شنو الحل مع مميات اليهال ؟؟

[chelabteen]

قوووة بنات شخباركم

بغيت اسئل شنو الحل مع مميات اليهال عندى مميات اشتريهم وانظهم كل يوم احس فيهم ريحه عزكم الله

شنو الحل في شئ مخصص لهم شنو اهو ووين ينباع ؟

 

[بنت خالة هادي]

اخذي مميه قزاز اولا ثانيا يوميا مرتين الا ثلاث مرات عقميها حطيهم بجدر ماي وملح وخليها تغلي شوي وبعدين بالفريزر اذا تبيين تحطينها او في جهاز للتعقيم وانا بعد ماخذه من سنتر بوينت نفس السائل لتنظيف المميه ومايضر حلو بصراحه تحسين انظف اكثر ه\ي طريقتي والحمدالله مااشم ريحه بالمميه بس اهم شي تكون قزاز

 

[MeMoO-q8]

انا استخدم مميات بيجون قزاز مااستخدم البلاسنيك ... بس عندي ماركة د.براون بلاستيك مالقيت قزاز
وعندي جهاز التعقيم من سنتربوينت .... بعد الغسيل احطهم بالجهاز واعقمهم ... ومااشم لهم ريحه بعد التعقيم ..

 

[Chic & Unique]

غريبه ليش ؟

انا استخدم زجاج حق بنتي عمرها 9 شهور و اعقمها عقب كل رضعه بالجهاز مال افينت (فيلبس) الحمدالله مافيهم شي جربي غريهم و حاولي تعقمين عقب كل رضعه

 

[*ماي الورد*]

رد : شنو الحل مع مميات اليهال ؟؟

لازم تغيرينهم كل 3 شهور وخصوصا الحلمات
الغسيل بصابون مخصص للرضعات
و الغلي بعد كل رضعة
و التخزين يكون بالثلاجة

 

[حجيه هيونه]

رد : شنو الحل مع مميات اليهال ؟؟

صح البلاستك اهم يطلع لهم ريحه اكثر من الزجاج

 

[HearT ChocolaTe]

في أقراص ميلتون في الصيدليات روعه ،، والبلاستيك مع الحلمات
لازم تتبدل كل 3 أو 6 شهور ،، وفي صابون عند سيبا ميد حق الأطفال بالفواكه
عجيب وآيد رووعه هو ماركته مو سيباميذ بس تلقينه برفهم

 

[رنيم q8]

مثل ما قالوا البنات ابتعدي عن البلاستك ما احبه
قزاز في بدايه العمر بس لما تكبر وتمشي لا حطي بلاستك اخاف تكسر القزاز
عقمي الميمات انا شريت جهاز من سنتر بوينت
الحلمات لازم تغيرينهم من فتره لان اصلن فيهم احجام
s- m-l على حسب العمر

 

[chelabteen]

رد : شنو الحل مع مميات اليهال ؟؟

فدييييييييييييييييييييييييييييييييييييييييييييييييييييييييتكم يا احلى بنات مشكوووورين عالردوود الحلوة

 

[اريج الجوري]

رد : شنو الحل مع مميات اليهال ؟؟

مثل ما قالوا البنات استعملي الزجاج ,,,


ومن يكبر البيبي غيري عشان ما يكسره ,,,


وانا حاطتلي جدر خاص للميمات واغليهم مره او مرتين بالاسبوع ,,,


واغسلهم بصابون سائل عادي ,,,


واغيرهم كل شهر ,,,


بس احب اقولج ترى النظافه والتعقيم الزايد اهو اللي يجيب الامراض ,,,



لأن الطفل تضعف مناعته مع الوقت ,,,



تحياتي ...

 

[البدر2000]

انا اعقمهم بجهازافينت للرضعات
بس بنات كل كم اغبر الحلمات والرضاعات اغسلها بصابون عادي مادري وشو اللي تقولون للرضاعات خاص

 

[*ماي الورد*]

رد : شنو الحل مع مميات اليهال ؟؟

هذا صابون الرضعات

http://www.up.qatarw.com/up/2010-11-12/qatarw.com_211238624.jpg

 

[zain-alq8]

بعد كل رضعه غسلي المميات بفرشهم الخاصه والصابون ماركه duffy خاص حق ادوات الطفل اهو سائل بالفواكه ..وحطيلج جدر خاص عقمي المميه بعد كل رضعه لمده خمس دقايق

 

[hneen2]

صح مثل ماقالوالبنات ببدايه عمر البيبي الزجاج احسن وانظف

وصاجه الاخت لا تعقمون المميات بزياده لان جذي تتعود معدته علي الاشياء المعقمه وااايد فا اقل شي يدخل معدته بيمرض اسم الله عليهم انا د.سناء معروف قالتلي كافي انج تغسلينهم وتقطينهم بجدر فيه ماي مغلي وغطيهم لمده 5 دقايق وبس

اتمني اني افدتج

 

[منتظرة الفرج]

صديقتي قال لها الدكتور احسن شي معجون الاسنان وجربته في رضاعة بنتي القزاز صارت تلمع انظف واحسن من االمنظفات الثانيه

 

[حبي عبادي]

وااااااااااااو خووش سوال فدتوني والله


نسيت اشتري المعقم والصابون مال المميات

 

[جذابه بنت ذيابه]

رد : شنو الحل مع مميات اليهال ؟؟

ماقصرو البنات



روحي سنتر بوينت واشتري الصابون المخصص لهم والغلايه

وعقميهم ..

بس بالاسبوع مره

 

[Om NoOoRa]

استعملي رضعات د براون
و اشتري جهاز التعقيم من سنتر بوينت
انا اسوي جذيه ومافي ريحه

 

[:: Diva ::]

عقميهم او اغليهم بجدر !

 

[حبـ admant ـك]

رد : شنو الحل مع مميات اليهال ؟؟

يمكن لانج ماتغسلينهم بصابون
لازم بصابون وعقب عقميهم