شنو الأغراض اللي يحتاجها المسافر من الجمعية و الصيدلية ؟

[قهوة عربية]

خوووش موضوع ...الله يلبسكم العافية

لاتنسين الكلينكس المعطر ....واايد يفيدج ....
ساعة منبه ...ومواعيد الصلاة في البلد اللي بتسافرين فيها
بوصلة الصلاة

أنا العام لما رحت ماليزيا ...وبما انها بلد اسلامية ....خذيت معاي كل الكتيبات والأدعية والمصاحف الصغيرة اللي تيينا صوغة من الحج والعمرة ووزعتها هناك ....كل ماركبت تاكسي أو أجرنا سيارة عطيت السايق منهم ...حتى أشرطة القرآن ..وإن شاء الله لج الأجر في توزيعهم


بعد الشراشف الخفيفة والمخاد ..وقطيهم هناك

أكياس الزبالة( أسود وأبيض )

فحم وبخور ومبخر وولاعة البخور

شمسية ....وااااايد مطر بماليزيا

الصابون الصغير اللي جنه قرطاس ...تلقينه عند الشايع أشكال وأرناق

حق الريوق لاتنسين الشابورة وجبن الجرة لأنه ماينكسر

....ايه تذكرت ...الفوط الصحية الخفيفة ...( مو حق الدورة ) ....لا الثانية عشان ..ساعات اليوم كله تكونون بره ..فيسهل تغييرها


بعد شنو ياربي .......ايه مقص وجلاليب حق الشيلات لاتنسينهم


حتى الغسول الطبي للمنطقة الحساسة لاتنسينه

طبعا كريمات الوجه المتعودة عليهم وكريمات الجسم وكريمات الأرجل ...

مفرش نايلون للسفرة ...سكينة ( وااايد بتحتاجينها ) - مفكاكة للعلب

شاحن تلفون

وإذا تذكرت شي رديت

 

[&رعبوووبه&]

ما شاء الله البنات ما خلو شي بس انا عانيت بماليزيا من نعال الحمام عزكم الله ما يحطون لج بس شريته مناك

 

[um-naser]

السلام عليكم بنات--أنا عن نفسي كل الأشياء اللي قلتوها أخذها وياي بس أهم شي أوراق التواليت وانتو بكرامة وكلينكس الديتول طبعا وأخذ وياي شراشف قديمة أو رخيصة علشان أستخدمهم هناك وبعدين أقطهم لأني بصراحة ما أحب أنام بفراش 100 ألف واحد نايم فيه حتى لو نظيف-ونصيحة حق اللي عندها أطفال يحبون أو يقعدون على الأرض تاخذين وياج كنبل خفيف من اللي ينباعون في تروفاليو علشان تفرشينه على الأرض في غرفة الفندق أو الشقة وينفع ان تقعدين عليه وقت الأكل اذا كنتو كم واحد واذا بتردين خليه هناك مو حسافة

 

[عذب الكلام]

تروحين وتردين بالسلاامه ان شاء الله وبحفظ رب العالمين والصراحه بالنسبه لسؤالج طبعاا اهم شي راح اخذه اهى الادويه لان اكيد راح يتغير الجو على اليهال ولازم ناخذ احتياطاتنا وحبيت اقولج شغله بعد اذا كانوا عيالج الله يخليهم لج صغاار واايد يعني اعمارهم سنتين سنتين ونص اخذى معاج غيارات ملابس عشان لو وصخوو ملابسهم او اى شي يكن عندج احتياط وبالسلاامه ان شاء الله

 

[درابيل]

موضوع روعة الله يعطيكم العافية


كفيتوا ووفيتوا

 

[نفيشه]

خوش موضوع


ماخليتوا شي لا اله الا الله
بس انا تذكرت المروحة الصغيرة اللي على بطاريه تنباع بالجمعيات
لان ماليزيا رطوبه وحر فراح تنفعكم

وحق اليهال جيم بوياتهم عن الحنة واللوية

 

[بنك بااستا]

اب اب ومنكم نستفيد