شنو الفرق بين (الموكيت) و (الزل العادي) .. والباركيه تنصحوني فيه ؟!

[شمــ{جابر}ــوخ]

السلام عليكم حبايبي ​

أنا بسكن بشقه يديده واحترت شنو أحط ..​

السراميك >>> حلووو .. بس بااااااارد واذيه بالمسح وبسرعه يمسك الغباااار .. ماادري مو حابته كلش لان مجربته فبيت أهلي ومتعقدة من البرد .. خاصه اني عارفه زوجي لااااااااااازم البيت صقيييييييييع علشان يرتاح .. وانا ماابي اجني على نفسي :eh_s(2):​

أنا واااااااايد حابه الزل .. بس أبي الزل اللي يحطونه الأجانب اللي لازق بالأرض مافيه شعر كثيف .. اللي نفس الفنادق .. امممممم ان شاءالله فهمتوني :eh_s(10):
وشنو اسمه ؟!​

شنو الفرق بين (الموكيت) و (الزل العادي) .. وشنو الأفضل ؟! ​

والباركيه >>> تنصحوني فيه ؟! يعني حق الصاله والممرات ؟! وهل اهو دافي ولا باااارد ​

وبخصوص الأسعار .. شنو الأغلى والأرخص فيهم ؟!​

مشكورين حبايبي .. مالنا غنات عن نصايحكم :eh_s(22):​

 

[شمــ{جابر}ــوخ]

اي حبايبي ونسيت أسأل

شنو الشركات المضمونه واللي تعاملتوا معاهم اللي عندها هالسوالف .. ؟!​

 

[قطوة@@]

امي توه مسويه الصاله باركيه حلو و دافيه و شكلها راقي

الباركيه من ابيات و ما انصح تحطين زلاو موكيت الا بغرفه النوم

و الباركيه سهل النظيف مو نفس الزل اذا طاح عليه شي تعالي نظفي و نشفي

 

[شمــ{جابر}ــوخ]

اي والله أنا فكرت ان غرفة نومي احطلها زل .. والصاله والممرات باركيه .. بس في ناس تذم بالباركيه يقولون يتبطل ومايتحمل الماي واييب حشرات .. امممم والله مادري

مشكووووره فديتج

 

[PuPa^^SWeeT]

لا الباركييه احسن شي




زييين حق غرف اليهال بعد

 

[ام كوثر2007]

ما انصحج بالزل صراحه .. لانه مع مرور الوقت حتي بيتج تصير فيه ريحه ..

والباركيه الخشب احسه مع مرور الوقت بعد يتشرب الماي ويتبطل .. ما ادري بس مره دخلت غرفه وحده وشفته ولاعت جبدي ..

احسن شي السيراميك صراحه .. انظف وتحسين بيتج طاهر ونظيف وفريش بنفس الوقت ..

وعسااه منزل مبارك ان شاءلله .

 

[سوسو حبيبتى]

صراحه ما انصحك كلييش

الباركه نفس ما قالت الاخت الى قبلي مايتحمل ويطلع ولووويه

ولازم له منظفات معينه
والموكيت كان عند حمولتي جاب لعيالهم حساسيه وتعبهم وايد وبالاخر شالوة

واكتر من دكتور اسمعه ينصح ان البيت مايكون فيه فرش بالارض كتير ويفضل الفرش دايما ينغسل ويتعقم

ولو عالبرد ماكوو برد بالخليج شحال لو عايشه بكندا ؟؟ والا امريكا؟؟

افضل وانظف شي السيراميك واشكال والوان ويعيش معاكي العمر كله

 

[هيللو كيتي]

انا نصيحتي
ابتعددددددي عن الباركيه لانه مو عملي ومايتحمل الماي ويصلح لصالات استقبال كبيرة بس احس، وله منظفات معينه ومزعج لامشيتي بكعبج صوته غثيييببث... لوووووول...

والزل حلوو لدارج النوم ولدار التبديل يعطيها دفا اكثر >>احساسي جذي..هههه
وبعدين الزل تخمينه بالكهربائيه اسهلج واسررع فلو كانت شقتج كلها سيراميك بتعبج اكثر..

وانا نفسج ريلي حبيبي يحب تكون الشقه صقيع وشكثرر اعااني ، اهئ اهئ..

والسيراميك خلية للصاله والممرات وكثري عليه القطع عشان لاتصير باردة الصاله ..
لان السيراميك يبيله مسح يومي فيوميا مسحيه بماي وديتول عالسريع وخصصي لج يوم يكون فيه التنظيف عميق ومن قلب..
وان شالله فدتج

 

[شمــ{جابر}ــوخ]

بعد عمري بنااااااااااااات .. صج ماتقصرون وحده وحده


والله السراميك حلو بس لازم مسح على طول وانا بس راسي وراس ريلي .. وبااااااااااارد والله يصرقعني لان ريلي لازم صقيييييييييييييييييييع 24 ساعه جسمي كاااش اسكيمووووووووو ..

توني قريت عيوب الباركيه .. حل بس لازم اواحد ينتبه عليه ومو اي شي يحوشه

شكلي بسوي غرف النوم زل والممرات والصاله سيراميك :eh_s(10): :bbbiu:



حبايبي تنصحوني آخذ شغلي من (أبيات) ؟!

 

[@ام يوسف@]

نصيحه وعن تجربه الباركيه من 4 سنوات حاطته في بيتي بالشتاء دافئ والصيف معتدل وما شاء الله احسن وانظف

 

[شمــ{جابر}ــوخ]

نصيحه وعن تجربه الباركيه من 4 سنوات حاطته في بيتي بالشتاء دافئ والصيف معتدل وما شاء الله احسن وانظف

انزين حبيبتي من وين ماخذته ؟

ومشكووره ياقلبي

 

[ايمان بكري]

الباركية قيمة وكشخة

 

[some one waw]

الباركيه حلو بالعكس خالتي حاطته ماشا الله نظافة وفخامة ومايشرب الماي اساسا يحطون لج عليه واهم يركبونه مادة مثل الشمع

ومولازم تغسلينه بماي مسح خفيف بأي منظف ويطلع يلق وامان للاطفال

 

[ليمون ونعناع]

انا عندي السيراميك وايد احسن من الباركيه
جربت الاثنين
السيراميك بارد بس مايتوصخ كثر الباركيه

انا حطيت باركيه عشان اكثر امان للاطفال للطيحات لاسمح الله
الباركيه تمشين عليه يتوصخ ملييق وميزته انه موبارد كثر السيراميك وطبعا مودافي مث الزل
انا اشجع الغرف تكون زوليه كامله عشان اول ماتنزاين من فراشج تبين شي دافي ماتبين تدورين السليبر تلبسينه واذا بتبدلين ملابسج همن تبين زوليه تحتج وبغرفه الاطفال همن بيلعبون عالارض وبيلبسون فالحسن زل

الرخام ليش محد يتكلم عنه هل اهو بارد مثل السيراميك او لا

 

[&موناليزا&]

عزيزتي رفع لعيووووووووونج

 

[شمــ{جابر}ــوخ]

الباركية قيمة وكشخة

مشكوره ياقلبي

 

[شمــ{جابر}ــوخ]

الباركيه حلو بالعكس خالتي حاطته ماشا الله نظافة وفخامة ومايشرب الماي اساسا يحطون لج عليه واهم يركبونه مادة مثل الشمع

ومولازم تغسلينه بماي مسح خفيف بأي منظف ويطلع يلق وامان للاطفال

اي والله قالولي لازم شركه فااااااااااهمه وشاطره علشان يضبطونه

مشكوووووووره ياقلبي .. ان شاءالله غرفة اليهال حدي شكلي بحطه بس بغرفة اليهال

 

[شمــ{جابر}ــوخ]

انا عندي السيراميك وايد احسن من الباركيه
جربت الاثنين
السيراميك بارد بس مايتوصخ كثر الباركيه

انا حطيت باركيه عشان اكثر امان للاطفال للطيحات لاسمح الله
الباركيه تمشين عليه يتوصخ ملييق وميزته انه موبارد كثر السيراميك وطبعا مودافي مث الزل
انا اشجع الغرف تكون زوليه كامله عشان اول ماتنزاين من فراشج تبين شي دافي ماتبين تدورين السليبر تلبسينه واذا بتبدلين ملابسج همن تبين زوليه تحتج وبغرفه الاطفال همن بيلعبون عالارض وبيلبسون فالحسن زل

الرخام ليش محد يتكلم عنه هل اهو بارد مثل السيراميك او لا

اي الباركيه شكلي بحطه بس بغرفة اليهال

وااااااي اهم شي غرفة النوم زل .. وباجي الشقه والله ماتفرق :eh_s(2):


الرخام .. والله يالغاليه كللللللللللش ماينفع حق البيت خاصه اللي عنده يهال .. اي شي اي شي يطيح علي يزللللللللللللللللق بسرعه يزلق الواحد لانه وااااااااااايد املس

الرخام انا افضله حق اللي عنده ديوان وهالسوالف


ومشكوووووووره ياقلبي

 

[manoooram]

قلبي الباركيه حلو للاستقبالات والمساحات الكبيرة لأنه يبيله عنايه
أما الغرف حلاته سيراميك للتنظيف ولا أسهل منه

 

[شمــ{جابر}ــوخ]

مشكوووووووووره ياروحي انتي ماقصرتي يالغاليه