شنو الاسأله اللي لازم أسالها؟

[كنافه]

اليوم درت على المارس الخاصه واحس اني ما عرفت استفسر عن شي:s141:

يعني شنو الاساله اللي لازم اسالها علشان اقدر اقارن بين المدارس؟

ابي اعرف اهم الاساله؟ مشالله في بنات يسالون عن كل شي كل شي , تطلع مفصفصه المدرسه تفصفص . _03BA:

شنو الفرق بين النظام الامريكي والبريطاني؟ :080402ask_prv:

انا ماحب المدارس الاجنبيه البجته اللي يحتفلون باعياد المسيح والهالوين والثانكس كفن هذي اشياء دخيله على مجتمعنا :klhfl: ولا ابي مختلط :gathering:باجر تيني بنتي وتعرفني على رفيجها :friends:

ابي خبرتكم الله يخليكم :e3:

 

[مفرفشة ومنعنشة]

اول شي تسالين عن الادارة ومنو ماسك المدرسة لأن اذا كانت الادارة زينة فالمدرسة انشاءالله بتكون زينه
وبعدين سألي عن مواعيد العطل مع وزارة التربية ولا لأ ؟
سألي عن نظام التدريس مختلط ولا لأ ؟
طلبي انج تشوفين الكتب ويشرحون لج المنهج - باختصار طبعا - وشنو المواد الي يدرسونها بالانجليزي وشنو المواد الي بالعربي - هذا طبعا اذا كانت المدرسة ثنائية
وافتري على الصفوف وشوفي الحمامات وانتي بكرامة
متى يبدى الدوام ومتى يخلص ؟
وبالنسبة للنظام الامريكي والبريطاني
حسب معلوماتي ..............
النظام البريطاني ....... نظام شديد يعلم الطلبة الالتزام والانظباط وتدريسهم ومناهجهم اعتقد هم صعبة وقوية
النظام الامريكي ......... يخلون الطالب يعبر عن نفسه وعن شخصيته وفي مدارس تتبع اسلوب التدريس عن طريق اللعب
اتمنى اني اكون فدتج والله يوفقج

 

[كويتية أصيله]

السلام عليكم .

أختي كنافه أهم سؤال لازم تسألينه المدرسين شنو جناسيهم وبالنسبه للغه الأجليزيه ناطقين بها ولا لأ ؟
تسألين عن مؤهلات المدسين العلميه لأن بأواخر السنين قامو المدارس يحولون مساعدات الصف إلي مدرسات لتوفير المادي ... وشكرا

 

[كنافه]

مشكوره مفرفشه ومنعنشه صج بردتي جبدي بالاساله

انا لما رحت سالت عن المنهج!

وعن المواد اللي يدرسونها بالعربي واللي بالنجليزي

وعن جنسيات المدرسين! وسالتهم عن العطل ! وفتريت على الصفوف

بس ماشفت كتبهم لاني ابي روضه ف ماعندهم كتب , فاذا بيشرحولي عن المنهج ! اطلب منهج الابتدائي؟ يعني اشوف الكتب؟


انا رحت كذا مدرسه

الحياة حق د ابراهيم الخليفي................
منهج امريكي _ العطل تتوافق مع عطل التربيه _ مختلط لي رابع ابتدائي ويعدين يفصلونهم_ الدوام حق الروضه من 7.30 لي 1

انطباعي عنها<<<<

ماعجبني المبنى احسها مقمه والروضه صفوفهم بالسرداب والساحه صغيره
الحمامات موذاك الزود _ وماكو فراشه حق كل صف, لأ فراشه حق كل 3 صفوف_ ومافيها كويتين وايد



التكامل.............
منهج امريكي_العطل مع التربيه_ نختلط لي 3 ابتدائي_ الدوام من 7.30 لي 12.45 _التدريس لي جريد 5 مدرسه وحده تدرسهم كل المواد ومعاها مدرس مساعد ومن المتوسطه لي الثانوي مدرسين حق كل المواد يعني كل ماده لها مدرسها _ فرصه للصلاة

انطباعي عنها<<<<
مكانهم بصباح السالم وماكو زحمه والمبنى بوسط براحه يعني ماتتقلقصين بين الزحمه_ اول مادخلت انشرح صدري من الرسبشن الموظفات محتشمات ومتحجبات وكويتيات يهبلون والمكان راقي _ بصراحه مادخلت لانه كان عندهم وفد ف ماقدرت ادور واسعارها ارخص من الحياة

الامريكيه الدوليه ais .............
منهج امريكي والعربي نفس منهج الحكومه _ مختلط_ المدرسين امريكان وكنديين_

انطباعي عنها<<<<

مكانهم مقلقص في ميدان حولي والمدرسه كبيره _ بصراحه ضاق خلقي لما شفت البنات يتمشون مع الصبيان_ كلها عوايل _ المدرسه قديمه _ ماعجبتني


الكويت العالميه الانجليزيه....
منهج قومي لانجلترا_ برنامج كامبريدج الابتدائي الدولي_ مختلط_ يتخرج الطالب قبل اللي بعمره (بسنه)_ماعندهم سقوط ولا دور اني , يعني اذا سقط عادي يخلونه يكمل بس يشدون عليه ( انا ماعجبتني طريقته يعني اذا يه يتخرج ياكلها لانه راح يعيد المواد اللي سقط فيها لانه لازم اييب مجموع )

انطباعي عنها<<<<
مكانهم مقلقص وبعز زحمة حولي _ مافيها كويتين وايد اغلبهم زلمات وحتى اليهال شكلهم موطبيعين جنه فيهم شي يعني احسهم موصاحين_ نضام شديد وصارم_ ولبس المدرسات والموضفات فاضح غير محتشم يعني اللي بالاستقبال نص صدرها بالسكه اللي زوجي نقد عليها قال شهالاشكال الوصخه _ ماحبيتها




كويتيه اصيله مشكوره حبيبتي على مشاركتج الطيبه

 

[زوزو الحلوه]

شفتي مدرسه الخليج في السالميه نظام انجليزي معتمد من بريطانيا رسومها أأأأأأأ غاليه
شوفي مدرسه الدانه ثنائيه اللغه نظام امريكي بسلوى يبون ينقلون مادري وين يقولون حلوه ومادري جم رسومها
والمعالي ثنائيه اللغه نظام امريكي برميثيه راح ينقلون الفروانيه وايد زينه ورسومها وايد مناسبه هم شوفيها