شنو المانع اللي تفضلينه ؟ ( ايجابياته وسلبياته )

[عسل حدي]

قُلْ هُوَاللَّهُ أَحَدٌ * اللَّهُ الصَّمَدُ * لَمْ يَلِدْ وَلَمْ يُولَدْ * وَلَمْ يَكُنْلَهُ كُفُواً أَحَدٌ }


قُلْ أَعُوذُ بِرَبِّ الْفَلَقِ * مِنْ شَرِّ مَاخَلَقَ * وَمِنْ شَرِّ غَاسِقٍ إِذَا وَقَبَ * وَمِنْشَرِّ النَّفَّاثَاتِ فِيالْعُقَدِ * وَمِنْ شَرِّ حَاسِدٍ إِذَا حَسَدَ }


قُلْ أَعُوذُ بِرَبِّالنَّاسِ * مَلِكِ النَّاسِ * إِلَهِ النَّاسِ * مِنْ شَرِّ الْوَسْوَاسِالْخَنَّاسِ * الَّذِي يُوَسْوِسُ فِي صُدُورِ النَّاسِ * مِنْ الْجِنَّةِوَالنَّاسِ }

 

[مشتطـه]

كبرتو الموضوع وايد


المنتدى للأسف في مبالغات رهيبه

انصح كل بنت ما تعتمد على ردود البنات


في ناس تمشي معاهم الحبوب
وفي ناس يمشي اللولب

انا بصراحه ما شفت احد يتحوب ويتحلطم عالموانع مثر هالقسم


يعني لا تعتمدين على احد


انا اخترت الحبوب لان قريت انها تفق من جسم لجسم

والحمدلله مشت معاي

امي كانت حبوب ولولب ما شفت فيها شي تغير
لا نفسية ولا شعر ولا متن

 

[om MaRyooM]

بنات محد جرب الابر ؟ يقولون تسوي مانع حق جم شهر بس مادري شنو اضرارها
..

انا جربتها .. اول سنة شحلاتها .. بس مشكلتها تلخبط الدورة حيييل

وبعد الدورة بلشت الاعراض وطولت معاي الدورة لي 45 يوم ! تأزمت وتععععبت وقطعتها





وخالتي جربتها سنتين .. بعد السنتين صار معاها نفس اللي صارلي ووقفتها

ويعتمد على حسب الجسم عموما

 

[أملي بعد الله]

الواقي ؛)

إيجابياته : مريح وسهل الاستخدام ومتوفر بأي وقت
سلبياته : ممكن ينشق

عموما كلشي بيد رب العالمين مافي أي شي مضمون لو ربنا سبحانه كاتب نحمل بنحمل غصبن عن خشومنا حتى لو استخدمنا أحسن مانع بالدنيا

 

[روعة خيال]

استخدمت الحبوب و مشت معاي مارفيلون بس حيييييييل تزيد الشعر ما جني حافه

استخدمت اللولب و حملت عليه

قبل الحمال كنت استخدم واقي علشان بنسافر و فكيته و حملت

من ناحيتي افضل شي الواقي و في نوع السميك اللي ما ينشق

 

[Pretty_mama]

مشكورين بنات على تفاعلكم مع الموضوع

مشتطة
لا مبالغه ولا شي كل مافي الموضوع طرحنا موضوع وحبينا نشوف تجارب بعض فيه عشان نستفيد
واكيد كل شي بالدنيا نسبي ممكن يوافقني ما يوافق غيري

 

[ام غدور]

بنات محد جرب اللولب الهرموني صج يخربط الدوره

 

[noo7a]

افضل شي و اضمن شي الحبوب
صج ان نفسيتي صايره بخشمي منها
بس عالاقل اكون متطمنه ولا احاتي كل نهايه شهر

 

[simone]

ماكنت اتقبل اي شي غير الطبيعي بس من سنتين ركبت اللولب ال نوفا والحمدلله الله يسرها لي وماسوالي اي عرض ولا اي شي يمكن بس مرات احس ظهري يتعب بس مب وايد ... بس الحمدلله ارتحتله.....*

 

[قَلبڪْ صًخرْ]

نفس كلام مشتطه

 

[مشتطـه]

بريتي ماما

لا شنو ما فيها شي
الموضوع انقلب تخريع

الحين البجرية تدش تخترع

وحرمتوها من الحبوب واللولب وسبة الردود

مافي ولا رد ايجابي


ف قلت لازم اوضح ان واااااااااااااااااااااااااااااااااايد
واااااااااااايد

واااااااااااااااااايد

ناس مرتاحين من الحبوب واللولب واللزقات

والموضوع بس مكتوب فيه التجارب السلبيه

 

[Model Look]

مشتطه مو تخريع انا شفت حالتين صار فيهم تكيس من الحبوب

والواقي ماكملت شهر ريلي قطه مو مرتاح عليه والصراحه انا بعد يعورني الواقي

 

[ام شريفه]

الحبوب غيريهم لين تشوفين اللي يناسبج انا ما ناسبوني ياسمين عطاني دكتوري جراسيال ضعفت عليهم بس عموما كل حبوب منع الحمل تخلي الشعر خفيف و ضعيف

بس بنات احسن شي روحي دكتورج النسا اللي عارف حالتج أو اذا ما عندج روحي دكتور نسا شاطر و يفحصج و يقولج شنو المانع اللي يناسب جسمج و بس.

 

[عسل حدي]

استغفرالله الذي لا اله الا هو عليه توكلت وهو رب العرش العظيم ولا حول ولا قوة الا بالله العلي العظييم ... اللهي هب لنا من لدنك ذرية صاالحة امييين يارب العااااااالمين

 

[حظ من عنده انا]

انا الحبووب انسساهم


والعزل رفض ابو الشبااب عشتووو


ماادري شسوووي

 

[Ya7aLaTY]

صراحه انا افضل الموانع الطبيعيه

وامشي على طريقه العد والحمدلله وايد مرتاحه منها

 

[~ بنت الهدى ~]

بنات علموني شلون الطريقه الطبيعيه شلوت تعدون ؟؟؟؟

 

[86روعـه]

شنو اهي طريقه العد ؟!

 

[** باربي **]

Up
Up

 

[همي رضى خالقي]

اي والله نبي نعرف طريقة العد