شنو الاحلى تايلاند ولا ماليزيا من ناحية ....

[MyLittleBerry]

حبوبه شوفي تبين بضاعه جناط تقليد روحي السوق الصيني وكاسريهم اشكال والوان من الجناط التقليد ورخيص وعندج بشارع العرب مجمع اسمه بي بي بلازا هم فيه جناط ومجمع lot 10اهم يم بعض ومجمع kl plaza كلهم بشارع العرب ورخاص فيهم جناط وملابس اطفال والكترونيات واكسسوارات ومكياج وعندج مجمع سوقو وعندج مجمع ميغا مول بس هذا مو بشارع العرب فيه اكسسوارات وساعات وجناط وعندهم الغالي والرخيص ومجمع التونز تور الي اهو برج التوأم بس هذا غالي فيه ماركات
وعندج مجمع تايم سكوير اهو فندق وفيه مجمع طوابق رخيص جناط وشحاطات وبخور وداخلي وقمصان نوم
ماليزيا سوقها مو طبيعي

تقصدين تايلاند ولا ماليزيا؟

 

[مـطـر صـيـف]

حبوبتي ماليزيا صج روعه روعه



عندج اماكن وايد حلوه مثل برج التوأم ومصنع الكاكاو ومصنع

الحرير ومصنع الجلود ومصنع المجوهرات وغير جذي عندج مجمعاتهم

وايد وايد حلوه مثل مجمع سيغي وانغ وايد رخيص وبضاعته حلوه

ونظيفه بس حبوبه اذا قصدج تقليد ماركات ترا كلش ما مر علي

بس بضاعتهم وايد وايد حلو وعندج مجمع لوت تن


وبعد بالنسبه للاماكن الترفيهيه عندج حديقة الفراشات

وحديقة الزهور صج صج وناسه


وانصحج بفندق ميكاسا حتى القعده فيه ترد الروح

وعندج مجمع روعه اسمه ماينز تمشي رهيب وتحت

بالسرداب تلاقين قارب ياخذج يمشيج على النهر

اذكر لما رحنا بلش فيني اللي يسوق وقال لي

اني امشي القارب لووول بس حده عجيب


ماليزيا روعه ورخيصه فوق ما تتصورين



والا انسى اقول لج اذا رحتي سألي عن

عدساتهم اسمها فريش كون اذا تحبين

العدسات لا يطوفونج ترى رهيبين حدهم

وقيمتهم ما تيي حتى خمس دنانير


والله يهنيج بسفرتج





اتمنى اني افدتج




مـــطـــر صـــييــــف