شنو الاشياء الي نسويها وتسهل الولادة باذن الله

[انوارQ8]

أنا جربت الخروع كنت احطا مع عصير السانكيست عشان ماحس بطعما صج لوعه بالقصب ينشرب بس يسهل الولاده بإذن الله

 

[shy rose]

انا شربت حلبة من بداية التاسع
ولما جاني الطلق شربت كف مريم مع الادعيه مطلعتها من النت
وكانت ولادتي سهلة بفضل الله ..

 

[● عـِـِـِزۈة آخ‘ـَـۈاْنـهـآ «-~]

انا بجرريه

بس كلهم قالولي ان التمر يحمي الطلق
حتى في حديث عن الرسول صلى الله عليه وسلم
ماني ذاكرته حرفياً بس معناه اللي تكثر تمر يكون جنينها
حليم سبحان الله


والله يهوون عليناا

 

[om_3azoz]

حبيبتي الولاده سهاله من رب العالمين

وبعدين انا ماكو شي ماشربته من زعتر ودارسين وزعفران وكنت امشي

وشربت خروع 3 مرات ههههه ولاسوالي ولا شي


متى مالله كتب انه ينزل البيبي بينزل

 

[متوترة]

الله يسهل للجميع يارب

التمر الرطب الييين مو القاسي هو الي يسهل الولاده باذن الله


والله كريم

 

[المها الابيض]

الدعاء ثم الدعاء ثم الدعاء
الاستغفار
حلبه كوب يوميا
الرطب
الانناس
المشي
الجماع اللي اهو السائل المنوي يساعد على فتح الرحم
والله يسهل علينا يااااارب



اللهم إني أسألك هون الطلق وحسن الخلق

 

[* مهاوي *]

الله يسهل عليكم بنات

انا اعرف القهوه النيه امي تطبخها بدون ماتحمسها
وتحطها بمطاره ساعة الولاده والله عن تجربه من
تشربينها يولع الطلق وتحسين التقلصات تزيد وتصير ورا
بعض وبسرعه يطيح البيبي والله عن تجربه كل خواتي
استفادو منها
والاناناس هم قوي وحار ع الرحم انا اذكر لما كليته وانا توني
داشه التاسع اول يوم بالتاسع نزل ماي البيبي تكرمون وع طول
رحت المستشفي لما سالتني الدكتوره وقلت لها اناناس جان
تقولي انتي مينونه منو تاكل اناناس ومافيها ولاده
الحين نزل الماي خلاص لازم تولدين ولاده مبكره استغربت
مبكره وانا اول يوم بالتاسع المهم ولدت طبيعي وانفتح الرحم
قبل ماتييني امي ومالحقت ع قهوتها 

 

[مفرفشة ومنعنشة]

يالله هون الطلق وحسن الخلق

 

[بنت الاحلام]

انا سمعت ان الجماع بالشهر الاخير يساعد علي الولاه

وورفيجتي قالت لي انها قرت سوره ياسين واهي تولد ما حست بشي سبحان الله

واختي تقول تنقع تمر بماي حار وتشربه

 

[قشطة بعسل]

قلبتوا علينا المواجع والله اللهم لك الحمد والشكر
الله يسهل عل كل حامل يارب وتولد وهيه تضحك يارب سهل
عاد ذكرتوني كنت حاطه ماي زمزم وفيه زعفران اول مادشيت التاسع ولما جاني الطلق نسيته فالبيت ههههههههه شي موه
وحده شربة خروع والله يعينها سوتها وهيه بالولاده (~_~) الله يعينهاااااااا موقف صعب الصراحه

الله يرزق الجميع يارب ولا يحرم مسلمه من ألم الولاده ويسهل عل الجميع إن شاءالله

 

[*امووونه*]

بنات نبي شي مجرب وفاد وياكم

 

[star girl]

الله يسهل على الكل يا رب

 

[شوكلاتة سويسرية]

لا يوقف

 

[q8helwa]

الدعاااااااااااااء

 

[دلووعة أهلهاا]

انزين بنات صج الوحده اول ماتحس بالطلوق مايصير تأكل شي عشان مايعورها بطني بالطلق وتسويها عندهم؟
واشلون اعرف اذاالرحم مفتوح؟؟

 

[مفرفشة ومنعنشة]

أنا الي سمعته اذا حسيني بالطلق اكلي تمر يقولون بإذن الله يعطيك طاقة ويسهل الولادة
بس للأمانة أنا ما جربته

 

[بيت التوت]

انا جربت الدارسين بولادتين

اول ولاده كنت آكل تمر واشرب دارسين من اول التاسع وسبحان الله ياني الطلق
ساعه وحده وانا والده (بس سببلي نزيف الدارسين قبل الولاده)

بولادتي الثانيه مثل الشي من اول التاسع اشرب دارسين
(وهم سببلي نزيف بس بعد الولاده) يعني ولدة وخيطوني وبعده نزفت دم وايد الدكتوره استغربت ليش النزيف صار
تعذبت والله
نصيحه بنات ابعدو عن الدارسين وانا كنت اقرا عنه انه يسبب نزيف بس ماكنت اصدق
ليما اللي صارلي
بولادتي الثانيه وبمكن اكون انا كثرت منه ! او اكن شاربته والرحم فاتح بس سانتي واحد الله اعلم

انتبهو بنات لاطبقون اي شي
توكلو علي الله اكلو تمر وكثرو دعاءوستغفار والله يهون علينا يارب

 

[أبله هنوف]

رفع

 

[إباء الروح]

قالت لي الدكتورة
كثروا جماع بعد ماتاخذين اسبوعين من التاسع...

 

[مفرفشة ومنعنشة]

رفع