شنو اهديتي زوجج وشنو اهدالج وشنو المفاجات اللي سويتيها له او سواها لج ^_^

[baby qa6wa]

شنو اهديتي زوجج بالمناسبات وشنو اهدالج
-----------------
المناسبات اللي اهيا عيد ميلاده او عيد ميلادج
او مناسبة زواجكم او اي مناسبات ثانيه مرت عليكم
كل وحده تكتب شنو اهديتيه وشنو اهداج
وشنو المفاجات اللي سويتيها له بهاليوم او سواها لج

^_^​

 

[baby qa6wa]

اشدعوه وين الرومانسيات

 

[ł ŏ ł γ . . ✿]

ممم بصراحه تونا معرسين ف ماستوى شي

بس انا مره سويت له نفس الجو الرومنسي و شموع و الحاله حاله و ورد منثر و هيك يعني و ع الطاوله في شمعه و ورد منثر ع شكل قلب و ف نص هديته ( بيبي آلتروش ) كان ف خاطره خخخ بدوون مناسبه طبعاا

اهوه تفاجئ واستانسسسسس وايد و قال انا يوعاااااااااااااان ابي اكل خخخخخ و بث


هو عيد ميلاده جريب و باخذ افكار من الحلوين :d

 

[baby qa6wa]

لوووول يوعان يعني الهديه لازم تكون وجبه

 

[vanilla-D]

بالملجه يابلي مره جوتي بومه و مره شرالي لعبه من المركز العلمي و انا يبتله ساعه نسيت ماركتها من بهبهاني و نظاره ريبان و عقب العرس ثاني بصباحيتي كنت يايبتله مجموعه عطورات من الرصاصي و غير التناتيف مني و مني
و اهوا بعد لما يطلع يشتريلي تيشيرت واي شي يعجبه بطريجه بس مو غالي

و الاسبوع الياي عيدميلاده مادري شييبله

 

[vanilla-D]

صارلي 4 اشهر متزوجه

 

[بنت التمايمة]

انا دايم اهديه بدون مناسبه حتى بالعيد بس بعيد زواجنا اهديته بدله وعطر
وسويت جو شموع وكيكه وكان مرره مستانس وهو اهدانى ورد​

بس زوجي هداياه غير يعنى مو دهب ولا الماس لا زوجي يهدينى دائما اجهزة مثلا جوال لاب توب مره اهدانى تلفزيون 50 بوصه lcd
ههههههههههههه كان خاطري فيه بعد ولادتي بنتي الثانيه اهداني غسالة صحون لانه مايحب الخدم

بس اكثر هديه كان خاطري فيها مره فاجاني انه اخد شقه اكبر غير اللى كنا فيها

انا افكر الحين انى اهديه جهاز لانه يحب الاجهزة مررره بس مادري وش اجيبله اهو خاطره بتلفزيون ثري دي
مايغلى عليه بس اكيد ماراح اشتريه ​

 

[baby qa6wa]

لا يوقف

 

[اميره1980]

توني متزوجة اقل من سنة
عيدميلاده اللي فات يبت له ايباد
و في عيد الحب يبتله عطر و مجموعة هدايا ثانية تناتيف

و بعيد ميلادي يابلي ساعة و بعيد الحب هم بعد ساعة لوووووووول و اكون وياه بعد لمن يشتري حقي لان يخاف يشتري شي ما يكون على ذوقي لان ذوقي صعب ف انا محرومة من المفاجاة لاني ادري

عيد زواجنا شهر 8 و من الحين مجهزة الهدية عبارة عن عطر لاكوست حقه و بوك ماركة فالانتينو و بعد جم يوم بشتري حقه بعد حوض سمك كبير لان يموت على السمك الزينة و بفاجاة فيها ان شاء الله
و انا متوقعه راح يجيب لي بعيد زواجنا ذهب او ايفون 4 و الله العالم

 

[طير يحب سجانه]

اخر هديه كانت قبل شهر كان عيد زواجنا
هديته ساعه وهداني عطر جفنشي وو ورد

 

[مموريز]

اتعودنا انا وزوجي على تقديم الهدايا بكل وقت يعني موبالمناسبات بس.
بس بالمناسبات الخاصة فينا انا اذكرها قبله واجيب الهدية بعدين اهو يجيب الهدية. بحكم سفراته الكثيرة اكثر مايجيب لي قمصان النوم (يعرف اني احبها كثير). وبحكم ان اهلي بديرة وانا بديرة اذا رديت من زيارتهم اشتريله هدية (بوك وكبكات وعطور). ومن فترة لفترة يفاجئني بهدية صغيرة وبالغالب عطور مميزة وحلوة.
بس احلى هدية تزاعلت انا وياه وراضاني بجوال اريكسونt650iالذهبي (اول ماطلع).

 

[nooorrrsss]

اخر هديه عطيته اياه بوك وعطر وتيشرتات واهوه عطاني في عيد ميلاده شنطة وبوك وعطر وعقب سافر وخذلي عطورات وتيشرتات واشياء مال الجسم

 

[الريم اللعوب]

ماشاء الله تبارك الله

اخر حفله سواها اهو لي يوم طلعت من الولا\ده بعدالاربعين
كان اهو في الرياض وانا عنداهلي وكان ماعنده اجازه يسافر لي
فعقب الولاده حجزلي طياره انا والحلوين ويوم اجي البيت
حاط في مجلس الحريم طاوله وشموع وورود وعشا وحركات وموسيقئ
طبعا الهديه يو ولدت بالولدي الاخير جابلي طقم من لازورد
وبنتوتي البكر جابلي جوال الدمعه اول مانزل
والله لايغيرعلينا
انا اخر هديه كانت من شهر ساعه مع كبك

 

[baby qa6wa]

افكاركم حلوووه بس نبي فناتق يديده

 

[الخـشـف~]

اب اب

 

[dantial]

والله اهديه بمناسبة ونن غير مناسبة
واهو بعد نفسي
واهديته قلم ماركة ديبون، عطورات، ساعات ماركة، شماغ ماركة، بجامات، ورد، وبطاقات فيها كلمات حلوة، عشا رومانسي في البيت وشغلات واجد
والمهم مو قيمة الهدية المهم انك تذكرينه ولو بشي بسيط يستانس فيه

واهو اهداني ساعات ، طقم ذهب ناعم، جنطة ماركة، عطورات ، عود كمبودي، ورد ، اطقم مواعيين ، تلفونات، رحلات سفر ، كاش ماني
طبعا انا متزوجة سارلي ١٠ سنين

وقلت لكم مو مهم قيمة الهدية المهم شي تذكرينه فيه
ولا مهم الهدية في الحياة الزوجية
المهم انك عايشة مرتاحة من غير مشاكل تحترمينه ويحترمك

​

 

[عيوني مودي]

اخر هدية كانت منة عطرين من ارمني واهداني خاتم ذهب ومجموعة كلينك من مدة
وانا اهديتة بجامة وسويت لة حركات حلوة حولها شموع وورد
بس من زماااااااااااان على هالحركات مدري ليش
بس معظم هداياه عطور يموت فيها
اية اهديته من مدة سبحة غالية من قزاز

 

[baby qa6wa]

upup la ywqaf

 

[عذبة السجآيآ]

توني متزوجة واول هديه قلب الماس اهدانياها ليلة العرس

وثاني هديه صباحية العرس ساعه

وثالث هديه قبل جم يوم هم بعد ساعه روووعه عسى ربي يخليه لي اهدانياها لاني كنت مريضه

وانا ناويه اجيب له هديه قبل الرمضان بس محتاره للحين

 

[baby qa6wa]

upup