شنو الافضل النظام البريطاني ولا الامريكي و ليش

[USA-Girl]

تكفوون بنات والله حدي محتاره ابي رايكم


مادري وين ادخل اعيالي نظام بريطاني ولا امريكي و ليش؟؟

انا محتاره للنقاط الاتيه
١- اعيالي مايتكلمون عربي الا قليل بس ان شاء الله ناويه اعلمهم هالسنه

٢- ودي بمكان مو مختلط و هم ماودي اظلم اعيالي لأن اغلب المدارس الزينه مختلطه

٣- ودي اب مدرسه فعلا اتطلع ناس فاهمه مو بس مؤسسه ربحيه

ياريت كل وحده تحط المدرسه اللي تحس انها زينه و ليش ؟

فيدوووني ربي ييسر لكم اموركم و يحفظ لكم اعيالكم​

 

[حرم_طيار]

شوفي اختي انا راح اقولج الفرق بأختصار
النظام الامريكي نظام مقرارت
النظام البريطاني نظام عامه

انا افضل نظام المقرارت احسه اسهل و اخف على الطالب انا بنتي امدخلتها abs مدرسه امريكيه ثنائيه اللغه فيها خلط بس للصف الخامس بعدها فصل

 

[miss_heathrow]

وايد اسمع ان النظام الامريكي سهل ومتهاون وايد وفري زياده عن اللزوم

اما الانجليزي منهج صعب وصارم ويطلع اجيال


يعني الامريكي تقدرين تقولين باللهجه العاميه
اما الانجليزي تقدرين تقولين لغه عربيه فصحى وقواعد

تقريبا هذا الوصف



انا بدخل بنتي نظام انجليزي .. اتوقع انه يادب وصارم اكثر مع انه صعب بس حازم ويربي اطفال صح

 

[dandooosh]

والله أنا من اللي سمعته أن النظام الامريكي يعتمد في التعليم على الانشطة واللعب >>> يعني وناسة للأطفال ومرح أكثر
أما النظام البريطاني فهو صارم أكثر ودراسة*دراسة
بس أنا انشالله بدخل ولدي نظام بريطاني لاني أعتقد أن أفضل ويخرج طلبة متعلمين صح + أرخص من النظام الامريكي (فرق بسيط)
وأنا بنت عمي بالجامعة الامريكية وتقول ان زملائها الطلبة اللي متخرجين من نظام بريطاني مستواهم أحسن من ناحية الكتابة والتعبير والمقالات من اللي من تخرجين من مدارس أمريكية :eh_s(15):

 

[حرم سي السيد]

البريطاني وايد أفضل

 

[mr000]

آنا ولدي بمدرسه أمريكيه غريد8 أحس إن المدارس البريطانيه تأسيسها أقوى.. بس آنا كنت خايفه أدخله مدرسه نظام بريطاني ويكون صعب عليه..في وايد ناس ماقدروا يتخرجون بمعدلات عاليه من المدارس البريطانيه واضطروا تالي يدخلون كليات أو معاهد دبلوم يعني موجامعاتأو بعضهم ودوهم أهلهم يدرسون بره على حسابهم... بس والله عن تجربه ترى كله يبيله دراسه ومجابل البريطاني والأمريكي خاصه من المتوسط والثانوي امتحاناتهم موسهله..وبالنسبه للفرق بين البريطاني والأمريكي مو دراسه جد ودراسه لعب.. لأ هو الفرق بنظام الأختبارات والتقييم الشهري وتجميع الدرجات يعني مثل ماقالت الأخت مثل العامه والمقررات..مثال ولدي ألحين بالنظام الأمريكي عنده اسبوعيا اختبارات وكويزات وأوبن بوك تست وتستات وبروجكتات وبوسترات يسوونها بالصف أو بالبيت ويسوي مجله عن الموضوع اللي قاعد يدرسه بهالشهر أو يسوي بحث وهالشغلات كلها تتجمع درجاتها حق الريبورت(التقرير أو الشهاده) بينما بالنظام البريطاني من الصف السادس مايدخل بالريبورت غير درجة الأختبارات الشهريه.. ويبتدون يعطونهم اختبارات توصل من بريطانيا وتتصلح في بريطانيا ويبعثون النتيجه للمدرسه يعني لادرجة بوستر ولابروجكت ماترفع درجاته بالريبورت..علشان جذي في ناس وايد يودون عيالهم مدارس بريطانيه بمرحة الروضه والأبتدائي لي الصف5 أو6 تالي ينقلونهم أمريكيه..وآنا كنت أتمنى لو سويت هالطريقه مع ولدي.. بس ماكنت فاهمه الفرق بين النظامين عدل..وعلى فكره لما الطالب ينتقل من مدرسه بريطانيه إلى أمريكيه ينزل صف ..90% من المدارس الأمريكيه تنزل الطالب صف..إلا قليل منهم..

 

[mr000]

أمهات حطوا في بالكم بالدرجه الأولى مستوى ذكاء الولد أو البنت وقدراته واستعداده أنه يقعد ويدرس وهم أنتي كبدايه بمرحلة الروضه والإبتدائي اتابعينه واتدرسينه حق الأمتحانات يعني سواء بريطاني أو أمريكي يعتمد على مذاكرة الطالب وشطارته وفي ناس تخرجوا من أمريكي متفوقين وناس تخرجوا من بريطاني بمعدلات ضعيفه ... وايد ناس فاهمه إن اللي يدخلون مدارس خاصه مايدرسون وايد في البيت ويخلصون واجباتهم بالمدرسه..آنا جربت 3 مدارس كلها فيها واجبات ودراسه بالبيت..وبالنسبه للجامعه آنا ولدي كان متخرج من الحكومه ويدرس بالطب ومعاه طلبه من مدارس خاصه اللي كان مساعدهم بس اللغه بينما بالرياضيات والفيزيا والكيميا بعضهم ماكانوا شطار..يعني ولدي اللي ياي من الحكومه يعرف الرياضيات والفيزيا أحسن منهم.. بس هو شجعني إني أدخل أخوه مدرسه خاصه علشان اللغه وايد تساعد في دراسة التخصصات العلميه بالجامعه.. طلبة الحكومه تعيقهم اللغه..فجأه يلاقون كل المواد بالطب والهندسه والكمبيوتر والعلوم كلها بالأنجليزي بالجامعه..فيصير الجهد عليهم مضاعف بالدراسه..أو حتى لما بيدرسون بالخارج اللغه تساعدهم وتسهل عليهم الدراسه..

 

[الكـ صمتـ ــلام]

آنا ولدي بمدرسه أمريكيه غريد8 أحس إن المدارس البريطانيه تأسيسها أقوى.. بس آنا كنت خايفه أدخله مدرسه نظام بريطاني ويكون صعب عليه..في وايد ناس ماقدروا يتخرجون بمعدلات عاليه من المدارس البريطانيه واضطروا تالي يدخلون كليات أو معاهد دبلوم يعني موجامعاتأو بعضهم ودوهم أهلهم يدرسون بره على حسابهم... بس والله عن تجربه ترى كله يبيله دراسه ومجابل البريطاني والأمريكي خاصه من المتوسط والثانوي امتحاناتهم موسهله..وبالنسبه للفرق بين البريطاني والأمريكي مو دراسه جد ودراسه لعب.. لأ هو الفرق بنظام الأختبارات والتقييم الشهري وتجميع الدرجات يعني مثل ماقالت الأخت مثل العامه والمقررات..مثال ولدي ألحين بالنظام الأمريكي عنده اسبوعيا اختبارات وكويزات وأوبن بوك تست وتستات وبروجكتات وبوسترات يسوونها بالصف أو بالبيت ويسوي مجله عن الموضوع اللي قاعد يدرسه بهالشهر أو يسوي بحث وهالشغلات كلها تتجمع درجاتها حق الريبورت(التقرير أو الشهاده) بينما بالنظام البريطاني من الصف السادس مايدخل بالريبورت غير درجة الأختبارات الشهريه.. ويبتدون يعطونهم اختبارات توصل من بريطانيا وتتصلح في بريطانيا ويبعثون النتيجه للمدرسه يعني لادرجة بوستر ولابروجكت ماترفع درجاته بالريبورت..علشان جذي في ناس وايد يودون عيالهم مدارس بريطانيه بمرحة الروضه والأبتدائي لي الصف5 أو6 تالي ينقلونهم أمريكيه..وآنا كنت أتمنى لو سويت هالطريقه مع ولدي.. بس ماكنت فاهمه الفرق بين النظامين عدل..وعلى فكره لما الطالب ينتقل من مدرسه بريطانيه إلى أمريكيه ينزل صف ..90% من المدارس الأمريكيه تنزل الطالب صف..إلا قليل منهم..

حبي اعتقد النظام الامريكي ينزل صف اذا كان داخل نظام بريطاني البحت يعني عمره صغير والصف اعلى من عمره ان شالله تكونين فهمتيني؟بس اعتقد اللي داخل نظام بريطاني وماشي حسب العمر مو مصعدينه صف هذا ماينزل بالامريكي عدل ولا انا غلطانه؟؟​

 

[mr000]

أختي صمت الكلام والله آنا مادري صديقتي بقت تنقل ولدهامن البريطانيه لي العالميه الأمريكيه قالولها راح ينزل صف وبنت عمي نقلت بناتها من الأنجليزيه للبنات ودتهم الأمريكيه مالت فايزه الخرافي نزلوهم صف..بس عندج مثلا التكامل ماتنزل صف.. هو عموما خل أقول لج ليش.. بالنظام البريطاني عندهم كي جي 1 بعدين ريسيبشن ماكو كي جي 2 وتلاقينهم بالريسيبشن يدرسون جنهم غريد 1 وتالي بغريد 1 يدرسون مايعادل غريد 2 بالأمريكي..يعني آنا ولدي كان بغريد 3 بمدرسه أمريكيه ونفس الي قاعد ياخذه بالرياضيات كان ولد صديقتي قاعد ياخذه بالخليج بغريد2 عالكورس الثاني..بس مادري إذا كانوا بالمدارس الأمريكيه ياخذون بالأعتبار عمر الطالب يعني إذا موصغير ماينزلونه صف.. والله ماأعتقد لأنه بنت عمي قالولها عن بناتها لازم ينزلون صف مع انهم ناجحين متفوقين..يعني حرام يعيدون السنه..