شنو السر!!!! والسبب ......البنت يوم ملجتها تبكي؟؟؟؟؟؟؟؟؟؟؟

[أساور]

يبجوون من الفرحه

 

[TeKaNa_Girl]

هااااي
خوش موضوع
يوم ملجتي ماشفت احد بجا بس لمحت ماما جنها تبجي
بس اتوقع المناحه راح تكون يوم العرس
الله يعين

 

[GaZoZiYa]

الموقف نفسه مو شويه
رهبه
و الام لما تشوف بنتها علا الكوشه يمر في بالها شريط حياتها و ذكرياتها من الطفووووله لي هاللحظة
ترا صج مو شويه فعلا شي مؤثر
انا بملجتي
اول شي امي بجت
بعدين يدتي...
بعدين خالاتي... انا تحملت ما بجيت
بس بعدين لما شفت الفيديو اكتشفت انه الكل كان يبجي..
تخيلو انه عمات المعرس وخالاته قاموا يبجووووووون.... عورني قلبي والله من الفيديو

 

[حنين]

انا ليلحين ما نخطبت بس من سوالفكم اقول مادري شبصير بالملجه ولعرس احس راح اقلبه مناحه

 

[نـور الكويت]

يسلمو ع الاسئلة

وانا راي مع مناوي .. صح لسانك مناوي ..

والعرووس ماتبجي الا لما تسووي اغراضهاا لانها اهي اللحظه الحاسمه ,, والله يوفقنا مع أزواجنا ويجمع مابينا ويجعل بينا موده ورحمه ..
ويرزقنا الذريه الصالحه ويسخرلنا ازواجنا واهلهم يارب العالمين (( قولوا آمين ))

ويعطيج العافيه

 

[نـور الكويت]

انا ليلحين ما نخطبت بس من سوالفكم اقول مادري شبصير بالملجه ولعرس احس راح اقلبه مناحه

حنيـــــــــــن الله يرزقج بزووووج الصالح والذريه الصالحه المعافاة يارب العالمين

وموفقه يارب

 

[حاجه غير]

الله يــوفــقــنــا ويــســهــل أمــووورنــا

والله بصراحه بكيت وامي وابوي بكووووووووو معي علشان الفراق مهو بسهل

الله يوفقنا والمسلمين اجمعين

 

[حنين]

حنيـــــــــــن الله يرزقج بزووووج الصالح والذريه الصالحه المعافاة يارب العالمين

وموفقه يارب

امين يارب العالمين من بؤج لي باب سما ان شاء الله

 

[حساويه]

اعرف وحده جالت اذا بناتها تزوجو ماراح تبجي
تجول وليش ابجي وهم مستانسين وكل طلعات وجمعات ومن مطعم لمطهم

 

[نور-الدنيا]

من الفرحه وعلشان بنتهم كبرت وتزوجت جذي احسااس بعدالحين ببجي اهأ اهأ

 

[@@ Strawberry @@]

لا تعليق من الحين بجي

 

[*مارلين_مونرو*]

من صجكم بنات تبجوووون وين قاعدين اي شي !! لا لا لا مووو حلووه !!




















:dddds:















اتغشمر اتغشمر :d












:dddds:










<<<< الاخت تمسح دموعها و اهي تقرا الموضوووع لووووووووووووووووووول ..

 

[%_لامكان لاوطن_%]

ياهلا بكل من شاركة

وهذا اليوم مررررررررررررررره حلو للعروس واهلها

والله يوفق كل عروس

 

[كويتية26]

انا عن نفسي عادي بالملجة ما بكيت ولا احد بكى بالعكس مستانسين الله يستر من يوم العرس بس

 

[دندنه23]

فرحه اكيييييييييييييييييييييييييييييييد

 

[㋡..PRINCESS..㋡]

والله اهو خوف ورهبه وفرح - وحياه يديده مايعلم فيها الا الله على قولتهم ( مكس اوف ايموشنز)

خخخخخخخخخخ اي والله انا عجبتني ( مكس اوف ايموشنز ) يبتيها رااااااايت :dddds:

 

[ReMaaas^MLS]

انا ما تزوجت بس لقافه بقول راي يمكن خوف ورهبه وحياة يديده غامضه ناطرتها واهل يبجون اكيد بتكون دموع الفرحه

 

[حبي عبادي]

ههههههههههههههههههههههههه
ذكرتيني بيوم ملجتي

وربي ان الكل بجي

يابعد عمري ياابوي اول مره اشوفه يبجي ياقلبي علييه اقوله ليش تبجي يقولى جوهره البيت ونوره بيروح شلون ماتبيني ابجي>>>بدييت ابجي من صج


وامي ياعمري عمرها والله طووووووول الوقت تبجي وتقولى بنيتي حبيبتي بتفارجني الله يعني على فراقج يالله ماااااقوى على فاقه الغاليه

وربي انى متعووده اجابلها 24 ساعه اذا غابت عني ساعه يضيق صدري


شلون بتحمل كل هالوقت بدونها

خواتي من اكبرهم لى اصغرهم يعلنى مانحرم منهم

اخواااااااااني ياحلوهم وربي

الله يصبرني على فراقهم كلهم ياااااااااااااااااااارب


يالله شهالموضوع يبجي وربي هههه


>>>الناس يفرحون واحنا نبجي هههه
منوري

 

[ليالي العمر]

والله الكل يبكي فرح اكيد
وخوف وبهجة وقلق
يعني كل الشعور
وخصوصا للعروس انها رفعت راس اهلها وقدرت حافظت على نفسها لين وصلت اهني
يعن هذا شرف لها ولأهلها بعد اللي تعبوا طول هالسنين واهما يحافظوا عليها لين يت هاللحظة
وزعلها على ترك بيت ابوها وخواتها

 

[sweety_love2]

انا يوم عرسي كان نفس يوم الملجه << مره وحده خلصنا

ويومها كانت حدها الدمعه تبي تنزل و ويهي انعفس بس تحملت وسكت ومشيت بس امي وخالتي ام ريلي يمشون وراي ويبجون والله لو شايفتهم حزتها جان كملت العبره ونزلت الدمعه وخربت المكياج وانا كنت اشوفهم بالفيديو عقب لانهم كانو وراي يمشون

واي بس صج كانت اغنيتي مالت الزفه
القديمه الكل اتوقع يعرفها مالت راشد الماجد ((بدر))


http://www.6rb.com/songs/38010.html