شنو المشروبات إلي تسرع الولادة؟ خلونا نستفيد من خبراتكم

[manalmal]

السلام عليكم خواتي انا توني داشة الشهر التاسع و انا سمعت عن ماي الورد منقوع فيه زعفران يسرع الطلق لاتاخذونه إلا في بدايه الطلق بس علشان يسرعه لاتاخذوونه و انتو مافيكم شي!
إلي عندها مشروبات ثانيه تسرع الطلق ياليت تفيدنا و الله يسهل ولادتكم بإذن الله

 

[daloO3a]

الدارسين

 

[tota kim]

اناناس طبيعي عصير او اكل

 

[MyLittleBerry]

الجماع

ودايريكت روحي المستشفى

 

[Ummhsn]

غرشة خروع مخلوطه مع عصير برتقال فريش..

حطيتهم بغرشه ماي فاضيه واخضهم عدل عدل لين اختلط الخروع بالعصير وشربته مره وحده..

وما صار لي ربع ساعه الا وانا بالطريج رحت الهادي..

و3 ساعات وولدت.. الحمدلله

 

[om_3azoz]

انزين الحين الخروع حتى لو الرحم موبطل عادي يعني يبطل الرحم ولا بس ايي الطلق والرحم مومبطل ؟؟

 

[قطوه^برونزيه]

الخروع اذا كان الرحم مو مبطل بس يسرع الطلق والمشروبات الحاره مثل الدارسين والزعتر والزنجبيل هم زينه

 

[فينوس]

بنات الخروع لا تشربونه الا باخر يوم بالتاسع لانه صج وحده بوحده

لا تستعجلون على نفسكم

وكلما ظل الجنين في بطن امه كلما كان احسن لصحته وعافيته يعنى تحملتووو كل هالاشهر تحملوو الشهر التاسع الاخير وخلوو البيبي ياخذ راحته وينزل باي يوم في التاسع

بس اذا وصلتو لاخر يوم بالتاسع وتبون تعجلون الولاده اخذو الخروع على طول ولاده

انا اذكر اخذته بولدي نص قرشة زيت خروع مع كوب عصير برتقال فرش الصبح

واخذت بليل النص الثاني مع كوب عصير برتقال والحمد الله مانمت يومها في البيت الفجر زاد الطلق ورحت المستشفى وولدت
بس انا كان الرحم فاج معاي 3 سم للامانه.

وطبعا انا استخدمت زيت خروع من الصيدليه خفت اخذ شي من العطار واشربه مع انى اعتقد انهم نفس الشي بس خفت انه شي ينشرب

واذكر الدكتورقالي بالاسبوع الاخير من التاسع اشربي دارسين كل يوم انه يفتح الرحم.. وقبل لا

فكنت اشرب بالاسبوع اللاخير كل يوم دارسين

هذا الي اقدر افيدكم فيه عن تجربه شخصيه

والله يسهل علي و على الجميع ان شاء الله

 

[لولي]

والله انا جربت كل شي ما سويتة وامس خلصت التاسع وبلشت اليوم من العوار بالخروع مع العصير الله يزيد النعمة والله لاعت جبدى
حتى الدارسين شربت وسويت مطارة ........ لان طلقى بارد واحس بعوار ....................... وعندج كف مريم والله شريتة بس لما اللحين ما شربتة ............... الله يسهل عليج وعلينا يا حلوة

 

[خفايا]

التمر​

الحلبه​

 

[o_mermaid_o]

دارسين بس اذا حسيتي بطلق شربيه

 

[عيون سارة]

رفع
الخروع بس لا تشربوة الا اذا كان الرحم مبطل

 

[هـدوء]

البابونج بس لازم يكون فيه طلق

 

[lailalaila]

اذا ياني الطلق اشرب حليب مغلي فيه عودين دارسين و احليه بعسل

 

[ثلاثينية]

انا كان فيني طلق وما كنت ادري انه طلق وصدفه اكلت اناناس فرش وبعدها ب 3 ساعات نزل الماي

 

[فينوس]

والله انا جربت كل شي ما سويتة وامس خلصت التاسع وبلشت اليوم من العوار بالخروع مع العصير الله يزيد النعمة والله لاعت جبدى
حتى الدارسين شربت وسويت مطارة ........ لان طلقى بارد واحس بعوار ....................... وعندج كف مريم والله شريتة بس لما اللحين ما شربتة ............... الله يسهل عليج وعلينا يا حلوة

الله يسهل عليج

والله يعينج خلصتى شهرج وللحين


روحى راجعى اكيد بيولدوونج بطلق صناعي

الله يسهل ويسر امرج

 

[سمـــ الزيـــن ـــوة]

مشكورين عالإفاده يا لحلوات بس انا سمعت خروع ودارسين والله يسهل علينا يارب

 

[Stylist]

ماقصرتوا بنات بس اذا ماكان في طلق يصير اشرب هلأشياء ,,,,,,,,,؟؟؟؟

 

[^غلاي أنت^]

ورق الزيتون تلقينه عند الحواي فوحيه بماي عقب عجنيه بتمر واكليه ..(( اذا فيج عوار بس)) ..
الله يسهل علينا ويقومنا بالسلامه يارب ..

 

[حبيبه قلبه]

انا شمعت عشبة كف مريم تسهل الولاده بإذن الله