شنو الهدايا الي انصدمتي فيها بعد العرس^ _-_ ^ مثبت لمده شهر^ _-_ ^

[meen_ana]

هههههههههههههههه تضحكون
انا عطوني كرت فاضي ما في فلووووس ههههههههههههههه

مسكينه يمكن نست تحط الفلوس

انا تعقدت كل مرة اجيك انه الفلوس موجودة بالله اعطيهم الكرت

 

[^مرايم^]

سوالفكم فطستني من الضحك

انا وحده يابتلي مخمه كهربا ماركه ونسا بزواجي!!
و هي نفسها يابتلي بولادتي كرسي لونه ازرق مع اني يايبه بنت!!
المشكلة انها مو بعيده .. من اهل ريلي

هذا اللي اذكره

 

[*FaRaWlA*]

لووووووووول

مراايم يمكن ظيعت بين الالوان ما تدرين لوول

 

[ENG.7lw al3ssal]

لووووووووووووووووووووووووول امبيه متوني منالضحك صج صج في ناس ماتستحسي تعالي ايدج فاضيه ولا تفشلين روحج[

 

[*جبرني الوقت*]

انا بصراحه اكثر شي هدوني فلوس وقمصان بس صج كانو يفشلون ولما تزوجو رجعتهم لهم بفلوس اخاف اشتري شي وهي شاريته

بس صج مصخره لما تشوفين هديه تغليفها فخم وضخم وانطر اختي تجي تشوف التغليف ولما تجي اختي متشوقه تعرف شنو داخل وفجا قميص بصلي يلوع الجبد ومن خيط العلاق معلق صروال بوخيط تقولين شباصه صج ضحكنا ضحك بس يمكن مسكينه هذا حدها بالذوق والماديه ومبين متفشله وهي تعطيني وتقول هذا موحقج بس والله عسل على قلبي كسرت خاطري

 

[مارشيلو]

خخخخخ والله في بعض الهدايا افلالالالالالالالالام

الله يسلمكم انا اللي يضحك ان في هدايا تكوون باسمي بس اذا اعجبت خالتي تاخذها

والمشكلة تقووولي ان يابولج هديه



ومرة بعد عطونا فلووووس بس خذاهم عمي يحليله انزيييين ليش تقوووولوون عطوووكم هدييه ؟؟!


سكتو وخمرو وخذووها

انا اققول الناس اللي تهبب خل تحط فلووووس احسن من التهبب

 

[سكووون]

زواجي قريب و بدأت الهدايا

خالتي عطت خطيبي مبلغ بس ماقالت انه لكم اثنينكم !! و وهو اخذه كله .. و لا طرا لي السالفه مع انه والله مو مسألة بخل .. كريم مرة ..

و اخته اللي هي حماتي هم بعد عطته مبلغ بسيط و قال لي عطتني هالمبلغ قلت له لك و لإ لنا قال مادري .. سألها قالت لكم و عطاني نصه

و اخته الثانية عطته مبلغ حلو و نفس الكلام مع امه ما طرا لي اياه .. لأنها ما قالت له لكم ..

و في هالحالة اعتبر ان هديتي ماوصلتني طالما انهم عطوا اخوهم ... صـــــــــح لو لأ !!


صديقاتي قالوا لي بنعطيك فلوس احسن بس انا استحيت و مارديت عليهم ..

خواتي قالوا لي بعد العرس يصير خير لأنهم مفلسين مرة .. ( أكثر من زواج في العائلة بنفس الوقت )

 

[بســـــومهـ]

هههههههههههههههههههه وربي بدعووووا .. خلاص اهديها فلوس وهي تشتري اللي بخاطرها


عرس رفيجتي قريب وبهديها خمسين فششله والا عادي ؟ لاني جد منحرجه منهآ بس شسوي انا مو متوظفه على الله وعلى هالاعانه

 

[meen_ana]

زواجي قريب و بدأت الهدايا

خالتي عطت خطيبي مبلغ بس ماقالت انه لكم اثنينكم !! و وهو اخذه كله .. و لا طرا لي السالفه مع انه والله مو مسألة بخل .. كريم مرة ..

و اخته اللي هي حماتي هم بعد عطته مبلغ بسيط و قال لي عطتني هالمبلغ قلت له لك و لإ لنا قال مادري .. سألها قالت لكم و عطاني نصه

و اخته الثانية عطته مبلغ حلو و نفس الكلام مع امه ما طرا لي اياه .. لأنها ما قالت له لكم ..

و في هالحالة اعتبر ان هديتي ماوصلتني طالما انهم عطوا اخوهم ... صـــــــــح لو لأ !!


صديقاتي قالوا لي بنعطيك فلوس احسن بس انا استحيت و مارديت عليهم ..

خواتي قالوا لي بعد العرس يصير خير لأنهم مفلسين مرة .. ( أكثر من زواج في العائلة بنفس الوقت )

عادي حبووبه الشي للي يوصل عندج لا تعطينه منه صيري مثله _03ba:

 

[مارشيلو]

هههههههههههههههههههه وربي بدعووووا .. خلاص اهديها فلوس وهي تشتري اللي بخاطرها


عرس رفيجتي قريب وبهديها خمسين فششله والا عادي ؟ لاني جد منحرجه منهآ بس شسوي انا مو متوظفه على الله وعلى هالاعانه

انا اشووف انه عادي بس لانج موموظفه

بعديين انا اشوف ان العروووس احسن هدية لها تكوون فلووس لانهم يكونوون باول حياتهم

واتوقع ان من مصارييف العرس والتجهييز يكونون محتاجيين الفلووس

منها لتجهييز الشقه او للسفر
وبعديين العرووووس راح تكووون متجهزة من الى

وماعتقد في شي ناقص من جهازها


وبس

 

[miss swan]

كفر يمكن من سوق اليمعه مستعمل ومحطوط بجيس جمعيه ومحد كاتب اسمه على الجيس خخخخخخ
منعا للاحراج

 

[ام سلووم]

انا مو صج انصدمت من الهداية كلة قمصان نوم من المحاميد لو قياس دبل اكس لارج او سمولوواايد ما يستحون احضرو وما معاهم شي ايد ورا وايد يدام امبي مايستحون الاوادم

 

[الهاوية]

هههههههههههههههههههههههااااي وربي تضحكون ومواقفكم وتعليقاتكم روووعه ...
بقولكم اختي ولدت ويات وحده يارتنا ويايبه معاها حلوو وبعد ماطلعت ولا تيي خدامتها وتقول ماما يبي صينية ؟؟ صينية خير اي صينية اثاريها تبي مالت الحلا عاد امي كانت بتقطها .... العن وربي جان وهقه لو امي قاطتها جان بتقول اكيد خاشتها مع ان يارتنا هاذي مو ناقصها شي ..
والموقف الثاني وحده بعد من ياراتنا ييايبة حلوو ومبطلينه وماكلين منه كااااااااااااااااااااااااااااااااااككككك فشللللللللللللللللة وربي عيب شنو هذااا ..
وبقولكم شي بعد !! مره ييرانا عندهم عشا يابولنا يحليلهم ماقصرووو ولا الاكل فية [[ غطا بيبسي ]] مادري يعني جان حاطين البيبسي شنو الغطا عشان نتشهوى يعني ....
ومره اختي ولدت لا وخالتها كلش ام السنع يعني مطرشة عشا لها دازه دياية وماخذين ريل الدياية كاااااااااااااااااااااااااااااااكككككك يعني سوي دياية ثانية وكلوها والله ناس فشلة ..
يعني نعطيهم ونقدم لهم احسن شي وهذا الرد ماكووو ذوووق ولا شي ....

 

[العاطفية]

صج ضحكتوني مع ان فيني بجية انا بعرسي وبولادتي اهلي غرقوني هدايا ورفيجاتي بعد ومن ارقى شي بس وحياتكم ماشفت ولا شي من اهل ريلي عقب شهور امه يايبتلي خاتم ضعيييييييييييييييييييييييييييييييييييييييف تقول هذي هدية عرسج والله ماشلت بقلبي ولا شي بس قلت الله يسامحهم مع ان اهلي ماقصرو معاهم حيل بهالهدايا من ملجنا بس عقبها ضليت ايبلهم وبعيد الام اذكر خالتي قبل امي الي ولدها ماذكرها يارب يارب يارب عيالي يبروني يارب

 

[عاشقةعيون حزينه]

انا زوجي صارحني باحلى هديه انه كان يخوني مع وحده بايام الخطوبه وتصورو قبل العرس باسبوع كان معها وتعباااااااااااااااااااااااااااااان وايد عشان هيك انفصلنا

 

[اتعبني غروري 7]

انا مو صج انصدمت من الهداية كلة قمصان نوم من المحاميد لو قياس دبل اكس لارج او سمولوواايد ما يستحون احضرو وما معاهم شي ايد ورا وايد يدام امبي مايستحون الاوادم

لا والله الي تيي بدون شي اهون من الي تييب شي يفشل .. يعني الي يت وما يابت شي يمكن ما عندها ؟ لي يابتلج شي عشان ترضيج بتضحكين عليه .. خليها جذي اهون

 

[om al ghaleen]

مو بعد هالموضوع صرت اعطي اي وحده والده او عروس فلوووس (( احسن موو ))
حددددددي تعقدت ههههههههههههههههههههههه

 

[AnA_NeYa]

انا يوم ولدت

الله يسلمكم طبعا محد من اهل ريلي يابلي هدديه المهههههههم ماعلينا

بس رفيجة خالتي يابت هديه وخلتها عند خالتي وذلتنا خالتي تعالو اخذوها وتعالو اخذوها عاد مادري الماس وانا مادري

المهم رحنا خذيناها وصلت البيت بطلتها ولا امبيه

كفر حق البيبي مع مخدته

بس شنوووووووووووو والله يابنات ماجذب عليكم

الظاهر ولدها كان نايم ومرجع عليه والله والله فيه زوااااااع

قطيعه قطيعه كل ماتذكر تلوع جبدي

لاااااااااا ولما ريلي قال حق امه حمدالله والشكر تتوقعون شقالت تقوله حمدوا ربكم ان ناس ذكرتكم وقدرتكم ويع قطيعه عساهم لا ذكرونا ولا قدرونا

عاد ريلي قالها والله يما الهديه تبين اهيا شكثر تقدرج لان انتي رفيجتها

 

[مارشيلو]

انا زوجي صارحني باحلى هديه انه كان يخوني مع وحده بايام الخطوبه وتصورو قبل العرس باسبوع كان معها وتعباااااااااااااااااااااااااااااان وايد عشان هيك انفصلنا

لا حوول ولا قوة الا بالله عاد بالخطبة ؟؟

الله يعوضج خيير انشالله

 

[~ الــــزيــــن ~]

انا حرااااااام اكسر الخاطر :0bee2e8d89: ماعبروني بهديه ولا اي شي
ولما ولدت ولدي الاول وطلعت من النفاس مااهدوني ولا ام رجالي حتى ماسوت لي عزيمه او قهوتني شقصدهم
مادري
بس اول هديه جتني من زوجي كانت تلفون هنود ابو ليت اللي ب7 دنانير [ لهدرجه قدري عنده جذي ]
لا اللي يحر انه قعد اسبوع كامل يقول انا مزهبلج هديه تجنن ومن هالكلام وبالاخر نقال هنود
شر البليه مايضحك :dddds:
ـــــــــــــــــــــــــــــــــــــــــــــــــــــــــــــــــــ
~ الــــزيــــن ~