شنو الهدايا الي انصدمتي فيها بعد العرس^ _-_ ^ مثبت لمده شهر^ _-_ ^

[دموع-الاصايل]

رد: شنو الهدايا الي انصدمتي فيها بعد العرس

عاد انا يوم ولدت والا وحده من اهلنا اعزها واجد معطتنى صندوق شكبره يهبل و يوم بطلته والا انصدمت حاطه فيه جم بدله جديده بس مبين انهم اللى بقو من هدوم ولدها لانها ولدت قبلى بجم شهر و جابت ولد طبعا بتقولون شدرانى انها من هدوم ولدها لان البدل وحده كان مكتوب عليها set of 2 peace يعنى طقم من قطعتين و كانت حاطه البلوزه بس!!! وين البنطرون يعنى؟؟؟ الظاهر عجبها و خلته لولدها و البلوزه قالت احطها هديه ....امبيه صج نكته
غير ان بلوزه من محل و بنطرون من محل .... لا والطامه الكبرى حاطه دشاديش بيت (المخططه) الظاهر علشان تترس الصندوق
يعنى والله لو قايلتلى ان الهدوم عقب ولدها و ما لبسهم و حسافه تنقط اخذيهم لولدج جدد جان اهون 100 مره من انها تحطها على انها هديه
مع انى احبها حيل بس عادى مو مشكله على الاقل ذكرتنى

 

[جاليسا2007]

رد: شنو الهدايا الي انصدمتي فيها بعد العرس

الحمد للله أحصل هدايا الغاليه اللى بألف وزياده وذهب
وصديقاتي وأهلى ما يقصرون
لكن اللى بط جبدي مرت عمي الله يسامحها عندها جنطه وتعلمني أن ولد زوجها شاري لها من بره وهي ماركه وتقول انها غاليه واستعملتها مده من الزمن وعيني عينك تقول لي باعطيج هالجنطه المستعمله اللى هي شبعانه منها هديه لي
وحست اني مو متقبله هالهديه المستعمله وغصب جدام عمي بتعطيني هالهديه
قطتها عندي وما رديتها او فشلتها
ويوم اطلعت من بيتنا سيده عالزباله الله يسامحها يعني الناس يهدون شيء عالاقل جديد مو مستعمل عيني عينك وغصب اخذيه
زوجي وأهلى الحمد لله مو مقصرين معاي بالهدايا الغاليه والمقبوله

 

[sweet.sweet]

رد: شنو الهدايا الي انصدمتي فيها بعد العرس

لوووووووووووووووول شكرا على مروركم ويلا نبي تفاعل اكثر نبي نضحك جان زين يثبتونه الموضوع وايد حلوووووووووو
تسلمون يا بنات

 

[الفراولـه]

رد: شنو الهدايا الي انصدمتي فيها بعد العرس

ابييييييييييييه بدعتوا انا بعرف اشسالفة الصحن ؟؟


و صج في ناس جذي ماعندهم ذوق

اي تصدقين عاد ليحين مو عارفين شسالفته خخخخخخخخخخ :krkrkr::krkrkr:
انا اتوقف يمكن صحن بيتهم حاطينه بكرتون :krkrkr::krkrkr::krkrkr:

 

[جوزائيه مغروره]

رد: شنو الهدايا الي انصدمتي فيها بعد العرس

ههههههههههههههههههههههههه

الحمدلله ما حاشني طشار من هدايا العرس

الله يستر من هدايا الولاده ههههههههههههههههه

يعطيج العافيه

 

[yam_yam]

رد: شنو الهدايا الي انصدمتي فيها بعد العرس

امبيييييييه انا عندي مايجيبون و لا يقدمون هدايا تفشل خخخخخخخخخخ

 

[eng.lomi]

رد: شنو الهدايا الي انصدمتي فيها بعد العرس

امبي بنات هداياكم عجيبة, انا مرة وحدة يابتلي شرشف بدون ويوه مخاد ولا شي باستقبال زواجي , ورفيجتي تحلف انها لما تزوجت يابولها كرتون كيكات انا شفته مع الهدايا باستقبالها بعدين قالتلي ان مرة عودة يايبته حقها

 

[-Bello-]

رد: شنو الهدايا الي انصدمتي فيها بعد العرس

والله ماتوقعت انه صج في ناس جذي حقوده اللي حاطه ربع دينار بالظرف ماتستحي

 

[بتبوتااا]

رد: شنو الهدايا الي انصدمتي فيها بعد العرس

اي عادي انا يات لي هديه اموت واعرف منو منو لحد الحين اسألأ محد يجاوب لوووول

الهديه كانت كـــــــــــــــــــــانت


ساري مال هنود على انه قطعه خام !! :\

 

[حرم الحوت]

رد: شنو الهدايا الي انصدمتي فيها بعد العرس

خخخخخخخخخخخخخخخخخخخخخخخخخخخخخخخخخخخخخخخخخخخخخخخخخ
والله فكرتوني باللي مضى
والله عقب عرسي بجم يوم زارتنا وحده ويايبه معاها هديه ولا قبل لا تيي باسبوع واهي اتدقق علينا ترى بشوف العروس وبعطيها هديتها لا تطلع خلوها تنطرني وعقب نطرنا ولمى راحت وااااااااي الله لا يواريكم والا مزهريه جنها مالت الهنود اللي يحطونها بسياراتهم هههههههههههههههههههههههههههههههههههههههههههه وربي ضحكنا ضحك انا واهل ريلي ما توقعنا منها هالهديه

 

[cawcaw]

رد: شنو الهدايا الي انصدمتي فيها بعد العرس

عيل انا بزواجي وبولادتي شفت العجب العجاب من الهدايا.. :klhfl:

بزواجي وحده اعرف ذوقها يابتلي قميص نوم من سوق العايله وسعره عليه كان ب 11 ونص بس كان ناعم الي يصير ستن مع روبه ولبسته وبولادتي نفس الشي يابتلي قميص نوم حتى طرزان مايلبسه لوووول هذا كان مأساة طبعا بالمرتين موحاطه كرت بس ذوقها معروف وبالمره الثانيه شفتها شايله الجيس وثبته..
ورفيجتي الله يهداها بزواجي يابتلي طقم عطر وشور جل سان لوران الرجالي مادري شالمناسبه!! ماكلمتها شكيت انها غلطانه بالهديه بس طوفت السالفه ولان ريلي يحب العطر كان لوووول ..

وبولادتي بنت عمتي يابتلي ككاو مأكول منه والماعون مصدي غير ان السولوفان مشقق ومعفس شكله كانو يايبين لها ياه لما ولدت ويابتلي ياه المستشفى.. طبعا مثل مااهو بالزباله استغفر الله.. هذا واهم ماعليهم قاصر

ووحده ثانيه هم من معارفنا بولادتي يابتلي ترجيه على بو ذهب ولما رحت ابيعها ولا تطلع سووده من ورا ومصديه وفوق هذا موذهب !!
هذا غير الدراريع ملوت العيايز وقمصان النوم الي 3 يدشون فيهم من كبرهم وانا حزتها ضعيفه ماكنت درام

الواحد مومحتاج من احد شي ولله الحمد بس اذا بييبون خل ييبون شي سنع ولا لاييبون .. بالنسبه لي عندي لو بس ييون من غير شي عندي وااايد ارحم..

وكله صوب واللي ييون ويتشيحطون والي تقول انا شريت لج طقم ذهب والثانيه تقول شريت سواره للبيبي بس نسيت الهديه من العيله والله وكيلكم لي اليوم شكلهم ناسين ماكو شي لوووووووووول الحمدلله والشكر .. كل واحد يتعامل باصله واخلاقه كلماقول بوديلهم مثل مايابولي اتحسف اقول والله فشله بحقي واروح اشتريلهم سنع

 

[ارض الاجواد]

رد: شنو الهدايا الي انصدمتي فيها بعد العرس

الموقف اللي صارلي حمواتي ما قدمو ولا شي لي
وحده يابت لي كفر مولات اليهال ب6 سنين هذا اليوم حده ضحك :krkrkr:

 

[جوك احلى جو]

رد: شنو الهدايا الي انصدمتي فيها بعد العرس

انا اللي ماحبه لمن احد يشتري شي ويحطه بعلبه محل راقي يعني جنهم شارين منه

هههههههههههههههههههههههههههههههههههههههههه وااااااااااااااااااي ضحكتيني:krkrkr: :krkrkr: :krkrkr:

وسالفه الدولكه والعطر المكسور ابدااااع خخخخخخخخخخخخخخخخخخخخخخخخخخخخخ :krkrkr: :krkrkr: :krkrkr:

 

[جوك احلى جو]

رد: شنو الهدايا الي انصدمتي فيها بعد العرس

انا رفجتي ومن عيله معروفه يابتلي عطرين بدينار ونص وحاطتهم بصندوق عطور مبين عليه مستعملته وكان عليه وصخ
والثانيه اللي وياها يابتلي قميص نوم وكان شكله ملبوس حتى امي قالت على الاقل لو لابسته جان غسلته ويابته مو جذي شكله مبين مو نظيف
والله الاولى بعرسها وديتلها ست عطور فرنسي
والثانيه يوم ولادتها عطيتها فلوس
انصدمت منهم حدي عاد هم صديقاتي حيل

امبيه صج فشله لو مو يايبين احسن لهم :dddds:

 

[جوك احلى جو]

رد: شنو الهدايا الي انصدمتي فيها بعد العرس

لووووووووووووووووول ايي انا في قمصاان نوووم اتفشششششششششششششششششل واااي لاعت جبدي لما شفتها
عرفتو جنهم ملوت سيرك اللي بنطلون ضييييج و مفتووح عالجوانب وزري واحمر واصفر واااي فيلم فيلم

ناقص بس يحطون لي مع الهديه (شيتا) لوووووووووووووول حتى ريلي ضحك وانقص ويهي خشيت الكرت مابيه يدري انها وحده من اهلي

:krkrkr: :krkrkr: :krkrkr: :krkrkr:

 

[جوهرة الرياض]

رد: شنو الهدايا الي انصدمتي فيها بعد العرس

انا يارب لك الحمد وشكر خالتى هى ماتغيرت بغلاها لى ولزوجى بالعكس من فترة وفترة تذكرنى بحاجة حلوة وذوقها ماشاللة علية

 

[([عطر رومانسي])]

رد: شنو الهدايا الي انصدمتي فيها بعد العرس

هههههههههههههههههه ضحكتوني :dddds:
يوم ولدت وحده يايبتلي جنطه لوي فيتون بس جيسها قوتشي :eh_s(1):
طبعا تقليد
بس المصيبه وين
لما فتحت الجنطه لقيت القراطيس اللي داخل (جريده الوطن معفستها وحاطتها) يعني عشان تنتفخ الجنطه
ولما طلعت الجرايد
الصدمه الكبرى
اني لقيت بالجنطه كريم لونا المصري مستخدمين نصه واكلينكس معطر مال الخطوط الجويه الكويتيه :nocommint:
واكلينكس ماسحه فيه حمرتها الورديه :eh_s(14):
حدها راهيه الاخت على الاقل طلعي اللي فيها قبل ماتهدينها هههههههههههههههههههه
عاد عطيتها فلبينيه امي تكشخ فيها لاسافرت

 

[جوك احلى جو]

رد: شنو الهدايا الي انصدمتي فيها بعد العرس

انا يابولي قميص نوم ابيض ملطخ حمره
وتلفون نقال مستخدم اشكره امصورين اعيالهم وفيه بقايا مسجات غزل
هذوله أكثر هديتين اصدموني

:krkrkr: :krkrkr: :krkrkr: :krkrkr: :krkrkr:

 

[جوك احلى جو]

رد: شنو الهدايا الي انصدمتي فيها بعد العرس

بصراحه كل الردود تضحك مومال اسوي اقتباسات للكل بس شكرا لصاحبة الموضوع خلتني اموت من الضحك الصراحه مواقفكم بنات مع الهدايا شي موطبيعي ههههههههههههههههههههههههههههههههههههههههههه

 

[رفييف]

رد: شنو الهدايا الي انصدمتي فيها بعد العرس

انا مافي ولا هديه اصدمتني الحمدلله
بس في وايد ناس اصدموني انهم طنشوني وانا موجبتهم ://