شنو الحل مع أختي

[عيونك دنيتي D]

الله يهديها ويصلحها على انها مو صغيره .. غريبه تسوي جذي!!

شوفي انتي طيب خليها تفتح لج قلبها يمكن فيه شي مضيق صدرها ومسبب لها حس اللامبالاة ؟

لان من كلامج حسيت كأنها تبي تنسى شي او متعرضه لصدمه

 

[في غيبتك راحه]

مشكورين بنات
أم حسين بجاوبج على أسألتج
ليش أبي أختي تشتغل دام البيت في خدامه
لإن الخدامه مالها في الطباخ كلش أثيويبه ولها خمس شهور
ومن يوم مايات لين هاليوم مو راضيه تتعلم تصد عني ماتبي الطباخ وهم مسأله انه تكتب الطبخات وجذي تقول ماعرف اكتب ولا اقراء
اعرف ارتب وانظف وبس الشكوى لله وفوقها أخواني أصلا مايبون الخادمه تطبخ وتنفخ لهالسبب ابي اختي تتعلم وتريح أمي ولإسباب ثانيه رئيسيه بذكرها تحت.

أما إنه أعاير أختي ليش أعايرها ؟!! بالعكس كلامي وياها بإسلوب بعيد عن المعاير وأنا قلت في البدايه كتابيا صعب أوصف و أوصل الكلام بس كنت أحاجيها بإسلوب أحرك مشاعرها شوي أبيها تحس أنها كبرت وانها كل مالها يتقدم فيها العمر وانها على وشك أدش الثلاثين وانه دوام الحال من المحال الحين أمي في البيت
باجر الله لايقوله لو صار للوالده شيء مو ماكلها حد غيرها
أول لما كنت في البيت وتعبت أمي وترقدت في المستشفى
غصب مو طيب غصب مانقعد في بيتنا لا ياخذنا اخوي لبيته
ومنو هناك ؟؟ النسره مرته اللي لاطيقنا ولا تواطنا بعيشة الله
يمكن تقولين ليش ماتمون في بيتكم مو بكيفنا وهذا اللي بيصير
لو غابت شمس الغاليه وهذا اللي اهيا ليل نهار تحاتيه
أنا الحمدلله الحين في بيت ريلي من ناحيتي أمي تطمنت بس تحاتي أختي والله قاعده أذكرها باللي كان يصير لنا في فتره غياب أمي عنا أستغفر الله مثل عيشة المشردين أبيها تصحى لنفسها

انا ماكتبت الموضوع اهنيه من باب الفضفضه او اسلي روحي
لا لاني هم أنا أحاتيها ومافي أسلوب إلا وييتها فيه
قلت يمكن ألاقي حلول أفضل وأحسن وياكم

وارد واشكر كل من ردت علي​

 

[بندووشه المطيري]

آلله يهديهأإ ويصلحهأإ !!

 

[رسمتك وهم]

الله يهديهااا
اختج اظاهر ما تحب تعلم الطبخ
بس ماااعليج البنت في بيت اهلها ما تدل المطبخ وبيت زوجها تطبخ وتنفخ{اختج كبيره المفروض متزوجا} اذا جاء ولد الحلال وافقوا حتى اذا ما تبي@ امج الله يطول عمرها ويمتعها بالصحه والعافيه ترقدت بالمستشفى ورحتوا لبيت اخوج يعني لو يصير شي بامج الله لا يقوله بتقعد عند حريم اخوانج ويجيها من الكلام
{اسفه يالغاليه احس تدخلت بس والله اعتبرها مثل اختي}
اشتري كتب الطبخ واذا جيتي عند اهلج قوليلها ابيج تساعديني بالطبخه واذا سوت شي حتى لو سلطه امدحيها واخلي اخوانج وامج يمدحونها وشجعيها وقولي لخوانج يقولون له قومي سويلنا اكل اقعدي مع اختج قوليلها عن مشاكل عشان تقولج مشاكلها وحولوا مشاكلكم حسسيها انج جنبها لان اختج غريبه اللي بعمرها يتحملون المسؤليه
​

 

[جنوبية وأفتخر]

طلع الجيل كلة جذي نفس الطينة كسلاااااااااااااااااان
نفس الحالة عندنا موجودة ف البيت .....

 

[serina]

مشكلتج حبيبتي موجودة في كل بيت للأسف. الأهل مايحملون بناتهم أي مسؤولية خوفا عليهم أو دلع والبنت تكبر عبالها جذي النظام وتلقين بعض البنات في بيوت أزواجهم نفس الشي.

على العموم اللي فهمته من كلامج إنها بنية كبيرة وفاهمة فلما تحاجينها لا اتييبين طاري البنات اللي مثلها ومتزوجين وشايلين عمرهم تحز بخاطرها حتى لو قلتيها بحسن نية.

عشان تقنعينها، دخليلها من باب إن تحمل المسؤولية فيه نوع من الاستقلالية وتأكيد للذات إن لها قيمة. البنت لما تطبخ حق نفسها وحق بيتها (سواء بيت أبوها ولا بيت ريلها) قاعدة تطبخ حق نفسها لقمة نظيفة حلوة وتحس إنها مستقلة بذاتها مو محتاجة أحد يوكلها واللقمة اللي تطبخها لذتها أحلى من أكل المطاعم بكبره. قوليلها هذا إذا اطبخت حق نفسها جذي عيل لما تذوق أمها طباخها راح تحس بإحساس ما يتعوض لما تشوف الابتسامة في ويه أمها اللي تعبت عليها وعليكم طول هالسنين.

ثاني شغلة. ذكريها إنج راح تكونين دايم حوليها إذا احتاجت مساعدة يعني لا تحس قطتوها على صخر. في البداية مجابلة البيت بتكون صعبة بس بعدها بتصير عادة سهلة وكا المثال أمكم وإنتي جدامها. وقوليلها إن تحمل مسؤولية البيت واجب مثل الصلاة والصيام، إذا احنا ما استثقلنا الصلاة والصيام ليش نستثقل مسؤولية البيت؟

أحس لو فتحتي الموضوع بطريقة تحسسينها بإن لها قيمة والبيت ما يستغني عنها راح اتيي من نفسها خصوصا إن الخدم مهما يكونون، قلوبهم مو على بيوت معزبينهم وما يهتمون. وكاهي الناس اللي حولينها كلها شايلة بيوتها وتطلع وتدش نت وتستانس يعني الاهتمام بالبيت ما راح يحرمها من الأشياء اللي اتحبها.

إذا ما ياب هالكلام نتيجة خل واحد من إخوانج ينبهها بحزم أن البنت راعية الأصول تدير بالها على بيتها أيا كان مو تنطر لما تتزوج تالي تتعدل... وأمكم وصلت سن لازم ترتاح فيه مو تتعب وتشقى.

عسى الله يطول في عمر أمكم ويريحها ويقدرج على برها ويهدي أختج.

 

[Mrs_Orchidia]

يحليلها مدللة .. الله يرزقها بالزوج الصالح ان شاءالله

بس سؤال ما عندكم خدم يساعدون امج؟؟

الله يخليج البنات الحين اكبر منها و قاعدين لا شغل و لا مشغلة وقفت على اختج!! بس غريبة شلون امج ما تكسر خاطرها؟؟! و الصراحة عمرها اكبر من ان تعطينها محاضرة ماشاءالله

 

[athory]

كيفـهآ ..

مآ احسها مشكله دآم البنت مآتبي تطبخ

و لو أمّك مره تعبآنه تقدر تخلي الشغآله تطبخ و تسوي

خلآص خلي البنت برآحتها و متى مآبغت تطبخ و تصير سنعه بـ تصير

مآله دآعي كل هذآ

 

[تُخْفِي غَلَاها]

,’
لا حول ولا قوه الا بالله
,’​

 

[ام ادهم2003]

اب لعيونج

 

[Lode]

..فـــــــــاهمه كل كلمه قلتيها وحاسه فيك ووربي

بس تدرين حبيبتي ..يمكن ماتقدرين تغيرين فيها شي
سبحان الله كل واحد وشخصيته وتفكيره حتى لو كانو خواتنا
احيانا تتكلمييين وتتكلمين بس مااااافي فايده
.. مافي شي يتعدل ..صحح؟؟!!
انتي بس حاولي فيها يحن قلبها ع امك وتساعدها ..هذا اقل شي تسويه
انا اختي مثل كذا والطامه الكبرى انها انخطبت
(وللحين ماتشوفين اي شي يدل ع انها حاسبه حساب لمستقبلها )
اذا احنا ماقدرنا نغيرهم ..ان شــالله الدنيا تغيرها لاجا الجد
الله يوفقــــهم ويصلحهم ,,يارب

 

[solitude]

اختج كبيره ع هالحركات
حاولي مره تدشين وياها المطبخ انتي تعلمينها باسلوب حلو
او خليها تسمع امج وهي تشتكي من تعبها من شغل البيت يمكن تحس شوي بالذنب وتساعدها

والله يعينج عليها

 

[NoOoR@]

تكلمي انتي ويااها عن بر الوالدين <<< سوالف مو اوامر
والله يهديها

 

[أعشقه]

الله يعينكم مو بس انتي الي تعانين من هالشي
فيه بنات كذااا .. وهي مو حاطه بالها لشغل او للبيت ..
وامك هي الي عاودتها ع هالشي .. من شاب ع شي شابا عليه ..
يعني هي خلاص تعودت ع الوضع الي هي بوه
لاتزوجت بتتسنع وبتتعدل ..
الله يعينكم ويسهل اموركم

 

[soso.]

عزيزتي مقارنتها بفلانه وعلانه ماراح يزيدها غير عناد ..
كلامج لها ان فلانه عرست واللي اصغر منها صارو حريم يمكن يجرحها وتتحسس منه فما انصحج تكلمينها من هالباب ..
عطيها اشرطه ومحاضرات دينيه عن بر الوالدين .. كلميها عن تعب الام ومعاناتها في تربيتكم عطيها امثله على المواقف الي امج ضحت فيها وتعبت عشان تربيتكم وان هاذا جزء من رد الجميل .. فهميها ان امج مره كبيره ومريضه وانها محتاجه للراحه ويمكن التعب والظغط في الشغل لا سمح الله يضرها اكثر ويوصلها لمرحله ماتقدر تتحرك بعيد الشر عنها ..
خوفيها من فقد امج خاصه ان مالها غير امج بالبيت الكل متزوج ولاهي بحياته ..

:rerrerek::eh_s(15)::rerrerek::eh_s(15):​

 

[روز بآريس]

والله كفف وآآحد يخليها تصصحى
وخلي اخوانج يطقونها ويسحبون الفون
منها وتخلينها غصب تشتغل وبتحس بالضمير وبتتعود وتبوس راس الواحده من غير ماتقولولها بووسي

 

[سحري بخفة دمي]

تصدقيييييييييييييييييييييين ما راح احد يحس فيج كثري صيحتيني اهي اهي
ما الومج الله يلوم اللي يلومج آآآآآآآآآآه حبيبه انتي عندج وحده انا عندي ثنتين اهم وقعدتهم بالسويه
انا الكبيره ومتزوجه وعندي يهال وهذاني كل ما اروح بيت اهلي ازورهم اشوووف البيت فوق حدر واهم ولا هامهم امي مرييييييضه تعبانه يوم صاحيه وعشره تعبانه يالله الجدوه وانا تعببببببببببببببببببببببببببببت تعببببببببببببببببببببببببببببببت وانا اقولهم واقول وافهم واعلم مااااااااااااااااااااااااااااااااااااااااااااااااااااااااااااااااااااااااااااااااااااااااااااااااااكو فايده اجيهم باللييين وبالسياسه ماكو فايده اجيهم بالهواش وصراخ ماكو فايده اجيهم بالمساحل ماكو فايده اقولهم اذا سويتو وفعلتو اسوي لكم كل اللي بخاطركم ماكو فايده عطوني حل
حياتهم انترنت جوالات سوالف تلفزيون نبي نطلع نبي سوق
انا طبعا ما راح انكر اذا جاهم مزاجهم اشتغلوا واستانس اقول لا تعدلوا واشوي ترجع حليمه لعادتها القديمه
توني الليله خلاااااااص عصبت قمت اصارخ اقول لهم ماكو احساس واذا كلمتيهم عطوك من طولت اللسان اللي فيه النصيب لسانهم كل وحده دلاله اللهم يا كافي ابوي عصب عليهم وانا و اخواني ماكو فايده عاقبنهم ماكو فايده
الله يعينج حبيبتي ويصبر قلبك واذا لقيتي حل عطيني اياه واكون لج من الشاكرين

 

[امـ خــزامـى]

اللله يهديها
انا اقول مالها حل الا تسفهينها

اتوقع ان على بالها انك تبين تحطمينها فتعاند

انت احرجيها واضغطي على نفسك كم يوم تروحين تساعدين امك
ولا تكلمونها ازعلوا عليها


وقدام الناس امدحوا فيها وقولي اي كلمه حلوه عنها واهم شي تكون معكم بالجلسه وتسمعكم

وربي بتتفشل وبتستحي ومن نفسها بتقوم تساعدكم

 

[مدمنه قهوه]

السلام عليكم
بارك الله فيك
اخذي ورقه وقلم واكتبي معاي

المشكله ليست مشكله واحده بل عددده مشاكل ومركزها اختك
1- تبين اختك تكون معتمده علي نفسها
2- تبين اختك تساعد امك
3- تبين اختك تهتم بروحها عشان الله يفرجها وتتزوج
4- الخوف من المستقبل وتبين تريحي امك
5- تبين تكون لاحتك شخصيه بالبيت عشان يكون لها عندها قرارات بالمستقبل
والخافي اعظم
اختك تعيش فتره لا مبالاه بس هي تمر بمرحله تحطيم اي كل للي حولها تزوج وهي لا
فتهمل نفسها وتهمل العالم كله وبصًراحه ماالومها
لاتقولون الزواج مو كل شئ بالعكس بنسبه للبنت كل شئ

الان عرفنا السبب والمشكله والخطوات نجي عن العلاج

1- انسي اللي فات كله وابدي صفحه جديده معهااا
2- قدمي لها هديه واعتذري منها وهذا تقربين لها ( تهادوا تحابووا )
3 - بين فتره وفتره اذا زرتيهم وشفتي عليها لبس جديد او شغله مغيرتها بنفسها او او
احمديهاا
4- زرتيهم مره وشفتيها راقيه قولي تعالي سولفي ع بالمطبخ وادخلي واياها وكانك مشغوله بشي
قولي لها تكفين قطعي هذا او هذا خليها تجهز طبق خفيف كابتشيو او سطله بدون ما تجبين سيره انها ماتحب تتطبخ او او

ولما تضعينه ع السفره صوريه وحطي بالنت اذا تحب المنتديات منتدداه او بالوتساب مع صديقات وراح يمدحونها اكيييد
او خليه بجهازك ولما تزريهم مره ثانيه قبل زيارتك تقولين نفسي فيه تكفييين اعطيك فلوس اجيب لك مفاجاه او او


5 - قدمي لها الهديا بعنايه يعني كريمات جسم شئ تهتم نفسها فيه تتعدل تحب نفسها
تًرا الانسان اذا ماحب نفسه ماحد يحبه

6- قطعي بالمديح لها اشتري لها نفانيف جديده

7- غيري ديكور غرفتها جدددي فيها

8- تقربي لها بشئ تحبه هي منتديات سجلي معهااا

9- قولي لها تكفييين اسئلي رفيجاتك فيه حلا او لبس او طبق او مكياج شفته ع وحده اعجبني ابي مثله اسئليهم

10- خليها تقرب لربي لان احس من كلامك انها بعيده عن ربي اللي يهمل روحه الله هامله
تقرب ربي تحب ربي ثم نفسها ثم اللي حولها

ارسلي لها بين فتره وفتره عن تذكييير بالله وحب الله وادعيه وعن الوالدين وعن قصص اللي فقدوا والدينهم
وايضا لو من باب المزاح ارسلي لها حلا بسيط تسويه لك قبل مجيئك لهم

انا حاسه فيك واحمدي ربي انك قريبه من امك بس الله المستعان
وقبل اي شئ اتكلي ع الله وصفي نيتج لله والله يوفقج ويرزقج ع قد نيتك

 

[مدمنه قهوه]

مهما صار وكان وفعل المقارنه مع ناس ماتنفع بل تزيد الطين بله

لاتقرنينها باحد بل اجعليها هي الافضل والاحسن والاجمل بعينك وبيعين الناس
لاتحقيريها ولا تضليمها لان هي تشوف كلامك وتعتقد هذا كلام الناس فيها

قولي لها حماتي تمدح فيج خالتي تمدح فيج
قولي لها سمعت فلانه تقول لفلانه لتقول فلانه انج صايره متغيرره علمينا وش الخلطه السحريه ومن هالكلام الزين والمدح