شنو الموقف الي صار وحسيتي ريلج يخاف عليج ؟؟؟

[مينونه باباتي]

السلام عليكم ورحمه الله وبركاته
شلونكم شخباركم ؟؟
بنات مابي اطول عليكم الموضوع امبين
شلون عرفتي انه ريلج اخاف عليج وشنو سويتي ؟؟؟
انا عن نفسي عرفت لمه يوم كنت بولد اختي اتقولي لاتشوفين ويه شصار فيه
وثاني مره لمه طحت من الدري واااااي يومه فديت عمره والله
يالله كل وحده تقولنا شلون اعرفت

 

[حرم_طيار]

رد : شنو الموقف الي صار وحسيتي ريلج يخاف عليج ؟؟؟

مرة كنت حامل بثالث وطحت غشيانه بيتزا اكسبرس

شالني وركض وركبني السيارة ووطار فيني رويال حياة

ويه قام يقط الوان لحد ما الدكتورة طمنتا على البيبات

 

[ام ناصر 2009]

رد : شنو الموقف الي صار وحسيتي ريلج يخاف عليج ؟؟؟

انا يووم ولادتي صج عرفت انه يخااف علي
اختي كانت مووجوده تقوول حيييل منأثر وكله يصلي ويدعي ربي يهون علي
ورايح رااد باللمممر ويقول لأختي اخاف افقدهاااا
ولما اكوون مريضه بعد حيل يخااف علي فديته

 

[مينونه باباتي]

رد : شنو الموقف الي صار وحسيتي ريلج يخاف عليج ؟؟؟

يعطيكم العافيه حبايبي
الله لا يحرمكم منهم ولا يحرمهم منكم

 

[توووفية]

حبيبي رلي يخاف علي من نسمة الهوا قولو ماشالله لا حول ولا قوة الا بالله بس اكثر شي يوم ولدت

 

[دانة حبيبها]

رد : شنو الموقف الي صار وحسيتي ريلج يخاف عليج ؟؟؟

:
:


يمااا بعد قلبي الله لا يحرمني منه ..

ايام الامتحانات يباشرني جنه عنده اهوا امتحان يحاتي و كل شوي ها درستي خلصتي و لما تطلع قريداتي نفس الشي ..

\\
\\
\\



و لما اصير مريضه يستخف !!

كان حزة اشتا و مخيمات و يواخير .. والله يرد مبجر يروح ساعه و يرد بسرعه !!

انا اعصب اقوله ليش راد مبجر الدرب شطوله روحه و رده عشان تقعد ساعه و ترد ..

يعصب يقولي منو يعطيج دواج و منو يوكلج و يغطيج و ينومج عدل !!

احس نفسي بيبي !! :$ الله لا يغيره علي بعد عمري !!

\\
\\
\\

و مره كنت بالكليه و هو بعد عند دوام ..

و كلمني قلت له بردانه انا اليوم الي ما البس عدل يصير برد << ايام اشتا ..

طلع من الدوام و يالي و دق عي طلعي برا !!

قلت شفيك ؟!!

قال طلعي يوم رحت و لا يايبلي جاكيته ما يمديه يرد البيت و هو عنده محاضره ..

يقولي اخاف تستمرضين ولا يلفحج هواا !! :$

:
:

 

[cat^q8]

الله خووش موضوووع

انا اتذكر بولاداتي امي واختي يقولون كان حييل يحاتي ويطل من الدريشه مالت باب غرفة العمليات وحالته حاله

بس صج مرة وصلنا لي لفة منطقتنا مع بعض وانا سيارتي جدام سيارته

ولا تمر جدامي قطوة

انا اخترررررعت وطبعا بريـــك قوي السيارات للي وراي بغوا يدشون فييييني
صوت التواير والبريكات حدها قوية

المهم القطوة حضرتها كملت مشي عبرت الشارع وانا مشيت واشوف ريلي بالسيارة بس ماالطم

ههه

يوم دشينا البيت من كثر ماهوه خاااايف علي نزل من سيارته رككككض ويايني انا قلت الحين بيكفخني هههه

ببس يوووم وصل فديته يقوول عسى ماتعورتي فيييج شي

وويهه كان اصفرررر

وانا ميته ضحك عالموقف هههه

جان تقلب السالفه زف عاد انتي وانتي بغيتي وجان دستيها القطوة المهم ما تطقين بريك جذي

 

[قمر^خالد]

لما سويت حادث مع رفيجتي وتكسرت ... بجا علي واايد ... ويوم عمليتي ياا من الساعه 4 .. وعمليتي 5 الصبح ,,.. وقال ماكو رفيجات بعد اليوم ... ولا تركبين مع أحد الا وياي

 

[الا يامطول صبري]

رد : شنو الموقف الي صار وحسيتي ريلج يخاف عليج ؟؟؟

مع انه عصبي بس والله يخاف على <<<احلفى بس هههههههه
مره كنت زعلانه وانا وياه نتجاذب اطراف الحديث:23_asmilies-com:<<هههه جان اوخر عنده ورايحه يم طاوله قزاز واطرافها خشب ومن الرشاقه قمت وقعدت فوقها وتسندت عليها ثوانى ولا تنكسر الطاوله :eh_s(11)::eh_s(11)::eh_s(11):
وينشق عندى اخر الظهر يمممممه تخرع وياخذنى وركضه عالمستشفى وغرز والله يقولى اسف والله ماازعلج <<شكووووو اناا الى متليقفه وقاعده عليها :lololoe: واناا ابجى وهو يعونه حمر مني وعقبها اى هوشه عالارض اقعد هههههههههههههههههههههههههه

 

[لبى حنانكـ]

الله يخليكم لبعض..
وعقبال خواتي..!

 

[امـ جوجو]

لمن تاخرت بالحمل قعدت اربع سنوات ماحملت واحنا اثنيناتنا سليمين كان دايم يقولي لو شنووو ماابدلج باي مخلووووقه ولمن كنت بالولاده بالمستشفى قال الدكتور احتمال قيصريه عشان صحة البيبي تقول امي انه قال للدكتور اهم شي صحتها اهي والبيبي ان شاء الله بداله بيبي امي تقول قعدت ابجي وبعمره ماحسسني بالحمل رغم انا سليمين الحمدالله ولدت طبيبعي ويبت احلى ولد جرووحي بعد اربع سنوات انتظار فديته اهو وابوه الله يخليهم لي

 

[آجمل نسآء آلدنيآ]

رد : شنو الموقف الي صار وحسيتي ريلج يخاف عليج ؟؟؟

آمممممم .. وآآآيـد آحس آنه يخـآف علــي .. بـــس آكثـر شـي يـوم ولآدتي ..
لآنـي ولـدت سيزريـآن و يومهـآ سـرت حديـث آلمستشفـى لووول ..
آنـآ آبجـي و آهـوآ لآمنـي وآدري فيـــه حيــــل خـآيف بـس مـآيبي يبيـن ..
عــآد لمـآ طلعـت مـن آلعمليـآت آختـي وبنـت خـآلتـي يقــولون لــي
عيـــووونه دمعـت عليــج لمـآ آلدكتـوره قــآلت آنـج بـآلآفـآقه .. و بـس طلعـونـي سجــد *_*
​

 

[هيبة ملك]

فديته

لما كنت بالمستشفى أسوي حقن مجهري

تم عندي من دخلت المستشفى لين طلعت عقب يومين

وهو اللي سبحني ولبسني ثيابي ومشط شعري مع إن ماكان فيني شئ

بعدين هو يحاتيني حيل ويويما يتصل على من برا وصلتي الدوام

ويتصل في نهاية الدوام وصلتي البيت

سنة ونص وهو على هالحالة واغاب اتصاله بأول النهار وبأخره

الله يخليه لي ويرزقنا بالضنا الصالح قولوا آميييييييييييييييييييييييييييييين

 

[Sarooii]

اذا عندي امتحان يقعد يدرس وياي ههههه و يومها اهوا يوصلني الجامعه بعد!
و اذا بنعبر شارع يمسك ايدي عشان مايصير فيني شي << يحسسني اني بيبي
و لمن اكون طالعة بروحي طول الطريج يدق علي و يخليني اكلمه لين اوصل عشان ما اضيع او ادعم خخخخخ بس ترى اركب الهاندفري لا تخافون لووول

بس مادري مو قادره اذكر موقف صار و صج حسيت ان خايف
لاني ليلحين ما حملت و ما ولدت
كله اشياء بسيطة يعني



الله يخليلكم رياييلكم و عساهم يخافون عليكم جذي دوم و اكثر بعد
تسلمين حبيبتي عالموضوع الحلو

 

[ام ريونتي]

انا ريلي اكثر شي يخاف علي وانا حامل لان لازم ادش المستشفى بالاشهر الاخيره واييلي طلق مبكر يقعد يحاتي وايد
ولما اولد يقعد ينطر مسكين على باله نص ساعه واولد ويقعد ينطر لما يقوله الدكتور روح ماكو فايده قاعد حياتي يكسر
الخاطر بس لايعصب يصير واحد ثاني هههههههههههههههههههههههه

 

[كويتيه مذهله 87]

مواقف وايد لمن امرض ولمن احد يتوفي من عايلتنا لان يدري انا وسواسيه مايخليني برووحي
والاهم من هذا لمن احمل حتي الكحه يفز يقولي ها اشلونج لووووول

 

[قطوووة]

اب اب

طماشة

 

[صخر جلمود]

الله يخليكم لبعض

و لآيحرمكم من بعض

 

[شواخي]

فالحمل والولاده
يـوم ولآدتي ..
لآنـي ولـدت سيزريـآن

 

[كويتيه79]

مشكككككككككككووووورة على روعة الموضووووووووع :eh_s(7):