شنو الصفه اللي تتمنينها بزوجج والعكس؟؟؟؟

[fan fojy]

اتمنى يخليني اروح مع اهلي بدون تحقيق
واللي اتمنى يهدها الزقاااره

لوع جبدي التدخين

 

[سفييره الكويت]

مو متزوجة بس اتمنى يقنع اهلي يزوجونا حق بعض او اتمنى يوقف معاي ويرفع قضية عشان اتزوجه

الحال من بعضه..

اهله مو راضين فيني لانه قبيلته تختلف عن قبيلتي واهو كأنه مشاركهم بهالفكر الحجري لانه وقف كالصنم لهم ..!

للاسف المفروض تكون الحبيبه بالمرتبه الثانيه بعد حب الله سبحانه وهني يطلق عليه حب بس

اذا بدى احد عليج حتى لو اهله صدقيني ساعتها حتى لو تزوجج مستعد يبيعج لعيون اي احد من اهله

عكس للي صبر وقال مابي الا هذي واخذها بالاخير هذا اهو للي يحب..!



بالنسبه للموضوع

انا اتمنى بس من لي حبيته يكون بدرجه عاليه من الوفاء والاخلاص ويعرف معنى الحب والعشق مو يقط حجي وغرام ووقت الصجيه يخقها وودي يصر ويقول مابي غيييييرج ومافي غييرج يحلالي

<تتحلم وايد ههه

ساعات الانسان يحلم بشي ويعرف انه شبهه مستحيل تحقيقه بس يظل يحلم بس عشان يعطي نفسه امل..!

 

[يارب يطيب عبود]

اتمني اني اكون دلوعته اللي ما يرفض لها طلب
الصراحه اهو مايقصر بس انا طماعه
واتمني انه يوقف شيشه مع انه ما يشيش قدامي ولا يقولي اني اشيش بس انا ادري يبين


سفيرة الكويت الصراحة انا اخالفك الراي يعني تبينه يبديك على امه وابوه اللي ربوه 25 سنه وعطوه اللي يبي حتى لو يضغطون على انفسهم عشان سعادة
في الاخير يجازيهم انه يبدي وحده ما عرفها الا من كم شهر ولا سنه عليهم لا هذا مو منطق
انا زوجي وحيد اهله تخيلي لا اخوان ولا خوات واحس ان هله مشاركيني في كل شي ما باقي الا يقولون اليوم نام معها ولا لا تنام بس انا مقدره وضع زوجي وما ابي اضيق صدره ولو وقف معي ضدهم بيطيح من عيني بس اهم شي ما يغلطون علي
بعد انا عندي عيال ما بي بالمستقبل زوجاتهم ياخذونهم مني كل شي بالمعقول
وتبقى وجهات نظر اتمنى ما تزعلين>>>>>كني طلعت عن الموضوع

 

[يارب يطيب عبود]

لمو الله يرزقك بالزوج اللي يسعدك

 

[بنوته كتكوته 3]

أن يعصب على اشياء تسوى ,, لان زوجي غريب صراحه يعصب على اشياء ما تسوى ويخلي الاشيا الجايده
قمت ما اعرف شو الموضوع لما يعصب من تفاهته ؟

 

[كويتية زقرتيه]

واااااي كلكم عورتو قلبي وربي يحقق كل أمانيكم وبدويه حبي أتمني يوخر عن الحساسيه ووواااايد يدلع علي واللي ما رزقها بالزوج الله يرزقها بالزوج الصالح سفيرة الكويت حبيبتي عسى أن تكرهوا شيئا وهو خيرا لكم ما تعلمين ربج شنو خاش لج ووايد استانست منكم لأن أحس ردودكم من قلبكم ربي يعطيكم على قد نياتكم ومثل ما تبون​

 

[مـهـرة]

ماتزوجت للحين لس اتمتى يكون يخاف الله حنون وطيب وكريم ورجل بمعنى الكلمه

 

[كويتية زقرتيه]

مهره حبيبتي ربي يرزقج بالريال الصالح التقي يارب​

 

[برووورة]

اتمناه اذا طلبت شغلة يحسسني انه فاهم شنو ابي ويسويه
يعني مثلا اطلب يحلق شعر ولدي صاير كبير ولا جني اقول له ليش؟ لانه يحبه كبير !! انزين حق المدرسة خلاص صار كبير بما فيه الكفاية
لا ما يعطي ويه
او ليت محترق بدله مافيه ولا جنه يسمع
فاتورة الموبايل النت منقطع ولا يدفعها يعني زين جذي اتم بدون نت!!
اللي سويته اني زعلت عليه وطنشته وانة بعد ماسوي له شي.. بس انة اقدر؟؟ اطنش شوي وارد !! مدري شالحل؟

واللي ما يعجبني بعد اني اذا علانه لازم ينكت ويضحكني .. يعني غصب يخليني اضحك وانة مابي والله زعلانة ههههههه
الله يهديه يارب ويهدي ازواجكم ويسخرهم لكم

 

[كويتية زقرتيه]

ويييه ريلج بااارد ومفهي الله يعينج وحاولي اتغيرينه ربي يسخر لج ريلج يارب​

 

[انت مناي]

اتمنى يبطل غيره لانه غيوووور من كل شي حتى من صاحباتي
وووووووووووبسس :eh_s(22):

 

[متوفيه]

زوجي الله يحفظه نايس ودمه خفيف وياثقل دمي
بس عنده صفه مو عاجبتني لامبالاته يعني شكله مو مصدق انه صارعنده عيله

 

[كويتية زقرتيه]

حلوة الغيره بالمعقول بس اذا ارت أوفر الله يعينج ومتوفيه انتي علمية يكون مهتم بطريقه معينه حسسيه دايما بأن مسؤول من عيال والله يحفظ لكم ازواجكم​

 

[popa]

اهم شي الي بترفع قظيه على اهلها ونعم التربه

 

[برووورة]

:eh_s(7):

ويييه ريلج بااارد ومفهي الله يعينج وحاولي اتغيرينه ربي يسخر لج ريلج يارب​

ههههههههههههههههههههه خوش وصف بصراحة صدقتي
مشكورة على الدعوة الحلوة مثلج فديتج والله يا كويتية زقرتية

 

[كويتية زقرتيه]

بوبا ولي يعافيج حابه اتعلقين عالموضوع حياج بس لا اتعلقين عالردود مو إحنا أنقيم تربية الناس لو داعية لها بالهدايه احسن من هالحجوتين الله يهدي الجميع و برووره ههههههه بعد عمري انتي عندي وعندج خير دايما أقوله بارد ما تعدل إلا يوم أقعد على راسه وأحن مسكين لما يمل ويسوي الشغله الحين تسنع ههههههههههههه شسوي عل قلبي​

 

[برووورة]

بوبا ولي يعافيج حابه اتعلقين عالموضوع حياج بس لا اتعلقين عالردود مو إحنا أنقيم تربية الناس لو داعية لها بالهدايه احسن من هالحجوتين الله يهدي الجميع و برووره ههههههه بعد عمري انتي عندي وعندج خير دايما أقوله بارد ما تعدل إلا يوم أقعد على راسه وأحن مسكين لما يمل ويسوي الشغله الحين تسنع ههههههههههههه شسوي عل قلبي​

سلامة قلبج ،الفال حق اللي عندي يتسنع ويسوي لي اللي ابيه بس ما يسوى احن ولا له حلا عقب الحنة والرنة
ياختي تعبنا من الحنة لا ويقولون نكديين شالحل يعني ؟؟ الله يهديهم بس

 

[كويتية زقرتيه]

صاجه الحنه مو الكل يتقبلها ربي يعينج بعد عمري والله ​