شنو التعليمات اللي تعطينها طالباتج بأول حصة دراسية |||

[miss cute]

السلام عليكم و رحمة الله و بركاته ..



مثل ما الموضوع مبين من عنوانه ..

نبي نستفيد من خبرة معلماتنا بالتعليمات اللي يعطونها الطالبات بأول حصة دراسية ..


سواء الالتزام بالنظام أو المادة .. و هل توضحينلهم تقسيمة الدرجات من البداية ؟


نبي نعرف كل شيء المفروض نسويه بأول لقاء مع طالباتنا ..


و ياليت كل وحدة تقولنا هي بأي مرحلة دراسية .. لأن التعليمات تفرق من مرحلة لي مرحلة ..



انا هالسنة أول سنة لي كمعلمة بإذن الله .. وأبي أستفيد من خبراتكم

:tek:

 

[سويتي الحلوه]

رد : شنو التعليمات اللي تعطينها طالباتج بأول حصة دراسية |||

قووووووه

اول شي انا احب اعرف الطلبه باسمي
وبعدين ابين لهم شنو السلوكيات الي ابيهم يتبعونها داخل الصف
وبعدين اقولهم شنو ابي منهم انه لازم يهتم بكتابه ويجلده وييب معاه ادواته المدرسيه كامله واقلام تلوين
واحب ابين لهم تقسيمه الدرجات بعد علشان الطالب يكون علي بينه بدرجاته مع انهم صغار بس شي حلو انج تبينين له هالشي

انا ادرس ابتدائييييييييييييييييييييييييييييي

 

[miss cute]

رد : شنو التعليمات اللي تعطينها طالباتج بأول حصة دراسية |||

سويتي الحلوه




مشكوووووورة حبيييبتي عالإفادة ..

ذكرتيني ... انا بالميداني نسيت لا أقووول للطالبات اسمي :tomato2:

بعدين قاموا يسألوني مس شنو أسمج ؟؟ و انا أقول ياربي هذول شكووا وأقولهم من غير نفس :krkrkr:

نسيت أنهم طالباتي ولااازم يعرفوون اسمي <<<< خوش ابله :eh_s(22):


بس صج التعريف بالاسم مههههههم .. إن شاء الله ما أنسى هالسنة ..

 

[مريم ص]

عن تجربة
انا رئيسة قسم بمرحلة ثانوية
اول شي لازم دخلتج على الطالبات تكون قوية دشي و خزي البنات و سكتي اشوي عشان يصير هدوء و بعدين سلمي و خليهم يقعدون
لا تضحكين معاهم لان هل شي في البداية يطيحج من عينهم
ابتدي الحصة بطلبات و اوامر و تنبيهات عن التاخير و الغيات و عطيهم توزيع الدرجات حسب مادتج
و خلي صوتج قوي عشان يحسون البنات انج جادية و مو سهلة
بعدين عرفيهم فيج و تعرفي عليهم و ابتدي درسج
واخر شي نبهيهم شنو ايحضرون و يجيبون الحصة الجاية
عاد انتي من اول اسبوع ابتدي حاسبي بالدرجات
صدقيني البنات راح يحترمونج و يحبونج و بعد فترة خفي بتعاملج معاهم
و راح تشوفين انهم بيمشون معاج سيدة
و الله يوفقج

 

[فنانة تشكيلية]

سلام عليكم


انا رئيسة قسم تربية فنية




ادش على البنات فقط اعرفهم باسمي وبعدين ادش على طول بالشرح


وما اعطيهم تنبيهات لانه يسمعون من اذن ويطلعون من اذن ثانيه


الي تتاخر تتعاقب فورا توقف في الحصه وان كان تاخيرها وايد اقولها يبيلي ورقه من الاخصائيه عشان تدخلين



ان قلت ادبها الطالبة احاول كثر ما اقدر احتويها وما اخليها تكرهني يعني ابين لها اني حبيتها لووول بعدين اطلب منها توقف على الطالبات او مثلا توزع كراسات وامدحها الاقيها تغيرت بس البنات بمرحلة المتوسط وايد التعامل معاهم صعب


بس ما اضحك معاهم صراحه ما ينعطون ويه ويسوون مشاكل

 

[ام طلال]

رد : رد: شنو التعليمات اللي تعطينها طالباتج بأول حصة دراسية |||

اول شي اسلم عليهم وبعدين اعلمهم بقوانيني للحصه واعطيهم فكره عن الماده اللي انا ادرسها وكيفيه دراستها وايضا الاهتمام بنظافة الصف والمدرسه وبس .

 

[miss cute]

رد : رد: شنو التعليمات اللي تعطينها طالباتج بأول حصة دراسية |||

عن تجربة
انا رئيسة قسم بمرحلة ثانوية
اول شي لازم دخلتج على الطالبات تكون قوية دشي و خزي البنات و سكتي اشوي عشان يصير هدوء و بعدين سلمي و خليهم يقعدون
لا تضحكين معاهم لان هل شي في البداية يطيحج من عينهم
ابتدي الحصة بطلبات و اوامر و تنبيهات عن التاخير و الغيات و عطيهم توزيع الدرجات حسب مادتج
و خلي صوتج قوي عشان يحسون البنات انج جادية و مو سهلة
بعدين عرفيهم فيج و تعرفي عليهم و ابتدي درسج
واخر شي نبهيهم شنو ايحضرون و يجيبون الحصة الجاية
عاد انتي من اول اسبوع ابتدي حاسبي بالدرجات
صدقيني البنات راح يحترمونج و يحبونج و بعد فترة خفي بتعاملج معاهم
و راح تشوفين انهم بيمشون معاج سيدة
و الله يوفقج

فعلاااااً .. كل الكلام اللي قلتيه قالته لي امي من قبل .. و سويت اللي قالتلي عليه بالميداني ..

قاااالتلي إياااني و إيااااج تدخلين و الصف فوضة .. خلج و اقفة عند الباب و عطيهم نظرة ..

لين يتسنعون و كل وحدة تقعد مكانها ..بعدين أدخل و أسلم عليهم .. و أكون حازمة و ما أطيح الميانة من أول مرة ..

و الحمدلله ضبطت الصف عدددددل من أول مرة ..

نبهتيني على سالفة التحضير للحصة الياية ..

الله يعطييييييييج العااااااااااافية حيييييل استفدت منج :tek:

 

[miss cute]

رد : رد: شنو التعليمات اللي تعطينها طالباتج بأول حصة دراسية |||

سلام عليكم


انا رئيسة قسم تربية فنية




ادش على البنات فقط اعرفهم باسمي وبعدين ادش على طول بالشرح


وما اعطيهم تنبيهات لانه يسمعون من اذن ويطلعون من اذن ثانيه


الي تتاخر تتعاقب فورا توقف في الحصه وان كان تاخيرها وايد اقولها يبيلي ورقه من الاخصائيه عشان تدخلين



ان قلت ادبها الطالبة احاول كثر ما اقدر احتويها وما اخليها تكرهني يعني ابين لها اني حبيتها لووول بعدين اطلب منها توقف على الطالبات او مثلا توزع كراسات وامدحها الاقيها تغيرت بس البنات بمرحلة المتوسط وايد التعامل معاهم صعب


بس ما اضحك معاهم صراحه ما ينعطون ويه ويسوون مشاكل

و عليكم السلام و الرحمة ..

عاد انا تحسسسفت بالميداني لأني ما عطيتهم تعليمات من البداية ..

لأن دفاتر البنات الله لااااااا يوريج ابداااااااااع :23_asmilies-com:

فقلت إن شاء الله هالسنة بأنبههم على هالنقطة ..


أسعدني مرورج .. :tek:

 

[Amaloosh]

الله موضوع وايد حلو و يفيد صراحه

وخاصه حق المعلمات الجدد

ياريت كل وحده تذكر الماده و المرحله عشان نستفيد اكثر

وياريت من المعلمات الي عندهم خبره يعلمونا شنو النشاطات الي يسونها اذا مثلا خلص الدرس مبجر او كان في فراغ شوي عشان تحبب الطلبه فيها زياده و مايحسون بالملل

 

[miss cute]

رد : رد: شنو التعليمات اللي تعطينها طالباتج بأول حصة دراسية |||

اول شي اسلم عليهم وبعدين اعلمهم بقوانيني للحصه واعطيهم فكره عن الماده اللي انا ادرسها وكيفيه دراستها وايضا الاهتمام بنظافة الصف والمدرسه وبس .

ياااااليت لو معطتنا فكرة عن القوانين علشان نستفيد :eh_s(7):

و صح أهم شيء نظافة الصف .. طفاااااارتي أدخل و الصف مو نظيف و لا الطاولات مبعثرة ..

 

[mi corazon]

عن تجربة
انا رئيسة قسم بمرحلة ثانوية
اول شي لازم دخلتج على الطالبات تكون قوية دشي و خزي البنات و سكتي اشوي عشان يصير هدوء و بعدين سلمي و خليهم يقعدون
لا تضحكين معاهم لان هل شي في البداية يطيحج من عينهم
ابتدي الحصة بطلبات و اوامر و تنبيهات عن التاخير و الغيات و عطيهم توزيع الدرجات حسب مادتج
و خلي صوتج قوي عشان يحسون البنات انج جادية و مو سهلة
بعدين عرفيهم فيج و تعرفي عليهم و ابتدي درسج
واخر شي نبهيهم شنو ايحضرون و يجيبون الحصة الجاية
عاد انتي من اول اسبوع ابتدي حاسبي بالدرجات
صدقيني البنات راح يحترمونج و يحبونج و بعد فترة خفي بتعاملج معاهم
و راح تشوفين انهم بيمشون معاج سيدة
و الله يوفقج

بالضبط كلامج

طبقت هالشي .. مع انه اول يوم ادشين على البنات قلبج يتراقع بس بعدين بتضحكين على نفسج لأن الامور ايزي

اهم شي عطيهم الويه الجاد .. ولاحقه على اللين والغشمره .. واهم اهم اهم شي الابتعاد عن الغلط على الطالبه لأن هالشي ينحفر في قلبها ومخها للأبد .. مهما كان الموقف انتي سيدة الموقف وانتي تقدرين تتحكمين بكل شي


موفقه حبيبتي

 

[miss cute]

رد : رد: شنو التعليمات اللي تعطينها طالباتج بأول حصة دراسية |||

الله موضوع وايد حلو و يفيد صراحه

وخاصه حق المعلمات الجدد

ياريت كل وحده تذكر الماده و المرحله عشان نستفيد اكثر

وياريت من المعلمات الي عندهم خبره يعلمونا شنو النشاطات الي يسونها اذا مثلا خلص الدرس مبجر او كان في فراغ شوي عشان تحبب الطلبه فيها زياده و مايحسون بالملل

إذا خلص الدرس و كان عندي ضيوف .. سواء المشرفة أو الموجهة .. :s141:

أخليهم يقرون الدرس .. أختار طالبة وتقرا جزء من الدرس بصوت واضح .. وإذا عندها أخطاء أصححها لها وهي تقرا .. بعدين طالبة ثانية تكمل .. إلخ ..

أو أحل معاهم التمارين بالكتاب إذا كنت محضره لها من قبل و أعرف الأجوبة ..

بس ديري بالج تحلين معاهم التمارين و انتي مو محضرة لها من قبل .. بتوهقين إذا ما عرفتي حل إجابة معينة ..


أما إذا ما عندي أحد .. أصلح لهم الواجب أو الدفتر أو الكتاب .. أدور عليهم وحدة وحدة ..

مرات أراجعلهم الدرس اللي عطيتهم و أسئلهم أسئله عنه..

أو أعطيهم تمرين يشتغلون فيه و أريح شوي ..

 

[همسات ليالي]

رد : رد: شنو التعليمات اللي تعطينها طالباتج بأول حصة دراسية |||

الله يوفقج

بالنسبه حق اول يوم ادخل على البنات واسلم واقولهم اسمي مع اني ادري انهم عارفين اسمي لاني بالمدرسة من مده

واقولهم على التعليمات واحفزهم على الجد والاجتهاد واذكرهم بضرورة عدم الامبالاة والاهمال لان كل شي محسوب من البدايه

واخليهم يقول اساميهم وحده وحده وانبه عليهم ان من باجر لازم تكتب اسمها على بطاقه او حتى ورقه وحطيها على مريولها اول اسبوع علشان احفظ الاسامي مبجر

اسبوع علشان احفظ الاسامي مبجر

واقولهم شي يضحك بس يونس

شوفي انا ما احب الالوان بالدفتر وانا مادتي عربي تبيلها تركيز فاقولهم اللونين المسموحين الازرق والاسود واذا وحده خالفت الكل مجبور
مجبور على الازرق بس

ويوم الخميس يصير يوم الالوان

ههههههههههه شرايج

وبما اني متوسط ودايما ادرس تاسع واقول قصص ومواعظ على الخفيف وبهالطريقه ما تخلص السنه الا الكل يحبج

واي لا انسى

دايما دفتر العلامات معاج ومحسووووووووووب بهالنقطة لا تتساهلين

ودايما اقول لهم انتو اللي تحددون طريقه معاملتي معاكم

صرتو زينين اصير زينه والعكس

 

[miss cute]

رد : رد: شنو التعليمات اللي تعطينها طالباتج بأول حصة دراسية |||

بالضبط كلامج

طبقت هالشي .. مع انه اول يوم ادشين على البنات قلبج يتراقع بس بعدين بتضحكين على نفسج لأن الامور ايزي

اهم شي عطيهم الويه الجاد .. ولاحقه على اللين والغشمره .. واهم اهم اهم شي الابتعاد عن الغلط على الطالبه لأن هالشي ينحفر في قلبها ومخها للأبد .. مهما كان الموقف انتي سيدة الموقف وانتي تقدرين تتحكمين بكل شي


موفقه حبيبتي

تسلميييين حبيبتي .. و الله يوفقنا أجمعين :tek:

 

[غرووور]

رد: رد : رد: شنو التعليمات اللي تعطينها طالباتج بأول حصة دراسية |||

أول ما أدخل الصف أطير عيوني فيهم
و ما أعطيهم أي معلومة عني ، كل اللي أقوله : أنا معلمة المادة الفلانية ، أبي منكم :
1- دفتر 60 صفحة
2- مراجعة أول بأول
3- عندج فرصة تفجين حلجج مرتين ، مرة عشان تسألين سؤال أو تجاوبين على سؤال !
4- أدخل ما فيه أحد يدخل بعدي
5- الصف مرتب و السبورة نظيفة
< شريرة
الله وكيلكم أسبوعين بسسسسس و هم ماشين على التعليمات
بعدين باقي السنة يمشوني آنا على الصراط المستقيم :krkrkr:

 

[miss cute]

رد : رد: شنو التعليمات اللي تعطينها طالباتج بأول حصة دراسية |||

الله يوفقج

بالنسبه حق اول يوم ادخل على البنات واسلم واقولهم اسمي مع اني ادري انهم عارفين اسمي لاني بالمدرسة من مده

واقولهم على التعليمات واحفزهم على الجد والاجتهاد واذكرهم بضرورة عدم الامبالاة والاهمال لان كل شي محسوب من البدايه

واخليهم يقول اساميهم وحده وحده وانبه عليهم ان من باجر لازم تكتب اسمها على بطاقه او حتى ورقه وحطيها على مريولها اول اسبوع علشان احفظ الاسامي مبجر

اسبوع علشان احفظ الاسامي مبجر

واقولهم شي يضحك بس يونس

شوفي انا ما احب الالوان بالدفتر وانا مادتي عربي تبيلها تركيز فاقولهم اللونين المسموحين الازرق والاسود واذا وحده خالفت الكل مجبور
مجبور على الازرق بس

ويوم الخميس يصير يوم الالوان

ههههههههههه شرايج

وبما اني متوسط ودايما ادرس تاسع واقول قصص ومواعظ على الخفيف وبهالطريقه ما تخلص السنه الا الكل يحبج

واي لا انسى

دايما دفتر العلامات معاج ومحسووووووووووب بهالنقطة لا تتساهلين

ودايما اقول لهم انتو اللي تحددون طريقه معاملتي معاكم

صرتو زينين اصير زينه والعكس

وااااااااو روووووووعه فكرة الألوان بس تكون يوم الخميس .. عجبتني بطبقها بإذن الله

أفكاارج كلها حلوة ما شاء الله .. :tek:

 

[scorpio.mimi]

رد : شنو التعليمات اللي تعطينها طالباتج بأول حصة دراسية |||

Up ... Up

والله افدتوناآ بنات ^^

قواكم الله .،

<<-- جديده ع المهنه ~[=

 

[ام طلال]

رد : شنو التعليمات اللي تعطينها طالباتج بأول حصة دراسية |||

1 احترام المعلمه

2 احترام زملائك

3 انتباه اثناء الشرح

4 رتب مكانك عند انتهاء الحصة

5 لاتقاطع زملائك والمعلمه في الحصة

6 حافظ على نظافة الصف

7 الاحترام والانضباط والتعاون في الصف

8 المشاركه في الحصه

هذي قوانيني

 

[الشامريه]

خووووش موضوع​

 

[cuta english]

رد : رد: شنو التعليمات اللي تعطينها طالباتج بأول حصة دراسية |||

اول شي اسمج و مادتج و قوانينج

وبسسسسسسسسسسسس