شنو الهبه هالايام

[contessa]

البنات اللي يسألون عن الجناط اللي تكون سلسلتهم طويله ..
هالنوع من الجناط يسمونهم CLUTCH وجناط شانيل مشهورين بهالستايل
واللي تبي من هالنوع بسعر زين وشكل ستايل ورزه ..
روحي شوفيهم عند محل miss selfridge اللي توه فاتحينه بالافنيوز .. شكثرهم هناك والالوان المتوفره (اسود أو بيج)
شوفيهم بعد عند محل Aldo نفس الستايل ..
وبعد عند Topshop شايفتهم من فتره بس مادري اذا للحين موجودين ولا لأ ..

mashkooooooora

 

[فلونة احلى وردة]

بنات انا توني كنت معزومة وصرت كلش على الموضة
لبست نفنوف من محل اللي بزاوية اللي مجابلة المهلب
ومعاها جاكيت خفيف كانه توينز
والوان اللبس صيفية
مع صندل مثل اللي بالصور كانه صندل وكعب المحارب
مع ملفع دبل فيس مخنووووووووووووووق
وميك اب على الموضة مسحوووووووب وشدو خفيف وماسكرا وحمرة قلوس لمعة
وسلامتكم
اشكركم انكم علمتوني شنو الموضة
واستفدت منكم وااااااااااااااااايد بخصوص النفانيف واستايل الملفع
والحين هابين صج بالملافع الشيفون ومصنوط وبدون كبة الشباصة
علبالي ما يعرفون يلبسون ملافغ طلع البنات ستايل وانا ما ادري
بس الارز شوية كبيبة
مو الكبة العالية وييييييييع كانهن اسمنة البخت المائلة

 

[فلونة احلى وردة]

مشكوووووووورين
بس ودي صير ستايل وعلى الموضة بالعبي بعد شلون
بس شئ ساتر وحلو وفخم مو رخيص وبوطقة ابي محلات راقية بالعبي
وابي بعد اصير كشخة بالعروس شنو الهبة بالعروس وبالشعر ووين هابين يحطون ميك اب بالعروس باي صالون
انا خبري عتيق من ايام دينا باساس
وخيتكم من زمان ما صار عندنا عرس من 5 سنين
يلا ساعدوني

 

[بوران]

الحين اغلب البنات يحطون حق روحهم مكياج بالعروس
اذا كنتي تعرفين بالمكياج عدل

 

[A7bni_1]

للرفع...

 

[Misssss1]

uppppppppppppppppppppppppppppppppppppppp

 

[" بنت العز "]

up up up up
up up up

 

[espresso]

واايد حلوة فكرة الموضوع

أقول يا بنات ... اليوم رحت ريفا اللي بالأفنيوز

الصراحة مو محل مفضل عندي لأنه اعتقد انه مشغل سوري و يغلي اسعاره جنه براند اوربي

المهم تشيكلته حلوة ومستحيل وحدة تدخل المحل وما يعجبها شي

حتى الاكسسوارات كيووت

 

[فلونة احلى وردة]

مشكووووووووووووووورة بورنا
الحمد لله اعرف احط ميك اب بس ودي اغير واحط عند ناس لتغير اللوك
ودي اسوي برونز
شرايكم بالبرونز بعروس البدو احس بيقولون عسى ما شر مو كاشخة؟
هههههههههههههه
ادري يبون البياض
شسوي بسوي تغير وبسوي برونز بعرس مو حيل من قرايبنا

 

[بشوشه]

وايد هابين بالاكسسوارات باليد تصير مثل غوايش مصر دهبيه مو عارفه اوصف لكم بحاول انزل صور

 

[نشميه]

بنات انا توني شاريه جنطه كلتش اللي فيها اسم انا ما حطيت اسم حطيت ما شاءا لله وشريتها من وحده لبنانيه شغلهااااااااااااااروووووووووعه وكل قطعه منها وحده بس انا خذيت جنطه فوشيه جلدها لماع ولونها حده فاقه ومع الذهبي تهبل كل من سألني عنها وسعرها 35

 

[chocolate cake]

شنو موضة التسريحات بالعروس ؟؟

 

[بنت الأصايل]

الرفع لعيونكم

 

[ساره ستايل]

شنو موضة التسريحات بالعروس ؟؟

تسريحات مرتفعه والشعر كله مرفوع
تسريحة الكبه على جنب وتكون مسحوبة لي برا ( وايد شفتها )

وشفت تسريحات بعد هابين فيها بس ما اعجبتني
نفس لما اتسوين كبب مدورة وايد بشعرج .. جذي هذي التسريحه !!

بس الكبه اللي على جنب مع تفنن وحده خبيرة بالشعر .. تطلعين زوغه :tek:

 

[اهم شي]

هاااااي بناات من وين القى نفانيف قصيره الوان فااقعه مثل البرتقال والاصفر والوردي بليييز ردوو علي ابييهم ضرووري

 

[ღمــايــليღ]

هاااااي بناات من وين القى نفانيف قصيره الوان فااقعه مثل البرتقال والاصفر والوردي بليييز ردوو علي ابييهم ضرووري

اي والله انا شفت بنات بالافنيوز الوان نفانيفهم حلوه فسفوريه


بس يليتكم تفيدونه وتقولون من وين:eh_s(6):

يسلموو

 

[مدام فاشن]

اليوم رحت الافنيوز ولقيت نفانيف فاقعه ببريشكا

 

[miss abrar]

وناسه يهبل الموضوع انا عن نفسي في اشياء هابه فيها وفي اشياء مو قادره اتجرأ اسويها .. اللي هابه فيه الجينز الواسع والنفانيف ابيض وبيج واسود والنفانيف الواسعه مع حزام و جنطة الشانيل المربعه ام سلسله طويله والجناط الكبار وما ارتاح امسك جنطه بيدي وهابه بالكارديغان والجاكيت القصير والفيست وبنطلونات باب الحاره وصنادل الغلاديتر واللي فيهم كريستال بعد هاذا اللي اتذكره الحين واللي مو قادره احبه او اتجرأ اسويه الألوان الفاقعه احس اني كبرت عليها والبنطلونات الملونه ما تخيل نفسي فيها واللي مو قادره اضحي فيه ولا هاين علي ان اقص شعري لأن راحت موضة الشعر الطويل بس قلبي معورني وفوق كل هاذا ريلي نو راضي اقصه قصير بس قلت راح امزج الموضه مع الكلاسيك وماراح اغصب نفسي على شي ما احبه حجي ادري الموضه اهي راح تغلبني بالأخر ما يسوه علينا ركضه بهالسوقه وريولنا تزلقت من الجواتي ورصيدنا نشف ولا احنا ملحقين صايره عشرين هبه بنفس الوقت بس تعبت من السوق وفلست وهاذي قصتي مع الهبات وسلامتكم

 

[miss abrar]

ونسيت بعد النفانيف الجينز حلوين وايد ماركات منزلينهم ومنهم لانفان الاسطوره منزل منهم موديلين

 

[زبــــــــدة]

باجر بروح السووق باخذلي جينزات وسيعه

وباخذلي اشياء فسفوريه ههههههههه

وبشتريلي بكيني حق المسيله