انا لأني مو متحجبه .. بتكلم عن الغير متحجبات
أولا الهبه هالايام انج تلبسين نفنوف ابيض أو بيج قصير .. وتلبسين معاه جوتي (فلات) أو كعب wedge (المتصل) ويكون لونه وردي فسفوري أو اصفر فسفوري أو whatever فسفوري
ثانيا من زمان هابين بتيجان الريش والفيونكات اللي على سايد واحد لكن الحين اكثر شي هابين بالتيجان اللي على سيور مو بلاستك
ثالثا وايد رادين على الجناط الكروس الصغيره الفسفوريه وبالذات مع جينز غامج وتوب طويل نوعا ما ابيض أو بيج
رابعا جناط شانيل المربعه اللي سلسلتها طويله للحين هابين فيها وما طاحت موضتها وماتوقع تطيح بعد
خامسا هابين حيل بالشعر السليكاللي يكون مربوط ذيل حصان أو كبه .. ويكون مسموت كله بالجل بالضبط نفس عارضات الازياء
عموما السليك من زمان هابين فيه لكن الحين زايدين اكثر وبالذات مع فرق بالنص نفس ستايل الهنود
وايد راقي وذرب .. كبه مسموته أو ذيل حصان مسموت .. مع فرق خفيف بالنص وتراجي نحاس كبيره مدوره أو فص كرستال
لأن كل من ترك الحين التراجي المدندله احس شخباري منو يلبس جذي الحين
سادسا هابين بالجيجي (هيلاهوب) الملونه سواء للصيف أو الشتا .. من فتره شريت جي جي من شانيل الصالحيه يكون نصه اسود ونصه ابيض لبسته مع نفنوف قصير احمر وطلع وايد حلو .. عموما بشكل عام هابين وايد بالهيلاهوبات
اذكر يتلي فتره كل يوم البس حق الجامعه نفنوف اسود وكل يوم اغير لون الهيلاهوب لوول
سابعا هابين بالنيل بوليش اللي تكون الوانه فسفوريه .. مع اني ما حبيته وماجربته بس هذا اللي هابين فيه بنات هالوقت
ثامنا هابين بالجواتي الـ gladiators نفس ملوت الحروب ومكودين بمحل h&m
تاسعا .. بلاك بيري شي مهم لوول
عاشرا .. حواجب عريضه .. لأن خلاص راحت موضة حواجب الثمانيه والضعاف .. الحين كله حواجب عريضه
وسلامتكم وتعيشون
ماشا الله ذوقج واااو عاد انا احب هالستايل راقي و ناعم و كاجوال
