شنو البيجمنت pigments ؟؟؟ تعالي تعرفي عليه

[HASB_83]

السلالام عليكم

بناات اليوم بتكلم عن البيجمنت بعض البناات عارفيين حق شنو يستخدم بس هم في بناات موعارفين يستخدم حق شنووو

اكوو ألوان ودرجات وااايد من ال pigments بماك واايد حلووووه
لكن وااايد من البنات يحتارون شلون يوزعونه و يحطونه ويخلونه ثابت ..

في هالموضوع بنتكلم عن ال pigments بشكل مفصل وشرح لكل شي ممكن نسويه فيه ..

وفي النهايه يكون عندج خيارات متعدده تختارين منها اللي يريحج ويناسبج ..

بسم الله نبدي ..

1/ شنو هو ال pigments ؟
ال pigments هو مثل الشادو الباودر .. وممكن يستخدم لأغراض كثيره مو فقط كشادو ..

الصوره لل pigments راح توضح لنا فكرته اكثر :

2/ لشنو ممكن استخدم ال pigments؟
غالباً ال pigments يستخدم للعيون كشدو او للشفايف ،، لكن ال pigments لأي منطقه في الوجه ،، بلاشر ،، اضاءه ،و غيره من الاستخدامات ..

لكن في البدايه وقبل اي استخدام لل pigments

تنبيه مهم :: لكل درجة من ال pigments استخدام ،، يعني بعض الدرجات تنفع فقط للعين ،، وبعضها ممكن للشفايف وممكن تكون ضاره ،، بعضها ممكن تكون مثل الكحل وبعضها تكون ماتنفع ..

يعني افضل شي تسئلين خبير او خبيرة ماك قبل لا تشترين اي درجة من ال pigments عن حدود استخدامه ..

3/ شلون نستخدم ال pigments كشدو للعين ؟
وهذي النقطه واايد بنات محتارين فيها ومستصعبينها ..
ممكن تستخدمينه عادي بدون اي اضافه لكن اللون راح يكون باهت ،، مو ثابت ويتنثر على كامل العين ..

في منتجات ثانيه الى جانب ال pigments راح تساعدج على تثبيته و بالتالي لونه راح يكون اقوى و اوضح ..

منها :
MAC Shadesticks

اللي يكون الشدو القلم تحطينه على منطقة الجفن بكمية بسيطة و تموهينه عشان ما يتكتل .. وتحطين فوقه ال pigment .. ولازم تختارين ال Shadesticks بلون قريب من ال pigment ..
واذا كان عندج كمية كبيره من ال pigments وصعب تاخذين كل درجات ال Shadesticks
اكتفي ب 2 من ال Shadesticks واحد بلون بيج او نفس لون الجفن عشان يمشي مع اغلب ألوان ال pigments الفاتحه ،، ولون غامق او اسود يمشي مع اغلب الوان ال pigments الغامقه ..
وممكن تستخدمين اي شادو ستيك ومو اجباري ال MAC Shadesticks

MAC Paints

وهذا شي خيالي وروعه ، درجاته حلوه وايد وألوان قويه وثابته ..
ممكن تحطينه بروحه ،، وميزته انه ما يتشقق او يسيح ..
وممكن تحطين فوقه ال pigments بنفس الطريقة السابقه

MAC Cream Color Bases

وهو بيس ينحط على الجفن وينحط فوقه ال pigment ،، بنفس الطريقه السابقه
في منه عدة درجات .. اذا ما انوجدت الدرجه المقاربه لل pigments حطوا لون بيج او وردي فاتح بنفس لون الجفن ..
ولو عندج بيس الشادو من اي ماركة ثانيه راح يفي بالغرض



water-based mixing

وممكن تستغنون عنه وتستخدمون الماء العادي ،، تبلون طرف الفرشاه بالماء ،، وبعدها في ال pigment و توزعونه على الجفن ..


Fluidline او الكحل الكريمي

توزعينه على الجفن ،، لكن استخدمي منه كمية بسيطة بطرف الفرشه عشان ما يتكتل ويخترب ..
وانا احب هالطريقه وايد ،، ومو بس مع ال pigment ،، استخدمها مع اي باودر شدوو..

البعض يستخدمون الفازلين او مرطب الشفايف بأن ياخذون منه مسحه خفيفه على الجفن ويحطون فوقه ال pigment وهالطريقه مافضلها لأن بتخلي ال pigment متكتل

هالشغلات كلها اللي ذكرنها ما تخلي فقط ال pigment ثابت ولونه قوي ،، لكن تخلي مكياج العين كله ثابت طول اليوم او السهره ..

تذكير قبل ما ننتقل للنقطه التاليه

وهو ان ال pigment بطبيعته انه باودر راح يتنثر على الجفن السفلي ويبقع عندنا الفاونديشن ..
وفي حل من 2

اما تحطون ورقة كلينكس تحت العين وتتمكيجون وهالطريقه ماحبها ومو مضبوطه

او انكم توزعون من اللوز باودر " البودره الحره " تحت العين عشان تلقط اي شادو يتنثر وبعد ما تخلصون مكياج العين تنفضون البودره بدون مسح مجرد نفض .. وهالطريقه اغلبنا نعرفها ومهمه وايد لمكياج نظيف خصوصاً لو بنستخدم شادو بودره ..


4/ شلون نستخدم ال pigment مثل الآيلاينر او الكحل ؟

الطريقه بأن ناخذ فرشة الكحل او الفرشاه المائله الصغيره و نحطها اما في ماء او نمسحها على شغله من الشغلات اللي استخدمناها فوق في تثبيته كشدو ،، ونبدي نرسم فيه العين من برا ،، وابتعدوا عن رسم العين فيه من الداخل ..


5/ شلون نستخدم ال pigment على الشفايف ؟
اول طريقة وهي :
تحطين على الشفايف قلوس شفاف ،، فوقه توزعين الدرجه اللي تبينها من ال pigment و فوقه تحطين طبقه ثانيه من القلوس الشفاف
وهذي لو حابه اللون لأستخدام واحد
وممكن بعد تستخدم القلوس بأي لون مناسب مع ال pigment بنفس الطريقه
اما لو تحبين تسوين كميه من اللون تستخدمينها عدة مرات



6/ شلون نستخدم ال pigment للأظافر
وبعد في طريقة من 2

اول طريقه وهي تاخذين مانيكير شفاف وتحطين على مقدار صغير من اللون اللي تبينه من ال pigment وتسكرين المانكير و تحمينه بيدج او عشان يندمج تحطينه في مله فيها ماي دافي ..

الطريقة الثانيه وهي لو حابه تجربين اللون لمره وحده ..
وهو تحطين طبقه من المانكير باللون اللي تبينه او الشفاف ،، قبل ما ينشف على اظافرج تنثرين عليه الpigment ،، تنثرينه نثر من فوق عشان ما يتكتل وعشان يكون شكله احلى ..



7/ شلون نستخدم ال pigment كلمعه للجسم؟
ممكن تاخذين بيدج شوية من اللوشن اللي تحبينه وتاخذين كمية بسيطه من ال pigment وتخلطينه بيدج و توزعينه على الجسم ..
وبنفس الطريقه ممكن تخلطينه مع الفاونديشن ،، للوجه او الجسم ..

واذا حبيتي النتيجه ممكن تحطين ملعقه صغيره من ال pigment في علبة الفاونديشن او اللوشن وتتركينه لأكثر من استخدام ..


8/ شلون نستخدم ال pigment ك بلاشر او بودرة خدود ؟
تاخذين كمية صغيره من ال pigment وتحطينها على منطقة الخد وبعدين اما توزعينها بأصابع او بالفرشاة..

9/ شلون نستخدم ال pigment للشعر ؟
تاخذين الكميه اللي تكفي شعرج من المنتج اللي دايماً تستخدمينه للشعر : الجل ،، الرغوه او الموس ،، او حتى السيروم ،، تضيفين عليه ذرات من ال pigment و توزعينه على شعرج ..

في طريقة ثانيه وهذي احبها اكثر ..

وهو تثرين ذرات من ال pigment على شعرج على طول بدون اي اضافه ،، بجذي يتوزع ال pigment اكثر وبشكل عشوائي احلى ،، وتكون اللمعه اخف .. وتروح بسرعه ..

اتمنى ان الموضوع عجبكم واستفدتوا منه ..

ارجع واذكر اهمية انكم تسئلون عن درجة ال pigment تنفع لشنو قبل ما تستخدمونها ..

لأن كل درجة لها مكونات خاصه غير عن الدرجه الثانيه ..



وان شاءالله الحين بنزلكم درجاات البيجمنت اللي تقدروون تحصلوونها بماااك




(بنات الموضوع منقول مع بعض التعديلات)

 

[زيـنـه]

مشكوره .. خوش طرق للاستخدام

 

[HASB_83]

العفووو زينه حبيبتي نووورتي

 

[ام الغالين]

مشكوره على الموضوع ويعطيج الف عافيه نورتينا بالموضوع يا عسل

 

[HASB_83]

حبيبتي ام الغالين العفووو انتي اللي نورتيي

 

[HASB_83]

ماشاءالله واايد دشوووا وماردوووا الا 2

whatever

هذوول الوان البيجمنت اللي تقدروون تحصلوونهم بماك

وطبعاا كل لووون تقدروون تستخدموونه لشي

 

[chocolate cake]

مشكووووووره خوووش موضوع وااايد مفيد

 

[<> إيلاف الكويت <>]

ونااااسه

مشكووره وايد حبيبتي ع الموضوع المفيد ..

 

[coco modmsil]

واااااااااااااو



خووووش فكرررره بجمنت حق الاظاااافر يا عيني عليج





تسلمين حبوووبه

 

[روزالكويت]

تسلم ايدج عاد انا شكثر اشوف منه الوان تعجبني واخاف اشتريهم وماعرف استخدمهم او اخرب مكياجي باطريقه الغلط وماك كل مادشه زحمه ومحد فاضي تسألينه كلش بعد قلبي والله..

 

[nayswman]

يعطيك العافية

صح كلامك وايد بنات ما يعرفون الطرق المستخدمه

 

[HASB_83]

chocolate cake

العفوو حبيبتي نورتييي


<> إيلاف الكويت <> العفووو هذاا المطلووب الاستفااده


coco modmsil
ايي واايد حلويين الطرررق




روزالكويت
الله يسلمج حبيبتي
وصااجه واايد ندش ونحتاار شنو ناااخذ
لايغرج حتى انا مراات ودي اخذ اشيااء بس احتااار




nayswman
الله يعااافيج
ان شاءالله يستفيدووون من الموضووع

 

[فديت عيوني]

 

[نوور]

وااااااااااااااااااااااااااااااااو روعة
يسلمو حبيبتي

 

[Q8stylle]

مشكوره على الموضوع ويعطيج الف عافيه

 

[للحين ناطره]

مشكوووووووووووووووووووره والله انا شريت منهم ولعوزوني
الحين عرفتلهم
تسلمين حبيبتي

 

[زخارف]

موضوع مفيد -------------يعطيج العافية

 

[أم الغاااالية]

عفوا اخر شي شنو وسمه شفافه صح ؟؟؟؟؟؟؟؟؟؟؟ لاني شفت مرة بصالون نفس الطبقه من الدهن حطتها لي بعد الوسمه وااااااااااااااااااااي روووووووووووووعه اخاف تشبيه

 

[أم الغاااالية]

عفوا اخر شي شنو وسمه شفافه صح ؟؟؟؟؟؟؟؟؟؟؟ لاني شفت مرة بصالون نفس الطبقه من الدهن حطتها لي بعد الوسمه وااااااااااااااااااااي روووووووووووووعه اخاف تشبيه يسلموووو​

 

[MassComm]

مشكووووووووووووورة