شنو الحل مع النمل

[Miss Cherry]

السلام عليكم

النمل سووووو غزوا على بيتنا وين ما اروح نمل امبيه ماني عارفه من شنو قبل على بالي الشغاله ما تمسح السيراميك عدل ويجتمع النمل على الدبق بس حرام راقبتها وطلعت تنظف بضمير بس ماكو فايدة

شنو الحل شنو يوخرهم

 

[الجوريه الحمراء]

انا احطي شوية خل مع الماي وامسح السيراميك وعلطول ما بتجوفين ولا نمله

ومرات احطي شوية كلوركس مع الماي وامسحه

 

[فنكيه]

اخذي من الجمعيه البودر مال النمل خوش شي عجيب رشيه على الزوايه والعتبات يموتون بئقل من ثانيه ومايعتبون بيتكم استمري اسبوع وبعدين خلاص ماراح تشوفين نمله

 

[i'am THE ONE]

الفلفل الاسود يمدحونه و همن في ابرة للنمل


النمل طالع لكم فجاه ؟؟؟؟

 

[ملامح بريئة]

على فكرة هذه الحين مشكلة اغلب البيوت الظاهر من الرطوبة و كل شي حطيته الكمون و الرشاد بس يرجع بسرعة سوي مثل ما قالوا الخوات

 

[؟؟دلع البنات ؟؟]

حتى احنا نعاني من هالمشكله وربي اني اشيل كل الغنفات والاثات وافرك تحته شكيت انه في شي يجون منه بس لاحظت ان البيت نظيف مدري من وين يطلعوون
وفجاااه طلعو لنا وكبار بعد مو صغار
عطوني حل غير البودر لاني جربته والفلفل الاسود هم جربته اما الخل ماجربته بحاول اجربه
والكلوركس يقولون مو زين ع السراميك يكسره

 

[الغاليه نونو]

انا لي شفت النمل استانس مادري ليش يكسرون خاطري والله اييب لهم شكر واكته لهم بره بالحوش ياخذونه ويخشونه حق الشتا ياحليلهم

بس اللي داخل البيت اذا عندج مسمار بودر رشي بساس الطوفه مو تكثرين يعني شوي ركزي المكان اللي يطلعون منه النمل ورشي بودر المسمار وينقطعون

بس هذا وقتهم الحين تلقينهم بكل مكان يدورون ماجلتهم حق الشتا

انا ماحط لهم سم ولا بودر النمل ولا شي احبهم والله شاللي يحببني فيهم؟؟؟؟؟؟ قصتهم مع سيدنا سليمان وقريت عن عجايب النمل ومن هذاك اليوم وانااااا علاقتي بالنمل طيبه

 

[بتوتة توتة]

رد : شنو الحل مع النمل

حطي انه مجربته مع ماي لتنظيف خل مع ملح ليمون وسكري مكان الي يطلعون منه سمنت ودعي لي

 

[قمه النعومه و الأنوثه]

انا سمعت انه الملح ايفيد

 

[دمثة]

اخذي بودرة من الجمعية للنمل واتبعي مكان النمل وكبي قاز عليهم

 

[fdeet_shosho]

اي والله حتى انا النمل بشقتى شي يخرع والله بنات بدون مبالغه والله اللى اقوله صج عيالى اذا كلوا بالصاله عندي وطاحت قطعه بطاط او اى شي من اكلهم ثوانى تلاقين الصاله خط اسود النمل بسم الله الرحمن الرحيم يخرع حطيت سم البودرة ماكو فايدة وتونى ولدى نام عندي بالصاله وانا صالتى زل وكان بايدة صمونه صغيره شلته وطاحت من ايدة قلت بوديه بسرعه وارد اشيلها لا يتجمع النمل بسرعه وديت ولدى بفراشه ورديت ركض اثارى النمل يسابقنى والا الاقيهم متجمعين بس مو كلهم للحين ماوصلت الخبريه للجيش اخترعت قلت ما امداهم وبسرعه خميت واستغفر الله قمت اذبحهم بايدى اذا وحدة ولا ثنتين استغفر الله يطفرونى . ذاك اليوم دش زوجي على الا انا اكلم النمل بالمطبخ اقولهم ترا والله اذيتونى اعوذ بالله من شركم ترا ان مارحتوا بذبحكم لوول ولا يقول زوجي علامج تكلمين منو هههه اخترع قلت ماكو سالفه بيني وبين النمل جان يقول الحمد لله والشكر ههههههههههههههه وطلع وخلانى

 

[قطرات من الندى]

رد : شنو الحل مع النمل

نفس المعاناة بس بحاول اجرب كل اللي قالوه الاخوات

 

[ملاك-77]

انا نفس المعاناة للحين جربت كل شي ماكو فايده مع البيت نظيف حيل بس تأذيت من النمل

 

[زيـــنــه]

رد : شنو الحل مع النمل

هلا حبوبه
ادري الموضوع قديم بس حبيت افيدج

الحل الامثل والاعجوبه

>>> السمسم

الدكتور الدمرداش طلع في لقاء مع الشيح محمد العوضي وقال ان السمسم
يطردالنمل نهائيا بدون تأذيته لأنه يعطل حاسة الشم عنده فيهاجر من هذا المكان للأبد !!

سبحان الله هذي افضل طريقه لأن الرسول صلى الله عليه وسلم وصى بعدم ايذاء النمل ما عدا الابيض منه

واتمنى اني فدتج حبوبه

 

[chakletaA]

اووووه من النمل خشمي شب علي غزو بيييتنا
الله وكيلكم كل اللي قلتوه سويته واهم مافي السالفه بقدونس حطيته
عند سريري

 

[جوري!]

اقري عليهم سورة النمل

 

[lolly]

اشتري بيوت النمل من ايس ووزعيهم بكل البيت تلاقيهم بايس يمكن 8 او 12 حبه ب 6 دنانير

 

[lolly]

بيوت النمل داخلها مبيد يجذبهم و يقضي عليهم بسرعه .. ولما تشوفينهم اول يومين كثروا لانهم يدورون على ربعهم او ينقلون مكانهم وان شاء الله اسبوع و باي باي نمل
على فكره البيوت في قمه النظافة يعني مافي بودر مو زين عاليهال ولا ريحه نفس البخاخ .. وتخشينهم باي مكان بعيد عن النظر يعني تحت الكبت او ورا التواليت ..
ويبيعونهم في : ايس هاردوير

 

[بينا موده]

هذه المشكله الا في وراها سر ليش بس هالسنه انتشر النمل بشكل مو طبيعي
وحده قالتلي رسمي خط بالطبشور عالارض يروح النمل ما يجي صوب الخط بعد ماجربت
كنت اخش الشكر بالثلاجه او احط شي فيه ماي واحط علبة الشكر بالداخل
الغريب بالامر انا من وحنا صغار نعرف النمل يحب الشي الحلو بس السنه لأ غير صار يحب الملح وكل شي بالبيت

 

[:نسوني غلاه:]

احنا خل نشتري بيوت حقنا بالاول وبعدين نشتري حق النمل