شنو الحل مع الضيييقة !!

[أميرة-]

السلام عليكم

بنات انا حالفه ماشتكي لأحد إلا لربي بس قسم بالله تعبت

تجيني ضيقه بدون سبب أحس الدنيا سوده

افرش سجادتي وادعي وابجي ابجي بنات قسم بالله اكتب لكم ودموعي على خدودي ماني عارفه شسوي

رحت عمره واغتسلت بماي زمزم ودعيت عند الحرم وبجيييت أبي اكون بنت طبيعيه ابي تروح هالضيقة ماراحت

والله ايماني بالله كبييير وماكتبت هالموضوع اعتراض على ربي انا راضيه واحمده واشكره على كل حال ومحافظه على فروضي واصلي حتى سنن ونوافل واتصدق وماوقفت دعاااء

بنات انا ماعندي خوات وامي متوفيه ومالي احد بالدنيا اتكلم ويفهمني مالي إلا ربي بس ودي ارتاح خلاص مفكره اروح الطب النفسي يعطوني حبوب ولا اي شي استغفر الله ياربي والله حالفه ماشتكي لاحد بنات انا ادعي واستغفر الله بس دعائي ماستجاب مع انه واثقة بربي وادعي وانا موكله امري لله بس شنو اقدر اسوي عشان يرضى عني الله ويستجيب دعوتي والله دعائي كله خير وادعي لغيري بالخير وماشيل بقلبي على احد بالعكس ادعي لكل اللي حواليني بالخير بس حالي حال غيري كنت مقصره ولي ذنوب والله العظيم اني متحسفه متحسفه ندمانه وتايبه ماني عارفه الله غفر لي ولا اللي يصير لي استغفر الله ابتلاء

الله يخليكم بنات اعتبروني اختكم ماعندي خوات ولا عندي احد اتكلم معاه .. انا صار لي 8 شهور وانا هذي حالتي قسم بالله قام يجيني هبوط بالضغط فجأة وانا واقفه اطيح من طولي ماكنت جذي بس ماني عارفه شنو صار لي

 

[*ريــان*]

اقررررري قران وكثررري الاستغفااار
واقري افكار الصباح والمسااا
واللہ يبعد عنج كل ضييق ويرزقج برزقه

 

[*ريــان*]

اب اب اب
اب اب
اب

 

[rose2012]

1-سورة البقره تنفع تعدل النفسيه لازم تداومين عليها
والقران كله لا تتركينه ع طول ختميه لان يحميج من كل شرر يعني بعد الصبح خمس صفات الظهر خمسه العصر خمسه يطلع وايد و كل سورة لها فوايد

*-شوفي شنو مضايقج عاده يكون في سبب مثلا تحاتين زواجج ؟ و كتبي حلول مثلا بقوم اصلي صلاه الليل و بطلع اكثر مثلا

وهونيها و تهون لا تفكرين و تحاتين الحياة قصيره اخذيها ببساطه
قولي الدنيا بخير و كلشي اوكي
وبسكن روبنز بالككاو مع رقائق الككاو ترا وايد زين للضيقه لان الككاو يفزر هرمون السعاده و اروح لهم لما اتضايق

وانشالله تروح عنج الضيقه بلا رده

 

[M!SS.LOBY]

الاستغفار

 

[شهد الوطن]

وعليكم السلام ورحمة الله وبركاته


الله يشفيك ويشرح صدرك بالايمان

ارقي نفسك واكثري من الدعاء

وادخلي منتديات متخصصة بالرقية ويفيدونك ان شاء الله

عندك منتدى مملكة الضباب كثير بنات استفادوا منه في تفسير الاحلام او مجال الرقية


اكتبيه بقوقل ويطلعلك

وان شاء الله يفيدونك بحالتك

 

[ضــمــاد]

وحده مثلج بإيمانج وثقتج بالله , بإذن الله ما تحتاج لطب النفسي ​

تحتاج أنها تطور من نفسها , تحتاج أنها تعرف شنو تبي , تحتاج انها تكون أنسانه فعاله ​

أنا ماعرف ظروفج , لكن اذا تبين تحسين بوجودج خلي طموحج كبير , ​

هالضيقه بتروح بإذن الله اذا حطيتي لج هدف ,​

وقتها راح تلهين مع طموحج وهدفج ,​

وماراح تحسين بالفراغ والوحده , حاولي تدخلين دورات تفيدج , أقري كثر ماتقدرين أقري ​

الانسان عشان يتعلم لازم يقرا , دخلي دورات تساعدج بإنج توصلين لهدفج , ​

اذا انتي حياويه او خجوله تغلبي على هالشي ​

وسجلي في أندية/نوادي التوستماسترز في نادي خاص للسيدات , النادي يعلمج شلون تتكلمين بكل ثقه ​

جدام الجمهور جدام الناس , يعني وايد وايد حلو يرفع ثقة الوحده بنفسها ​

عندج بعد لجنة القوارير هذا رقمهم 65052139 , المكان بالشامية , مكانهم محفوف وحلو​

كل يوم ثلاثه فيه درس ديني , وبنفس الوقت يستضيفون ناس يعطون دورات بكل المجالات​

الطبخ , الثقه بالذات , التخطيط للحياة , التربيه الخ ... وأسعارهم حلوه تقدرين تكلمينهم بالواتساب وتقولين لهم


أبيكم تبلغوني اذا في دورات او دروس , بالعاده اهم من تكلمينه اول مره يحفظون رقمج


ويرسلون لج مره وحده بالاسبوع انه يوم الثلاثه في درس ديني تقدمه الداعيه + عنوان الدرس


هذا حسابهم بالانستقرام qwareer2​

 

[مـآلي شبيه~]

تقربي من ربج اكثر
ادعي من كل قلبج اشتكي لله كانج تشتكين لاعز صديقاتج . اقري سورة البقرة . الاذكار لا تخلينها . عليج بالرقية
اشغلي نفسج بشغله تحبينها افتحي لج مشروع مثلا . اذا مو موظفة توظفي . ولا تحطين في بالج ان انا متضايقة حاولي تنسين و تلهين باي شي
والله يبعد عنج الهم و الضيق يارب

 

[دمعة إنسان]

وعليكم السلام ورحمة الله وبركاته​

اختاه ​

رحم الله المغفورة لها بإذن الله والدتك واسكنها فسيح جنته​

في اعتقادي الضيقة هذي من اسلوب حياتج قصدي كل يوم نفس الروتين​

أول الحل التقرب من الله سبحانه وتعالى بالدعاء وقراءة القرآن ودفع الصدقات لرفع البلاء​

حاولي التقرب إلى بعض البنات من قريباتك فالبنت بين جدران أربع يسبب لها الاكتئاب والوحدة وهذا جداً خطير لان مع مرور السنين قد يصبح مرض نفسي​

حطي في دهنك الله سبحانه وتعالى لم يرزقكم بأخت لكن أعطاكم شيء أفضل منه​

إذا كنتي أنتي البنت الوحيدة في البيت فأنتي شمعة في هذا البيت​

فوجودك يعني للعائلة الكثير ​

حاولي التقرب إلى بنات عمك أو عمتك او بنات خالك أو خالتك أو زوجات أخوتك أو جميعهم ​

أبحثي عن زميلتك المفضلة لك سواء كانت بالمدرسة أو الجامعة إذا لم تستطيعي رؤيتها على الاقل كلميها بالتلفون او الجوال أو أي وسيلة أتصال​

حاولي التغيير من نمط الحياة​

تذكري أختي لستي أو شخص يشعر بضيق ولن تكوني آخر شخص​

فهذه الدنيا خلقها الله سبحانه وتعالى للبلاء والأختبار​

قال الله سبحانه وتعالى في سورة البلد الآية 4
( لَقَدْ خَلَقْنَا الْإِنْسَانَ فِي كَبَدٍ )​

سأشغلك قليلاً لتفكري في هذه الآية ​

دمتم في حفظ الرحمن​

 

[عـيّــآره]

اميره​

انتي قلتي انه ايمانج بالله كبير وملتزمه بصلاتج وعبادتج احساس الضيقه يعني اللي ​

دعيتيه من الله بيصير وهذا ابليس يضيق ​

عليج عشا ماتلتزمين وتخسرين اللي بنيته​

سمعت احد الشيوخ يقول هالكلام انه ساعات الشياطين يضيقون على الانسان اذا تقرب ​

من ربه وقررب من الشي اللي يطمح له ​

الله يهون عليج اختي ويرحم امج ​

الله معاج لاتحسين بالوحده هو يغنيج عن الكل ​

 

[ابي قطوة ميوووو]

لا تفكرييين بالضيقة وقنعي نفسج انج انسانة متفائلة وسعيدة والدنيا ما تسوى تتضايقين عشانها دامج الحمد الله مصلية وتأدين فروضج

 

[شندوخه]

ياحبيبتي ربي يشرح صدرج وصدري

باذن الله يالغاليه لج اجر من الله عظيم

ونصيحه اختي
اكلي كل يوم 7 فردات تمر مع قهوه شعير او تلبينه وبتشوفين شلون ربي بيشرح صدرج باذن الله

 

[نـعـومـه]

اول شي شنو سبب اكيد في سبب

سوري بس انتي عايشه مع منو

يمكن ضيقتج من الوحده !!؟؟

ادعي الله يفرج همج ويرزقج بزوح صالح يملي حياتج اتوقع لما تتزوجين ايبين يهال يمكن يتغير وضعج

اقري سورع البقرة يوميا

 

[حصة2010]

حبيبتى اشلونك مع صلاة الفجر ولا ذكار وقراءات القرأن الكريم اعتبرينى مثل اختك الله يحفظك من كل شر

 

[الأميرة جوري]

اولا عندج واحد احد المفروض تستانسين وتثقين بربج وتوكلين عليه وحاولي تقرين كل يوم سوره البقره كامله راح ترتاحين راحه مو طبيعيه

 

[الاهله]

انا زيج ضيقه وبكا بس انا عندي اسباب الله يفرجها من عنده

 

[طبعي مزاجي 85]

أختي يمكن عندج الغده سوي فحص لها وتأكدي لان نقص إفرازات الغده تيب الضيقة أمي كانت كذا ضيقه وماخلينا مكان وسرنا له وآخر شي طحنا على دكتور في الطوارى وخبرنا ان عندها الغده والحمد لله تعالجت وراحت الضيقة والله يشافيج دعواتج أختي لي ...

 

[ايام وردية]

حبيبتي بقولك تروحين تفحصين عن شيئين

الغده من اسبابها الضيقه

وفيتامين دال

انا اخذت تقريبا كم سنه اعيش بالضيق والهم وصياح ومادري عن السبب
وبالصدفه وحده من حولينا مسويتلي عمل حتى ما تزوج حسبي الله عليها والحمدلله تعالجت راحت الضيقه من اول مانفك العمل وانخطبت بنفس اليوم تخيلي

بس ان شاءلله يكون بعيد عنك مابي اخوفك حبيبتي بس بقولك اسباب الضيقه الي اعرفها

 

[بنت الاحلام]

انتي بالكويت اذا بالكويت راسيلني رقمي بالتوقيع

 

[3aly mstway]

حبيبتي معروف شنو سبب ضيقتج حياتج الليتعيشينها وحدانيه تعرفي على الناس و روحي وتعالي و اقري سورة البقره ودعي ربج باذن الله تغير حياتج