شنو الاشياء الي تقلل من امتصاص الحديد والكالسيوم والاشياء الي تساعد على الامتصاص ؟

[يااسمينه]

السلام عليكم
انا في بداية الثالث والدكتوره وصفت لي الحديد والكالسيوم وقالت لي اترك حمض الفوليك..بالنسبه للحديد انا جسمي صعب يمتص الحديد لان معاي جي سكس بي دي ابي اعرف هل الحليب يقلل من امتصاص الحديد؟لان الدكتوره قالت لي اشرب الحديد الصبح والكالسيوم الليل واشرب مع الحديد برتقال فمتى اشرب عصير البرتقال قبل الحبه والا بعد ماشرب الحبه وانا في كل الاحوال اول الصبح اشرب حليب وكذالك الكالسيوم شنو الاشياء الي تقلل من امتصاصه والعكس؟والله يعطيكم العافيه

 

[Tame]

أنا اللي اعرفه الحليب يقلل الامتصاص للحبوب فلازم تخلين فتره بينهم حتى حبوب الكالسيوم لاتاكلينه نفس الوقت مع حبوب ثانيه خلي فتره بينهم يفضل كم ساعه لان الكالسيوم يسوي غلاف على الحبه فمايستفيد منه الجسم
ولازم تأكلون الحبوب مع ماي فاتر او عصير برتقال لان يساعد على الامتصاص
وعادي شربيه اي وقت عاااادي
بس ماعرف اذا يصير تاخذين الكالسيوم مع الحليب خليه وقت 2 افضل *

 

[afaf]

انشالله بناااااااااات بفيدوكي واماتشوفي شررر

 

[يااسمينه]

الف شكر
اذا اشرب الحليب الساعه 9 الصبح متى اجل اخذ الكالسيوم والحديد لازم بينهم فاصل كم ساعه الدكتوره قالت لي الحديد في الصبح والكالسيوم في الليل يعني فاصل كبير بينهم لكني عكست لان اشرب الحليب في الصبح مايصير اشرب معاه الحديد؟وحبوب الحديد والكالسيوم لازم اشربهم بعد الاكل لذالك صرت اشرب الكالسيوم مع الحليب وبعد الفطور لاني لو بأجله للغذاء مابيصير فاصل كبير بينه وبين الحديد؟

 

[الرحيق]

أجر وعافيه عليج ..
حبيبتي سإلي دكتورتج وايد افضل ..
والجي سكس بي دي .. يحتاج رعايه ..
انتبهي لنفسج ..
ولا باس طهور ان شاء الله

 

[om MaRyooM]

على فكرة الكالسيوم كل يوم يأذي الجهاز الهضمي فلازم تكثرين ماااااي وايد وهذي سالي فيها اي دكتور .. وعموما للحامل ماينصحون الكالسيوم بروووحه لأن يسبب امساك بعد


عموما

اللي يمنع امتصاص الكالسيوم كثرة المنبهات والكافيين .. يعني الجاي القهوة الككاو الببسي هذيلة يقللون فايدة الكالسيوم للجسم

اما الاشياء اللس تساعد على امتصاص الحديد او الكالسيوم الاكل الصحي بشكل عام خصوصا الخضاار (السلطة) وعصيرالحمضيات يعني برتقال ليمون جذي

 

[Lady-_-fushia]

مادري اذا اقدر افيدج
لان ماعرف عن الشغله اللي فيج
بس شربي عصير برتقال مع الريوق واخذي الحديد والعصر شربي حليب مو لازم مع اكل او كيفج بدليه بلبن مع الغدا
وباليل عالعشى اخذي الكالسيوم مع ماي و طبعا لازم ورا الاكل واتوقع العصير تشربينه قبل الحبه او شربي وخلي اخر شي منه و اخذي الحبه
كلش كلش سالي دكتورتج او دكتورج الي تراجعين عنده

 

[om 7amoodi]

فيتامين سي يزيد امتصاص الحديد يعني عصير البرتقال او اي شي فيه فيتامين سي وايد زين مع الحديد ، بس الكالسيوم يقلل امتصاص الحديد عشان جذي لازم تخلين فاصل بينهم و تاخذين حبة الكالسيوم مع اي وجبة ثانية

 

[يااسمينه]

الله يعطيكم العافيه حبيباتي ماقصرتوا الف شكر