شنو الهبه هالايام

[غمـــ ^^ ـــازه]

زبده

دنهل حلو واسعاره حلووه

ام مضاوي

حلو باللبس يطلع راقي انا شفت عند برومود تقريبا نفسه بس في جم واايد حلو اكو بس اللون الرمادي

 

[*نور الكويت*]

بنت جنيف
ابيييييه اشهالموضه الخايسه
اتصدقين عاد آنا واعوذ بالله من كلمة أنا ألبس ملفعي بدون انطه لأنه اتعور راسي ومن سنيييين من أول ماتحجبت بس
ملفعي امرتب ،، بـــس مافهمت اشلون اهما يلبسونها


غمـــ ^^ ـــازه
حبيبتي والله من طيبج نــــــــــــاطرتج


أم مضاوي
لج حـل واحد انج اتروحين البلوكات وتنقين خام الشال اللي يعجبج ويـــاكثرهم وياحلو الوانهم
يقصه لج وتودينه اي خياط يضبطه لج باللي تبينه وبـــس بلا فراره
جذي آنا سويت

 

[DALLY]

بنت جنيف

غمازه

زبده

هبة الشيله من غير القبعه هذي قديمه ودارجه عندنا بقطر وهمن ف البحرين يعني اللي بلشوا توهم يمشون عليها ترى حدها اوووولد فاشن

 

[*نور الكويت*]

بنات اشرايكم بموضة الugg وايد حبيته خاصه عالبنوتات لصغار إشوقوووووووون

 

[أم حمد =)]

^^^^

انا ابي واحد بس مالي خلق الف السوق ابي محل معين .. ومابي اطلب من التاجرات يطول 10 ايام واسبوعين .. من وين اشتريه بنات ؟

 

[مجنونة]

مجنونه

انا اراميكس بس جد من شهر طالبه وللحين ماوصل ادق عليهم يقول تأخير

لوووول زهرا شنو قصدها قريت بس مافهمت :/

تدرين ان اراميكس وااايد ابطئ من دي اج ال .. مادري ليش ..؟!

انا بفتح لي ان شاء الله بدي اج ال اضمن واسهل .. واغلب الظن التأخير من الجمرك لانه الجمرك يحبون سالفه ايجار الارضيات ..!!!

 

[_zahra]

السلام عليكم

من طرشتلي اخت رسالة خاصة وصلتني بالايميل اني انا كاتبة عن روحي عندي hiv بصراحه جزاها خير لاني اولا توه يصير عندي خبر وقريته من الصفحات اللي طايفتني ومادري من اللي داش باسمي وكاتب هالشي القذر ولله الحمد ,,عالعموم ماعتقد انسان صاحي بيسوي هالشي
مشكورة لللاخت اللي سالت ومشكورة لللاخت ام مضاوي علي اسلوبها في الرد قبل ما تتأكد من المصدر,,وطبعا بعد هالسالفة اللي حاوبت تخريب و تشويهي بغير الباسورد عشان اضمن ماحد يتلاعب باسمي. الحمدلله علي كل .ومادري شمعنه هالموضوع مع اني مو من المتابعات الدائمات للصفحه.

 

[غمـــ ^^ ـــازه]

زهرا

حصل خير حبيبتي غيري باسووردج احسن

 

[n00nah]

عااااااااااااااااااااجل

حدي متوهقه لعرس حماي قرب وماسويت شي

ابي لاهنتوا احلي محلات لبيع بدل السهره والحفلات الجاهزه ويكون موديلاتهم راقيه

شكرا لكم

 

[*نور الكويت*]

عااااااااااااااااااااجل

حدي متوهقه لعرس حماي قرب وماسويت شي

ابي لاهنتوا احلي محلات لبيع بدل السهره والحفلات الجاهزه ويكون موديلاتهم راقيه

شكرا لكم

جم حدود ميزانيتج للبدله وأفيدج ان شاالله

 

[n00nah]

جم حدود ميزانيتج للبدله وأفيدج ان شاالله[/q
اتمني يكون بحدود ال200 واقل
بشوفهم والحلو واللي يستاهل بشتريه

 

[ام مضاوي]

غمازه

بمر اشوف برمود وحتى لو بجم افضل احسه بيطلع مرتب عاللبس اكثر
مشكووووره ياقلبي


نور الكويت

تصدقين عندي فرارة السوق افضل من اني افر البلوكات واقص وعقب اروح الخياط ونطري عاد متى يخلص و الطااااامه الكبرى اذا يضبط او لأ
عندي قماش يهبببببل قصيته قبل دخلة الشتا وقطيته في الكبت من يومين اخذته وعطيته لامي مالي خلق انا افصل


زهراااء

حبيبتي انا ما اعلم الغيب ان احد داش بنك نيمج والي يأكد كلامي حاطه اكثر من رد بوقت واحد جنه تستعبطين وتستهزئين فينا
ولا يعني منو قالج بصدق ان فيج ايدز وتكتبينها بارده مبرده
مره ثانيه جيكي على الباسوورد ولحد يستخدم نيك نيمج بالغلط وبعدين تعالي عاتبي



بنات الي يببون الــــ ugg انا شفته الشتا الي فات مو هالسنه بدبنهامز

 

[ام مضاوي]

n00nah

حبيبتي متى عرسكم؟؟ لان تو من يومين اشتريت بدله من مصممه معروفه وفخمه
وقوليلي سايزج وميزانيتج واذا تبين ملبوسه مره وحده
انا لان عرس خالتي وبحضر اخر ساعتين مع العروس بس
وما اروح عروس عاده فمابي احتفظ فيها بعرضها للبيع بعد العرس

 

[_zahra]

ولا انا عندي علم الغيب كذلك,وحبيت اكتب لمجرد التوضيح لا أكثر وما احب أهول بالسالفة وكل واحد واثق من نفسه بتكون اعصابه بارده مبرده علي حد قولج. شكرا علي وقتج للرد وسعة صدرج وماعندي وقت للعتاب .

 

[ايثار]

مس دندون مااطلعت عندي صورة الشال
ممكن تشرحون كيف شكله واذا ممكن صورة ومشكورين الف الف مره على هالموضوع الجنااااااان

 

[ايثار]

ام مضاوي عاد وزني مثل وزنك شكلنا نتلابس وعندي مناسبة الاسبوع الجاي هههههه اوصفي بدلتك اذا ممكن مره احب ذوقك

 

[مس دندون]

أمـ مضاوي حبيبتي وصفيلي بدلتج
لان انا عندي مناسبه ومالي خلق افر
وانا ستايلي ناعم ماأحب الفخم
وسايزي ميديم

 

[مس دندون]

مس دندون مااطلعت عندي صورة الشال
ممكن تشرحون كيف شكله واذا ممكن صورة ومشكورين الف الف مره على هالموضوع الجنااااااان

حبيبتي قصدي الشال العادي الكبير الي يغطي الكتف
عرفتيه ؟؟:eh_s(6):

 

[أم حمد =)]

بنات الي يببون الــــ ugg انا شفته الشتا الي فات مو هالسنه بدبنهامز

يعني يبيلي روحه ثانيه للسوق !

توني رادة من ماركس سبنسر مخلص


حظي كله جذي اهيء اهيء

 

[بنت جنيف]

بنت جنيف
ابيييييه اشهالموضه الخايسه
اتصدقين عاد آنا واعوذ بالله من كلمة أنا ألبس ملفعي بدون انطه لأنه اتعور راسي ومن سنيييين من أول ماتحجبت بس
ملفعي امرتب ،، بـــس مافهمت اشلون اهما يلبسونها


الله يسلمج يلبسونه من غير قبعه يعني الشعر كله طالع من جدام والرقبه والاذون مبينين وكل دقيقه اتحرك الشيله وتعدل فيها