شنو الوسيلة او الفكرة او اللعبه ، اللي سويتيها وسجلولج عليها ابداع ؟؟

[( المـلاك )]

السلام عليكم .


حبايبي انا تربية عملية
و ذبحوني بكلمة ابداع ابداع ابداع ابداااااااااع !!


رئيسة القسم والموجهة
يمدحوني بكل شي كل شي
وقفتي
ثقتي بنفسي
تعاملي مع الطالبات
ادارتي للصف
تقويمي
شرحي
المامي بالماده
والخ ....


بس بكل حصة يقولولي ناقصج شي واحد
لو تسوينه نطلعج من التربية العمليه 10 0 / 100 وعد !

يقولون نبي ابداع
نبي شي يديد
نبي شي غريب

مادري شسوي

ليلحين صارلي 3 اسابيع اعتقد وانا بالمدرسه جنه هذا الاسبوع الرابع .

المهم

وسايلي عباره عن وسايل مكتوبة بخط اليد او مطبوعه
اوراقي وبطاقاتي كلها مطبوعه بالكمبيوتر ومغلفه تغليف حراري

واسوي اوراق سحب
و اسوي بطاقات
واسوي وسايل

والالعاب لعبتهم البالونات
ولعبتهم النرد
ولعبتهم مسابقات
ولعبتهم الكراسي

وسويت مناقشه جماعيه
و غير الشرح العادي

و اوزع هدايا

و التقويم غيرت و وزعت اوراق

و تقويم مبدئي
صور وحطيت
فيديو وحطيت
عرض وعرضت
باور بوينت وسويت
شققت صور وسويتلهم تركيب
و سويتلهم كلمة السر


احس بس مخي مافي مجال يسوي اكبر او اكثر من جذي
وهذيل يقولولي بحطلج ورقه بيضه لانه ماكو ابداع
الحين على كل هذا وهالمدح اللي شايليني فيه
بتخلون ورقتي بيضه عشان ابداع !!


ادري طولت عليكم
بس بغيت ابينلكم شنو اللي سويته بالضبط

فـ ابي افكار للابداع
شي يونسهم و يحطولي فيه درجه زينه .


هيلب مي ابلات

وثانكس مقدما

 

[عيون سارة]

شوفي حبيبتي
اذا سالوج مرة ثانيه
قولي لهم الابداع في استخدام وتطوير الفكرة
اعطيج مثال الحين منتدى كويتيات في الف منتدى غيره بس هذا ناجح ومبدع ليش هل لان عنده مميزات بطرق العرض او مميزات اثناء كتابه المواضيع تميزه عن غيره
لا
بس الابداع الى فيه التجديد

انتي جددي في وسايلك وانا شايفه ان شغلك واضح
بس اذا كلموكي في الموضوع اشرحي لهم وجهه نظرج وقولي لهم انا ابداعي في شغلي هو عرضي المميز عن غيري صدقيني
الثقه تفرق وايد
معاج
و موفق حبوبه

 

[حورية الشماااال]

شوفي
ابدعي بوسيله لم يستخدمها احد قبلج انا سويت قبل سبع سنوات قطع دينيز صغار وحقيبه فيها صور وسايل صغار قطع دينيز في الرياضيات هي مئات واحاد وعشرات

لكل طالبه وكانت فكره مميزه والحين طبقو مناهج جديده وفيها وسايل لكل مجموعه وانا كنت اسوي لكل طالبه له شي سوي شي محد سواه


وسوي عندي لج فكره تعالي خاااص

 

[درة أهل الطولات]

نبي نستفيد

منج ومن خبرات البنات

 

[يامطوله صبري]

Up

Up

 

[البـتول]

وااااي ذكرتني لم كنت تربية عملية نفس المشكلة
شوفي احين انتي كتقيم مبدأي ما رح يعطونج اكثر من جيد جدا .... بس المهم تشدين حيلج بالاسابيع الستة الاخيرة
وانا انصحج تخشين ابداعج لاخر اسبوعين لان اهم اصلا يدورون على اي شي يكتبونه فخليهم يكتوب احسن ما يأذونج بشي ثاني ويصعبون عليج
ماادري شنو تخصصج .... بس انا انجليزي .. فاستخدمت المختبر اللغوي ومثل ماقالت عيون سارة انه مو شي يديد بس طورت الاستخدام .. واضفت واستخدمته بشكل ممتاز مع انه توه كانو مبطلينه والمدرسات خذو فيه دورات ولا عرفو يستخدمونه وانا لا دوة ولا شي من الو مرة استخدمته تمام الحمد لله .... سويت بوبوينت وسويت لعبة اعجبت الموجهة الي هي كلمة السر .. قديمة صج بس ضيفي وعدلي وهني يكون الابداع ... والحمد لله قالت لي الموجهةة الحين اقدر اقول انج مبدعة
وترى خليج واثقة من نفسج اهم بس عشان يبون درون شي يكتبونه ما يصير يطلعون من غير شي
الله يوفقج ويسهل امرج يارب

 

[الامينة]

ممكن اقترح عليج تطبيقات البرامج الالكترونية المستخدمة في التعليم الالكتروني ، تتميز هذه البرامج بغزارة المحتوى من حيث النوع و التفاعل المباشر مع الطالبات أو المعلمة في الحصة .

أورد مثال على ذلك البرنامج التالي ، و الذي كان فكرة لدرس نموذجي و حصل على مركز في مسابقة الكيمياء التي جرت على مستوى العاصمة . لمشاهدة البرنامج قومي بالضغط على الصورة التي في الاسفل ، ثم بعد تحميل الصفحة الجديدة اضغطي على صورة البرنامج مرة أخرى .





و موفجة يارب ،

 

[( المـلاك )]

مشكورين بنات بعد عمري ماقصرتوا :*
وحورية الحين بطرش عالخاص حبيبتي .

والله اليوم كلموني بعد
قالو نبي شي يديد ، شي الكتروني ، نشاط تعليمي غريب . لعبه يديده .
هالحجي بس .

والله الوحدة لما تقعد بروحها وتفكر وتعصر مخها بتطلع افكار
بس وين الواحد يوافق بين شغل المدرسة و مواد الكلية !

 

[حجيه هيونه]

روحي طقي فره على المكتبات وعلى اسواق الهدايا وعلى الي يعرفون بالكمبيوتر


وشوفي يمكن يطلع معاج شي جديد


والله تعقيد هالتدريس

 

[*RoRo*]

موفقه يارب

 

[كسرة عود]

موفقه يارب


بس الثقة لها دوووووور ولاتحرقين اعصابج

​

 

[درة أهل الطولات]

موفقة لرفععععععع

 

[Pop^*^CoRN]

في برنامج اسمه Mouse Mischief تقدرين تستخدمينه بالتقويم النهائي او كمراجعه للدرس السابق

كتبي بقوقل اسم البرنامج و اهو تبع شركه مايكروسوفت و شوفي التتوريالز ملوته

 

[شذى الحب]

بنات شنو هي لعبة الكلمة السر شلون اسويها انا تخصصي اسلامية بنات شلوووووووووووووون
فهمووني

 

[شذى الحب]

بنات تكفوون نبي ابدااااااااااااااااااااااااااااااااااااااااااااااااااااااااع ؟

 

[أم فهد88]

يا ويلي عنج ويلاااااااااااااه

كل هذا ومو إبداع ؟؟

قومي أرقصي للصف ... هذا ابداع ... هذا اللي بقا ما سويتيه ؟.

 

[برنسس أوراق]

شوفي حبيبتي

انا سويت مثل ما قلتي باوربوينت وحطيت فيديو وكل الألعاب اللي سويتها انا جربتها وكلها كانت ابداع والحمدلله وتخرجنا

بس عندع لعبة حوض السمج..تييبين حوض بلاستيك او هااذا اللعبه ما اعرف شسمه..المهم خخخخ وتسوين كلماتج على شكل سمج ملون بالكروت وتخلين البنات اهم اللي يجاوبون..يعني اللي بتجاوب تطلع وتسحب سمجه بالصناره تصيدها يعني

وعندج بعد لعبة شجرة الابداع هااذي انا سويتها والكل سالنس عنها حتى المدرسات والدكتور بالجامعه والبنات اللي معاي بالحلقه..اهي شجرة تلقينها بالمكتبات..وكروتج تكون على شكل تفاح وبرتقال وفواكه عموما وتخلين البنات يركبون الكروت عالشيره بدبابيس صغيره

والله يوفقج :d

 

[أم فهد88]

اوراق خريفيو ممنووووووووع تستعملين الدبابيس


لاي سبب كان

حطي بدالهم لزاق


ممنوع من التوجيه

 

[شذى الحب]

اوراق خريفية مافهمتج والله اي لعبة تقصدين امانة بنات اللي تعرف توضح لي

لانه انا ميداني والله حاابة اسوي هالفكرة تكفوون

 

[برنسس أوراق]

اوراق خريفيو ممنووووووووع تستعملين الدبابيس


لاي سبب كان

حطي بدالهم لزاق


ممنوع من التوجيه

يسلموووووو عالتوضيح