شنو الاحلى تايلاند ولا ماليزيا من ناحية ....

[MyLittleBerry]

انا رحت تايلاند حلوه ماشاءالله

سوقها روووووووووووووووووعه

ابي اعرف ماليزيا نفس تايلاند ؟

سوقها نفس تايلاند؟

شنو الاسوقه المميزه اللي في ماليزيا ورخيصه نفس طقة الام بي كي حق البضاعه


ووين الطبيعه عندهم في ماليزيا والمناطق المميزه

والمناطق اللي فيها اماكن سياحيه وترفيهيه؟

وشاكره لكم

 

[toot^o^mishmish]

شوفي تايلند ماتشبعين منها على وصاختها وريحتها حلوووووووووووووووة بس ماليزيا الحلو فيها انها انظف ومجمعاتها اكثر ما تخلصين بس اغلى بوااايد بس الحلو فيها انج اتحصلين ملابس يهال كشة بعكس تايلند مالقيت حق عيالي الا من سيام براقون
وفنادق ماليزيا واااااايد فخمة ...
وعندج بماليزيا فرصة انج تنتقلين من منطقة لي منطقة وكل وحدة شكل ...مثل السن واي لاقون اهوا برا شوي عن السنتر بس كل شي فيه وهند الجنتنغ (الجبل )صراحة روعة انج تنامين فوق بالجبل وفنادقهم مو طبيعية ....

(بس هم تايلند عندي غييييييييييير)
الحجي عن هالديرتين مايخلص اي شي يطري في بالج بس قولي ومالج الا طيبة الخاطر ...

 

[MyLittleBerry]

انزين شنو المناطق المشهوره عندهم

يعني تايلاند المشهورين بوكيت اللي ماعجبتني وبانكوك العاصمه حق التسوق

وماليزيا شلون؟

جوهم نفس تايلاند؟

احلى مجمع هناك؟

وين تمركز المناطق الترفيهيه والالعاب حق اليهال لازم لهم نصيب

منطقه مشهوره بالطبيعه فيها شلالات و......

 

[alhaymaa]

:edbf4317b9:

مساء الخير
انا رايحه ماليزيا 3مرات وافكر اروحلها هالصيف..بصراحه ماليزيا روعه شويه عليها من كل ناحيه بس حبيت اضيف شغله مهمه انا بحياتي مازرتها بالصيف..زرتها بالكريسماس مرتين ومره بشهر فبراير..ماكو شغل:dddds:
الحلو بماليزيا انها دوله مسلمه وانتي تتمشين تسمعين الاذان شيء يشرح الصدر
هم بقولج اني انا اروح انا وزوجي بس..وهالسنه افكر اخذ بنتي(4سنين عمرها) الل يحفظها ويصلحها

لو حابه اي استفسار انا حاضر وممنونه ولو تبين اظبطلج الرحله حق هالصيف انا حاضر زوجي صاحب مكتب سفرياات...والله يوفق الجميع انشالله​

 

[أم حسون]

السلام عليكم ماليزيا تهبل كل شي فيها حلو ورخيصه حيل حيل سنواي لاقون وايد حلوه والمجمعات اللي فيها تهبل وعندج بينانج تهبل جززيره فيها هالمجمعات والحدايق ومصنع الككاو وعندج كوالالمبور هم تهبل اذا تبين التفاصيل راسليني عالخاص

 

[aa7zan]

طبعا ماليزيا سوقها واااااايد احلى من تايلند هل ديره اللي صج سوقها عجيييييب وجوها انظف من جو تايلند ولازم تروحين سنواي لاقون وجنتنق هذي جزيره بس عجيبه بي سوقها ترا ماينمل منه وارخص من تايلند ترا وارقى

 

[ريمه الكويت]

انا رحت تايلند مره وماليزيا3 مرات ماليزيا احلى وايد من تايلند تايلند حدج تقعدين فيها 3 او4 ايام اما ماليزيا تقدرين تقعدين فيها اسبوعين واكثر ماتملين فيها وايد مناطق وجبال اخر مره رحت الكاميرون عجبتني الطبيعه فيها صج مافيها سوقه بس كافي الجو براد والمطر وجبال الشاي والورد وايد تريح النفسيه بس لاتقعدين بهالمنطقه اكثر من 3 ايام تملين لانها منطقه صغيره ومحدوده وعندج جنتج وسن واي لاقون وبيينج وترا فيه وايد مناطق سياحيه موطايحين عليها كلها طبيعه\\

والجو ترا نفس تايلند رطوبه ومطر بس المناطق الجبليه برد واذا على السوقه تحصلين اكثرها بالعاصمه كوالالمبور متروسه اسواق كل شي فيها الاسواق الراقيه والشعبيه

 

[MyLittleBerry]

بعاصمة ماليزيا

شنو احلى واحسن واقرب فندق على الاسوقه ؟

ووين احصل جنط التقليد عندهم بسعر رخيص حق البضاعه لازم

 

[manoor01]

اعتقد تحصلين التقليد بسوق الصيني بكوالاللمبور

الجو نفس تايلند بس السوق انا عندي تايلند احلي وارخص بكثير

ماليزيا انظف من تايلند
تايلند ارخص فنادقها من ماليزيا

منطقه جنتنق بارده بس حدها يومين

جزيره لنقاوي حاره وخايسه موشي كلش

اما جزيره بينينق حلوه حيل وونيسه وحتي سوقتها حلوه
_03ba:

 

[toot^o^mishmish]

نصيحة بالنسبة حق داخل كوالالمبور انصحج بالماريوت وفندق تريدرز روعة وعندج بعد برجايا تايم سكوير وهم ريتز هذا راقي حيل

 

[knooz]

و الله انا رحت ماليزيا وايد اتيين و الطبيعه إلي فيها شي فوق الخيال اطالعين الخضار من الطياره و الشعب حده يهبل و حبوبين و المجمعات وايد و فيها اماكن سياحيه شكثر ما تخلصين منها نصيحه روحي ماليزيا و ماراح تتحسفين كلش على الاقل غيري انتي رحتي تايلند فروحي هالمره ماليزياما راح تندمين كلش

 

[أمانيQ8]

ماليزيا اجمل
اسلاميه تسمعين فيها عالاقل اذان نظيفه مو هلاقه مثل تايلاند ارتاح فيها نفسيا عكس الغبرا تايلاند
ماليزيا فيها مجمعات ما اتخلص كل مجمع يبيله يومين

 

[MyLittleBerry]

ماليزيا اجمل
اسلاميه تسمعين فيها عالاقل اذان نظيفه مو هلاقه مثل تايلاند ارتاح فيها نفسيا عكس الغبرا تايلاند
ماليزيا فيها مجمعات ما اتخلص كل مجمع يبيله يومين

انزين كوالالمبور شكثر يبله الواحد يقعد فيها حق السوقه والاماكن الترفيهيه؟

واي منطقه ثانيه حلوه نروحلها؟ هم فيها اماكن سياحيه وطبيعه وسوقه

مانشبع من السوق:dddds:

 

[نورالدنيا***]

انا رحت ماليزيا 4 مرات وتايلند 5 مرات بس مافي اطيب من التايلنديين

ماليزيا حلوة وراقيه حيييل بالنسبه لتايلند مع اني لاحظت انها انظفت وتغيرت حييل بالسنتين الاخيرتين

روحي بوكت تنجي واااااااااااااااااااااااااااااااااااااو القلعه الفرنسيه جنه والله تقولين عيل الجنه اشلون صايرة الغرف تطل عالجبال وتحت بحيرات البجع

تايلند اامن من ماليزيا والله الماليزيين حراميه صايرين يدخلون علينا واحنا نايميين حطوا القفل وانتوا نايمين مابي اخرعج بس الحرص

التايلندين اعتقد لاحظتي انهم طيبين ومرحبين عكس الماليزين صايرين انفوسهم خايسه ومالهم خلق انا كل سنه اشبك تايلند وماليزيا ويا بعض بس مياليزيا مافكر فيها حاليا صايرة زحمه وكله عرب وخليجين بس اذا ما رحتي روحي اخذي فكرة عنها وغيري عن تايلند بس تايلند ماينمل منها واااااااااااااااااااااي اشتقت لها

 

[MyLittleBerry]

انا سفرتي انشاءالله بتكون على المدارس يعني مافيها عرب

وناويه اروح ماليزيا لاني رحت تايلند

شنو قصدج بوكت والقلعه الفرسيه ؟ وين صاير هذا

انا رحت بوكت في تايلاند ماعجبتني

مافيها شي

 

[بنات حواء2]

طبعنماليزيا مافيها روح تعال
اول شي دوله مسلمه على الاقل تمشين و اتي لابسه احجابج محد يطالعج في نظرة استحقار و الله انه اخوي يسولف يقول انه مايعاملونه عدل لمن يكون مع مرته ليش لابسه حجاب و لمن يكون بروحه كلشي تمام
حسبي الله عليهم بدامهم مايبون المسلمين ليش نروحلهم و نربحهم في السياحه و التجاره عمى بعينهم
روحي ماليزيا تسمعين الاذان يشرح صدرج و تمشبن بينهم و الكل يحترمج
و حلو ه فيها وايد اماكن

 

[MyLittleBerry]

كلامكم حلو وريحني

انزين ماليزيا شنو المجمعات الحلوه فيها واللي اسعارها زينه ورخيصه تدرون الواحد لما يسافر يبي يشتري وايد اشياء ويبتعد عن الغالي

وابي اييب بضاعه بعد

 

[malekatsabaa]

ماليزيا مجمعاتها احلى وارقى وحتى الناس ذربه ومحترمه..وما تلقين فيها نفس ام بي كي

وما اعتقد تقدرين اتييبين بضاعه من ماليزيا الا من سوق الليل تشاينا تاون اما المجمعات ما شفت فيها اشياء غريبه

بس حلوه تتسوقين فيها لج .. وتقريبا كل مجمعاتهم نفس الشي اذا ناويه على بضاعه احسنلج مري تايلند 3 أيام بالرده!!

 

[MyLittleBerry]

ممكن تفيدوني اكثر

 

[brettey]

حبوبه شوفي تبين بضاعه جناط تقليد روحي السوق الصيني وكاسريهم اشكال والوان من الجناط التقليد ورخيص وعندج بشارع العرب مجمع اسمه بي بي بلازا هم فيه جناط ومجمع lot 10اهم يم بعض ومجمع kl plaza كلهم بشارع العرب ورخاص فيهم جناط وملابس اطفال والكترونيات واكسسوارات ومكياج وعندج مجمع سوقو وعندج مجمع ميغا مول بس هذا مو بشارع العرب فيه اكسسوارات وساعات وجناط وعندهم الغالي والرخيص ومجمع التونز تور الي اهو برج التوأم بس هذا غالي فيه ماركات
وعندج مجمع تايم سكوير اهو فندق وفيه مجمع طوابق رخيص جناط وشحاطات وبخور وداخلي وقمصان نوم
ماليزيا سوقها مو طبيعي