شنو الهدايا الي انصدمتي فيها بعد العرس^ _-_ ^ مثبت لمده شهر^ _-_ ^

[Stylista_Q8]

امبيه كل مواقفكم ابداااااااااااااااع ,,,,:eh_s(9):


عيل انا يتلي هدية بولادتي من وحده حيل قريبه علينا و هم ماعليها قاصر و مشكشكة عمرها بالاماسات و الماركات اهي و بناتها ,,,المهم هديتها انصدمت فيها على مراحل ,,,افهمكم يعني اول شي حاطة الهدية بعلب الست مالت العطور وجيس مال محل قمصان نوم وطلعت الهدية تمثالين فخار صغارحيل واحد ديج و وحده ديايه طبعا انا مااستوعبت شنو هذيل قلت يمكن انتيك المهم طاااف ,,, يعني تركيبه الهدية ولا شي راكب عالثاني من كل قطر اغنيه ,,,هم طاااف عاد انا كنت بإجازة وضع و يوم داومت شفت رفيجاتي بالدوام معدلين المكاتب و مزينينهم فرجعت البيت وانا اتعبث بالادراج شفت الديج و الدياية ,,,قلت خل اوديهم الدوام و احطهم على المكتب بدال مااهم منقطين بالدرج ,,,

عاد رحت الدوام و عدلت مكتبي و حطيت الديج و الدياية وحطيتلي جم برواز على جم انتيك,,,المهم جان تي رفيجتي ولا تصدمني تقولي شفيج جوجوا الولادة مأثرة عليج لمن الحين ترى هذا مكتبج مو مطبخ بيتكم و تضحك من قلبها ,,,قتلها هو ليش شالسالفة ولا تاخذ الديج والدياية وتقولي ليش يايبة طقم المملحة والفلفل ,,,انا طبعا علامات التعجب كلها صارت فوق راسي ,,,:080402ask_prv: ولا تقلبلي ياهم وصج طلعت مملحة و مالت الفلفل ,,,ولا و الصدمة ودتني المعلم طلعوا ينباعون من بو 100 بعد يعني هم مو انتيك طلعوا بو طقة ,,,:krkrkr:​

لوووووووووووووووووووووووووووووول بدعت :dddds:

 

[الغلا...غلاي]

انا صراحة انصدمت بنوعين من الهدايا

الزين والشين بس صج صج كانت صدمة !!

الزين:- قبل زواجي اقصرت افلوسي على مضاعد ذهب جازولي حيل حيل , دفعت 20 دينار عشان احجزهم

وآخذهم بعد العرس من الهدايا

المهم ,, انا سولفت لزوجي عن هالسالفة ,

ويوم حصلت المبلغ المطلوب بعد الزواج , دورت الوصل مال المضاعد مالقيته !!

طلع زوجي رايح ماخذهم لي وحاطهم تحت مخدتي (ماشاء الله)

الشين :- الحين بعد 7 سنوات زواج

اشتهيت لي تلفون نقال.. سعره 400 دينار

وقلت له انه عاجبني حدي.. (نقزه)

بعد كم يوم جابه لي

استانست ..

لمن طاح من حضني وانا نازله من السيارة وتفكك

خفت وزعلت حدي

ويوم وديته لمحل التليفونات انصدمت لمن قالي صاحب المحل انه تقليد مو أصلي!!

يبيعونه ب 60 دينار من الصين

الحمدلله على كل حال..

 

[صللفه]

بعد تذكرت كم هديه جوني
جاني بعيد الحب هديه ستيان احمر من نعومي وتغليفه يجنن وجاني وانا بالكليه مع البنات وجدامهم فتحت الهديه ولا ستيان احمر بس حلو وغربه
ومره بزواجي وحده جابت لي هديه وحاطه الفاتوره فيها مكتوب 1150 ريال
والمره اللي قبل شرتلي تليفون وحاطه الفاتوره 1000 ريال
وانا استغربت بس امي فسرت ليش
لانو يوم ولدها يتخرج شريت له تليفون ب 2150 ريال فهي بتفهمني انها ردتهم...........وبس

 

[Miss.6Mo7]

لوووووووووووول ..

 

[بنت وايل-]

اناااااااااااااااا احلا هديه شفتها من زوجي بعد العرس تخيلووووووووووووووووووووووووووووو




بعد العرس بسبووووووووووووع جايب كيس ازرق كبير



وعطااااااااني الكيس استغربت فتحته الا جايب لي بجااااااااايم وتنوره استرج بيزوو اللي يلبسونه الخدم



قال هذي لج *************



شكرته بعد فتره وزعتهن عالخدم اللي عند اهلي مو حلوه يشوف خدامتهم لابستهن صدمه



يالله جزااااااااااه الله خير ذكرني اللي يسمع يقول جايبني بدون ملابس

 

[sKntyny]

لانها ام ريلي عرفتي ليش خخخ

_03ba:_03ba:_03ba:_03ba:

ومستانسه حظرتج ..؟

الشرهه ع ريلج اللي مخليج تعايرينه بهديه امه وساكت لج..

 

[north star]

رد: شنو الهدايا الي انصدمتي فيها بعد العرس

بنات ليش مستغربين ان 20 دينار تنهدي انا اللي ما امون عليها وزميله او جاره مثلا اعطها 20 دينار
ااما اختي او بنت اختي لا صراحه امد لها 100 دينار هذي عطايانا للاخت وبنت الاخت
انا مرت اخوي اعطيها 50 دينار اذا والده
ورفيجاتي حيل من الدرجه الاولى امد لها 50 دينار مو اكثر صراحه
وحاليا قطعت هدية الولاده اذا مستشفى اروح ابارك لها ومعاي صحن كاكاو مغلف وبس اما اذا بزورها في بيت اجيب لها هديه عينيه يعني دراجه بيبي او لبس بيبي من مذكير او بدله كشخه مالة طلعه للبيبي ماعاد اودي فلوس للوالده كلش

طبعا كل اللي ذككرتهم فوق اودي معاهم صحن حلو ومعجنات وجاي وقهوه وطبعا عارفين الحلو والقهوه لايقل عن 15 دينار موشويه
اما الوالده في مستشفى واستقبال لا ما اودي لها جاي وقهوه لان موقعده بيت

شرايكم بطريقتي...؟
اما مع حمولتي طبعا حريم حمواني شغالين كل سنه حمل وولاده عشان جذي اودي جاي وقهو وحلو ومعجبات كشخه ومع ضرف 20 دينار احطه بمهاد الجاهل وبس اكثر من هالملبغ ماتقدرين عشان انا عارفه ضروفهم واغلبهم موموضفات ليش اضغط عليهم بعدين ويرجعون لي الهديه وتكون مكلفه 20 مناسب...


انا اشوف ان هذا الطبيعي واللحين كل اللي حواليني جذي نفس طبعي
الفلوس بس حق العروس او المنزل الجديد اما المريضه او عيد ميلاد اوالوالده خلاص بطلو الناس يعطونها فلوس خصوصا ماشالله اذا كل سنه بتحمل وانتي موقفه خلاص..

صح كلامج انا هذا بعد الي اشوفه يصير
و احسه طبيعي

 

[*ريما*]

والله سوالف الهدايا اتموت من الضحك

بس بعضها الصراحه تقهر

انا مره رحت حق وحده والده وداشه عليها انا مع امي بكاكاو اشزينه من سابليه سعره بــ28 وعطيتها عشرين بظرف يعني تكلفت تقريبا 50 دينار

ولما ولدت دشت على الاخت بصينية حلا الله يديم النعمه بدينار ونص وردت على الفلوس

اشدعوى

عاد هالمره بالذات حيييييييل اقهرتني لانها معروفه عندنا انها لما تروح لاحد الشي اللي تجيبه يبيض الوجه

اشمعنى يعني لما زارتني جذي

انا بعدها عاد عطيتها طاااااااااااااااااف ولارحت لها ولا امي بعد لانها صج ماتستاهل التقدير

والا الحمدلله احنا عايلتنا كل المناسبات تقريبا هداياهم فلوس احس احسن لان انتي ماتدرين شنو محتاجين عطيهم الفلوس واهم يتصرفون وعليهم بالعافيه

يعني قاطعتوها انتي وامك بس علشان هالشي
يعني اذا انتي اهديتيها حلا ب28 دينار هي لازم تجيب لك حلا بنفس السعر
يمكن المرة ماكان ماعاها فلوس ترى الهدية بمعناها مو بقيمتها

 

[الجوري 101]

رووووووووووووووووووووووووووعه الموضوع

 

[الحــور]

هههههههههههههه سوالفكم بنات نكته

انا مررره راحيه مع خالي نتمشى في السووق وووقفنا عند محل عطورات
قال حبيبتي ابي هديه عطر لوحده وابي ذووقج (انا قلت بقلبي اكيييد لمرررته) واختررت اول عطر شفته كان حلوو بس اكيييد في احلى

لما طلعنا عطاني الجيس وقال الهديه لج (قال لوقلتلج بالمحل يمكن تستحين تختارين اللي نفسج فيه ) تحسفت قلت ياليتني شريت شئ حلوو


مررره رفيجتي شارية لي كتكوت الملون الصغيرر هديه (استغربت وضحكت عليهااا قدامهااا قلتلها خووش هديه )


اذا ذكررت شئ بقولكم ان شاء الله

 

[ام ذياب ونهيان]

ههههههههههههههههههههههههههههههههههه

الهدااايا بصراحه خبااااااااااااااااااااااااااااال

عيل انا شو بتقولون عني

لي ربييييييييعه من زماااااااااااان معاااي من ايام الثانوي حليلها هالبنت شووي خفيفه وفكل عيد ميلاد اتيب لي شي حتى لو اطرش لي رسااله المهم تهديني مسكييينه

المهم هي مرره طلبت صورتي وانا صغيييره كنت يمكن 3 سنيين او اقل وانا ع نيااتي عطيييتها حتى كانت ابيض واسوود لوووووووووووول

المهم في يوم ميلادي البنت كالعاده طرشت لي هديه تغغغغلييييييييييييييييييييييف جناااااااااااااااااااااان روووووووووووووووووعه

حتى ريلي قال اووب هاي ربيعتج فضيعه قال اكيد على هالتغليف الهديه بتكوون طقم اول ماافتتحتها ولا اشوف ميداليه وفيها صوورتي وانا صغيييره والله اني بغيت اموووووووووووووووووووت من الفشله وويهي اتقطع هههههههههههههههههههههههههههههههههههه

ريلي قال لاتعليق

وطلع عني ههههههههههههههههههههههههههههههههههه لانه كاان شاد حيله يبي يعرف شو الهديه ككككككككككككككككككككك

 

[سارة_kw]

لووووووووووووووووول


اخر هديه وصلتني بالعيد 10 دنانير من حماتي لولادتي بنتي وجدام بيت عمة ريلي اتقول لي جدامهم هذي هديه بنتج وازين حطيها بظرف مو جدام الناس

وااااااي قمه الاحراج ولا كانت زايرتني بالاربعين اتقولي هديه بنتج اذا نزل المعااش بعطيج اياها لي العيد بالله عطتني لما بنتي كملت شهرين ونص وما انسى لما ولدت في ولدها عطيتها 50 دينار في ظرف وجيسة

 

[نـ(المطيري)ـازكـ]

امبيه كل مواقفكم ابداااااااااااااااع ,,,,:eh_s(9):


عيل انا يتلي هدية بولادتي من وحده حيل قريبه علينا و هم ماعليها قاصر و مشكشكة عمرها بالاماسات و الماركات اهي و بناتها ,,,المهم هديتها انصدمت فيها على مراحل ,,,افهمكم يعني اول شي حاطة الهدية بعلب الست مالت العطور وجيس مال محل قمصان نوم وطلعت الهدية تمثالين فخار صغارحيل واحد ديج و وحده ديايه طبعا انا مااستوعبت شنو هذيل قلت يمكن انتيك المهم طاااف ,,, يعني تركيبه الهدية ولا شي راكب عالثاني من كل قطر اغنيه ,,,هم طاااف عاد انا كنت بإجازة وضع و يوم داومت شفت رفيجاتي بالدوام معدلين المكاتب و مزينينهم فرجعت البيت وانا اتعبث بالادراج شفت الديج و الدياية ,,,قلت خل اوديهم الدوام و احطهم على المكتب بدال مااهم منقطين بالدرج ,,,

عاد رحت الدوام و عدلت مكتبي و حطيت الديج و الدياية وحطيتلي جم برواز على جم انتيك,,,المهم جان تي رفيجتي ولا تصدمني تقولي شفيج جوجوا الولادة مأثرة عليج لمن الحين ترى هذا مكتبج مو مطبخ بيتكم و تضحك من قلبها ,,,قتلها هو ليش شالسالفة ولا تاخذ الديج والدياية وتقولي ليش يايبة طقم المملحة والفلفل ,,,انا طبعا علامات التعجب كلها صارت فوق راسي ,,,:080402ask_prv: ولا تقلبلي ياهم وصج طلعت مملحة و مالت الفلفل ,,,ولا و الصدمة ودتني المعلم طلعوا ينباعون من بو 100 بعد يعني هم مو انتيك طلعوا بو طقة ,,,:krkrkr:​

كاااااااااااااااااااااااااااااااااااكـ يمااااااااااااااااااه مت مت من الضحك

ههههههههههههههههههههههههههههههههاااااااااي

حلوة هذي مملاحة ههههههههههههههههههههاااااااااااي:krkrkr:

يماااه لهدرجة الناس ماقامت تعرف تهدي هههههههههههه

 

[Stylista_Q8]

انا مو متزوجة بس بقول موقف صآارلي

مرة سويت عيدميلادي بمطعم وعازمة رفيجااتي ولا وحده معطتني box كيوت كان شكله

تقولي بطلييييه وطلعي الهديه خل الكل يشوفها قلتلها اوكي

امبيه بطلته ولا underwear امبيه انصدمت واهيه ميته ضحك تقولي يلا رفعيه

يعني الواحد يا يهدي هديه سنعه او لا يعطي > اهم شي عندي انه ذكرني بيوم ميلادي حتى لو بمسج

وانا مو من النوووع اللي اذا ما عطوني هدية غاالية او اقل من 10 دنانير ازعل ;s

والله عندي أهم شي انهم ذكروني حتى لو بشي صغير بس على سنع ^^

 

[اللمسة المخملية]

والله عندي أهم شي انهم ذكروني حتى لو بشي صغير بس على سنع ^^

هو اهم شي انه على سنع مو اي شي..

بس سالفة رفيجتج بالمرة مو حلوة !! الا تبطلينه وتخلين الكل يشوفه !!! ليش ؟؟؟؟؟؟؟ :gr4uu:

 

[أوركيد]

آنا صار مع أمي موقف عكسي ...

كانت أمي ناويه تهدي بنت رفيجتها عروس..اشترت لها خاتم ذهب مع طقم عطر ولوشن ..

عقب ما ودت الهديه الا وحدة تسولف لأمي عن الهدية ..تقوول لها ما شاالله خوش هدية الكل يحجي فيها ..:klhfl:

شساالفة !!

الا طلعت امي بالغلط عطتهم خاتم الماس مال اختي كانت حاطته بعلبته وخاشته بكبت امي ...والوالده ناسيه :dddds:

ووصل لهم خاتم اختي الالماس :krkrkr:

وااي يا حلوها اختي ...لا تشوفونها ذاك اليوم :tomato2:

 

[جـــواهر]

بعد عرسي مرت عمي ياعلها للفقر يارب جايبتلي ملفع مخمل وحنا بعز الصيف وعطر وحاطتهم بجيس مكتوب عليه اهلا وسهلا

يامالها الضعفه هذا وهي فلوسها تهبي وتدبي وكل صيف بلبنان وكل شهر عملية تجميل هذا غير الدلع اللي معيشها فيه عمي

لو انها موجايبه جان حفظت ماي وجهها

 

[سارة_kw]

up up up

 

[شروفه البطوطه]

رد: شنو الهدايا الي انصدمتي فيها بعد العرس

انا يابولي قميص نوم ابيض ملطخ حمره
وتلفون نقال مستخدم اشكره امصورين اعيالهم وفيه بقايا مسجات غزل
هذوله أكثر هديتين اصدموني

مووووووووووووووووووو صج

 

[Stylista_Q8]

هو اهم شي انه على سنع مو اي شي..

بس سالفة رفيجتج بالمرة مو حلوة !! الا تبطلينه وتخلين الكل يشوفه !!! ليش ؟؟؟؟؟؟؟ :gr4uu:

تبي تفشلني بالمطعم وتضحك علي البنات > هذي سوالفها (هلاقة)! :eh_s(1):