شنو الحل العصبيه والعناد وطبية القلب

[soso 3sl]

السلام عليكم


بدش بموضوع

بنات انا حدي عصبية وعنيده بس قلبي قلب سمجه ماأعرف أخذ حقي وخاشها بقلبي لما أصير حقودهـ
مشكلتي الكل يقول لي تصرفاتج مثل ياهل وطبية على نياتج وحبوبة صرت أكره كلمة طيبة على نياتج والله ما أجذب ودي أصير لي هيبة وكيان الكل يعاملني يحسب لي ألف حساب أبي الكبير قبل الصغير وعوبة ما ينقص علي لانه والله أكره روحي لما واحد يجذب علي وأجذب لما أخاف أجذب بس جذبتي فاضحتني بس لا تخوفون جذبتي خفيفة بدون مبلغه


لانه رفيجياتي الثانوي للي كانو معاي لاحظو أنه انا صرت حيــــل عصبية من كثر ما أعصب صارو يتبعدون عني اللهم بس أكلمهم الواتس أب بس من وين إلى وين أسولف معاهم لا تلوموني أنا مرت ظروف ما يعلمها ألا الله

ساعات أقول يمكن لا توظفت ولا تزوجت كله محكره ببيت ولاعندي بنات عم كبري ولا بنات خوال كبري أنا زعلانه من نفسي :"(
كلش مو أجتماعية يوم بغيت أكون أجتماعية الكل صار يتظنز علي الكل يقول ياهل للي تغلط علي وللي تضغطني أسلوبها حتى صارو يتدخلون بحياتي ومصبية يقصون علي ليش ياربي ليش

بديت أكره حياتي ساعات أقول ليش أنا عايشه بالدينا بس تعوذ من أبليس وأقول ميخلف انا عايشه حق أهلي
مشكلة الكل يكبر ألا أنا على حطت يدي ماتغير شي


ساعدوني شلون أخلص عصبيتي أكون عــوبه محد يقص علي على قولتهم أبي أكون ذيب وثعلب :eh_s(22): أبي تكون لي شخصية قويه ويعتمد عليه وذكية و أنثويه أكثر :eh_s(22): وحكيمة

معلومه للي تقول لي روحي النادي إن شا ءالله أشترك بس مو الحين لما يكون لي فرصة وعمري 24

 

[ابي اصير ممثلة]

انتي نفس حالتي وعمري 20 وماعندي خوات

 

[soso 3sl]

حياج الله حبوبه

انا عندي أخت

نسيت بعد أقوول تصرفاتي مثل الشباب

 

[صمْتي كلام]

أفضل الذكر لا إله إلا الله وأفضل الدعاء الحمد لله

 

[FREEWOMAN]

وعليكم السلام يا هلا فيج

بنات انا حدي عصبية وعنيده بس قلبي قلب سمجه ماأعرف أخذ حقي وخاشها بقلبي لما أصير حقودهـ
مشكلتي الكل يقول لي تصرفاتج مثل ياهل وطبية على نياتج وحبوبة صرت أكره كلمة طيبة على نياتج والله ما أجذب ودي أصير لي هيبة وكيان الكل يعاملني يحسب لي ألف حساب أبي الكبير قبل الصغير وعوبة ما ينقص علي لانه والله أكره روحي لما واحد يجذب علي وأجذب لما أخاف أجذب بس جذبتي فاضحتني بس لا تخوفون جذبتي خفيفة بدون مبلغه

في شي ماني قادر افهمه ... شلون عصبيه وتنفسين عن عصبيتج حيل بس بنفس الوقت تكتمين بقلبج؟

اتوقع قصدج ما تعرفين تتحاورين بشكل تاخذين فيه حقج من الناس فتعصبين لانه هذا هو الحل والحيد

انا اكبر منج وتبين الصج مريت بتجارب اكثر وعقب ما مريت فيها واستفدت منها صدقي الي بقولج اياه

الانسان يكون طيب وعلى نياته وايد احسن مما يكون ذيب والكل يخاف منه

لا تكرهين كلمه طيبه بالعكس ... واذا تبين يصير لج هيبه صدقيني احترام الذلت واحترام الناس

هو الي يخلي لج هيبه مو العكس ... لا تخلين الهيبه تصير لانج ذيب والكل يخاف منج بالعكس

كل ما بغيتي تتكلمين او تعصبين بينج وبين نفسج عدي من الواحد لي الخمسه بعدين قولي الي تبينه

جذيه تاخذين فرصه قبل لا تتكلمين ...

تجارب الحياه هي الي تخليج فاهمه الناس وراح تفهمينهم اكثر كل ما احتكيتي فيهم اكثر

لانه رفيجياتي الثانوي للي كانو معاي لاحظو أنه انا صرت حيــــل عصبية من كثر ما أعصب صارو يتبعدون عني اللهم بس أكلمهم الواتس أب بس من وين إلى وين أسولف معاهم لا تلوموني أنا مرت ظروف ما يعلمها ألا الله

لازم تتحكمين باعصابج دام وصلت المواصيل الناس كلها تبتعد عنج معناته الغلط كله منج مو منهم

ساعات أقول يمكن لا توظفت ولا تزوجت كله محكره ببيت ولاعندي بنات عم كبري ولا بنات خوال كبري أنا زعلانه من نفسي :"(
كلش مو أجتماعية يوم بغيت أكون أجتماعية الكل صار يتظنز علي الكل يقول ياهل للي تغلط علي وللي تضغطني أسلوبها حتى صارو يتدخلون بحياتي ومصبية يقصون علي ليش ياربي ليش

اذا كانت العصبيه طبع فيج لا تتوقعين بعد الوظيفه او الزواج انه بتغير كل شي ... لانه الطبع يغلب التطبع

اذا انتي قاعد تحاولين تصيرين اجتماعيه وفي ناس يضايقونج ولا جنهم موجودين

اذن من طين واذن من عجين ... توكلي على الله وخلي عندج الثقه انج بتاخذين الي تبينه

ساعدوني شلون أخلص عصبيتي أكون عــوبه محد يقص علي على قولتهم أبي أكون ذيب وثعلب أبي تكون لي شخصية قويه ويعتمد عليه وذكية و أنثويه أكثر وحكيمة

مثل ما قلت لج التجارب والاختلاط بالناس راح يعلمج وايد ... وقبل لا تتخذين اي خطوه استشيري شخص

تثقين فيه ... امج ابوج وحده من عماتج الخ...

العصبيه الزايده تدل على عدم الثقه بالنفس ... حاولي تقعدين كل يوم بالغرفه بروحج لمده 15 دقيقه

على الاقل وتكررين جمل معينه ... "انا اثق بنفسي" وتتنفسين بعمق وتشوفين نفسج بالمنظره

وتكررين الجمل وان شاء الله ماكو الا الخير

وعليج بالدعاء :eh_s(15):

 

[بنت الأجوااد]

عادى انتى صغيره راح تتعلمين مع الوقت

العصبيه راح تخف مع الوقت

وتبين تصيرين عوبه انا الكل يقولى عوبه تراها ماهى صفه حلوه عشان تمنينها

تبين الكل يعمل لج حساب درسي واحصلى على شهاده واعتمدى على نفسج وفكرى عدل قبل اى شي تبين تسوينه عشان ماتندمين

انا كنت عنيده وهاديه جدا بفترة المراهقه بعد هالفترة صرت عصبيه جدا لعشر سنوات والان احس انه خفت عصبيتى وصرت اوزن الامور اكثر لكل عمر له مراحل وحالات وتصرفات
الله يهدى بالج

 

[JaMoOoNa]

انا مع الاخت freewoman و كلامها أثر فيني شوي لأن حتى انا عندي نفس المشكله (( العصبيه ))

ما أحب العصبيه فيني أكره نفسي اذا عصبت أصير وحده ثانيه مع اني هاديه و طيبه حييييييل و على نيتي

بس الظروف و اللي حوالي خلوني عصبيه و نفسيتي تعبانه شوي

بس الحمدالله على كل حال و ان شاء الله العصبيه تروح مني

حاولي دايما تهدين أعصابج ترى العصبيه مو حلوه كلش

و ان شاء الله ماكو الا كل خيييير​

 

[soso 3sl]

أبي الحل ياجماعة الخير

أول شي أشكركم على النصائح لي
ثاني شي أهتمامكم للموضوع
ثالث شي منورين
رابع شي راح رد على كل وحدهـ وضح لها مشكلتي

صمْتي كلام

والنعم بالله

FREEWOMAN

أولاً مشكورهـ راح أفمهج

لما أعصب حدي أصرخ خصوصا شي ينرفزني مشكلة ماأعرف أرد على جدامي مثلاً ما عرف أخذ حقي بعدين
أروح مكان معين بعدين أبجي من كثر ما عصبت وبعدين خلي الحقد يوصل قلبي أقول ياريتني سويت جذي وجذي (أخش بقلبي أخر شي أنفجر مره وحده هذا مايسمونه حقد قاعد يعذبني وايد )

حتى الوالد يقول لي انتي وحده عصبية نفس الوقت على نياتج فيج دفاشه


يقول لي ترا غلط للي تسوينه حتى لما تتزوجين ريلج أقل وقت يطلقج و الوالدهـ أهم تقول لي أبيج مثل الحريم شلون يصففون الحجي ذرابة للي يدوخ الريال من كلامها لهلوبه وشاطرةوما يستغى عنج ياماما ياسوسو ترا غلط شنو بس تبين ريال تصيرين أم عياله تصيرين ده ده حقهم شلون أهو يبي مرا يعتمد عليها نفس الوقت ما يصير أذا كل وثانية تعصبين وتصرفاتج مثل اليهال وتزعلين وعناد مايصير ياماما بس مجابله هالاب توب وتيفي و تقعدين ويه أخوانج اهم يلعبون شوفي رفيجاتج للي أصغر منج كل وحده قاعده ويه ريلها مجابلته للي خلفو يبوه طفل او طفلين وانتي لا فيج فايده ولا عايده
أذا للي كان يحبج طار منج لانه تصرفاتج كلها غلط معه

هذا موضوعي أولي
http://www.q8yat.com/t959743.html
يمكن أساعدج عشان أوضح لج أكثر أو تفهين علي


والله عندي اختي أصغر مني ( قولوا ماشاءالله ) كل يقول أنه عقلها أكبر من سنها وانا عكس صحيح أهي أحسن مني بكل شي بس ترا مو غرور مني بالعكس أفتخر لانها اختي عشان أوضح لكم أنه الناس شلون تفرقنا

و أذا أهل الوالد ما ابيهم و لا اقرب لهم البعد عنهم راحه ما بعدها راحه ألا أهل الوالده أهم شوية بس مرتاحه معاهم ويونسون

اي صج تذكرت مره رفيجتي تقول لي انتي تهتمين كلام الناس شيقولون عنج واحساسه حيل
وصح كلامج أنا ماعندي ثقة بشخصيتي كلش أحاول أغيرها للى أحسن
بنت الأجوااد

بالصراحه ما أبي اكمل دراستي وانا حاصله دبلوم ومقدمه على دايون ناطرته لانه صج صج ابي أتوظف على أقل يكون لي سند بالحياة أمنا بالله أنه الزواج قسمة ونصيب أما الوظيفة أهم قسمة ونصيب توقع لأ لانه غلط على مسئولين لو مخططين صح جان توظفت من زمان
على طاري العوبة أنا قصدي العوبة بالذكى مو طولت لسان قصدي أعرف أخذ حقي عشان لو قالوا يقولون فطينه مو سفيها أو فاشلة بالمجتمع للي عايشة في .

JaMoOoNa

إن شاءالله أخفف لها وأكون حكبمة بتصرفاتي إن شاءالله لقى أحد فاهمني لانه شوي عقدتكم معاي :eh_s(22)::eh_s(22): بس شسوي ابي افضض لكم ماعندي غير وجة الله سبحانه وتعالى وغيركم

لكم المايك الحين وبعدين أرد لكم BRB

 

[ما كو اسم]

حبيبتي انتي تصارخين من حر ما في قلبج مو قادره ناخذين حقج لا بالطيب ولا باي طريقه فمن قلت الحيله تصارخين .بعدين انا اكبر منج ب3 سنوات وموظفه اقدر اقولج مو شطاره تكون عوبه والكل يتحاشاها من السانها . يمكن انتي تبين كل شئ على كيفج وان ما يروح حقج وانا اوقلج مو كل شئ تقدرين تاخذينه مره جذيه ومره جذيه وسهلى الامور وخلي الناس ءاخر همج

 

[soso 3sl]

حبيبتي انتي تصارخين من حر ما في قلبج مو قادره ناخذين حقج لا بالطيب ولا باي طريقه فمن قلت الحيله تصارخين .بعدين انا اكبر منج ب3 سنوات وموظفه اقدر اقولج مو شطاره تكون عوبه والكل يتحاشاها من السانها . يمكن انتي تبين كل شئ على كيفج وان ما يروح حقج وانا اوقلج مو كل شئ تقدرين تاخذينه مره جذيه ومره جذيه وسهلى الامور وخلي الناس ءاخر همج

ماشاءالله عليج فهمتني شنو قصدي بالضبط
صح كل كلمة قلت إياها عني
وإن شاءالله أخذ الأمور بالسياسة

 

[عُمْق]

آب آب ,