يقولون المرض وصلنا ديرتنا عادي بنروح
شنسوي فيهم يعني

الله الحافظ

 

[ScarletteO'Hara]

حبيبتي, كل واحد و الي يريحه, و على فكرة, المرض مو مميت, في عقاقير قاعدة تنوصف و الحمدلله و لا كويتي مات, الاعلام وايد مكبر الموضوع, اعلامنا كلش مافيه مصداقية, مو تصدقين كل الي ينقال عندنا, كله بهدف الترهيب و الترويع

 

[عاشقه رويشد]

الله يحفظنا بس
وايد ناس راح يسافرون والله الحافظ

 

[أدووويا]

اي والله صاجة

 

[shaikhat elbnat]

والله انا مو مصدقه السالفه من اساسها
كل شوي طالعين لنا بمرض
مره سارس و مره جنون البقر و مره انفلونزا الطيور و الحين انفلونزا الخنازير و باجر انفلونزا الحصن
كله تضخيم اعلامي و امراض مفتعله و راها اسباب مداها بعيد توصل لي البورصه بعد
عندهم ادويه بروجون لها و معدات ببيعونها قاموا افتعلوا المرض و يبيعون الادويه و المعدات
عاد شوفي منو رئيس شركه الادويه هذي ..

صراحه هذا اعتقادي و هم اعتقاد خبير اقتصادي قريت له مقاله

 

[دراهــم]

عادي كل واحد يسوي اللي يريحه

يعني انا كنسلت سفرتي

وفي من خواتي اللي بيسافرون

يعني عادي .. والله الحافظ

 

[Saroon]

على فكرة اعلامنا وايد مكبر الموضووع اللي بامريكا مايدرون عن شي ويقولون ماكو شي بس اللي هني مخترعين هالمرض خو حال من حال انفلونزا الطيوور والبقر والخرفان مثل كل سنة لازم يطلعون سالفة وانا صارلي سنتين مو مسافرة وقاعدة اعد الايااام عشان اسافر انشالله وتكفوون مو من كل شي تسوون سالفة .. لا تيوون لا تروحون لا تسافروون لا تطلعووون لا تاكلوون كل شي يسوي سرطان كل شي يسوي مادري شنووو ..

بس ترا تعبنا من لا لا لالالالالالا

 

[تنآهيد ..~]

الله الحافظ إن شاء الله ~

 

[قلبي ابيض]

حبيبتي, كل واحد و الي يريحه, و على فكرة, المرض مو مميت, في عقاقير قاعدة تنوصف و الحمدلله و لا كويتي مات, الاعلام وايد مكبر الموضوع, اعلامنا كلش مافيه مصداقية, مو تصدقين كل الي ينقال عندنا, كله بهدف الترهيب و الترويع

كلام سليم

 

[الحلآآآ]

يازين توقيعج زينااااه
<< برى الموضووع


:

 

[M!$$ CUTE]

صاجــة

بس اتوقع ان هاي فترة وتعــدي

تصدقين ياني ايميل يقولون ان انفلونزا الخنـازير كانت موجودة في عام 1819

وقضت على نصف سكان العـالم

وكانوا عدد ضحاياها اكبر من عدد ضحايا الحروب

كان في ذاك الوقت انفلونزا الخنازير كانت اخطر من مرض الطاعون

اللي يسمــونه الموت الاسود

سبحان الله ومرت الايام وراح المرض

الحين احنا تطورنا وصار عندنا مضادات وادوية

مو نفس اول

بس صراحة خوفني الايميل

ويوم قلت لأمي قالت لا اول غييير والحين غيير

الحين العلم تطور وكل شي له علاج بإذن الله

 

[Turquoiseya]

انا وزوجي واختي وزوجها كنسلنا السفرة لزلمسي
خفنا من المرض

 

[يمة يادلبي]

اي قروا ببيوتكم احسن خخخخ
مشكورين حبايبي عالمرور

 

[brettey]

الله يحفظنا من كل شر
مادري الاعلام يهول ولا فعلا المرض خطير
معانا واحد بالدوام راح امريكا اهو وزوجته وعياله ويقول الحافظ الله

 

[الدلوعه2008]

حبيبتي

انا للي شوفه وقاعده سمع الحين الناس تسافر الماليزي وسعوديه ومصر وغيرها كل شيء عندهم عادي واذا ابي سافر يقولون لا مرض شلون اهم يسافرون وانا لا يا معوده جذبيين هم شيء ذكري ربج وتوكلي علي الله حتي لو سفرتي واكلتي هناك قولي بسم الله واكلي بالعافيه ادام قلتي اسم الله والله معج

وانا بروحي منقهررر ابي سافر وكنسلت كل شيء بسبت هل المرض والناس للحين تسافر وزحمه وحجزيين

 

[ميونة الحلوة]

الله خير حافظ سواء كنا مسافرين و لا قاعدين اذا الله كاتب ان يحوشنا المرض راح يحوشنا

و الي الله كاتبه بيصير