شنو التصرفات الغربية ايللي شفتيها بالعروس ؟

[c a t w o m a n]

FiRsT.Me

you gotta be kiddin' me

.. بس جنه يستاهل ما هيك


:eh_s(6):​

 

[costa chic]

up up up
بنات المواقف الي ذكرتوها تفطس من الضحك

 

[FiRsT.Me]

مره كنا رايحين عرس من العروس

و كان كل شي تمام

لين وقت دخلة العروس

و حطو الاغنية عشان الزفة

و كانت زفتهااااااااا حدهاااااااااااااااااااااا وااااااااااااااااو

شي يديد من زمان عن هالفناتق

الله يسلمكمكانت مسويةتلها محاره كبيره و مضبطتها من داخل ووروود و شيفونات و حركات حركية و شغل عدل و كانت هالعربانه تمشي على تواير

و اهيا لابسه و كاشخه نفنوفها و مسكتها و قاعده بنص المحاره يعني دانة

الظاهر كانت تبي تطبق المثل الي يقول البنت مثل الدانة ما يصيدها الا الغيص الشاطر مادري الماهر <<< على حسب ما اذكر و اظن

المهم و العربانه تمشي و يمشون حوالينها الوصيفاات و الدخاخين و الليتات و الحركات هذي

ولا فجأة يطيح غطا المحارة و تنصك عليها !!
@@

هههههههههااااااااااااااااااااااااااااااااااااااااااااااي مسكينه

و كان شكله ثقيل

لان ما قدرو يبطلووونه

و يفجون و يرفعون و يطيح و الدخاخين <<< جمع دخان كان كثيف ما شافو عدل

و صار هرج و مرج

و العروس تصرخ من داخل

و لمن بطلووه
ولا المسيجينه مذوووووية من الخرعه و الصدمة
و المكيااج ساايح و العرق يخرخر

تعرفوون نظام الي تعرق حيل و من كثر ما تعرق تسيح التسريحه و الشعر الي من جدام صوب القذله يذوب و يقنزع <<< يقنزع من القنازع باللغة الكويتية الفصحى و تعني الفلافل نفس نظام الزوي زز !!

مسيجييينه ما سوت عليها محاااره

مع ان الفكره كانت جميلة جدا و صج جنها في بحر

بس غميضة ما كملت

عاد وقتها كنا نتساءل شلون راح تنزل و تقعد بالكوشه

بس للحين هذا السؤال تم بلا جواب

!!

ولكن عدلت و سنعت كل شي و قعدت بالكوشة و ياتلها تحية كبيره من الحضوور و خلص العرس بهناء و سعادة

عاد صج طبقت مثل البنت الدانة

لان بالغصب طلعت من المحااارة

 

[costa chic]

مره كنا رايحين عرس من العروس

و كان كل شي تمام

لين وقت دخلة العروس

و حطو الاغنية عشان الزفة

و كانت زفتهااااااااا حدهاااااااااااااااااااااا وااااااااااااااااو

شي يديد من زمان عن هالفناتق

الله يسلمكمكانت مسويةتلها محاره كبيره و مضبطتها من داخل ووروود و شيفونات و حركات حركية و شغل عدل و كانت هالعربانه تمشي على تواير

و اهيا لابسه و كاشخه نفنوفها و مسكتها و قاعده بنص المحاره يعني دانة

الظاهر كانت تبي تطبق المثل الي يقول البنت مثل الدانة ما يصيدها الا الغيص الشاطر مادري الماهر <<< على حسب ما اذكر و اظن

المهم و العربانه تمشي و يمشون حوالينها الوصيفاات و الدخاخين و الليتات و الحركات هذي

ولا فجأة يطيح غطا المحارة و تنصك عليها !!
@@

هههههههههااااااااااااااااااااااااااااااااااااااااااااااي مسكينه

و كان شكله ثقيل

لان ما قدرو يبطلووونه

و يفجون و يرفعون و يطيح و الدخاخين <<< جمع دخان كان كثيف ما شافو عدل

و صار هرج و مرج

و العروس تصرخ من داخل

و لمن بطلووه
ولا المسيجينه مذوووووية من الخرعه و الصدمة
و المكيااج ساايح و العرق يخرخر

تعرفوون نظام الي تعرق حيل و من كثر ما تعرق تسيح التسريحه و الشعر الي من جدام صوب القذله يذوب و يقنزع <<< يقنزع من القنازع باللغة الكويتية الفصحى و تعني الفلافل نفس نظام الزوي زز !!

مسيجييينه ما سوت عليها محاااره

مع ان الفكره كانت جميلة جدا و صج جنها في بحر

بس غميضة ما كملت

عاد وقتها كنا نتساءل شلون راح تنزل و تقعد بالكوشه

بس للحين هذا السؤال تم بلا جواب

!!

ولكن عدلت و سنعت كل شي و قعدت بالكوشة و ياتلها تحية كبيره من الحضوور و خلص العرس بهناء و سعادة

عاد صج طبقت مثل البنت الدانة

لان بالغصب طلعت من المحااارة

:dddds: امبييه مسكينه ما سوت عيلها

 

[الأماكن]

هاهاهاهاهاهاهاهاهاهاها

البنات ما قصروا ... كل موقف ألعن من الثاني

 

[ليـــالــي]

حراااام خربت كشختها ..
لوووول بس شي كملووو فديتكم ..
شكرا على الموضووع الرائع الي يطلع الفضايح ..

 

[السكرتيرة النشيطة]

واللي يبط جبدي غير الاغاني العراقية الاغاني الايرانية
مرة بعرس ولد عمتي طلعت اغنية ايرانية معروفة ماادري بشنو انشغلت ولفيت ويهي على اللي يرقصون ولا العالم كلها ماسكين كلينكسات ويرقصون اتوقع الكلينكس خلص من بعدهم هناك ولا اشوف وحدة مشت خشمها بالكلينكس اللي بيدها جدام الناس وردت ترقص فيه عادي ارف

 

[c a t w o m a n]

ولا فجأة يطيح غطا المحارة و تنصك عليها !!

يا حلو الدخلة التقليدية .. بسيطة وراقية ..أنا لو منها أقعد داخل المحارة لما يخلص العرس .. عجايب نشوف :eh_s(6):​

 

[A7la-SmiLe]

هههههههههههههه اي و الله ويع صاجه سالفه البطن هاذي حدهاااااااا مؤرفه


عيل مره كنا رايحين عرس من العروس
و كان ينقال عن انه في وحده من اهلهم قشررررررره و معروفه بقشارتها و لعانتها اللهم يا كافي لا تبلينا

المهم كنا قاعدين و دي جي و رقص و غناوي و كانت هذي القشره قاعده مع بناتها و ويهها منقلب اخمر اصفر و نافخه نفسها و معتفسه الكل قال شفيها جذي يعني الناس عرس شكو منفسه و محتره

شوي و بنص الاغاني و لا نشوف بنت تهبل ماشاء الله عبالنا العروس كانت داشه لابسه نفنوف ابيض اييييييييييييييييييينن و تسريحه جنها اهيا العروس
بس المعازيم استوعبو انه مو العروس و راحت تبي تسلم على هالمره ولا ما نشوف الا البنت مدت ايدها و المره قامت تصرخ عليها
هههههههههههه

جان تمشي البنت و اهيا تقول حق اهلها شفتو شسوت فيني انا اوريها قليله الادب

و راحت البنت يم اهلها شوي ولا تقول القشره وراها و توقف جدامها تخيلو بنص العرس و جدام المعازيم و الاكو و الماكو اللهم يا كافي احنا قلنا العرس بينقلب عرس صعيدي و تصير خنااائه مولعه بالكراسي و طق اعصي

وقفت تصرخ على البنت : تقولها : يالله برااااااااااا طلعي براااااااااااااا جدامي بالله يالله انا ناطرتج تقومين يالله

ووييييوويويويويويوويويويي مشهد يفششششششششل حده و المشكله انها هالمره من اهل العرس و البنت بعد من الاهل العرس

و قامت المره و دزت وحده مسكتها تبي تسكتها جان تقوم و تدزها تقولها الحين تطلع بره وخري عني الله
الحمدالله و الشكر الناس ما يطلعون هالحركات جدام الي يسوا و الي ما يسوا خربت عليهم العرس

المهم المسجينه البنيه اشسوت شوي شوي فصخت الكعب مالها و خشته بالجنطه و فصخت ذهبها و خشته و لفت نفوفها من تحت و سوت روحها عادي جدا

قامت تمشي على اطراف اصابعها يعني لابسه كعب هههههههههه كسرت خاطري
و هذيج قاعدتلها تبي تقوملها و تطقها

شوي ولا ما نشوف الا البنت شالت نفنوووفها و طلعت سيقانها و اطلقتهم للريح و راحت تركض بسرعه و غبرتها وراها و بطلت الباب و لا في واحد ناطرها بره قامت و بطلت باب السياره و طبت داخل و تصرخ يالله يالله رووووووح

في حريم قالوو يووووو وويويوويوي انا لله و انا اليه الراجعون علامها العروس انحاشت مع حبيبها لا بالله الدنيا خربت
ككككككككككككككككككككككككككككككككككككككككككككككككككككككككككك

ولا المسكينه هذا اخوها كان ناطرها عشان ياخذها و اهي و عليا عليها طلعت شالحه فاضخه ابدلتها من الخوف ما مداها تلبس ولا تتغطا و راحت في امان و هناء بس اظن ليلتها كانت كوابيس مسيجينه حسبي الله على الي خربت العرس

و بعدين انتشرت السالفه و يالنا خبر ان هالمره من زود حرتها من البنت لانها كانت قمه بالجمال و الانوثه و الاخلاق من الحره و القهر طردتها ههههههههههههههه
ما قدرت تتحمل احد يصك على بناتها

هههههههههههههههههههههه

و الله العروس قصص و افلام


و لي عوده مع قصه عجيبه

قــــــــــــــــــــــــلـــــــــــــــــــــــــــــة ذوووق ,,
صج ماتستحي ,, واهيا شكو احلى من بناتهاا ولا اجكر
استغفر الله العظيم ,,​

​

 

[*ga6wa*q8]

ماكو شي بالي بس الي صدمني توني راده من صالون اشوف العرايس وحده حاطه طرحتها وفاله شعرها كلش موحلو يعني اذا مارفعت شعرها وبين ويها وملامحها بعرسها متي بطلع المهم نصيحه لاحد يفكر تخلي شعرها طايح موحلوو

 

[7oota]

لوووووول حبييييت الموضوع انا صارت معاي 3 مواقف اتبط الجبد واتظحك

1- كنت معزومه على عرس حمات رفيجت اختي المهم مادري شكو عازميني العرس كله كان اوكي لحد دخله العروس تخيلوا العروس داشه ترقص انا قلت لاااااا مووو صجج يمكن انا اتوهم ابقق عينييي لااااااا الحبيبه اتهز وطق ارقبه التفت على اختي اقولاها شالسالفه حلم ولا علم موووو امصدقه اللي جدامي انصعقت الصراحه

2-رحت ملجت وحده من اهل امي المهم اخت المعرس بدعت بالرقص سوالف اللي اتمثل الاغاني واللي امصدقه روحها على بالهه فلتت زمانها اتمثل ابتعمق لاااا وشعرها طويل قاطته على ويها وهي ترقص وتسوي حركة ملوووت اللي يرقصون ملوت الزار جنها مينونه عاد على العرس اختي وبنات خلتي ما كانو يايين الملجه قلت لهم لااااااا لازم اتيووون راح اطوفكم وايد المهم الحبيبه تعطيكم احلى تمثيل و هزة الميانين ولعبتها الشعر الكشه اللي طايح على الويه والقذله لمسبسبه على العين المهم حطو اغنيه مصريه صاحبتنا بتاع كولو قامت اتهز شرقي بالظبط امكوكه جنها رجل آلي ما اشوف الا اللي جنه عناااااد جابلتني انا وختي وبنات خالتي وحنه من اقوووول انه شماته لاااااا من اقول المهم اوقفت اتهز و لازم حركة ميانين الزار بنت خالتي كانت لاهيه ادز مسج سو امنزله راسها ماتدري شلي قاعد اصير ورايحه اتغني ومنطربه ارفعت راسها مانشوف الا اللي طاحت بالارض ميته ضحك وحنا فجأه فصلنا كلنا طبعا النافوره الراقصه ماتدري انه عنها و بالنهايه اكتشفنا انها مدرسه روضه الله يعين اليهال

3- هذي سالفه صارتلي كنت لابسه وكاشخه ورايحه العرس طبعا انا اللي اسوق وامي سابقتنا انا وختي على ما انتبدل يبيلنا سنه العرس كان عرس بنت خالي المهم وانا اسوق الشارع حده زحمه جنه عنااااااد المهم بالاشاره ما اسمع الا صوت بالتاير فجأه ولا احس شي ايرني شوي ولا النفنوف منشق اللللللللللللله يالفشله انا بالاشاره والتاير ملفوف عليه خام النفنوف شلون وصل لي التاير انا مادري طبعا سويت مناحه وتعسرت ورديت البيت
وقصه على مانزلت من السياره لان ماكو نفنوف من تحت وووو اشوه اني كنت شاريه بدله حق عرس اخوي معنه بعد شهر بس اشوى اني شاريه وكشخ بالبدله وعدل مكياجي ودخل وع دخله العروس لووووول وعدت على خير بس ما انسى هل موقف لانه كان واحد بالاشاره إأشرلي على التاير و يظحك وانا حدي حاقده لووول وسلامتكم

 

[c a t w o m a n]

يعطيكم ألف عافية وحوته عساج عالقوة صراحه ما قدرت أضحك على موقف التاير كلش مو خوش موقف ... لكن موقف الملجة من التوب تن هههه .. حياكم الله

 

[S.O.S]

2-رحت ملجت وحده من اهل امي المهم اخت المعرس بدعت بالرقص سوالف اللي اتمثل الاغاني واللي امصدقه روحها على بالهه فلتت زمانها اتمثل ابتعمق لاااا وشعرها طويل قاطته على ويها وهي ترقص وتسوي حركة ملوووت اللي يرقصون ملوت الزار جنها مينونه عاد على العرس اختي وبنات خلتي ما كانو يايين الملجه قلت لهم لااااااا لازم اتيووون راح اطوفكم وايد المهم الحبيبه تعطيكم احلى تمثيل و هزة الميانين ولعبتها الشعر الكشه اللي طايح على الويه والقذله لمسبسبه على العين المهم حطو اغنيه مصريه صاحبتنا بتاع كولو قامت اتهز شرقي بالظبط امكوكه جنها رجل آلي ما اشوف الا اللي جنه عناااااد جابلتني انا وختي وبنات خالتي وحنه من اقوووول انه شماته لاااااا من اقول المهم اوقفت اتهز و لازم حركة ميانين الزار بنت خالتي كانت لاهيه ادز مسج سو امنزله راسها ماتدري شلي قاعد اصير ورايحه اتغني ومنطربه ارفعت راسها مانشوف الا اللي طاحت بالارض ميته ضحك وحنا فجأه فصلنا كلنا طبعا النافوره الراقصه ماتدري انه عنها و بالنهايه اكتشفنا انها مدرسه روضه الله يعين اليهال

موووووووووووووووووووووو صجججججججججججججججججججججججججججج :krkrkr::krkrkr:
لوووووووووووووووووووووووووووووووووووووووووووووووووووووووووووووووول
والله فصلت من الضحك .....
الله لا يبلانا ان شاء الله ..
وااااااااااي يااااااااااربي ... والله متتتتت من الضحك :krkrkr::krkrkr:
استغفر الله .. استغفر الله ​

 

[7oota]

catwoman الصراحه كان موقف لا احسد عليه الله لا يبلي احد فيه

s.o.s من صجج احنا اصلن فصلنا عليها لااااااا ونسيت اقولكم لما اتخلص رقصتها اتسوي تحيه و اتنزل ظهرها يعني مشكورين على التشجيع على بالها صج لوووول واحنا اذا ظايق خلقنا وماكو شغل كل وحده تستعبط اتقلد رقصتها قطعناها و آخر شي اقول حق امي يماااا شنو كفاره المجلس لوووووووووول

 

[S.O.S]

catwoman الصراحه كان موقف لا احسد عليه الله لا يبلي احد فيه

s.o.s من صجج احنا اصلن فصلنا عليها لااااااا ونسيت اقولكم لما اتخلص رقصتها اتسوي تحيه و اتنزل ظهرها يعني مشكورين على التشجيع على بالها صج لوووول واحنا اذا ظايق خلقنا وماكو شغل كل وحده تستعبط اتقلد رقصتها قطعناها و آخر شي اقول حق امي يماااا شنو كفاره المجلس لوووووووووول

لوووووووووووووووووووووووووووووووووووووول

وتسوي تحيه بعد ؟؟ ههههههههههههههههههههههههه :dddds:
يمكن عبالها فيفي عبده ... لوووووووووووووووووووووووووووووول :krkrkr:​

 

[aso00ora]

لووووووووووووووووووووووول بناااااااااااااااات ولله ضحكتووني لايووووووقف بلييييييييييييز

 

[لمازا حدس زالك؟]

الطفاااااره لماا وحده هيلقييه و في هاليوم بالذات لما تتمكيج وتصير آدميه تتكبر عالكل وماتسلم على احد

 

[kookiss]

خخخخخخخخخخخخ ياكثرهم هالعاهات استغفر الله يارب الله لا تبلانا

 

[مجدولين999]

ههههههههه ضحكتوني على هالمواقف الفاصلة
شوفو الموقف اللي صار لي..
مرة كنا رايحين عرس
و العرس كانت كوشته رهيبة و ل شي اوكي
ما امدانا دخلنا الا نسمع الزفة!!!
قلت شفيهم بيزفون بنتهم بدري؟؟ أو يمكن بيسوون نظام زفتين؟؟
و الا أم العروس نازلة من الدرج حق العروس و ماسكة باقة ورد و مسوية لها زفة باسمها و تحيي الجماهير على الجسر!!!!
و الكل ميت عليها من الضحك و مسانعينها الناس يحيونها و هي مصدقة على بالها ان لها جماهيرية!!
بدأ الرقص و الأم طبعا هي اللي مسيطرة عالرقص ( خبري أم العروس ما لها وقت ترقص و يكون كل همها تباشر المعازيم هذي حتى ما سلمت على أحد مستعجلة على الرقص!!)
شوي و تقوم حماتها أخت زوجها( يعني عمة العروس) و هالحماة معروفة بذرابتها و ثقلها و عقلها مو زي أم العروس!! قامت و سوت إهداء حق خطيبة ولدهم اللي توهم خاطبينها
قامت المسكينة مستانسة ترقص مع خوات خطيبها
و في نص الرقصة- تخيلو!!- تقوم أم العروس تصارخ على الكل و جلست الخطيبة المسكينة و جلست بنات حماتها و قامت تصارخ: ما نبي إهداءات!! أنا دافعة و متكلفة على عرس أسطوري عشان تجون تهدون!!!.. الحماة جلست و كأن شيئا لم يكن و عدّت السالفة >>أنا ضد حركة الإهداءات اللي تخرب العرس بصراحة بس لو اني منها اطلع من عرس بنت اخوي لأن فيه أساليب افضل من كذا بكثير لمنع الإهداءات.:0bee2e8d89:
المهم يوم دخلت العروس و بعد ها دخل المعرس و الا أم العروس شايلة بيدها عطر جوتشي رش القديييم!! و كل من سألها وشو هذا؟؟ قالت : عطر مااااااركة!!>> محد عنده عطور ماركات الا هي!!
و شوفو المهزلة طبعا العطر كان بيدها شايلته طول العرس تقولون شنطة!! يوم دخل المعرس و هو إنسان من أهل عاقلين و ثقال . واقف يقص الكيكة و الا تجي أم العروس ترش عليه من عطرها حتى في مؤخرته رشـّـت!!!
عاد دورو المعازيم من الضحك!!:gathering:
هالأم حدها فاااااصللة:krkrkr:

 

[c a t w o m a n]

أنا ضد حركة الإهداءات اللي تخرب العرس

صحيح .. العرس مهما يكون ذرب هالحركة تخرب ..

المهم يوم دخلت العروس و بعد ها دخل المعرس و الا أم العروس شايلة بيدها عطر جوتشي رش القديييم!! و كل من سألها وشو هذا؟؟ قالت : عطر مااااااركة!!>> محد عنده عطور ماركات الا هي!!
و شوفو المهزلة طبعا العطر كان بيدها شايلته طول العرس تقولون شنطة!! يوم دخل المعرس و هو إنسان من أهل عاقلين و ثقال . واقف يقص الكيكة و الا تجي أم العروس ترش عليه من عطرها حتى في مؤخرته رشـّـت!!!

من عجائب الدنيا السبع ما أدري أبجي ولا أضحك ..أحس المعرس طلعت فوق راسه علامات تعجب واستفهام .. زين ما شك في روحه ..

نورتوا الموضوع ​