شنو الهبه هالايام

[DALLY]

ورووووود معاج الترينننغ لكل مكان هبة هالشتا


احبني شوفي اخر الصفحات من هالموضوع بتشوفين كل الهبات وبالصور بعد

 

[Rurii]

.
.

بنات ابشركم خلصت امتحاناتي قوولوولييش
وانشالله بغيب ..


ام مضاوي

لووووووول ترا حتى انا على فكره شريته بس ما عندي شي البسه معاه ..
اختي عندها نفنوف يمكن اخذه ولو انه مو مقاسي حق حفله كحلي حددده يشوق اذا كان معاه صندل عالي وردي فوشي و مع جنطه جيمي تشوو
و حمره فووشيه و كحل ممطووط اصير تمااام ,, << ثقه

و تقولين سعرهم زين
وين زين سعره التوصيل بروحه مع الضرايب 19
و سعر اغراضي كلهم 45
شدعووووه عليهم جذي!
المره اليايه بجرب اطلب توصيل عادي
ياخذون 5 دنانير اذا تبين يوصل بـ 9 ايام
و ياخذون 9 دنانير اذا تين يوصل بـ 5 ايام
ودي اجرب بس مادري شلون بيووصلوون بضبط ..




كنزي

الله يعافيج حبيتي ..
الجوتي شوفي عند لما تطلبين الجوتي ..
مكتوب يمه size chart اعتقد جذي ينكتب ..
نزلي تحت وحاطينلج مقاسهم بالـ uk مقارنتاً مع الاوروربي ..
وعموما .. انا ماخذه 5 uk >> يعني 38
وحسبي



دالي ..
www.asos.com

زبده

الله يعافيج حبيتي ..
وبس دامج ماشالله طويله خلي عنج الكعب
ولو انه ترا يجمل و يخلي شكل الريل حلووو
وبنفس الوقت يطولني بما ان طولي 155

غمازه
حياج ولو

ام مضاوي - الرد الثاني

تصدقين اني ما طلبته الا اخر شي لوووول
انا كنت متردده عن الجنطه و بعدين لما شفتج مدحتيها طلبتها مع الباقي لوووول
و الحين انتي طلبي الجوتي

وعن الخصم ، تخيلي اني طلبته وعقبها بـ 12 ساعه تقريبا حطوو الخصم .. قهرررر

وانشالله يوصل بالسلامه لوول
عسى تعرفين مقاسج بالـ uk!?



--


بناااات الحين شقصتكم خرعتووو البرد
اليووم رايحه الافنيوز و مو من صجهم الينات لابسين ugg boot
يعني اوكي حلووو وانا بعد عندي واحد و ميته على لبسته بس مو من الحين لوووول الصببببرر
احس ان ريلهم عرررقت لان من داخل كله فرووو :eh_s(1):

 

[Rurii]

بنات ابيه ضروري! وااااااااايد حلوووو

سعره بـ اسوس 17 دينار ..
بس مابي اون لاين

بنات من وين!

 

[قطوه الفريـج]

فصليلج << كله تي تفصل لوول

 

[ام مضاوي]

روري



انا اشوف ان سعر التوصيل زين مقارنه مع اسعار الارامكس الي شابه نار
يعني انا اشتري جنطه شحنها من 10 الى 12 دينار
مره طلبت جنطه مع البوك 10 دنانير خذو الارامكس
وعجبت رفيجتي وطلبتلهاالجنطه بسسس نفسها وكنت قايلتلها ترى الشحن 10 بس يوم وصلوها 11 ونص
بطوووو جبدي نفس الوزن واقل لان بدون بوك رحت دفعت دينار ونص خخخخخ فشله اطالب البنت فيهم اههم مايسوون بس حسيتهم نصابين اذا من كل واحد ياخذون زياده - ودايما معروف الشوز شحنه اكثر من الجنطه وزنه اكثر علشان جذي حسيت ان السعر زين مع الضرايب والقوانين الاخيره
وترى القوانين اليديده الي اهي 5% من قيمة الفاتوره اذا كانت فوق ال200 او 100 دولار نسيت
ودينار اضافي على كل باكج
حسيت انهم بيخففون من سالفة الطلبات
الكل صار يشتري من النت ويتاجر

والبنطلون انا عجبني مع جم واحد ثاني بس خفت اغامر اطلبهم
في عندي مطبه جدام بطني اخاف تخرب علي ويطيح بجبدي <<<ربي يخفيها وانا بصحه وعافيه


ومقاسي اعرفه بال يو كي الله يعافي نيو لوك حطلنا السايز بالاوربي والبريتش سايز
وانا نفس سايزج ومرات في موديلات البس 37 يكون 38 كبير علي

والجنطه روحي بيت شرق الي يم بيت ديفا تحصلين محل (فلانه الخرافي نسيت اسمها ) تبيع الجنطه على 90 دينار
بس اقدم من لون الي اخذناها
في لون كحلي وشوي ترتر فضي ووردي وشوي ترتر فضي ونسيت اللون الثالث




بنات والله سمعو كلامي
انا ودي اصور التريننغ الي عندي بس كامرة التلفون تظلمهم
وكاميرتي مضيعه شحنها

التريننغ الي فيهم شغل هاند ميد لاااااايطوفونكم والله رووووعه شكلكم بيكون مميز فيهم
لبسته عند اهلي امز وخالاتي موجودين الكرستال الي فيهم يبرق ومبين الشغل شلون ذرب
حتى الكل اعجبه وخواتي بيسوون عندها وحده للدوام واختي الصغيره للجامعه

وبحاول اخذ كامره من اختي تشوفونهم

 

[ام مضاوي]

بقعة ضوء


حلوووووو شكل الدلاغ
بس تقدرين تاخذينه للكلف وتقولين سو نفسه بالضبط ومايتأخرون بالتسليم لو يوم الوقفه تستلمينه قبل العيد

والي محجبه وودها تلبسه في فكره حلوه

تعرفون اللج وورمر؟؟ الي اهو مثل الدلاغ بس مفتوح من تحت

تلبسونهم على جينز سكيني وشوز مسكر
والدلاغ فيه ترتر
بس مو تلبسونهم بالسوق واماكن عامه على بوانه موضه

 

[بقعة ضوء111]

بقعة ضوء


حلوووووو شكل الدلاغ
بس تقدرين تاخذينه للكلف وتقولين سو نفسه بالضبط ومايتأخرون بالتسليم لو يوم الوقفه تستلمينه قبل العيد

والي محجبه وودها تلبسه في فكره حلوه

تعرفون اللج وورمر؟؟ الي اهو مثل الدلاغ بس مفتوح من تحت

تلبسونهم على جينز سكيني وشوز مسكر
والدلاغ فيه ترتر
بس مو تلبسونهم بالسوق واماكن عامه على بوانه موضه

والله انك جبيتيها.._03ba:

علطوووووووول لمحل الكلف..

وميرسي حبوبة..

 

[.. مـــلاكـ ..]

يعطيييييييييييكم العافية

 

[DALLY]

رورري تسلمين خلاص تمت عملية التسوق والشراء لووووول راح ارويكم شنو شريت لما توصلني الاغراض عالاسبوع الياي بس المصيبه اني حطيت سايز الشوز غلط وتوهقت الصراحه اففففف

بنات من بداية 12 نبلش نلبس شتوي لان خلص الصيف يللا زهبوا كشخة الشتا


ام مضاوي انتي عند منو مسويه التريننغ انا كلمت التاجره الكنزا وبشوف وياها الموديل؟؟؟

ملاك الله يعافيج حبوبه

 

[ام مضاوي]

دالي و روري

انتو شلون يوصلكم بسرعه؟؟
9 ايام واسبوع؟؟

انا كل ما اطلب من النت عالارامكس ياخذ اسبوعين اقل شي والفتره هذي كريسماس زيييييييييييين اذا وصلو 20 يوم


والتريننغ اخذتهم من DODO"s Combany جذي مكتوب على كرتها
وشغلها غير عن الكنزا
والحين الكينزا يوم كلمتيهها شلون بطرشلج الصور مع المندوب ؟؟ وعندها سايزات كبيره ؟؟ ولا اعطيها مقاسي؟؟

 

[غمـــ ^^ ـــازه]

روري

انا ماخذه نفس البطرون من برومود ب17 يعنى نفس السعر

ام مضاوي

اتسوي كل المقاسات وتوريج الصور عالخاص

 

[paco de lucia]

ام مضاوي احصل ليج ورمر في كليرز ؟ وين يبوعونه ؟

 

[ام مضاوي]

شوفي نيولوك مكود

وبكل مكان تحصلينه نسيت بالضبط

اتوقع حتى موا فيه

 

[قدساووويه كووول]

متابعه

 

[zizio0o]

الحين مع الشتا الكل لابس تريننق انا اشوفه حلوو وعملي واايد بس مو مع كععععععععععععععععععععععععععععععععععععب .. امس طالعه وشفت وحده لابسته مع كعب مفتوح+ فل ميكب امبيه شكلها حدههه اكس
يعني اللبس مبين ان سبوور ياانج تلبسينه مع فلات او جوتي رياضه


ام مضاوي غريبة واايد يطولون معااج ..مره طلبت وصللوا خلا 5 ايام ومره باسبوع
يمكن على حسب الموسم او طلبات عندهم واايد

 

[zizio0o]

حوور
لقيت نفس الشوز الي حاطته تدرين وييييييييييييييييييييييييييييييييييييييييييييييييييين .. ماراااااااااح اقوووووووولج >>> بدت النحاااسه لوووول
تعرفين مجمع البيرق في محل بالسردااب شكبره جنه تاابع حق سنتر بوينت
شفت نفسه بس بدون الشغلات اللي فوقه كعب مسكر وعليه دانتيل


بقعة ضور

امبيه اينننننننننننننننننن الدلاغ بقعد ادوره بالنتتت

 

[غمـــ ^^ ـــازه]

زيزو

لووووووووووووووووووول بتخيل شكلها بس موقادره لووووووووووووووووووووووووووووووووووووووووووووووووول

هلاقه هلاقه هلاقه الله يخسهم لازم يخربون الموضه ولامايرتاحون

 

[لذه السكر]

بنااات امس وانا احوس بالكبت لقيت بوت جلد اسود طويل ليه فوق الركب بشوي حده حلو وعالموضه لوول حدي استانست وناسه لما تلقين اشياء منخشه
بس شلون ينلبس انا متحجبه ما اتخيل البس بوت وتفنوف احسه وييع هلاقه !! بلبسه وبصوره لكم نطروني

حوور
لقيت نفس الشوز الي حاطته تدرين وييييييييييييييييييييييييييييييييييييييييييييييييييين .. ماراااااااااح اقوووووووولج >>> بدت النحاااسه لوووول
تعرفين مجمع البيرق في محل بالسردااب شكبره جنه تاابع حق سنتر بوينت
شفت نفسه بس بدون الشغلات اللي فوقه كعب مسكر وعليه دانتيل

زيزوووو شلون مجمع البيرق رفيجتي لان يم بيتهم اليوم بتروحله ودي اروح يسوه ؟؟؟ احس البضايع هناك يديده ومو مجيوسه مثل الديره كل شي فوق بعض !!!

 

[zizio0o]

لووووووول غمازة لازم اي هبة تطلع يخربونها :eh_s(14):



بنااااااااات لقيت الدلاغ اللي كلنااا ينينننا عليه :ggdw: نيهاهاهاهاهاها>>شفيني فاصله :krkrkr:

في منه اسود وفي منه بيج








البيج عجبني اكثر من اللاسود طبعا طبعا ينلبس مع دريس او نفنوف قصير احسه حلو حق استقبال

المههههههههههههم تبون تعرفون السعر 98 دينار كويتي



ووو اي طحت على بلوق واانا ادور الصوره وحده مسويه نفسه هاند ميد يعني ..حدها فاضيه بس حدها موفرة فلوووس
:dddds:

 

[غمـــ ^^ ـــازه]

زيزو

اشرايج تطلبين حق كل بنات الموضوع دامج لقيتيه لوووول