شنو انسب وقت للولادة بالنسبة للمعلمات

[عيون سارة]

السلام عليكم ورحمه الله وبركاتة





حبيباتي امهات المستقبل العسلاوت
:tek:




ابي اسالكم لو كنتي معلمة شنو احسن وقت ودك تولدين فية ولا تنسي ان اجازة الوضع بس 60 يوم



يعنى اول السنة على شهر تسعة وترتاح الوحدة بشهور الاخيرة باجازة الصيف خصوصا مع الثقل



بس راح تدوام بعد شهرين لا مو اكيد الناظرة تعطي امومة



او تولد على اخر السنة وتسحب الوضع مع الصيف بس لاتنسون يعنى راح تدوام وهي بالشهور الاولى يعني وحم وتعب



انتو اشرايكم شنو تفضلين





شوروا على الله يرضى عليكم



لاني حدي محتارة ووادي اخطط عدل لحملي الثاني





ساعدوني ولاتبخولون على بالردود



وهذي امانة والى ما عندها رد

ترفع الموضوع الله يرفع قدرها



ودمتم بود





اختكم دودي

 

[nero]

احسن شي على شهر 3 .. وتخلص اجازتج على الفاينل .. وتنشبك مع عطلة الصيف الطويله

 

[معشووقة السفر]

التساهيل من ربج باي شهر ولدتي ربج بسهل انا ولادتي اخر شهر 8 اتوقع زين يعني تخلص اجازة الوضع شهر 10 واخذ امومه فاداوم شهر 2 بداية الكورس الثاني جذي تمام علشان البيبي يكون عمره مناسب اخليه بالبيت

 

[سوق الجمعة]

احلىىىىىىىى شي وعن نصيحة .. تحملين شهر سبعة فتولدين شهر 4 وتشبكين الوضع مع العطلة وتتفرغين للجاهل .. حتى وحامج بيكون شهر 7 و8 .. و9 بس تصبري

 

[همسات ليالي]

انا من راي تحملين شهر ست ويكون الوحام بالصيف وتكون الولاده على شهر ثلاثه وبجذي على ما تبدي السنه اليديده الا البيبي كمل الست شهور

 

[dnyay_mll]

للرفع

 

[رفرف]

انا ولدت بنتي 31/3 ..
داومت اسبوعين بس وكانو البنات غايبين ماكو شغل والدوام خفيف نطلع امبجر

تلي سحبتها مع اجازة الصيف ..

بالنسبة لي هذا انسب وقت
لأن تعب الحمال يهوووون عند تعب الربى والسهر وتداومين وانتي موصلة عذااااااااااب
فالأحسن ترتاحين عقب الولادة اهم من راحتج وقت الحمل ..
اصلا الحركة زينة بالحمل

 

[ZajiL]

انا مو مدرسه بس يتراوالي لو كنت مدرسه افضل اولد شهر 4 عشان اخذ الشهرين وفوقهم

اجازت نص السنه

 

[أستغفر الله]

التساهيل من ربج باي شهر ولدتي ربج بسهل انا ولادتي اخر شهر 8 اتوقع زين يعني تخلص اجازة الوضع شهر 10 واخذ امومه فاداوم شهر 2 بداية الكورس الثاني جذي تمام علشان البيبي يكون عمره مناسب اخليه بالبيت

نفسي بس ولادتي كانت اخر شهر 8 فداومت أول شهر 3

 

[a.n.y]

آنا نفس راي همسات ليالي