شنو الهبه هالايام

[đeɱɛɼɑ™]

~

ام مضاوي & دميرة
ام مضاوي ماعندي كحلي لووول ... وهذا هاي ويست فما عندي الا اسود ... وعالشوز مادري يمكن البس اسود ... او الاحمر ...
للحين ... والجولية ترا قصييييير ومفتوح يعني الاحمر مو طاغي اكثر شي الابيض والاسود...وتسلمييييين حياااتي :**

دمييرة

اي يمكن اركب الجنطه سلفر غااامج ... طلع وااايد نايس عليها وشفت الصورة اللي حطيتيها كامرون دياز شايلة جنطه بروونز وايد حلوو جي عاد انا بشيل سلفر غامج لووول ...

مشكوووووورة حبيبتي :*

العفوو ولووو ،
وحلووو وااايد لون السلفر الغآمج .. ما ادري ليش ما فكرت فيه
وان شاء الله تطلعون اكششخ بنآت بالحفلة :**

بنات بعد اسبوعين معزومه ع حفله تخرج رفيجتي مدري شلبس ؟

افكر اسوي تان والبس نفنوف بيج قصير عندي اوو

نفنوف برتقالي قصير من ااتش اند ام ودي اسوي تركيبه ذهبيه ويااه

بسس رفيجتي تقول نوب ناعم حيييل حفله لازم شي افخم -_-

عااد عندي نفنوف اسوود ضيج ع الجسم لنص الفخذ اينن مستحيه البسه جذي ابي كيلون يقولون بس بالشتاا ينلبس امبي مستحيل اطلع فخوذي جذي :/

شرايكم كنت خاشته حق العيد والبسه مع كيلون بس الصدمه قالو لاا بدون لبسيه مو ستحيييل وشاريه معاه الكيلون الي هابين فيه الي جنه ليقنز كامل لابسته هيفااا :$

وطبعا اذا بلبسه ماراح اسوي تان لاني بصير رسميه وبدمج احمر وياه

وبغير لون شعري بغمجه نحااسي غامج

شرايكم

الحفله دي جي وبقاعه وفيها حريم كبارر مستحيل اطلع فخوذي جذي

البس كيلون ولا اخش البدله حق الشتا لوول وادور بدله غيرها


وصج منو تعرف تان يعطي لون وردي ؟؟ مابي برونز ابي وردي


ثانكسس

لبسي النفنوف الاسود مع هيلاهوب لحمي فيه لمعة ذربة
حتى لو بالصيف عادي ..،

بس اذا تبين تلبسين شي ثآني ،
اخذي النفانيف الضيجة اللي تييي ضبط على الجسم
او اللي تصير مثل تنورة كلووش قصيره:










و بعد لي الحين موضة الترتر موجودة
مثل هالطقة :







والمحلات اللي ممكن تلقين فيهم هالنوع

ZARA
FRENCH CONNECTION
KAREN MILLEN <<<خاصة كارين عندهم نفانيف مو طبيعية

بنات بصدمكم شوي

7
7
7
7
7
7
7
7
7
7
7
7
7
7
7
7
7
7
7
7
7
7

شريت حق العيد وخلصت مابقالي الا شيله

التوب من اسوس وصل امس والبنطرون اخييييه اهو مطلع البدله من توب شوب

والله ودي احط صورت البنطرون بس الــFBI يلاحقون ردودي ملاحق لووووووول

التوب اوف وايت والبنطرون زيتي فاتح والجنطه ركبت عليها lv الديمير البيضه

سو يبقالي بس شيله زيتيه بدور مكان يسويلي تطريز ناعم يلوق معاها

لووووووووووول اشرايكم فيني وانا خلصت حق العيد لانه احنا برمضان ماااانطلع زحمه

وغير انه ثلاث ترباع الكويت لابسين نفس الشي بالعيد

واااو
من وصفج شكلها البدلة عجيبة ،
تتهنين فيهآ ياربي

واشوه خلصتي من شغل العيد مبجر :ggdw:


~​

 

[đeɱɛɼɑ™]

بنااات

i miss u all ;*

ادعووولي باجر اول امتحان فاينال ياربي الله يستر ..

بغيب عنكم انشالله راجعه على 29-6 :d


--


واللي تسأل عن تاتو شانيل ..

بالعكس حلو و يشوق بس اذا كان شوي يعني على طرف الظهر و جذي يصير يشووووق ..
في موقع ناسيه اسمه بس جنه مالاكو مادي ماكاو شي جذي

المهم موجوود بصالون لاشز بالجابريه بـ 38
و صالون ثاني بعد بالجابريه ناسيه اسمه بـ 48

الله يوفقج بـ امتحاناتج
ويسهل لج امورج ان شاء الله

 

[نور اهلي]

بنااات

i miss u all ;*

ادعووولي باجر اول امتحان فاينال ياربي الله يستر ..

بغيب عنكم انشالله راجعه على 29-6


--

وااي ذكرتني بالهم توني خالصه من الامتحانات


الله يوفقج ياااارب شدي حيلج :ggdw:

 

[كوكو واوه]

قوه بنات
انا عندي شروال زيتي محتاره شنو البس معاه
عطوني افكار ياحلوات..

 

[غمـــ ^^ ـــازه]

زبده

لووووووووووول للحين الخام التايقر ماخيطتيه

والله فتكيت من العيد بس يبقالي شيله

وييييي حتى انتى عندج fbi لووووووول والله لوعو جبدنا حتى بالنت ماناخذ راحتنا

لا تخيلي من الغيره والحسد الي فيهم يلحقون ردودي ملاحق تحسين ماعندهم شغل >> بس انا مستانسه لانى سويتلهم شغل بحياتهم

عين السيح

لووووووول اى بس فتكيت

لا رمضان البس بدل عاديه ماحب دراريع وجذى اتضايف مارتاح فيهم

الله يعافييج يارب لووووول وي الله يعينج مادري اشفيهم الـfbi كثرانين هالايام

روري

الله يوفقج يااااااارب

مس يو اكثر :**


دميرا

من ذووووقج بس يقرب العيد احط صورتها انشالله

لانى حبيتها وايد



ّّّّّّّّّّّّّّّّّذذ

امبي بنات هذا التاتو الي تتكلمون عنه

تدرون قبل كنت اشتريه من سرداب الشايع بربع دينار

والحين شانيل احتلته @@ مو من صجهم لمه صار ماركه الكل هب عليه وقبل محد يدري عنه

والله من ثانيه متوسط كان عندى واحر رفيجاتي فيه بعد اقولهم سوار على حنه لووووووول

 

[مهونه]

قوه بنـآت
شلونكم ؟

مشاء الله عليكم متابعين للموضه والسوق :$

بغيت اسأل وين احصـل مداليات للسياره و شغلات تتعلق فيها
بالافنيوز او 360 شرط يكونون ماركاات معروفه

ابيههم هديه لاخوي

 

[ام مضاوي]

غمازه

الحمدلله ريحتي <<<هاليومين بطلب من اسوس منقيه جم شغله ويالله طرشيلي قميصج عالخاص يمكن اقلدج لوووووووووووول
والله هم على قلبي لبس العيد و احاتي بنتي وولدي بعد
مليت من سرداب مريم و الرايه
ودي بماركات ثانيه لبنتي
شرايكم بألفيرو مارتيني؟؟؟ مو وايد مقنعه فيه ورسمي زياده عن اللزوم وحلات العيد الوان زاهيه <<<كل هذا ومادري ليش حاطته بالحسبه




روري

موفقه في امتحاناتج




رتو

التاتو حلاته لاينين مو اكثر نفس الصوره الي حطيتها
وترى في هبات يكشخون فيها ناس اشكالهم استغفرالله علشان جذي نكرهها ونحسها هلاقه

 

[zizio0o]

زبدة
جربت التنورة مع قميص ثري كوراتر لون الكامل اينننن مع حزام فيونكه طلع عجيييبه يسلملي ذوقج

غمازة
زين اتسوين تصدقين توني انتبه ان المفروض اشري للعيد لوووول. مادري ماقمت اتشوق واشتري, البس اي لبس مو شايفنينه وانتهى الموضوع
ودزيلي صورة التوب تشوقت اشوفه
ويبيلي فره عالسايت يمكن يعجبني شي وافتك حق العيد


ام مضاوي
الفيرو مارتيني احسه وايد رسميه اذا بخاطرج ممكن تاخذين جنطه او شوز او قميص او سكارف بس مو اطقمين نفس اللي اشوفهم لآلآلآ
تخيلي شيله والتوب والتنروة والشوز والجنطه نفس الشي شدعوه لوول

والي تقول شانيل هيلق @@ حرام عليج ترا مارضى على شاانيل حدا اينن التاتو وذرب
يمكن الي شفتيهم ماخذينه من بو اميه ومكلكين عليج

 

[krkooora]

هلا حبيبتي
ما سالتها بس ترى قاموا يبيعونه التاجرات جيكي انشالله تحصلين

لا يا قلبي ابي شانيل الاصلي مو اللي قلتي عنه اتوقع شغل بوطقه

و ام مضاوي

اي شفت اللي تقولين عنه بمجمع 360 تنباع الورقه الوحده فيها 6 اسوارات اعتقد على دينار ونص

بس انا ابي شانيل الاصلي عاجبني شكله شلون حاطينه على الرقبه حلو حق حفله جذي معه نفنوف سمبل و كت لون واحد و حتى الاساور نايس
يطلع شكلج راااقي وكيوت

 

[miss_mazajyh]

بنات بلييز حطو صور احسن ..

 

[đeɱɛɼɑ™]

ام مضآوي ،

اتفق معاج ومع zizio0o
وايد رسمي الفيرو ،

جمبوري طبعا اشهر من نار على علم حق العنونات
شغلاته توونسس .. خاصة الاكسسوارات
الشباصات والتيجآن والدلاغات وهالسوالف ،

:

وبعد J.Crew
شغلاته اتششووق حق الصغآر
هذي جم صورة من موقعهم












~

 

[dl3 q8]

انا ودي افصل بنطولنات واسعه بس ماادري شنو الخامة اللي تصلح
ماابيهم وايد وساع ... شتنصحوني فيه اخليهم من فوق لما تحت وساع ولا بس تحت

ماادري البنات شلون مفصلينه

 

[حلم بحرينيه]

يهبل الموضوع ,,,

بنات الحليوين ابي مساعدتكم انا وحده ماعرف البس ولا اعرف اختار ,,, اروح السوق اطالع الثياب وارجع البيت اقول بس خلني عالعبايه
وبصراحه زوجي يبيني البس واتعدل ممكن تساعدوني وتفكون ضيقي ربي يفك ضيق اللي بترد علي وبتساعدني عاد من الالف الى الياء
لاني مااااااعرف البس وترى انا البس شيله وجسمي من فوق ضعيف ومن تحت متروس متني متركز في الارداف والفخوذ

 

[زبــــــــدة]

غمازة

ايي للحين ما خيطته لوووول ..بخليع حق العيد ... مالي خلق هلاقة السووق ...
ايي الfbi لوووووووووووووووووووووووول والله فيهم مرض يعني مادري ليش شيبون وبعدين صج ناس فاااضية....

دميرة

حبيبتي تسلمين :**

زيزيوو

اييي وايد حلو مع الكحلي حبيبتي يسلمج وعليج بلعافيه :*

ام مضاوي

اي صج هالماركة ماحبها مادري ليش ... وافتري من الحين حق العيد عشان تفتكيييين

 

[Rurii]

.
.
ثانكس بنااات:**


وابشركم هذاك الجووتي اللي طلبته

واخيرا وصل بالسلامه ..
فجأه طقو علينا الباب الساعه 8 الصبح لوول ..
الحمدلله و مقاسي و يشوق :*

 

[غمـــ ^^ ـــازه]

زيزو

دزيتلج الصوره شوفيها

انا كنت ناويه اشتري بنطرون زارا بس مخلص :/ عاد بالصدفه مريت توب شوب منزل هاى وست اينن

بس عيبه لون واحد زيتي فاتح يعنى ماكو الوان مادري غريب وبالنص في فيونكه مربوطه شريته عبط علشان عجبني

لمه رديت البيت ولا التوب واصل وطلع يلوق معاه


ام مضاوي

بدزلج الصوره بس يقولي صندوق رسايلج متروس

فضيه علشان ادزها لج

وصج اليهال يحيرون انا اشووف خواتى وعليه يدورون حق عيالهم قبل لا يدورون حق نفسهم


زبده

اي فصليه وافتكي ترى صج السوق حزه العيد موووشي الكل لابس نفس الشي


روري

لووووووول الساعه 8 موصلينه ماكو ابجر

عليج بالعافيه حدده يشوق

خليه حق العيد لا تتوهقين لوووووول

 

[غمـــ ^^ ـــازه]

بناااااات بليز سؤال

عندي جنطه lv شريتها العيد الي فات الي اهو الاضحى

عادى البسها هالعيد >>> لانه حرام اشتري جنطه عاديه وانا عندي جنطه سنعه

امي واختي يقولون عادي هذى ماركه تملي العين واختي الثانيه تقول فشله وانا محتاره

قولولي البسها ولا لاء مع انها يايه رايت على بدلتي اهيا ديمير بيضه

ابي رايكم

 

[عذب القوافي$]

عندي ملاحظة حق المشرفه وصاحبة الموضوع المفروض الموضوع ينظم يعنى هذا ماشاء الله من سنه2009 او 2008 إلى اليوم وايد:cxxxp:

والموضه تتغير كل شهرين وفيه صيف وفيه شتاء:33_1185028183:

يعني كل شهرين يتسكر الموضوع وينفتح آخر ويوضع لنك المواضيع مع بعض للبنات إلي يبون يتابعون

وكل الشكر لكم وياحلوكم وياحلو هباتكم​

:tek:

 

[miss_Ba6oOo6a]

بناااااات بليز سؤال

عندي جنطه lv شريتها العيد الي فات الي اهو الاضحى

عادى البسها هالعيد >>> لانه حرام اشتري جنطه عاديه وانا عندي جنطه سنعه

امي واختي يقولون عادي هذى ماركه تملي العين واختي الثانيه تقول فشله وانا محتاره

قولولي البسها ولا لاء مع انها يايه رايت على بدلتي اهيا ديمير بيضه

ابي رايكم

والله بالعكس لبسيها وجن العين كافي انها ماركه وانا دامها ماركه ما يهني يدده ولا قديمه اسمها كافي
والصرااحه انا خاااالصه قبلج للعيييييد لوووووووووووووووول وخلصت بنتي شريتلها 4 بدل بطلع حرتها لووول
وانا خالصه بدلتين الاولى رسميه تنوره هاي وست سوده معاها حزام شفت ذاك اليوم دكني عجيب شكلي بروح اخذه فميص ابيض وصديري شيله فندي اليديه بحزام كنت شاريتها وركبت عليها هالبدله لان مو حلوو مشير مع بعض
والجنطه خااالصه من كوتش دبي
والبدله ثانيه مومقتنعه فيها بعد بس بشووف بطرون الي الوسيع وايد جنه تنوره مشير برتقالي مع حزام شبه هاي وست
من ارض المعارض الي اييبون حبه من كل شل مع قميص شي من النت جمومه شيفون وصديري قصير اسود يبيلي شييله سوده بكلف برتقالي مادري بدور :tek:

 

[The purple]

بالعكس حلووو ما احسه هيلقي
اذا تبينه رسمي انا اموت علا الاسود لبسي تونز طويل اسود وقميص ابيض وشفتي السكارفات المثلثه حطي واحد تقدرين اتبدعين ياه المثلث جدام او اتحطينه من وره يبين او قطيه علا الجتف يطلع حلوو
او نفس الصوره لبسي البوي فرد يطلع شي :eh_s(6):
مع جنطة او شووز كله لون الكراميل الهبه او كسريه بلون فاقع :tongue22:

شوفي واحد منهم الكارديقان مو ستريت لأ من جدام فيه جنه شال يعني اوسع من العادي
والثاني كارديقان من بريشكا عادي جم طويل
والثالث عملي مو شي

انا شفت وحده لابسته ولابسه معاه صندل ولابسه مو الكارديقان الطويل لا اللي تونز مال التنانير بس ماخذه حجم اكبر عشان لا يكون نفس الكارديقان العادي الطويل ولا يكون بلوزه تونز قصيره فـ يادوب يغطي الشسمه < فهمتي :cxxxp:

المهم سالفة الصندل مو داشه مزاجي انا بخاطري ميني هيل
عندي 3 سكارفات حرير شاريتهم من زمان وكاهم مقطوطين /=
البوي فريند كنت بشتري بس ما مداني وصارلي دهر مو متسوقه ;s
شفت رفيجاتي قبل جم يوم ولا لابسين جاكيتات جنز نظام معفسه والخامه خفيفه مع ليقنز وشيلات قطن

يعني احس راحت موضة بنطروني < مالي خبر بالسوق