رد: رد : رد: شنو التعليمات اللي تعطينها طالباتج بأول حصة دراسية |||
أنا أدرس إبتدائي
- أول شي أدق على الباب وبعدين أقول لهم كل وحده تجلس مكامها
- وبعد ما يجلس الكل أسلم عليهم وأعرفهم بإسمي وبالماده
- بعدين أسألهم أستلمتم كتاب الماده وأسجل كم وحده ماعندها كتاب
وبعدين أقولهم شنوا مطلوب من الماده :
1- دفتر أربعين ورقه من دون صور (لأن بعض البنات يجيبون دفتر عليه صورة هانا منتانا أو سندريلا ومو حلو دفتر الاسلاميه يكون فيه رسوم )
2- لبس الصلاة (وأنبههم أن كل مره تنسين فيها لبس الصلاة راح تنقصين وعندي فكره راح أسويها السنه هذي راح أطلب من البنات رابع وخامس يجيبون حجاب بدل لبس الصلاة عشان يحبون الحجاب ويتعودون عليه )
3- تجليد الكتاب وتسجيل الاسم بالكامل والصف ولاهتمام بنظافته
4- كل أسبوع راح يكون في بطاقه (دفتر منظم ومرتب) للدفتر الكامل والنظيف مع جائزه
5- كل يوم راح يكون في بطاقه (نجمه الصف) للطالبه المؤدبه ثم المؤدبه ثم المؤدبه ثم إلي تشارك وتنتبه في الحصه
6- راح يكون في جائزه قيمه وتكريم في الطابور للي تجيب درجه كامله في الامتحان عشان كذا لازم تدرسون أول بأول
7- الاهتمام بنظافة الصف كل وحده تنتبه مايكون تحتها زباله أو درجها مشخبط عليه (والدرس ما يبدأ أبدا وفي حاجه مرميه على الارض )
8- الاستئذان للحمام ممنوع إلى للضروره القصوى والماء ممنوع بري الصف كل وحده تجيب معاها ماء من البيت وإذا عطشت تشرب من دون إستئذان ومقاطعه للدرس
9- ممنوع تغيرين مكانك أو تتكلمين مع زميلتك أثناء الدرس
10- ممنوع تتأخرين عن الحصه لأي سبب سواء كنتي عند أبلة المسيقى أو الالعاب أو الإذاعه أو الاخصائيه راح تتعاقبين تقدرين تروحين لهم في وقت الفرصه .
11- أطلب منهم يسجلون أسمائهم على بطاقه ويعلقونها على المريول ( لأني أطووووول على ماأحفظ أسمائهم يبيلي شهر ونص على ماأحفظها )
وبعدين أسألهم في أحد عنده سؤال؟!
بعدين أقولهم ألحين جاء الدور أتعرف على أسمائكم وكل وحده تقولي أسمها أسئلها عن معناه وأدلعها يعني مثلا رغد أناديها رغوده
وبعدين أطلب منهم يطلعون كتاب الاسلاميه ويتفرجون عليه
وسلامتكم
