شنو الهبه هالايام

[brat]

لؤلؤة قطر


نفانيفج كلها حلوه

 

[zizio0o]

بنااات شنو رااح يكون ستااايلكم بالعــــــيد ؟؟ بتشتتون جاكيتتات وبوتاات ولا شوو ;p

 

[DALLY]

انا دريسس قصير موف والشغل فيه من فوق اتوقع البس معاه صندل ذهبي او موف لان الذهبي يكسر الموف وعلى حسب اللي راح احصله كنت راح اطلب من النت بس ماراح تلحق الطلبيه توصل عالعيد وجا ف بالي البوت بس مااعتقد بيكون الجو حيل بارد فما آبي اخنق ريولي واطير الشتا لووووووول


واخذت ليذر جاكيت المتيريا مو حيل ثقيله ولا حيل خفيفه وسط بس يدفي المهم ومعاه من داخل دانتيل والوانهم رمادي على زهرري على لمسة اسود قلت راح اخذ له بنطلون جينز بس اي دونت نو لو حصلت رمادي حلو راح اخذ



بحاول اصورهم بس مو الحين لما انزلهم راح يبينون احلــــى

 

[زبــــــــدة]

انا حق العيد بلبس شووز قلاديييتر...

تهقوون عادي ولا البس شي مسكر..؟عشان البردد..لانه بدلتي صيفيه..

 

[متواضعة]

انا خذت فستان من توب شوب لونه بنفسجي غامج وهذي صورته

http://www.topshop.com/webapp/wcs/s...category_rn=42344&productId=1302357&langId=-1

ومعاه توب اسود حلو بعد من توب شوب بس ماحصلت صورته

شرايكم فيه ؟؟؟

 

[DALLY]

زبده عااااادي انا نفسج


متواضعه حده حلو بس ليش التوب ؟؟؟؟

 

[قطوه الفريـج]

انا نفنوف لونه اسود + فضي وفيه رسمه مره ومعاه كعب اسود شريته من نيو لوك

وشعري مادري شسوي فيه يمكن بس ستريت والميك اب خفيف وحمره عنابيه
وبس هذا اللي في بالي

 

[zizio0o]

زبده مادري الجو هالاياام صاير شوي باارد وعلى حسب العيد يمكن يصير ضيم وحر لووول خلى عندج شوز احتياط مسكر
بعدين عييد لازم شي رزة فاا افضل الكعب

 

[zizio0o]

متواضعة ذربة بدلتج بس ليس تلبسين فوقة توب يروح موديل النفنوف ..بس لبسي معاه اكسسوار وشوز

 

[قطوه الفريـج]

بنات ابشركم هدومي وصلت حدهم زووووغه :*~

خواتي وبنات خالاتي ينوو عليهم لووول

 

[DALLY]

عليج بالعافيه قطوه ناطرين الصور

 

[قطوه الفريـج]

الصور كله تطلع كبار ماعرف اصغرهم

امبيه من حلاتهم بسويلها دعايه والله تستاهل :*~
سويتلي ترينق لونه جويتي وفيه تطريز اوفوايت انا طلبته جذي خذيته بـ 30 دينار

الصراحه يستاهل هالسعر انا رايحه معرض شفت ترينق مافيه ولا شي تبيعه ب 45 ولا 50 شدعوووه

 

[krkooora]

`



عليج بالعافيه قطوة الفريج

حبيبتي شوقتيني اشوف الترينق شغل مشاغل ؟؟ وناسه انا خاطري ترينق اسوي على ذوقي ممكن تقوليلي من وين ؟ :eh_s(6):

 

[قطوه الفريـج]

اي قلبووو شغل مشغل

من تاجره معانه بالمنتدى بس اهيه مو عارضتهم بالمول قالتلي عشان الفكره ما تنوخذ
انا شفتها بالمعرض عطيتها ترينق قديم عشان القياس وراوتني الالوان اللي عندها واخترت اللي ابيه وكل شي

حتى الموديل انتي تختارينه وشنو النقشه اللي تبينها عليه يعني شغل متعوب عليه بصراحه
طبعا اذا في اضافات يزيد السعر وسأليها عن الاضافات واهي تقولج

 

[krkooora]

`


اها


انزين ممكن اسم التاجره او رقمها ما عليج امر حبي

 

[مركب الأمل]

موضوع زووووووووووغة

أب
أب

 

[قطوه الفريـج]

اسم التاجره Eleganza

وترى عندها تشكيله عنونه من الهدوم انا خذيت صديري فيه خيوط ملونه مع بروش هم اينن سعره ب 20

وخذيت من قبل نفنوف حده راقي حق العيد ب 25

يعني الاسعار معقوله لان فيهم شغل عكس الباجي اللهم يا كافي طمع بالفلوس والشغل مو نظيف بالمره

 

[krkooora]

`



قطوة الفريج


مشكووووووورة بعد عمري


وعليج بالعافيه عليج اللي خذيتيه تقطعينه بالعافيه حبي

 

[قطوه الفريـج]

الله يعافيج قلبو ما سويت شي :*~

 

[DALLY]

شوقتينا قطوه

انزين دخلي برنامج الرسالم وصغريهم تروحين الرنامج وبعدين تختارين الصوره وبعدين(الصور)-(تمدد وانحراف )وصغري ونزليهم