شنو الهدايا الي انصدمتي فيها بعد العرس^ _-_ ^ مثبت لمده شهر^ _-_ ^

[نور النـور]

رد: شنو الهدايا الي انصدمتي فيها بعد العرس

عفيه اذا تزوجتي قوليلي عشان اييبلج قمصان نوم النوع الي تكلمو عنه البنات بو دينار ومادري جم

لالالا لا تستحين راح اضبطج ... اييبلج بو ريش وسوي حق ريلج ليلة الحظيره ..
يغنيلج ( ديايتي بيضي ذهب واصير غنيه بلا تعب)
وانتي تردين عليه ( كوكو كوكو كوكو ) <<< تطقين رقبه طبعا

واييبلج واحد شي شي شي يلمع تحسين مشروع مصنع شوارفسكي .. راح تبجين اول ما تشوفين هديتي

اممممم وبعد ايبلج ذاك الاحمر المخمل <<< تخيلو قميص نوم احمر ومخمل
وفيه شريطه ذهبيه ... خوووش ورفعي شعرج بشباصه ذهبيه <<< لا تتعبين عمرج راح اييبها مع الهديه

فوق هذيل بقط بالجيس صابون وشامبو ..

ماني مزعلتج ... راح أسألج شنو محتاجه ؟؟ طبعا انتي راح تردين علي .. وانا راح اكشت

ايييييييي نسييييييت انا سنعه .. عندي خوش جنطه والله ماطلعت فيها يديده بقراطيسها يمكن 13 مره بسسسس ..


8
8
8
ساعتها خل اشوفج كاتبه رد بالموضوع تقولين اتعبني غروري يابتلي ويابتلي .. والله ارد بيتكم اخذ الهدايا الي يبتهم
وفوقهم ضريبة طريج

ههههههههههههههههههههههههههههههههههههههههههههههههههههههههههههههههههههههههههههههههه
امبيه بطني
حلووووووووووووووووووووووووووووووووووووووووووووووووه

ياحلوووووووج فلة بدعتي :rerrerek:
عجبتني كوكوكوكووكوووو

 

[حجيه هيونه]

والله موضوع يونس كل فتره وفتره امر عليه



امممممممم


خل اقولكم موقف انا سويته لووووووول مادري قلته هني قبل ولا لا مالي خلق ادور لوول


المهم


كنت بروح ازور رفيجتي وشاريه لها خاتم ذهب وحاطته بعلبه داخل جنطتي


مريت بيت اهلي ( ايامها كنت توني متزوجه )


اختي كانت صغيره طلعت العلبه لعبت فيها وردتها


رحت للبنيه وقعدت وسلمت وسولفنا وعطيتها هديتها ومشيت


رديت البيت
مادري شنو ادور بالجنطه ولا الخاتم جبالي


لاااااااااااااااااا

شسوي


طلعت الانسه المصون اختي واهي تلعب قطته داخل الجنطه وسكرت العلبه وخلتها


بعدين عاد دقيت وقلت لها قالت اي شفت العلبه فاضيه توقعت شي جذي وخذنها بضحك

وبعدين عاد وديت لها الخاتم وتعذرت منها


بس عاد اهي حزتها على وجه سفر تخيلو لاي سبب سافرت وانا ماعطيتها الخاتم


او كانت اختي قاطته بمكان غير الجنطه وانا ياغافلين لكم الله امبي فشله لووووووول

 

[الاميره..انا]

يمه مت من الضحك ,,ومتنحه فيني نوووم اقاااوم<<بنام بس لي رجعه بليل اكمل فيهاا<<<إن شاء الله اذا تزوجت اقولكم خووش مووضووع صج صج يووووونس
مووفقه يالي حطيتي المووضوع

 

[~Unreachable]

مره وحدة يتني استقبال الولاده لما طلعت حطت بيدي فلوس ملفوفين بكلنس ومع السوالف ماادري منو قاعد وانا كنت تعبانه جان امش خشمي بالكلنكسه واقطها بالزباله والله مو مني من البنج تخديت

لوووووووووووووووووول

امبيي كسرتي خاطري هههههه

 

[ياوحشة غيابك]

يعطيكم الف عافيه ع هالموضوع التحفه

انا قبل عرسي باسبوع حددت يوم لرفيجاتي يزوروني فالبيت طبعا كلهم عزمتهم وللأمان هداياهم وحده احلى وارقى من الثانيه

إلا وحده من رفيجاتي ماجت بعدها بجم يوم دقت قالت وينج انا بجيج قلت انا حدي مشغوله عرسي بعد يومين وموفاضيه قالت خلاص بوصل اغراض لبيت اهلج قلت اوكي

والصدمه لما رجعت وشفت الجيس إلا جيس بيت اولادنا ومعفس وملعون خيره وداخله قميص نوم اسود ومحترق شوي ع طرف ودراعه بيت !!!!! انا انصدمت الدراعه شكو ..؟؟ شوي الا داقه تقولي ياحياتي طلعيلي الجيس برا نسيت دراعتي امي داخل الجيس ..


انا انصدمت ليش جذي انا افضل ماتجيب هديه نهائيا ولا انها تتفشل واساسا مافيه ذرابه بتقديم الهديه

 

[Un-6be3iya]

^
لووووووووووووووووووووووووووووووووووووووووووووول
انا كنت قارية الموضوع كله و كل هدية ابداااع اكثر من الثانية
بس الي صكت عليكم كلكم الي حاطه موضوع بالقسم اسمه كرتوون خيار ههههههههههههههههههههههههههههههههههههه

 

[So0oKaRa]

^
لووووووووووووووووووووووووووووووووووووووووووووول
انا كنت قارية الموضوع كله و كل هدية ابداااع اكثر من الثانية
بس الي صكت عليكم كلكم الي حاطه موضوع بالقسم اسمه كرتوون خيار ههههههههههههههههههههههههههههههههههههه

لوووووووووووووووووووووول هذي انااااااااااا هذي انااااااااا
وناسه صرت مشهورة بالمنتدى بروح احب راس ام الخيار انشهرت بسبتها لوووووووووووووووووووووووول
صج صج رب ضاره نافعه لوووووووووول

 

[الجــادل]

رد : شنو الهدايا الي انصدمتي فيها بعد العرس^ _-_ ^ مثبت لمده شهر^ _-_ ^

موضوع حده يونس

امبيه اكتشفت الهيلق واجد بالكويت صج يفشلون

انا طول عمري هداياي للناس سنعه وعليها القيمه

بس ما شفت احد يبادلني السنع كفيت ايدي

وما قمت اهادي الا اللي يسوى فقط

خل اقولكم سالفه وحده مدرسه معاي بالدوام

ولدت وما قدرت اروح استقبالها لظرف ما

دقيت بعد مده اتعذر وقلت بزورج قالت انا رديت بيتي

مع انها ما طلعت من النفاس

قلت بشترى هديتها واطرشها لها

شريت لها ساعه ارماني من اون تايم وطرشتها

مع اني ما عندي عيال ولا انا متزوجه

بعد فتره ولدت اختي

وجت الاستقبال

وحطت بيدها 20

شرايكم؟ لوووووووووووووووول


و وحده ثانيه من الاهل

انشبت لي نشبه العالمين

تبيني اذكر بنتها عند وحده من رفيجاتي لان بحزتها كانو يدورون لاخوها مره

وذكرت لها

شنو جزاتي توقعون؟؟

ولد عمي توفا ليله عرسهم بحادث والباقي بالعنايه المركزه بين الحياه والموت ودور الاسبوع هي مسويه حفله ورقص ودي جي بدون اي تقدير لي مع العلم قبل ما كانت تسوي لبناتها حفله فيها رقص كان مجرد عشا عادي

وسالفه اخرى عشان هالموضوع جا عالوتر الحساس

2 من صديقاتي

جبت لهم صوغه سنعه من دبي

عطورات وبخور من حريم مو شغل سوق ونفس المره تسوي عطور حق مرت الشيخ خليفه بن زايد
وزعفران من الغالي
وقطع خام راقيه مو من بوطقه



وحده سافرت ما جابت لي عود

والثانيه جابت لي دراعه تستحين تمدينها لعدوج وبخول اتصل بي بو 750 فلس


و السوالف واجد لا تعد ولا تحصا لوووووووووووول

 

[أم حسون]

ههههههههههههههههههههههههههههه
اب اب

 

[SUCARA]

امبيييييييييييي لالالالا انا سمعت بمواقف لكن مثل مواقفكم مامرت علي
الحمدلله انه احنا بدريه خير ونعمه وكل شي متوفر ليش يسوون جذي

 

[contessa]

امبيييييييه
ما قدرت اكمل قلت لازم اقولكم الموقف و اكمل اقرا قبل لا انساه

اول شي هذي وحده عمرها 23 توها توضفت و تشيحطت
ينطبق عليها المثل اللي عمره ما تبخر تبخر و احترق
اول شي بقولكم عن جذبها بعدين بقولكم هديتها لووول


اول شي فتحتلها رنج روفر و طحنا عليها مستعمل و قالت يديد !! ترا عادي مادري ليش مستحيه ! و قالت سعر مو سعره

و قامت تلبس كلللللله مركات ما قلنا شي بس كل شوي تقول هذا سعره جذي بس احنا ندري جذابه عقب سالفت السياره

بعدين امها كل شوي تقول حق امي شفتي ساعه بنتي ؟ ترا ب 500
قالتلها الف مره وقالتلها خل بناتج يشوفونها لووووووول


الموقف اللي بعده بهل فتره لبست نفنوف اينن مشالله قلتلها والله يهبل عليج قالتلي شاريته من بوتيك من فرنسا يايبينه الكويت ب 400
قلتلها انزين اثاري قايله حق رفيجتنا الثانيه انه ب 250 و اللي بعدها ب 300
لووول مو راسيه على بر
بعدين دزت مسج حق رفيجتي بالغلط اللي قاصه علينا بل سعر و كاتبه حبيبتي فلانه اب نفنونج اليي كيت و كيت @@
ولا النفنوف اللي قاصدته اهو مال رفيجتها و قايلتلنا مالها
امبيه دقرررررررررررررره



المهم يوم عيدميلادي والله البنات كل وحده اتقول الزود عندي احرجوني كل هذيه احلى من الثانيه معنه قلتلهم لا تيبون اهم شي ييتكم لانه في بنات عارفه ظروفهم
والله الحلوه يايبتلي سوار صغير !!
حييييييييل
انا مو متينه بس جنه سوار مو ذهب
لا خام عادي
جنه حق مولود و البوكس ماله مال ب 100 فلس اعرفه
بس قلت حرام كافي وجبتني

و امس رحت طيور الجنه جنه مادري محاميد بنيب يونفورمات حق الخدامه
ماااااااااادري شلون لجحت شي من بعيد
والا السوار اللي يايبتلي اياه

انصدمت
يعني هديتي كلها ب 200 فلس
لو يايه بدون شي ابركلها
و تعمدت اكتب عنها فوق عشان تعرفون انه ما عليها قاصر ليش تسوي جذي؟؟؟
يمكن ما توقعت بيوم بروح بو 100 و اصيد اللي يابتلي اياه لوووووووول
كككككككك

 

[! بــدويه وآآيــد !]

،



لوووول


انا ايآم الثآنويه كآن فيه سوآلف معجبآت وجذي

فيه وحده مآعندهآ شخصيه وتكسر الخآآطر والبنآت يتمصخرون عليهآآآ وهي تضحك لهُم وكنت اقعد معآهآ واقول لهآ لآتخلين احد يضحك عليج وجذي انتي عندج عقل مثلج مثلهُم لآتخلين نفسج مصخره !!

المهم البنت صآرت كل مآتشوفني تبوسني وتسولف معآآآي

وفي يوم جآبت لي هديه لول

الهديه جيس ازرق بأخضر وصخ @@

دآخله قلم الي من ورآ تطقينه يكهرب لآ ويآحليلهآ قآلت لي ترى يكهرب يعني حذرتني ههههههههه تقول يونس خرعي فيه اهلج ورفيجآتج لووول << وتعلمني ع الطريقه بعد وحمره من بو 100ومسكوره شوي ونآآسيه بعد المهم خآمطه لي جم شغله من اغرآضهآ وحآطتهُم بجيس

ودآآآخل الجيس تتوقعون شنو فيه @@





سبش وحده بس طآيحه ومآكول نصهآآ وفيهآ مآيونيز وكتشب ههههههههههههههههآي معفنه



وجتني بعدهآ بأسبوع قآلت لي بجيب هديه لبيتكُم قلت لها شنو ؟؟

قالت كمبيوتر عندي وابي اعطيج إيآه كآآآآآآك قآلوا لج مآعندي الله يهدآآج


بس الله يذكرهآآ بالخير مآ اشره عليهآآ لأنهآ حيل ع النيه وكآنوا يقولون ان عقلهآ شوي انقص من عمرهآآآ




والشي الثآآآني الي بط جبدي !!

ريلي شلون جآيب لي المهر ؟؟

والله لمآ شفته استحييييت من اهلي واهلي انصدموا بعد

 

[آلمترٍفه ِِِ~]

^

يمممه مسدومه فشششله


بدويه شلون جآب آلمهرر

 

[Un-6be3iya]

^^
قولي شلوووون يايبه....؟؟؟

 

[reem.q8]

شلون كان يايبه @@

 

[طهر الغيم]

رد: رد : شنو الهدايا الي انصدمتي فيها بعد العرس^ _-_ ^ مثبت لمده شهر^ _-_ ^

موضوع حده يونس

امبيه اكتشفت الهيلق واجد بالكويت صج يفشلون

انا طول عمري هداياي للناس سنعه وعليها القيمه

بس ما شفت احد يبادلني السنع كفيت ايدي

وما قمت اهادي الا اللي يسوى فقط

خل اقولكم سالفه وحده مدرسه معاي بالدوام

ولدت وما قدرت اروح استقبالها لظرف ما

دقيت بعد مده اتعذر وقلت بزورج قالت انا رديت بيتي

مع انها ما طلعت من النفاس

قلت بشترى هديتها واطرشها لها

شريت لها ساعه ارماني من اون تايم وطرشتها

مع اني ما عندي عيال ولا انا متزوجه

بعد فتره ولدت اختي

وجت الاستقبال

وحطت بيدها 20

شرايكم؟ لوووووووووووووووول

موقف رفيجتج أشوفه عاادي

يعني 20 ممكن إنها تنعطى بهيك مناسبه
خصوصا إن الاستقبال لأخت رفيجتهااا مو رفيجتهاا




بدويه شلوون قولي :eh_s(3): ؟ ​

 

[غمزه وإبتسامه]

ههههههههههههههههههههههههههههههههههههههههههههه

 

[الجــادل]

رد : رد: رد : شنو الهدايا الي انصدمتي فيها بعد العرس^ _-_ ^ مثبت لمده شهر^ _-_ ^

موقف رفيجتج أشوفه عاادي​

يعني 20 ممكن إنها تنعطى بهيك مناسبه
خصوصا إن الاستقبال لأخت رفيجتهااا مو رفيجتهاا​

بدويه شلوون قولي :eh_s(3): ؟ ​

الحين معطيتها هديه بـ 180 تمد 20 عادي !!!

انا استحي امدها

اقل شي خمسين والا اربعين بظرف مرتب

مو عشرين معفسه بدون لا كرت ولا شي وتمدها جدام الناس

خصوصا ان ماديتها زينه

 

[ملآمح يوسفية]

حرام لاتنقدون عليهم , عالأقل ذكروكم احسن من اللي ماعبروكم ولا قاموا بالواجب

 

[الحلا و الزين كله]

رد: رد : رد: رد : شنو الهدايا الي انصدمتي فيها بعد العرس^ _-_ ^ مثبت لمده شهر^ _-_ ^

الحين معطيتها هديه بـ 180 تمد 20 عادي !!!

انا استحي امدها

اقل شي خمسين والا اربعين بظرف مرتب

مو عشرين معفسه بدون لا كرت ولا شي وتمدها جدام الناس

خصوصا ان ماديتها زينه

حرام يمكن موعارفه قيمه الساعه اللي انتي جايبتها.. فقالت امد اللميت العادي بمثل هالمناسبات